|
مع اعتذاري وتقديري لصحاب الموضوع ! والله في مواضيع ما دري وش تبي !! مدرب على أعصابه والفرص تضيع تباعاً فجاء الهدف وعبّر بهذه الطريقة يعني اللاعبين لما يسجلون يجوز لهم الفرح بالركض والمدرب ما يصير ؟!! بعدين مو هو بس عبّر بهذه الطريقة ، كل الجهاز اللي معه كانت لهم فرحة كبيرة مثله وإذا ما تتابع مباريات أوروبية ، في مدرب إسمه مورينهو ، وفريقه إسمه ريال مدريد ، فريقه سجل هدف على فريق تعبان ينقال له إيروكلس وفي رواية هرقل ، المهم لما جاء الهدف ركض المدرب ونط - قفز - ودخل داخل الملعب من الفرحة ! وأعتذر لصحاب الموضوع كأني قسيت عليه شوي :s2: |
هههههههههههههههههههههههههههههههههههههههه لآ تعليق صرآحة ، ! |
إقتباس:
مبالظبط يبكي مثلا لاعمرك تعود له |
لا المدرب عنده علم ان الهلال أفضل نادي في آسيا ومحقق الدوري العامين الماضيّين لا تظن انه جاي مايدري عن شي .. بالنسبة لفرحته بالهدف ذكر دول : فرحتي الكبيره بالهدف لأن محمد نامي سجله فهو يتعرض لضغوط ليس لها مبرر من جماهير النادي |
:::: بجد آخوي موضوعك مدري وش يبي .. لو مُ يعرف آلهلال مٌ جآء للهلال .. وطبيعيه فرحته هجمآت محققه ضآعت .. آخوي مع آحترآمي لك موضوعك لايسمن ولا يغني من جوع .. يٌ آخوآن نحتآج موآضيع مفيده .. |
يالغالي , طيب والمطلوب يعني نقوله لا تفرح وافرح بس على بطولات نهائي دوري ابطال اسيآ ؟ بالمنطق ياخي من حقه يشارك اللاعبين فرحتهم , فيه فرصة محققه لهدف قبل الهدف الاول بدقايق بسيطه , لو تجيب الاعادة فيه واحد من طاقم الفني لتوماس دوول طمر طمرره وتنررفز وحالته حاله , يدل على إيش؟ على حماسهم ! نتمنى لهم المزيد من التوفيق وان شاء الله يرجع البطولة الغائبه للخزينة الهلاليه |
والله انا من اول اقول المدرب هذا مو كفؤ لتدريب الهلال مو علشان فرحته لأنه الاعبين مجهوداتهم فرديه ويارب يرجع جريتيس قبل فوات الأوان |
ياخي الكل فرح انا من المطامر صك راسي في السقف ،، الكورة من مباراة الشباب رافضة تجي قوووول ولا تبيه يفرح ،، انا حتى الآن ما أبي أحكم على دوول ، ولا راح احكم عليه الا بعد الجولة الخامسة ،، وإن شاء الله يكون عند حسن الظن فيه ويكون مقنع للجماهير كما هو مقنع للإدارة ،، همســـة :: أحس أن بعض الجماهير تتمنى سقوط المدرب وإخفاقه علشان يطلع لك بموضوع ويقول كما توقعت وقلت أن المدرب فاش ؟؟؟ ليه ما يكون العكس ؟ |
صح يالموضوع ههههههههههه تركت المباره كلها وجيت تنقد ليش دول يفرح بالهدف ههههههههههههه |
كبر عقلك عادي ياخي الرجال فرحان عشان سجل هدف أجل فية جماهير في ملعب شوي ويغمى عليهم من الفرحة ماقلنا أنت ما تعرف الهلال ونسينا جريتس كيف كان يفرح وهو أفضل مدرب مر على الهلال في أخر 5 سنوات |
حقيقة شخص متشاءم ويدور النقطة السودا فاللوح الابيض .. كل واحد يحلل على كيفه .. ياخي ان فرح قلتوا ما يدري عن الهلال وان سكت وابتسم قالوا ماهو متحمس وبارد وش تبيه يسوي طيب ؟ احد يعطيني حل لو سمحتوا ويجيب لي ردة فعل اذا سواها توماس دول رضيتوآ !؟ يا ليت يرسلها لي على الخاص الله لا يهينه .. |
إقتباس:
اقدر احلف انه لو كتب هذا افضل المدرب في العالم لكن الضروف ما تساعده كان قلت له صح لسانك >>> ما اقول الا الله يكفينا شر الأمعة . يا أخي انت وش تبغى بموضوعك وش كان المطلوب يبكي يعني عشان ترتاح ؟؟ لا حول حتى الفرحة مقيده لا وش يقول (الم اقل لكم) >>>> أقول ليتك تستغل موهبة الفصاحه هذي في واجب التعبير عن الوطن لكن ما اقول الا حسبي الله على مشرفين الواسطة اللي يرفعون مواضيع سامجه بكل ما تعنيه الكلمة واللي يفقع القلب انك تنزل مواضيع فيها من الاهمية بما كان ويقولون لا تتوافق مع الشروط أجل هذا ايش الحين فتوى تحريم الفرح بعد الهدف يتوافق مع الشروط ؟؟ |
وش تبيه يسوي يعني يصارخ ليه جبتو هدف ؟!! ولا تبيه يصيح ؟!!! قسم بالله في مواضيع مادري وش تبي مالها معنى وعلى فكره الهلال الي صنع المدربين :) |
شباب المشرفين مالهم دخل لأن الأخ من عام 2001 ينزل على كيفه !!! شسمه بخصوص فرحة المدرب توماس دول ؟؟ تبيه يبكي مثلاً على قولتك نادي التعاون ضعيف عام 2011 هزمتهم نفس الطريقة فاول نفذه نيفيز وسجله الغنام في الدور الأول كان المدرب جيرتس والدور الثاني تعادل 2-2 كان المدرب كالديرون على قولتك الهلال ما أنهزم لكن تعادل مع التعاون اللي أنت مصغره التعاون ياحبيبي هزم الأتحاد1-0 بأرض الأتي 2011 وإحنا مااهزمناهم ماقول غير الله يخلف عليك بس!!! |
والله انك صادق بالله هذا وجهه وجه اسيويه عزالله ضعنا وغرقنا في سيل جارف |
| الوقت المعتمد في المنتدى بتوقيت جرينتش +3.
الوقت الان » 04:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd