|
نامي الايستحق منكم بعض الأشاده&&قلت من قبل الاهلي طوشة ببس && وقلت المدح والنقد بحدود.. بسم الله الرحمن الرحيم الحمدلله والشكر على الفوز والمستوى. ومغريب ان يفوز الزعيم ويقدم مستوى متى محترم الخصم المقابل: ودي اتكلم عن لاعب اشبعتوه نقد وقلتو انه ليس في مستوى الزعيم اتكلم عن بعض جمهور الزعيم الي مارحم هالاعب من النقد الاذع الي مايرحم والمبالغ فيه طبعا اتكلم عن الاعب( محمد نامي)الي ماكول ومذموم على طول. الاعب من مباراة التعاون وهوقاعد يتطور بشكل ملحوض سجل هدف ولا أروع في مرمى التعاون. ولولا الله ثم هالهدف كان دخل الفريق في طريق مظلم وشد نفسي لاكن الله سبحانه وتعالى سخر هالاعب من أنتشال الفريق وتقدمه في الدوري. ورفع روح الفريق وطبعا مستواه في مباراة الاهلي كان افضل بكثير وحسيت الاعب (نامي) روحه مرتفعه وشوفو كيف صنع الهدف الاول الي سجله الكوري صنع هدف ولا أروع وكيف كان ماسك خانته صح. في الدفاع والهجوم لانه كان هناك مسانده من المحور سلمان الفرج الي قدم مستوى حلو بعد. طبعا انا ماودي تطيرون الاعب في العجه أقصد( نامي)ولاكن زي ماتنتقدونه بشده عطوه حقه في الاشاده الي اعتقد يستحقها من مباراة التعاون طبعا أنا اشكر المدرب الي منح الاعب الثقه مع وضع لاعب محور يسانده في الدفاع الشي الثاني كتبت موضوع في السابق عن مستوى الاهلي وقلت انه طوشة ببسي انا مااقصد اقلل من الفريق الاهلاوي ولاكن الفريق لايملك صفة النفس الطويل الي يملكها الزعيم والاتحاد ولاكن الفريق خدمه جدول المباريات ولعب مع فرق اقل منه في المستوى ولاكن عندما قابل الزعيم بانت عيوب الفريق وندك بالاربعه كانت قابله لزياده تدرون ليش لان الزعيم احترم الفريق الاهلاوي وستعد لهالمباراة استعداد طيب وتم رفع معدل الياقه ولاكن الطريق طويل والفريق لم يكتمل بعد لوجود اصابات في الفريق والياقه لم تكتمل بعد والدليل في الثلث ساعه الاخيره من مباراة الزعيم والاهلي شفنا الزعيم بدا ينخفض معدله الياقي وذالك لان الفريق بذل جهد في الشوط الاول وبداية الشوط الثاني وسجل وخلص المباراة يعني الفريق يبيله وقت وصبر وارجومن جمهور الزعيم عدم المبالغه في المدح زي ماذكرت في موضوعي السابق حيث ذكرت عدم المبالغه في المدح او النقد سواء في الفوز او الخساره والفريق فاز فرفقا في المدح المبالغ فيه وليكن الفريق الاهلاوي عبره لنا اشبعه جمهوره مدح وتطبيل حتى اعتقد انه الفريق الذي لايهزم وفي الاخير اكلها اربعه كانت قابله لزياده لانه وجد فريق احترم الخصم المقابل ونريد الزعيم ان يحترم الخصوم لذالك رفقآ في مدحكم الزائد الذي قد يكلف الفريق اهدار النقاط فلموسم طويل انا مع المدح والنقد ولاكن بحدود اكرر بحدود ودمتم زعماء |
يعطيك الف عافيه والفريق كان حاضر بجميع عناصره ونامي يجب مساندته وتشجيعه على تقديم مستويات جميله تقبل مروري |
والله نامي سوا شغل كبير ومتحسن مستواه بشكل كبيييير لازم نوقف معه مشكور يانامي |
محمد نامي ... من الموسم الماضي وهو يقدم مستويات ممتازة .. لكن بعض الجماهير لاتريد ان تقتنع انه مفيد للهلال ... تبرمج بمخهم انه لن يفيد الفريق ... ومحمد يحتاج لثقة نفسية وراح يبدع اكثر ... وهو لاعب مخلص ويلعب بروح ... أما بخصوص الأهلي .. نادي الاهلي جماهير وأدارة تكره الهلال كره لامثيل له ... |
نامي والزوري البارح قدمو اللي نتمنى منهم يقدمونه في كل مباراه .. والمعنويات كانت مرتفعه لدى لاعبين الهلال ، والحمد استطعنا تحقيق الاربعه . ان شاء الله الدوري لناا |
تسجيل دخول لعيون نامي ومستوياته المتطوره بشكل ملحوظ هالاعب مجتهد ويلعب من قلب عيبه الوحيد هو جمهور الهلال فهو من يضغط عليه بشكل سلبي وبعد ما بدا الضغط يخف عليه بدأ يقدم مستويات جيده |
لا حول ولا قوة الا بالله يا اخي وش لون تطور !! اللاعب يتطور في مرحلة الناشئين فقط والحين تقول تطور بعد ان طخ 30 سنه عجبي !! نامي مع احترامي له كشخص الى انه اقل المجموعه تكنيك لا عب لا يجيد سوى الركض ,,,,والبارح ماكان فيه هجمات تذكر من الاهلي بالاضافه الى التنظيم الدفاعي للهلال كمجموعه كان جيد الهلال يحتاج لا عب يضيف للمجموعه زي الدوخي زمان او التخيفي اتعجب من عدم اعطاء الفرصه للبيشي في هذه الخانه !! شكرا كاتب الموضوع اختلافي معك حرصا ع هلالنا ولا يفسد للود قضيه باذن المولى احترامي اخوكs13s |
والله نامي في تطور ملحوظ في لعبه رغم انه لاعب جناح ولاعب قدم مستويات جيده جدا في اخر مباراتين له عشان كذا تعلموا انكم ما تحكمون على اللاعب بسرعه الصبر فالصبر فالصبر تشكر اخوي على الموضوع المميز |
إقتباس:
ثقة جمهور الزعيم وصدقوني راح نكسب لاعب يفيد الفريق وهو الاعب الافظل الي مرو على الفريق في هالخانه بعدماراح الدوخي اتكلم عن العيبه السعوديين |
إقتباس:
لاكن متى اذا كان يلعب في خانته اصلا وهولعب في غير خانته يعني لازم نعطيه الفرصه شكرا على مررورك |
نامي لاعب ممتاز من اول ماجاء مع الهلال لكن الجمهور هو اللي مايرحم اللاعب بالتوفيق يانامي مع الهلال |
نامي بدع امس في مباراة الاهلي حتى رفعاته كانت ممتازه واعتقد منها وحده جا منها هدف الكوري بالتوفيق ل نامي و باقي الاعبين |
الله يعطيك العاافيه اتمنى ناامي يستمرر بهاذا المستوى وللأفضل |
لا نضحك على بعض , محمد نامي هذه تعبر افضل مبارة له في تاريخه مع الهلال . وبعدين الي يقول يتطور مستواه اللاعب يتطور في سن 18 , 19 , 20 , اما يجي واحد عمره 30 تقول يتطور ههههههههه |
سبحان مغير الأحوال.. معظم الأعضاء تحولو من انتقاد لاذع لنامي إلى مدح وتمجيد أنا شخصيا رأيي في نامي من زمان ذكرته وأكرره "وكتاباتي السابقة تشهد لي" إنه لاعب مجتهد ومخلص وجيد إلى جيد جدا.. في عقليات للأسف مبرمجة على انتقاد نامي مثل ماذكر أحد الأعضاء (نامي = انتقاد) بشكل مباشر ومن غير تفكير في مباراة هجر.. ساهم أو "صلح" هدف الرد: هجر مو مقياس وهو من الفرق الضعيفة!!! في مباراة الشباب.. الفريق كله سيء ولكن الأهداف انعكست من جهة نامي فأصبح هو سبب الخسارة و لا نلتفت لأخطاء دول وأخطاء تمركز قلوب الدفاع والتنظيم السيء. أنا لا أبرر له في هذه المباراة.. أنا أقول إنه يتحمل جزء مع باقي المجموعة. في مباراة التعاون.. مع أنه أحرز الهدف الوحيد ومن أجمل الأهداف الرد: أعطوني كم أوفر صح.. لا تطيرون بنامي في العجة عشان وجرد قول!!!! وبكرة حيبان قدام الأهلي والله يستر أخيرا مع الأهلي.. ماقصر وأبدع دفاعا وهجوما و ساهم في الهدف الأول الرد: بسبب سوء الأهلي وبسبب أن التنظيم الدفاعي للهلال كان جيد... سبحان الله للأسف الشديد كما ذكرت هذه عقليات ضد نامي و مهما فعل فإنه لا يستحق أن يمثل الهلال وأنه نقطة ضعف و و و وكأنها محاولة انتقام ونيل منه!!! أو إثبات أن آراءهم صحيحة ووجهة نظرهم الأولية ثاقبة) أتمنى أن يكون الانتقاد هادف وبناء وموضوعي.. وليس فقط مجرد انتقاد حتى في غير محله أو انتظار أول غلطة لشن الحملة من جديد. |
| الوقت المعتمد في المنتدى بتوقيت جرينتش +3.
الوقت الان » 11:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd