والله ان الحربي دابلن تسبدي بتعليقه على مباريات الهلال اما مباراة الهلااااااال والاهلي والله العظيم رفع ضغطي من جد تحامل على الهلاال وكأنه يقول أن سبب فوز الهلاال هو انخفاض مستوى الأهلي ؟؟ سلامات يالحربي وش تحس فيه يابو ؟؟؟!!!!!!
الله يخارجنااااااا بس ....

انا كنت بكتب موضوع عن هذا ألحربي

الصراحه مصخها

حركات قديمه يحسب الناس نايمه وهو المفتح

لازم تكون حمله من جماهير ألهلال ضد هذا ألحربي

عبدالله الحربي وربي معلق فااااااشل شايف عمره !!
ما ادري من غاصبه يعلق للهلال !!
حتى الاهداف يالله يقول قول , والنصر يقول العالمي العالمي !!!!!!!!
عبدالله الحربي معروف انه فقراوي , وما اتمنى يعلق للزعيم لأي مباراة !!
لان الهلال اكبر منه ومن اشكاله !!
كل التوفيق للزعييم ي رب
ثانكس

والله من جد نطالب وبقوه بعدم تعليق الحربي لأي مباراه للهلال
يوم تضيع فرص للاطحالب يصرخ ويتحسر عليهاا وهذا يدل على شنو

أما التحكيم
حدث ولاحرج

الله يعين بس

الهلال مظلوووووووم ..؟
سواء في التعليق او الاخراج التلفزيوني ....
والحربي يالتحق مع ركب العنصريين ضد الهلال ,, ولم يقل كلمة الحق ... شكرا لك ..

بعض المعلقين ممتآزين ويعيبهم بعض الشطحآت الي تخدش تميزهم في المباراة
بتدخلاتهم بـ الامور الفنيه والضغط على الاعبين ،

اتمنى مآيستغل الكم الهائل من المتابعين للقنآة ، ويفرض ارائه السلبيه على الفريق اثناء تعليقـــه على المباراة

أنا ابي اتكلم عن الحكم قبل هالمعلق
اللي طنش خشونات ودخلات لاعبين الاهلي على اقدام لاعبينا
ميررر الحمـدلله الله ستر منها
وهالحوسني كان يفتررض أحمررر على خشوناته المتكرره

أما المعلق استغربت تجاهله للدخلات العنيفه على اقدام الهلاليين وعدم تعليقه عليهاا
شكلـه مقهـور من النتيجـه .. هذا الواضح !!

وانا معك بأن لو العكس والظلم كان لهم كان الاعلام الاهلاوي مـــاصدق
وأصلاً من الموسم اللي راح واحنا بكل مباراه معهم اخطاااء تحكيميه كبيره لنا
بمباراة الدوري الثنتين وكأس ولي العهد ومباراة الخميسس ..

لكن الزعـيم بإذن الله ماينظر ويوقف على هالامور ويخليها شماعه مثل الفرق الثانيه !!

بسسسس مثل ماااقلت للتـذكـــييير ....

من خلال متابعتي للإعاده للمباراه

اشوف الحربي تعليق فاااشل

حتى ضربة الجزاء يقول عارف كيف يستغلها العربي

مثل الي يقول مثل فيها يوسف العربي

واشوف حماسه اكثر شي للأهلي

نبي معلقين حيادين يعلق ع الهجمه صح

مو مثل الحربي اذا جت هجمه للأهلي شوي ويطلع عليك من التلفزيون

الحمد لله ع سلامة محمد الشلهووووب
....................................

والله أكثر ما نرفزني وخلاني أتابع المباراة صورة بدون صوت

يوم يقول (الهلال متفوق على غير العادة )

ولقطة الشلهوب اللي بغا يروح فيها ولاكأنه صاير شي

ما نقول إلا الله المستعان

وياحربي راجع حساباتك صح

الحربي عبدالله من محافظة المذنب كان هلالي قبل يكون معلق
والان هو حيييييييادي


تسمع بالحياد والله اني ماتجنى على المعلق هذا بس والله انه بااااين انه غير حيادي اقصد مع الهلال بالذات يمكن يكون حيادي للاتحاد للالاهلي الشباب بس الهلال دائما مايحاول يقلل وينقص من اي شي للهلال بطريقة او بااخرى ومثال على ذلك حصول نواف العابد على اسرع هدف في العالم والله اني سامعه فيما معنااه انه ياخسارة الهدف لم يحتسب لان المباراة انقلبت نتيجتها بما حصل فيها من مخالفة هلالية بس الانجاز للاعب وش دخل الفريق فيه , وانا والله ماابي اظلمه واتكلم واخذاثمه بس فعلا هوو احسن السيئين ...