30/09/2011, 04:57 PM
|
 | زعيــم فعــال | | تاريخ التسجيل: 16/12/2006
مشاركات: 223
| |
توماس دول .. أقديت بهم وألجمت أفواه ! ( مسيرة أربع مباريات )
إخواني الزعماء السلام عليكم ورحمة الله وبركاته مساكم الله بالفوز والفرح والنشوة  " ليس العيب أن تخطئ .. إنما العيب أن تستمر بالخطأ " كم من مدرب عالمي انرك بالخمس .. ولكن كانت له درس والحين صار هالمدرب مع فريقه يرعب اللي ما ينرعب .. !!
توماس دول أخطأ وأخطأ وأخطأ ولكنه تعلم وأثبت أنه من طينة الكبار .. !!
لو تتبعنا مسيرة الأربع مباريات لوجدنا الآتي : * المباراة الأولى : لعب بمهاجمين وانكشف النص والدفاع لدينا وخرجنا بثلاث نقاط صعبة ونجينا من التعادل .. !! * المباراة الثانية : لعب بمهاجم ونسا ان خير وسيلة للدفاع الهجوم , وتفاجأنا بهدفين لخبط أوراق المدرب كاملة * المباراة الثالثة : أعاد التوازن للفريق وركز على الناحيتين الدفاعية والهجومية وأصبح الفريق متوازن ولكن بأقل فعالية أمام المرمى وكم من فرصة ضاعت * المباراة الرابعة : لعب بخطة متوازنة وركز على استغلال الفرص وصار ما صار  أطربونا ^^^^^^^^^^^^ تلاحظون في مسيرته بالأربع مباريات إنه في تقدم مستمر .. وهذا تطبيق لكلام عبدالرحمن بن مساعد وسامي لما قال اصبروا عليهم هو أخطا في بداية الدوري , لكن أعطته دروس من بدري قبل لا يطيح الفاس بالراس كلنا لاحظنا رغم النقص والأسماء الشابة اللي بالفريق كيف التكتيك كان واضح عيان بيان للمشاهد ..  المدرب يمتلك الحس التدريبي , ولكن للأسف حنا نبحث عن أسماء أكثر من أفعال , كل مدرب وله بداية بالسطوع , ممكن توماس دول تكون بدايته معنا , انا متأكد لو جيرتس حضر للهلال او كوزمين في بداية تاريخهم التدريبي كان كلنا طالبنا برحيلهم .. فاصبروا على توماس لا يجي زمن في المستقبل نقول توماس كان يدربنا وتركناه  وبالنسبة للي يملكون تاريخ .. كالديرون أشهر من نار على علم .. كلنا شفناه وما شفنا وراه لا تدريب ولاهم يحزنون .. يالربع : زبدة كلامي .. المدرب ماشي على خطا صحيحة ..
ادعموهم .. وصدقوني ما يضيع من عنده عبدالرحمن بن مساعد وسامي وباقي رجالات الهلال .. تحياتي لكم .. |
الوضع المتطور
