إقتباس هلابك زعيم باخلاقك وان شاء الله انك كذلك يا غالي المشكلة مهب مشكلة قرار و انتهى .. المشكله اننا ننتظر قرار لعامة الشعب , و هالقرار هذا من زماان و ( فئة قليله ) تطالب فيه وهي اللي تفوقت ,,, فيه مشاكل كثير و نبي لها حل .. لكن هالقرار زاد الطين بلّه يعني درينا ان محد داري بالمعاناة ... ومحد قال اننا نهمش المرأه بمجتمعنا ,, اي تهميش تتكلمون عنه ؟! يا غالي انا امي مديرة مدرسة السنة هذي تكمل 31 سنة ما شاء الله ولله الحمد امي معروفة بالطيبه بين كل المدارس و بتعامله مع المعلمات .. لكن تعال شوف اذا صار فيه حفل بالمدرسه والا اذا مدرستين سوو حفل بمقر واحد ,, والا اذا مدرسه ما تبي تدرّس و تبي جدوله على كيفه والا اجازاتهن اللي تجيب المرض ... تروح المشكله و تلف و تدور و اخرته يحلونه الرجال ( لأن المشاكل كله عناد حريم ) .. امي اخر شي بتدخل بوسط ملابسه اهلكته المدرسه كل ماله تصغر .. وشلون لو صارت بمنصب كبير ,, مثل نورة شف وشلون تعيين المدرسات و مشاكلهن ( الحين ما يمدي لا واسطه ولا غيره ) ما ندري متى طال عمره يصير له مزاج تعدل الاوضاع ... شف العميدات بأغلب الكليات وشلون مبهذلات بالبنات ( مرض نفسي ) يقدرن يعدلن الاوضاع .. لكن عناد حرييييييييييم . اعتقد ان المرأهـ فعلا لا تحتاج الا لـ رجل كفؤ و سترضى به و يكفيها عن كل المناصب

يا هلا ومرحبا ..
في البداية الله يحفظ لك امك ويحفظك لها ..،
لا تحكم على جميع العميدات ،، في جميع القطاعات فيه الجيد والسيء حتى في جامعات " الرجال " كثير من الطلاب يعانون من الدكاتره والمعيدين بل وحتى العمداء ..
واعيد واكرر ليس في كل المراكز تكون المرأة افضل من الرجل وليس في كل المناصب يكونون الرجال افضل من المرأة .. فمثلا كتجربة شخصية بما اني مبتعث حديثا .. مديرة الشؤون الثقافية و الاجتماعية في الملحقية الثقافيه بأمريكا قائمة بعملها بأفضل وجه ممكن وهي سعودية ابا عن جد ورغم غربتها الا انها محافظه على دينها وملتزمة بحجابها ! ..،

وايضا ما اعتقد انها بتقوم بعملها بأكمل وجه لو كانت سفيرة !!

إقتباس الرسالة الأصلية كتبت بواسطة alyami-me والله قهر يالربع

إقتباس الرسالة الأصلية كتبت بواسطة alyami-me اجل خلصوا الرجال ناخذ راينا من حريم وقد علمتوا عبر التاريخ حرمه صاب لها راي ؟؟؟؟؟ هزولت وربي هزولت وربي

للحين ما ماتو اللي يفكرون كذاا !!!

/

غالبية الشعب السعودي يعارضون القرارات اللي دايم يكون فيها اسم
حرمه !! ليش طيب ! مدررري , بس علشان فيها اسم حرمه


هالدروج على قولتكم ماسوو شي مو ممكن الحرمة تسوي اللي عجز عنه الرجال ؟!
طيب مو الحرمة ادرى بحال الحرمة اللي زيها
في اشياء كثيييرة ننتظر ان احد ياخذ حقوقنا فيها , المطلقات على سبيل المثال
مين اللي بيجيب حقوقهم ؟!
كثير حتى النفقه ماتدفع لهم ولا احد يلاحق الرجال ولاهو هذا موضوعنا
بس اتمنى اتمنى اتمنى يلقون حل لنا في اشياء كثيرة تهمنا وتكون في صالحنا
لان المرأة كثير تكون مهمشة بمجتمعنا وغالبا المشاكل اللي تصير ويكون طرف فيها
رجال , ( يكون الحق معاه غصبن عليها )
شايفين وعارفين

و ان شالله هالقرار يكون فيه خير لنا


شكرا

يقولك عط الخباز خبزه لو آكل نصفه .. يعني آبو متعب آبخص .. مالنا ومال الامور اللي آكبر منا ^_* الحكومه آبخص ياحبيبي هع

إقتباس الرسالة الأصلية كتبت بواسطة مخاوي ابو سلطان بدل ما نسمع حلول جذرية تجعل المواطن يعيش حياة كريمة من حيث المسكن والملبس وكل ما ينقصه ، نسمع الملك يقول المرأه والمرأه ، الدول تخطط وتصنع وتعلم شعبها أفضل تعليم وآحنا جالسين على موآآآآآل المرأه الى متى هالوووووضع !! إلى متى نكون متآخرين عن العالم ؟؟ الى متى واحنا نتهم بأشياء ما تفيدنا !! الى متى الى متى يا نااااااااااااس ليه الملك ما قال نبي تعليمنا يكون أفضل تعليم في العالم ؟؟ ليه الملك ما قال نبي نفتح معاهد للفيزياء والكيمياء ؟؟ ليه الملك ما قال نبي نصررررررررف على الأبحاث العلميه ؟؟ ليه ما تخصص ميزانيه ضخمه للبحث العلمي ؟؟ ليه كذا يا عبدالله بن عبدالعزيز ؟ العالم يخططون وآحنا باقي نسولف عن المرأه !! نبي ملك يفكر في الصناعه والبحث العلمي والتكنولوجيا والزراعه والسياسه والشعب والإقتصاد والحرب ويفكر في كل شي ، الملك لازم يكون يفكر في كل شي وإلا جيبوووووو لنا ملك من آل سعود يقودنا الى مناطحة الدول العظمى ( لأن إذا آصبحنا نصنع ونزرع وننتج ونبحث و..الخ لن نحتاج إلى أحد وراح تتغير عقولنا )

اااااه بس
ردد ياليل

اصلا من متى مجلس الشورى اعضائها يرشحون انفسهم؟؟

اللي يعينهم الملك

ومجلس الشورى اشوف جلساته مايسوي شي كله يسولف الرئيس ثم تصويت مدري كم قال نعم ومدري كم قال لا

اشوف ان وجوده زي عدمه

وقالو قضايا المرأة وماقضايا المرأة

سوو قضية بدون قضية

بس شوفو من اللي بتصير عضوات مجلس الشورى لو انهن بنات البلد الاصل ما قلنا لا

لكن زي بعض هالوزراء اللي بتستفيد من طقة كشغري وكردستاني المتجنسات

إقتباس الرسالة الأصلية كتبت بواسطة مخاوي ابو سلطان بدل ما نسمع حلول جذرية تجعل المواطن يعيش حياة كريمة من حيث المسكن والملبس وكل ما ينقصه ، نسمع الملك يقول المرأه والمرأه ، الدول تخطط وتصنع وتعلم شعبها أفضل تعليم وآحنا جالسين على موآآآآآل المرأه الى متى هالوووووضع !! إلى متى نكون متآخرين عن العالم ؟؟ الى متى واحنا نهتم بأشياء ما تفيدنا !! الى متى الى متى يا نااااااااااااس ليه الملك ما قال نبي تعليمنا يكون أفضل تعليم في العالم ؟؟ ليه الملك ما قال نبي نفتح معاهد للفيزياء والكيمياء ؟؟ ليه الملك ما قال نبي نصررررررررف على الأبحاث العلميه ؟؟ ليه ما تخصص ميزانيه ضخمه للبحث العلمي ؟؟ ليه كذا يا عبدالله بن عبدالعزيز ؟ العالم يخططون وآحنا باقي نسولف عن المرأه !! نبي ملك يفكر في الصناعه والبحث العلمي والتكنولوجيا والزراعه والسياسه والشعب والإقتصاد والحرب ويفكر في كل شي ، الملك لازم يكون يفكر في كل شي وإلا جيبوووووو لنا ملك من آل سعود يقودنا الى مناطحة الدول العظمى ( لأن إذا آصبحنا نصنع ونزرع وننتج ونبحث و..الخ لن نحتاج إلى أحد وراح تتغير عقولنا )

يا اخوي الصناعه والبحث العملي و التكنولوجيا مو مهمة الملك اذا الشعب مو مفكر وش ذنب الملك فتح برنامج ابتعاث وارسل اكثر من ميه الف طالب كم مخترع طلع منهم ؟

جامعات داخليه وان كانت مو ذات مستوى عالي لكن الي يبي يبرز ويخترع و يكتشف لو في بيتهم
جامعة الملك فهد للبترول والمعادن
جامعة الملك فيصل
جامعة الملك سعود
جامعة الملك عبدالله للعلوم والتقنيه ماجستير ودكتوراه بس مراكز ابحاث على مستوى عالي
بس وين الي يجتهد ويخش ويتعب

الشعب يبي يخلص الجامعه ويتشغل ويريح عمره

إقتباس الرسالة الأصلية كتبت بواسطة مخاوي ابو سلطان طيب لو نفترض جاك ولد ( مهب مخترع ولا عبقري ) ماراح تعلمه وتدخله افضل المدارس عشان يتعلم ويكتسب المهارات والخبرات !! طيب تتوقع لو علمت ولدك وتعبت عليه ماراح ( ينتج ) ويصير إنسان ناجح ،، ياحبيبي التعليم الجيد يخلينا نعرف نفكر ،، التعليم الجيد يغير نظرتنا للحياه ،، أتمنى إنك ما تلقي اللوم على أبناء الوطن لأن أبناء الوطن مساكين درسووآ في مدارس ( فاااااشله وغير مناسبة لعصرنا الحديث ) وتبيهم يصيرون علماء كييييييف !!! كييييييييف !!! وبعدين لو سمحت لا تحاول تبرأ الملك وأتباعه من فشلنا في التعليم ، حبيبي كوزمين مهب شرط أقنعك بكلامي لكن أحب أقولك تفكيرك في هالموضوع غلط ، وراح أقولك مقوله قالها عالم انجليزي اسمه (برتراند راسل ) : لا يولد البشر أغبياء بل جهلة ، ثم يجعلهم التعليم أغبياء .

ما ودنا نشطح اكثر من اللازم

اذا انت تقولي لا ابراء ساحة الملك انت بعد لا تبراء ساحة الشعب ؟
الانسان المنتج و الناجح يتعلق بالدراسه بشكل كلي اما عبقرية الشخص هبه من الله
اما الاختراع فهو يتعلق بتفكير الشخص لو الاختراع يتعلق بالدراسه و نوع التعليم
كان الطلاب في الدور المتقدمه في التعليم كلهم مخترعين ؟
برتراند راسل درس في كلية ترينتي في كامريدج هل كل الطلاب الي درسو معه طلعو علماء ؟ مع انهم خذو نفس التعليم ؟
يا خوي الشعب ما له خلق دراسه وهذا الواقع ما يففتح الكتاب الي من الاختبار للاختبار كل ما غيرو شي في المنهج طلعو معترضين ليه تحطون حق عيالنا انجليزي وليه وليه وليه وليه وليه و ليه تصعبون المناهج وليه وليه وليه ... الخ ؟

شيء واحد يعاب على الدوله عدم احتاضن الشخص المبدع والاهتمام فيه

إقتباس الرسالة الأصلية كتبت بواسطة قميص كوزمين ما ودنا نشطح اكثر من اللازم اذا انت تقولي لا ابراء ساحة الملك انت بعد لا تبراء ساحة الشعب ؟ الانسان المنتج و الناجح يتعلق بالدراسه بشكل كلي اما عبقرية الشخص هبه من الله اما الاختراع فهو يتعلق بتفكير الشخص لو الاختراع يتعلق بالدراسه و نوع التعليم كان الطلاب في الدور المتقدمه في التعليم كلهم مخترعين ؟ برتراند راسل درس في كلية ترينتي في كامريدج هل كل الطلاب الي درسو معه طلعو علماء ؟ مع انهم خذو نفس التعليم ؟ يا خوي الشعب ما له خلق دراسه وهذا الواقع ما يففتح الكتاب الي من الاختبار للاختبار كل ما غيرو شي في المنهج طلعو معترضين ليه تحطون حق عيالنا انجليزي وليه وليه وليه وليه وليه و ليه تصعبون المناهج وليه وليه وليه ... الخ ؟ شيء واحد يعاب على الدوله عدم احتاضن الشخص المبدع والاهتمام فيه

يعني الشعب السعودي يختلف عن الشعوب الاخرى ؟

شعبنا متخلف وجاهل وبقية الشعوب منتجة وذكية ؟

يا اخ الحاكم هو من يقود شعبه ويوجههم ..

أين الصناعات في مملكتنا الغالية ؟ لا يوجد

اذا كل ما ناخذه هو نظري ولا يمكن تطبيقه ..

إقتباس الرسالة الأصلية كتبت بواسطة Eman -al saad اثلجت صدورنا وافرحت بنات ورجال الوطن المثقفين الواعين

لا تألفين أنا من بنات الوطن ولا أثلج صدري القرار بل بالعكس ضاق صدري وعندي أخواتي نفس الشي وأبوي وأخواني وكثير من اللي أعرفهم نساءا ورجالا أحزنهم القرار ومنهم من يحمل الماجستير والدكتوراة يعني مثقفين واعين على قولتك ولم يعجبهم القرار

إقتباس الرسالة الأصلية كتبت بواسطة Eman -al saad . . . . . لاتهميش لدور المرأة بعد الأن ! كلمه قالها خادم الحرمين الشريفين الملك "عبد الله بن عبد العزيز " في خطابه السنوي لمجلس الشورى اثلجت صدورنا وافرحت بنات ورجال الوطن المثقفين الواعين , عموماً أتمنى أن يلقي هذا الكلام بظلاله على أرض الواقع ليصبح بذلك حقيقة ملموسه ومرئيه , فنساء الوطن قادرات وجداً على أن ينهضن ويرتقين بهذه البلاد الطاهره, وقد آن الآوان لتثبت المرأة السعوديه بأنها ليست مجرد زوجه وربة منزل ! بل هي أيضاً قياديه ناجحه ومواطنه مخلصه صالحه هدفها نهضة وتطوير البلاد , بالتوفيق لجميع نساء الوطن .

"
"
الحمد لله
هذا ماكنا نريده
اشراك المرأة في الشأن العام
"
"
شككرآآ ملكنآآ