|
عندمـآ يطيــر لك الوطـن ظهـره ويـسحب عَليــك ,’~ ! بسم الله الرحمن الرحيم هالايآم مآغير منبطح بالبيت واحيان بنص الصاله :s2: رافع رجولي من الطفش ووآحيآن اوقف على يديني احاول امشي فيها :s2: عشان كذا غاثكم بالمواضيع :d هذا الموضوع نازل من صميم وشريان واحد ديرته حاطته بالصندوق :dعايش فَ هالحياه على مطاعم وقهاوي واستراحات وتعب نفسيا وجسديا وفسيولجيا :d من هذا النظام الحاصل الفاصل في هالديره الله شسمه يعني يخليها لنا :d من وعيت بهالدنيا وعمري شهر وكم سنه اتوقع وانا ممنوع من الدخول للاسواق والملاهي والمنتزهات من زين هالاماكن يومهم يمنعونها :d حتى ملاهي الخيمه يومي صغير لافتني بمهاد وراميتني بالشنطه عشان محد يدري عني :d وش ذنب طفل بريء ملامح البراءه تقوطر من خشمه وخشته :d وش ذنبي طفل بريئ عمري شهر وامي حاطتني بشنطتها ويدخلون الملاهي ولاجاء وقت العشا حقهم تفتح الشنطه وترمي علي من عشاها هي وخالاتي :dمن دجاج وبطاطس صرت اتعامل كـ معامله القطط والقطاوه والبسس :d مب كافي مخي جاه ارتجاج من كثر ماكنت صغير امي تحطني على رجليها وتهزه هز مب طبيعي اخذ عمليه تهضيم قبل ارقد على رجليها:d انا اسناني طالعه وعمري شهرين ونص كله من اكل امي اللي بالملاهي والمنتزهات ماعمري ذقت سيريلاك ولا نيدو ولاحليب صناعي ولا طبيعي اول شروب شربته كولا دايت يوم امي تسوي دايت :d وش هالغش اللي حاصل للشباب !! :d ومع هذا كله يقولون النساء حنا مظلومين ,:razz:, من وين لكم مظلومين وانتم وصلتم حتى مجلس الشورى وانا للحين احتري يوم الجمعه عشان اروح للحكير لاند والعب سيارات تصادم :d اليوم المسموح فقط للشباب الجمعه !! لا ومن الظهر للمغرب بعدها يضفونا الظاآهر :d, وفوق هذا يرددون النساء [ مظلومين ] :d سحقا وتبا ,, انا من هذا المنبر العالي وهذا المنتدى المفتوح للحريه والقلم المفتوح اطالب بمساواه الرجل بالمرأه !! اللحين صار العكس انا اطالب انكم تساوون الشباب فيهم وعطونا حقوقنا ياناس :d وايضا يمنع الكليات النسائيه وكل شي ويسكرون جامعه الاميره نوره يصير اسمه جامعه الامير عبدالرحمن بن مساعد للزعماء :d لان الوضع لو استمر على كذا بعد كم سنه بنصير حنا يالشباب عاطلين وعوانس والنساء بيستولون على كل شي :d وبتصير السلطه بيديهم وبكره الحرمه بتطلقني وبصير عانس واطلع من البيت اخذ تاكسي اروح بيت اهلي اجلس عندهم وينادوني ارمله :d ويقول ابوي ملك مكان بيننا رح بيت زوجتك !! :d اطالب واطالب ولن اتوقف عن وقف هذا الظلم الحاصل لنا يعني بكره بنشوف الحريم جنب حق الشورى عبدالله ال الشيخ :d اسمها ام محمد :d وبنشوف جنب السبيل وحده اسمها فطووم :d وحده تطالب بحقوق الطقاقات في الزواجات واعطائهم طيرآن عَ اعلى مستوىآ وحده تطالب بمنع الرجال من الخروج من البيت بعد الساعه 11 الليل ويكون فيه تصويت وكلن تجي بدراعتها وبيقلبونها بسطه بالشورى :d وكلن بيجيب بسطته ,, وحنا ماغير نتفرج ! :d احس اني شاد حيلي وانا انزل هالموضوع :d |
يا الله صباااح خييير :s5s: انت ما تدرس قاعد تتشكى كأنك حرمه :ranting: قوم اذكر ربك و حط راسك و نام :ranting: بدل ازعاج السلطات :s2: |
تتوقع يوم تصير أرمله مدري مطلقه بيعطونك ضمان ؟ :s3s: بعدين تعالي قصدي تعال :s2: ليه قاعد تتشكى وإنك مظلوم , وكل هالمقاهي والبران والمطاعم موجودة ؟! ياخي حرام عليك كلامك قاسي مره , قل الحمد لله والشكر , شف الحرمة مسكينة إن بغت تطلع تتعشى برى مربوطه بأمر محرمها وداها وإلا قضبت أرضها , والكلام ينطبق على السوق والحدائق والملاهي ... الخ :s3s: حتى تقدر تروح الملعب تشوف المباراة والحريم ممنوعين منها وتقول بعد مكبوت ومظلوم وووو ياخي أحمد ربك غيرك مالقاها :s2: يا أخي انتوا يالرجال طماعين تبون كل شي مع إن اللي متوفر لكم ماعمره توفر للحريم :s3s: لكن ردد ياليل مطولك وإلا غنّ ظلمووووه ومدّها باللحن يمكن أحد يلتفت لك :s2: |
في ديرتك انت محدود الاماكن مقهى وكوفي ومطاعم والاسواق عيب كخه رح دور محل برا الشارع لو عجبني لبس بالسوق ومالقيته برا وش الحل ولابوسع صدري في الاسواق باحترام واللي يخربط يجلدونه لين يقول امين بس هالايام اذا ابي اتونس امسك خط القصيم لين محطه العتش اكل من رزهم واحس بوناسه وارجع خخ |
^^ وانت الصادق خط القصيم ميزته القهاوي كلها صارت 24 ساعه :D إقتباس:
صار الواحد اذا فضى راح يآكل :d .. نص السعوديين اللحين خبره مطاعم اكل صيني هندي ياباني ان بغيت افغاني :D حتى اللي الوسائل اللي قلتها مخيسه رح الملعب :D .. اللي يشوفك يقول الهلال يلعب كل يوم :d ولا من زين نفسيات الامن بالملاعب :d .. تجلس عطشان حلقك جآف كآنك ضب لين تخلص المباره :D .. إقتباس:
هذا اللي محيرني للحين :d .. إقتباس:
|
+1 وأنت صادق .. المفروض اي شيء نسائي يفتحون مثله فرع رجالي :d نبي سوق نتمشى ونكشخ فيه أنا ويآك :d لا أحد يقول لوكلايزر ملينا منه نبي نغير :s3s: نبي ملاهي رجالية نتصادم فيها على كيفنا :d ونبي ونبي ونبي وان شاء الله يتحقق الي نبي قريبا لك ولقلمك الرائع:rose: نبي موضوعك رجالي بس :naughty::s4s: |
ياخي افهمها : أغلب المسؤولين ( الي عليهم الكلام ) يبون يدخلون المرأه بكل شي ! هم كذااااااااااااا يقولون التطور ندخل المرأه بكل شي ( تفكيرهم كذا ) !! عشان كذا انا اقولك ( آسحب عليهم وعيش حياتك ) ،، |
^^ وراك معصب عَ الصبح :d ابشر بفهمها وبسحب عليهم وبسافر وبخلي ديرتهم لهم بس وسع صدركً:d |
متى يجي البرد بس :d ........................ |
راح زمنكم يالرياييل .. هذا زمن الحريم الحين في كل العالم .. والدليل قادة الدول اللي ....... المهم اسجل اسمي في موضوووعك .. تحياتي لك |
الحريم مثل جماهير النصر بزعمهم مظلومين و هم ظالمين :d يأخي حبيتك مأدري ليش :d ؟ |
يا أخي ودي أغمض عين و أفتح عين وألقى لوحة مكتوب عليها (( للشباب فقط .. الرجاء عدم دخول النساء )) يا شيخ لو إنها على مقبرة بس أهم شئ أشوف هاللوحة ..:to: من جد يا أخي من كثر ما يطردوني من الأسواق بديت أحس إني مفترس صرت ادخل لعانة بس .. ماعندي شئ بس بكسر كلامه ..s121s يا أخي قهر ماغير بالمقاهي كنهم يقولون غصب عنك تعسل !! ولا بالكفيهات وخذ يا ميزانية !! والحين بمجلس الشورى .. شوف ممكن يفلحون بملس الشورى بس الله يستر بكرة ما يدخلون مجلس الوزراء بعد .. أما عاد الإنتخابات البلدية هههههآي كيف بيحطون الصور بالشوارع ..؟ ملثمة مثلا ..؟:naughty: ههههههههههههآي يا أخوك تبي نصيحتي ... شوف إذا توظفت التزم في عملك واجتهد واجمع لك مثلا 5 آلاف ونهاية السنة اطلع برا وفلها في ماليزيا ولا في إندونيسا تراها رخيصة .. على فكرة ترا نيودلهي متطورة أكثر من الرياض ورخيص .. على كيفك ..:d وخل مجمعاتهم لهم .. وألعابهم اللي من ألف سنة ما تغيرت لحريمهم .. وخلنا نفلها سوا !! |
ياكثرك ياشيخ :d ......................................................... |
صراحـةً قلت كل اللي ودي اقوله انا عاطل مع شهاده دكتوراه والله طفشت مليت من ذا العيشه ماعندي غير مكان واحد اروحله (المقهى) وطفشت منه كل مارحت مكان قالوا عوائل بس املي كبير بالله انها تتحسن الاوضاع شكراً ... |
إقتباس:
تدري عاد وش مخوفني :d ان حقين الشورى يتخرفنون مع هالحريم:d بتشوف حقين الشورى كلن بيشخص وكلن بـيبخر بـشته بالعود واطياب وعطورات:d الخوف ان هالخرفنه تقودنا الى قياده المرأه للسياره:d إقتباس:
بس يا اخواني في الله اين نذهب ؟؟:d والله الواحد صار يعسل بالغصب من كثر ماعسل نبت شجر تفاح براسي:d |
| الوقت المعتمد في المنتدى بتوقيت جرينتش +3.
الوقت الان » 05:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd