25/09/2011, 12:27 AM
|
 | محرر أخبار رابطة ميلان | | تاريخ التسجيل: 05/08/2010 المكان: san siro
مشاركات: 5,056
| |
مبرووك الفوز علينا , الحمد لله ماتأخرنا كثير ونقاطنا الان بعد اربع جولات مشابهه لنقاطنا بعد اربع جولات في الموسم الماضي , فوز معنوي اكثر من كونه 3 نقاط لازم تعود لنا ثقافة الانتصارات ونرجع نستيد إيطاليا من جديد , اليوم الجمهور خيال   إن شاء الله دوم نشوف هذه الجماهير بالسان سيرو , وكاسانو وسيدروف ماقصروا بمطالبتهم بالتحفيز ؛ اليوم مجملاً المستوى أكثر من ممتاز وانا شخصياً مايهمني المستوى بقدر مايهمني الفوز المعنوي , شفنا تكتيك مختلف عن الشوط الاول , شفنا الميلان يعتمد على الكرات الطولية من سيدورف في اغلب الشوط الثاني , وعطيني تشيزينا اكبر من قدرهم وخليناهم يمسكون الكورة بوقت كثير كان ممكن يكلفنا ضياع ثلاث نقاط غالية  اليغري لازم تعيد ترتيب أوراقك من الان ياليت يتم التنويع في صناعة اللعب فتارة نشوف الاعتماد على الكرات العرضية وتارة نشوف الكرات الارضية واخرى نشوف الطولية كذا نرهق الفريق الخصم ونسبب له المشاكل بإذن الله , تقييمي لمستوى الميلان إجمالياً 8,5 من 10 .  جعلها تبطي سنينك  يالبيه اليوم سيدورف رجع 20 سنة وراء هو نجم المباراة مقاسمةً مع تياغو سيلفا , ابو حنان جيد دفاعي وقدر يساعد زامبروتا بالشوط الثاني بالتغطية الدفاعية , وبالهجوم شيء خيالي من توزيع الكرات للمهاجمين لكن للاسف كاسانو والشعراوي وغيرهم لم يستغلوا الرواق اللي عايشه ابو حنان اليوم بالنسبة لكاسانو كنت اتمنى إخراجه من الشوط الثاني لانه هو المهاجم الوحيد الموجود في الابطال وراح يلعب بجانب ابرا يوم الاربعاء إن شاء الله , بالنسبة للفرعون الصغير ستيفان الشعراوي > اسمه رفع ضغط الكعبي  , قدم مستوى اقل من المتوقع منه لكن مادام الماكس قال لاحد يضغط عليه ماراح اضغط عليه  وبإنتظار انفجار هذه الموهبة في القادم من المباريات , ايمانويلسون قدر ينسينا غياب بوايتنج لكن بالجبهة الهجومية فقط , بوميل + نوتشيرينو الله يعينهم ماادري كيف ماجتهم إصابة مباريات على نفس المستوى ماشاء الله , إن شاء الله يستمرون وبإذن الله يوم الاربعاء عودة الكابيتانو لتخفيض الضغط عنهم , في الدفاع الكل ماقصر وخاصة تياغنهو وإن شاء الله نشوف عودة الجلاد بجنبه في ليلة الابطال  طوٌلت الغيبة  المدرجات اليوم مليانه بلاعبين الميلان وليست بالجماهير المخرج تعب يبغى يطلع الجمهور يطلع له لاعب ميلاني مصاب , لكن من جد شدني ووصلت بي الامور الى مالا يحتمل بالنسبة لمالديني يعني الى متى نشوفه بالمدرجات باولو لازم يصير بالادارة ؛ إلى متى ؟ ليناردو شفناه بالادارة  ومالديني مايصير فيها , حرام وربي حرام مالديني لازم يصير الموسم هذا في الإدارة , على الجماهير في إيطاليا الضغط على بيرلسكوني و غالياني لضمه اليغري زودتها حبتين كل شيء إلا انزاجي , الكل يشاهد مسلسل رونالدينهو يطبق على انزاجي ولا استبعد خروج بيبو من الفريق اذا بقي على هذا الحال الجمهور والادارة لابد من ان تكون لهم كلمة في هذا الموضوع هذا اذا لم يكن الموضوع مفبرك من الادارة نفسها , الا بيبو خلوه يكمل الموسم بدون اي إزعاج له يعني اليوم اي مدرب كان راح كان يدخل انزاجي في ظل حال الفريق من إصابات وتعب كاسانو وغيرها الى الان الامور واضحة مسلسل رونالدينهو يطبقٌ على انزاجي  الا بيبو ياليغري الا بيبو
اخر تعديل كان بواسطة » Arsenal في يوم » 25/09/2011 عند الساعة » 11:48 PM |
الوضع الشجري
