l*l في حالة الفوز ولا الخساره منتقدين منتقدين l*l
 

بسم الله الرحمن الرحيم

السلام عليكم ورحمة الله وبركاته ..


جمهورالزعامه الملكيه الهلاليه " الرقم الصعب " اسعد الله اوقاتكم بكل خير ..


طلب الاسطوره سامي الجابر من الجماهير الهلاليه الصبر على الزعيم

وقال نحن في مرحلة بناء فريق قوي ينافس على جميع الجبهات , والحقيقه

الفريق تم تغير عناصر الآساسيه التي كان يعتمد عليها في الموسم الماضي ,

الفريق يعاني عدم اكتمال الصفوف وعدم انسجام الاعبين , وذكر محلليين

الرياضيه السعوديه عادل البطي بعد مباراة الهلال والشباب يوضح من خلال تحليله

سبب ظهور الهلال بهذا المستوى في المباراه ، قال عادل آن الهلال يعاني من عدم

الانسجام بين الاعبين وعدم اكتمال الصفوف في الفريق ) حاول المحلل الشبابي

عبدالرحمن الرومي , من جعل فوزهم امر طبيعي وآن الهلال لم يتأثر بالغايب وقال

آن الشباب ، يعاني هو الاخر من عدم اكتمال الصفوف , شي مضحك جداً مايقوله

الرومي , نادي الشباب آول الانديه السعوديه تعاقد مع مدربه ولاعبينه المحترفين ,,

بوقت طويل ساعده على انسجام الفريق , والحقيقه آن الشباب لايعاني من النقص ..

والكل يعرف الظروف التي حدثة للهلال اثناء التعاقدات تأخرت التعاقدات مع بعض

الاعبين و مع المدرب آثر على عدم انسجام الاعبين , واصابة لاعبين

المحور عادل الهرماش وعبداللطيف الغنام , والاعتماد على لاعبين الاولمبي لسد

النقص في الفريق ..



××× ×××

/ ملاحظه في بعض الجماهيرفي موقع الزعيم ,نشاهد انتقاد حاد منهم

في حالة الفوز وفي حالة الخساره , الصراحه ماعرفنا لكم ..


الانتقاد في الهلال له نتائجه السلبيه على الفريق وحتى على الجماهير الهلالييه لا ندع

لمن يريدون التقليل من الهلال , فرصه لهم لكي يحبطون نجومنا , يازعماء ...

ظهر علينا فئه بسيطه من يقلل في الاعب محمد نامي , وكانه هو السبب

في خسارة الهلال , لكن الآن نشاهد من يزلزل اركان موقع الزعيم بالمديح الزائد

لانريد المديح ولا الانتقاد الحاد في نجوم الزعيم , لكن نريد الصبر على هلالنا ودعم الزعيم

والمؤازره ,وتحفيز النجوم والحضور للنادي ؛ في مباراة البارحه مع التعاون التي

اعتبرها بداية الانسجام والانطلاق الزعيم , نريد منكم الصبر على المهاجمين قليل

حتى يكتمل صفوف الفريق في مباراة الفيصلي باذن الله ، راح تشاهدون الزعيم كما


هو في الموسم الماضي ..

الف مبروك الفوز يازعماء ..
واسف على الاطاله
تحياتي لكم ..

يامشرفينا اتمنى منكم رفع الموضوع ..

شكراً على هذا الموضوع الجميل .....
لأن البعض هداهم الله تحس أنه فى حالة توهان ....
تصدِّق من ضمن الردود واحد يقول هدف نامى صدفة...؟؟؟؟؟؟؟
بالرغم من أنه ملعوب و من أجمل الأهداف .

المفترض ع الجمهور الهلالي أن يكون واعي وأن يصبر على الفريق حتى يتأقلم جيداً ولا سيما أن

المدرب جديد والمحترفين جدد والفريق يعاني من غيابات مهمة .

حال الهـــلال سئ للغاية .. وان شاء الله بعودة الغائبين
يعود النبض للفريق .. والله يستر من المباراة القادمة امام الأهلي
تتطلب وقفة جماهيرية وادارية قوية .. فهي المحك الحقيقي للهلال ولمدربه توماس


بالتوفيق للملكي

احنا لمن ننقد مو معناته كره او حقد

بالعكس النقد يجي من محبه وتوضيح لنقاط الضعف الي حصلت عشان يبدأو بحلها بوقت مبكر

كل واحد يقول رايه وتحليله بالي صار عشان يقدرو يشوفو نقاط الضعف يقدرو يصلحو اخطائهم من بدري

بالعكس لا تاخد النقد من باب الكره او الحقد

اذا فازو نقول لهم 1000 مبروك وبنفرح طبعا واذا ماحالفهم الحظ فيكون باسبابه واحنا الجمهور الي يشوف الاخطاء ويشوف ايش المفروض يصير

اذا احنا مانقدنا وماتكلمنا وماقلنا مين راح يتكلم هاااا ......؟؟؟؟؟

يعني شي طبيعي ماراح نخلي فريقنا ع عماهـ

لازم نوعيه

انت لك راي انا لي راي فلان له راي ونجمع ارائنا وياخدو الصح فالاصح فالانسب

وبالتوفيق لهم وين مايكونو

الله يردكم بالسلامه

عزوز _عادل _ الغنام

المشكله بعض الجماهير ما تنتقد على المستوى بل تنتقد اسم اللاعب
مثلا نامي كثير من الجماهير ما تقتنع فيه حتى لو تطور مستواه وتلقاهم ما يثنون عليه في حال ارتفع مستواه بل ينتظرون أي خطأ منه لكي يتم انتقاده والعكس تماما
مثل ياسر على سبيل المثال تلقى الجماهير تسانده في المدرجات على الرغم من انخفاض مستواه لأن اسمه كبير والأمثله كثيره على لاعبين كثر
أما الفريق الحالي حقيقه انا اشوف فيه لاعبين ينتظرون بس المسانده
لو شفنا دكة الاحتياط في مباراة التعاون حسام الحارثي مبارك الدرعمي سلطان البيشي شافي الدوسري جميعم لاعبين شباب مع القرني اساسي وسلمان الفرج لاعبين شباب يمثلون مستقبل الفريق وينتظرون المسانده
وايضا الفريق في طور الانسجام
اربع لاعبين اجانب جدد يمثلون 40% تقريبا من الفريق مع مدرب جديد وايضا خطه جديده
نحتاج الصبر فقط ولا زلنا في بداية المشوار ثلاث مباريات فقط مضت

المفترض ع الجمهور الهلالي أن يكون واعي وأن يصبر على الفريق حتى يتأقلم جيداً ولا سيما أن

المدرب جديد والمحترفين جدد والفريق يعاني من غيابات مهمة .</B>

عووووفيت حبيبي وبالتوووفيق للازرق

الحقيقة التي لا يعلمه اغلب الهلالين
ادارة الهلال تبحث عن جيل جديد
وقوي لهلال فالهلال سنه بعد سنه
يدخل لاعب او لاعبين على التشكيلة
الهلالليه
للنتذكر الهلال قبل 4 مواسم او 5
كان الحارس الدعيع الان العتيبي
لكن بعض الاحيان شراحيلي اساسي
ليكون جاهز اذا اعتزل التعيبي لان العتيبي عمره كبير
والقلوب المرشدي هوساوي سابقاً المفرج والهليل
الاظهره انتظرو المباريات راح تشاهدون الاظهره
ياسر الشهراني اذا تمت الصفقه في يناير وشافي الدوسري
المحاور الان القرني وبندر البيشي والفرج وسط للمستقبل
الوسط انتظرو بعد م سنة سوفو يكون وسط الهلال
يقوده الفريدي والعابد وسالم الدوسري
وهجوم الهلال انتظرو بعد سنوات ستشاهدون
بالهجوم لاعبين كثر لاتذركني اسمائهم الان

الخلاصه من الكلام
ان الهلال قاعد يبني فريق
للمستقبل يعني لاتضغطو عليهم
خليهم الهلال الي خلاه يستمر تعاقب الاجيال
شاهدوو بعض الانديه ذهب الجيل الذهبي فختفو
الهلال ولله الخمد اجيال بعد اجيال كلها تحص اللقاب

هذا اللي بعرفه من تصريح سامي

مرحلة بناء !!؟

انت افضل فريق سعودي .. تروح تهدم اللي سويته في الثلاث سنوات الاخيره وترجع تبني من اول ؟

يابوي اذا انت في القمه .. تبي تبني ايش ؟؟

فريقنا افضل فريق ويرجع يقول سامي حنا نبني .. وش له تبني طيب ؟ فريقك ممتاز .. المفروض تحافظ على تميزك مو تنساه وتبدأ من اول !!

بالنسبه لنامي


لو يسجل هاتريك في الاتحاد .. عني انا .. مابيه لو ببلاش !!

يابوي قل غير هالكلام ..

الثلاث سنوات الماضيه ... الهلال قدم افضل لاعبين في الملاعب السعوديه

السديري

شافي الدوسري

رضوان الموسى

خيرات

القرني

العابد

الدوسري عزوز

سالم الدوسري

وكان الهلال يأدي بشكل ممتاز وممتع وماصار فيه زي الهبال اللي صاير فيه الحين

يعني الحين علشانا بنلعب الحارثي في الفريق الاول .. لازم يتلخبط الفريق ؟؟

ماحنا لنا سنين نبني ... ليه كان فريقنا مقنع وممتع .. هالسنه ذي بس صار اي كلام ليه ؟

لان المدرب اي كلام ورجاءً خلوكم واقعيين شوي واتركوا عنكم ترديد الكلام بدوون اقتناع !!

يعطيك العافيه فخرآني هلالي ,,

اللي يقول هدف نامي صدفه , آحس انه متابع هلالي بقلب نصراوي ههههههههههه

اجل صدفه يبي يقلل من الهدف اللي اعتبره افضل هدف في الجوله ...

تحياتي يازعيم ..

هذا اللي نبيه يازعيم , ان حنا نصبر علي فريقنا ...

يعطيك العافيه على مرورك .

مباراة وحده ماهي مقياس على ان الهلال سيئ ، وعودة الهلال قريبه باذن الله ,,

تحياتي يازعيم

نامي في خانه الظهير الايمن بدون مسانده مايقدر يعمل شي , بالعكس عندما يساند
احد من لاعبين الوسط تشوف يقدم مستويات رائعه ,هذا انتقاد هادف

انا بسألك في الموسم الماضي .كانت الجماهير الهلاليه , انواع المديح في اللاعب عبدالله الزوري , والان بسبب تذبذب مستوى يعتبر البعض ظهير مايصلح في الهلال
ومن يطالب في شافي الدوسري , والكثيرو الكثير من الانتقادات حول الزوري ,,
ياخوي حتى محمد الشلهوب ماسلم من انتقاداتهم الغير هادف اللي يطالب ان محمد
يكون يحرس الاحتياط يابطل انتم تنتقدون بالشكل الخاطئ ..

يعطيك العافيه على مرورك واتمنى توقفون الانتقادات لان الاداره تعرف عملها ..

تحياتي ..

هذا مانتكلم عنه يازعيم ونبي الجميع ينتقد بالشكل الهادف اللي مافيه التقليل من الاعبين

,شكراً لك على مرورك ..

ياسلامي عليك يازعيم هذا الواعي الهلالي ..

شكرا يازعيم ..

شكرأُ على مرورك ..
وبالتوفيق للزعيم ..

شكراُ من القلب يازعيم ..
كفيت ووفيت ,,

كلامك صحيح في بعض الناس ماتنعطا وجه ولا يعرف بالكورة شي مشكلت الهلال اذا عودهم عالخمسات

كلامك ممتاز ,
صحيح نحن افضل فريق سعودي , لكن الفريق تغيرت عناصر الاساسيه التي كنا نعتمد عليها , اولهم المحورين اللي كانوا نعتمد عليهم في الوسط انتقلوا هذا اولا شي ,
ثاني شي , كم لاعب غادر لاعبين الاجانب المميزين انتقلوا هم ولهامسون , رادوي
, ولي , تايقو ، ولاعبين , خالد عزيز وياسر قحطاني , 6 لاعبين اهم العناصر , تقولي ليش مانحافظ على الفريق المتميز ..

اولا رادوي وتايقو و لي الكوري , هم من طلب الانتقال ، والواضح من كلام

سامي , هو ان الهلال جلب لاعبين جدد ومدرب جديد , هالاشياء مع مراحل بناء ..


ونامي مثل ماقلت لو يسجل هاترك ماراح تقتنعون ان مستواه يتصاعد
, ونامي نصبر عليه مثلا ماصبرنا على خالد عزيز في بداياته واصبح

الهلالييين يتغنون فيه , خالد عزيز في بداياته كان لاعب غير مقنع بالنسبه لهلاليين..

يعطيك العافيه على مرورك

وش بلاكم اختبصتو
هههههههههههههههههههههههههه
كل واحد يرد على الثاني
على العموم كلامه صح انتو جماهير ماتعرف الصبر كل شي تبونه بسرعه

حبيبي , لابد من صنع لاعب بديل رابع في خانة الظهير لاتنسى انتقال خالد عزيز

واصابة الهرماش , وعبداللطيف الغنام يعني ماعندك محور الا القرني ..

حنا جلبنا لاعبين جدد ياهلالي فور ايفر , يعني تونا في البدايه ..

والفريق يعاني النقص ,, عبداللطيف الغنام في المحور , والهرماش .. وعبدالعزيز
الدوسري للاصابه , ونواف العابد مع المنتخب الاولمبي , الزوري متذبذب مستواه .

وان شاء الله المباريات القادمه راح يتغير كلامك عن الهلال ,.,..

تحياتي ياهلالي فور ايفر ..

هلاليروماني , nemar11 ..
كلامكم منطقي , والصبر على هلالنا ..
عند عودة الهرماش والغنام , عبدالعزيز الدوسري, والعابد ,,, سوف يصبح
الزعيم افضل بكثير من الموسم السابق , وراح يحقق الطموحات الهلالييه .,.

شكرا لكم على مروركم

تصبحون على خير يازعماء ...

يالغالي لاتحسب علي تياقو لانه الرجال انتقل نص الموسم

ولاتحسب علي عزيز لانه مالعب الموسم الماضي الا نص مباراه

يعني غياب هالاثنين مو مؤثر ولاراح يغير شي من اداء الموسم الماضي

انا ابي اللاعبين اللي جابوا الدوري بدون هزيمه وهم موجودين حاليا

واذا كان العذر المحور

ترى كالديرون لعب مباراتين بدون محاور .. ووحده منهم قدام الاتفاق .. لعب بالششلهوب والفريدي كلاعبي محور ... وقلبنا النتيجه من 2-0 الي 3-2

قيريتس لعب قدام ذوبهان بدون محاور ... لعب بالفريدي والفرج وكنا بنفوز لولا غباء ويلي اللي ضيع البلنتي وتسبب بقول علينا

بالنسبه لاجانب جدد ومدري ايش .. ياخي هذا الشباب جاب اجانب جدد ومدرب جديد وجاب مهاجم جديد " مختار فلاته " وجاب وجاب ... ولعبهم ممتاز ليه ؟

وش فرقهم عنا .. مروا بنفس ضروفنا ... عندهم معسكر منتخب .. عندهم اصابات ومدرب جديد ولاعبين جدد !!

البلا ياطويل العمر بكل بساطه بدميجة هالالماني .. توماس دول

الي الان الهلال لعب 12 مباراه بين وديه ورسميه .. بصراحه المستوى سيء ولاشفنا طريقة لعب زي الناس ..

نصبر لنا مباراتين زود .. وقتها بنشوف وش بيسوي دول .. والاختبار الحقيقي قدام الاهلي والله يستر !

نامي تبينا نصبر الين يتطور ؟

انت عندك خبر انه عمره 29 سنه ؟ تصبر عليه الين يتطور ويصير 32 سنه .. ويلعب لك مباراتين بشكل رائع ويعتزل بعدها ؟ الصبر على اللاعب الصغير وانا اخوك !!