|
مآ رأيك بمآ تقدمه القنآه الريآضيه السعوديه من ( دقه , أخرآج , تغطيه دآخل الملعب وخآرجه , تعليق , مرآسلين ) ..؟ السلآم عليكم خلص اول شهر من تغطية السعوديه الريآضيه للدوري السعودي لكرة القدم الحصري للقنآه الوطنيه نبي نوصل صوتنآ عن سوء التغطيه من جميع النوآحي وابيكم تشآركوني أرآئكم وبكون شآكر لكم |
لاتعلييييق:d والله يعينا بس . . . . . . . |
|
ههههههههه تذكرت ايام زمان يسوون اعادة لهجمة وفيه هجمة اخرى ويصورون لاعب يشرب موية وفيه كرة عرضية مهمة الله يذكرك يالجزيرة بالخير الى الان لم ترتقي القناة لطموح الجمهور بخصوص المعلق عبدالله الحربي ليتهم يبعدونه عن الهلال ويخلونه يعلق على النصر بحكم ميوله في مباراة الهلال الاخيرة شوي ويقول الهلال مهوب كفو يفوز على الاهلي نسى انه الهلال فعلا معلق فاشل ولا ادري على ويش بعض الجماهير تمدحه |
صفر على الشمال، صعب تقيم شي وهو بالاساس فاشل يعني مافيه شي اقدر اقيمه وهو غلط في غلط من من كبيرهم لصغيرهم، |
الشي الوحيد اللي يعجبني فيها هو عبدالله العضيبي وعبدالرحمن الدحيم بغض النظر عن ايجابيات الجوانب الاخرى لها الا ان في كل جانب سلبيات تنغص وتسحق جماليته وتفوقه.. عدا المراسلين الميدانيين اللي مازال فيهم أمل بوجود المتميزيين العضيبي والدحيم |
قناه فاشله ونقل فاشل جدا جدا جدا..! النقل كان معقول او مقبول لنا..! لو تركو الوعود الزائفه في الصحف والمواقع الاكترونيه وتويتر والفيس بوك اجل اخراج افضل من الجزيره..! وكاميرات افضل من الجزيره وافضل من كاميرات الدوري الاسباني والدوري الايطالي حتي افضل من كاميرات كاس العالم..!:s2: يوم بدا الدوري واكتشفو ضعفهم طالبو الجميع بالصبر وان الدوري لسى في بداياته .! طيب من الاساس ليش الهياط:s3s: استديو تحليلي تسمع فيه صوت المكيف..!:to: يتركون الكره ويعيدون اللقطه اللي سبقت الكره..! مباراة الهلال والاهلي ابتداء الشوط الثاني والحبايب حاطين اعلانات..! مباراة الانصار والاتحاد حسسوني اني في قناة العميد او الاتحاد استديو الشوط الاول كله يتحدث عن الاتحاد وتجاهلو الانصار..! ومحللهم يقول الانصار كاد يسجل بس الحمد الله مبروك كان في الموعد..! سلامات حسسني ان الانصار هو الانصار البناني مو الانصار السعودي.! مباراة الهلال اللي ابدع فيها الزعيم ضد الاهلي لم تعاد ولامره فيما مباراة هجر والاتفاق والرائد والشباب والهلال يوم انهزم من الشباب اعيدت اربع مرات حتى الان..! يوم فاز الهلال على الاهلي بدال من نقل مباراة الهلال والاهلي اعادو لقاء الاهلي مع الفقر في القناه الثانيه والرائد مع الشباب في القناه الاولي..! ست قنوات على ايش حتي مباراة الهلال الاولمبي مع نجران مانقلوها..!:mad: مع ان عندهم ست قنوات كله كوم والنتيجه الوقت كوم ثاني اجل فيه مباريات الوقت والنتيجه ممسوحه فضحونا عند العرب ..! هذا اذا فيه عرب يتفرجون فيهم لان قمرهم عربسات..! وعربسات حتى قناة فنون سحبت عليه..!:s2: اه يالارتي وربي لو تطلبون الفين مستعد ادفع بس تكفون ارجعو..!:cry: |
لن نشاهد التطور في القناة الرياضية الا الموسم القادم 2012 . 2013 لكن الاهم عندي هو ان المبارايات مو مششفره انا اتابع مبارايات الهلال ثم اغير القنـاة ع طول |
قناة كميراتها خشب مخرجين هنوووود ماعندهم من عند جدتي وللي بالعربات يمنااء وش تبون اكثر من كذا يالييت يكون الموسم الجاي بالجزيرره علشان نرتااح منهم وربي قرف وملل لو برياض انسي الخشبيه اكون دايم بالملعب |
والله الوضع سيئ في تعامل مع كاميرات والاخراج بس كاميرات صراحة حلوة لاكن وش فائدة تجيب كاميرات حلوة ولاكن ماتعرف تتعامل معها وكلمة مباشر ياناس ماتوا الي يقولون مباشر فيه شي اسمه live و الشعار مو متناسق مع رقم والخ ياليت الي عنده حساب قناة الرياضية في تويتر ولا في اي موقع اجتماعي يعطينا وغير كذا الاستديو لما تشوفه اجسام المحللين كبيرة مفترض اعدادت الصورة يخلونها 9:16 زي الجزيرة والقنوات الثانية مو يحطون 4\3 القائمين على قناة ما يلاحظون انه فيه اغلاط والله حرام دعم مليار واخر شي كذا تحياتي |
يارجال قنااااه فاشله قسم بالله احمد ربي انه مباراه الهلال والنصر 5:3 كانت على الجزيره تخيلو ذيك المباراه تنقلها الخشبيه المعلق غازي صدقه !!!!:cry: |
ياخي ما عاد في راي لزم نتابع بس صراحه في تطورات الاتش دي والمعلقين كويسين بس اهم شي الاخراج يكون زي الناس مو يكون هجمه خطيره ويحط الكام على الجماهير هههه لزم يكون في تنسيق بمعنا اصح مخرج محترف وثاني شي العنصريه يخلونها وبس لاهنت |
أشــوفَ الرياضيـهَ تسير خطـوه خطـوه إلى الطريقَ الصحيح ، فقـطَ تحتآجَ الى صبــر آنـآ المهم عنديَ آشــوف مبآراة الـزعيـمَ بـ تقنية آلـ HD ومعلـق ممتآز وإخرآج حلـو ، وصـآر هالشـيَ ، وغــير هـذآ مـو مهـم ،،، |
ههههههههههههههههههههههههه حتى الاستديو التحليلي حق الرياض اخذووه من الاي ار تي ... هع اجل كيف بيكون تصوويرهم ؟ |
يشباب اصبرو على الرياضيه يكفيكم انه فيه الكميره الي تعيد بشكل بطي جداُ جداُ وهذي الكميره ماشفنها في اي دوري اوروبي ماشفناها الى في كأس اسيا في قطر وشكراً |
ومازال للوقت بقيه؟ويش وراكم انتظرو 10سنوات جاية وابشرو راح يكون افضل دوري من ناحية التصوير والاخراج؟ يالقناة الرياضية انا انسان بالنسبه لى ماني مستعجل خذو وقتكم بالتطوير؟خلاص اروح للمدرج الهلالي والله يكفينا شركم |
إقتباس:
قسم بالله مافيه اعادات غير الاهداف واعادتين بطيئه طول وقت المباراه على حساب هجمه :ranting: ولا ياليت الاعاده البطيئه تستاهل جايبن مره كامل الموسى يركض سلامات فيها شيئ يستاهل :mad: |
اصبروا ياناس المراسلين تمام والمعلقين ممتازين بس يالبتهم يبعدوا المخضرم غازي صدقه عن الانديه الكبيره ويعطوا لابنه محمد غازي وشوقي الزهراني وسعيد الزهراني والصليح والحربي المباريات الكبيره ويجيبوا باقي مراسل الجميعه من الجزيره موجود في جده وفتح القنوات الجديده وبرامج كذلك |
. قناه فاااشله و ما شفناها بالشكل اللي وعدونا فيه .. - فشل كبير و كبير و كبير جدا في الاخراج ، لازم بعد كل تسديده او كرت يحطون الكام ع الاعب لمدة نص ساعه و بكذا تضيع علينا الهجمه اللي بعدها و هالمشكله مازالت مستمره - ظلم ابداع الجماهير و جمهور الهلال في مباراة الاهلي اكبر مثال ما شفنا اي لقطه لـ ابداع الالتراس الا في اخر الدقايق بعد ما انكرفوا - اللي باليسار حقت النتايج و الدقايق الوانها مدري وش تبي ، الا بالقوه بيحطون الوان فريقهم المفضل - معلقين متعصبييييين جدا جدا للفرق الصفر شفنا عدنان حمد بمباراة الاتهاد و الانصار كأنه يعلق ع مباراة الاتهاد و فريق اجنبي ( هدف للانصار يقول : اوووووه ماذا سيفعل الاتهاد اوووووووه سيعود الاتهاد ) طيب يـ ابن الـ ... ليش ما تتكلم و تعلق و تنبح عن هدف الفريق الصاعد من الدرجه الاولى اللي مرمط فريقك و نفس الشي في لقطة هدف هزازي الملغي ( يقول : لا لا لا ياحكم مافيها تسلل ! ) السالفه ما كان فيها تسلل ، كان فيها رفع رجل ع الوجهه مدري هو ما يعرف قوانين كرة القدم و لا التعصب اعماه ! و الامثله كثير ( عبدالله الحربي و الكل شاف تعليقه في مباراة الـ 4 ) و معلق مباراة النصر و الفتح اللي ما بقى الا ينزل يلعب مع النصر - الاستديوهات كئيبه جدا و خصوصا اللي بجده - مشاكل انقطاع الصوت ما زالت مستمره و عندي ملاحظه اتمنى توصلهم و خصوصا لبرنامج ارسال .. http://www.newsqassim.com/contents/newsm/3153.jpg الاخ اللي فوق ترا مالها داعي تحطون له مايك ، ترا صوته يوصلنا ! قسم بالله مزززززعج و ما يصلح في استديو ياليت نشوفه مراسل في الملعب مثل ما كان اشوفه انه انسب مكان له ، لان ازعاجه ما راح يكون واضح مع صوت الجمهور الزبده قبل ما تعدلون الكاميرات و الاخراج و ما الى ذلك نبي الحييييييياديه |
والله الوضع سيئ في تعامل مع كاميرات والاخراج بس كاميرات صراحة حلوة |
احسن شي المباريات مفتوحه بجد اخواني كل مباراه وهم بالمقاهي ويرجع باخر الليل |
نقل مميز جداً وخصوصاً في مباراة الهلال والأهلي وفيه تحسن في نقل المباريات الاخرى كثير عوافي |
لآ تعليييييييييييييييق ... فآشلين مع مرتبه الششششششرف ...! |
رأيي مخالف تمام َ لـ أرائكم .. اشوفه روووعه بصراحه .. واشاهد المباريات والتحليل والملعب .. وأحسها روووعه بالتوفيق لـ قناتي المفضله |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 11:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd