|
ينصحون بالسياحه الداخليه , ومادفعناه باأبها اكثر من مادفعناه في ماليزيا السلام عليكم ورحمة الله وبركاته السياحه الداخليه وماأدراك مالسياحه الداخليه ينصحون فيها وهذي وطنكم وفيها سياحه وخلوا توجهكم للسياحه الداخليه وشعارات واعلانات لتحميس المواطنين عليها , الطائف , ابها , الباحه , تبوك , كلها مدن رائعه بالطبيعه لكن صراحه مبالغين بشكل مو طبيعي بالغلاء , يوم من الايام عزمنا حنا واهلي نروح لآبها , وعلى اساس انها سياحه داخليه وبنشوف شي منا وفينا وامي سوت لنا محاضره يوم كنا بنختار صلاله هذي وطنكم وصلاله مثل ابها بس ماش انتم يالسعوديين شي مو لكم ماتحبونه وعشان الوالده قلنا يالله نروح نشوف تخيلوا جميع الشقق الموجوده سعرها يتراوح بين 500 ريال وفوووووووق المشكله لو انها على شي سنع ماقلنا شي طبعا دورنا لنا شقق وكان زحمه ورحنا سكنا في فنادق ابها الجديده تخيلوا 750 ريال باليوم الواحد على مااعتقد خدمات مافيه , الشقه صغيره جدا ولا فيها اي شيء يحسسني انها فندق اخبر الفنادق الكبيره اححد الوجبات اليوميه تكون عليهم اذا ماكنت كلها عليهم النظافه مافيه , تخيلوا جلسو ينظفون وحنا موجودين بالشقه هذا بالنسبه للسكن , بالنسببه للاماكن الترفيهيه , مافيه منتزهات ولا فيه اي شي يحمس اللهم التلفريك مستانسين فيه وانك تطلع تتمشى وانت داخل سيارتك اصرف او انك تجيب سماط وتحطه على هالخضار وقهوه وشاهي احلى يعني كون ان مدينة ابها ماشاء الله رائعه بجمالها وحسن جوها الا انهم مو مهتمين فيها تخيلو جلسنا تقريبا اسبوعين بأبها وبالتحديد شقق ( ابها الجديده ) يعني 14 يوم اضربوها في 700 ريال وشوفوا كم تطلع هذا غير لما تطلب من مطعم ويكون غالي , التلفريك تخيلوا للراكب الواحد خمسين ريال طبعا هذا الكلام قبل اربع سنوات , الحين اتوقع زادو بالغلا , العطله الصيفيه االي فااتتت هذي , رحنا ماليزيا قسم بالله جلسنا نتذكر يوم رحنا لأبها , وحسبناها وطلع الي دفعناه في ابها اكثر من مادفعناه في ماليزيا ولاحظوا الفرق , ماليزيا احلى من ابها ولا تقارن ابد ولا واحد بالميه فنادق تفتح النفس , مجمعات رائعه , مدن ترفيهيه من احسن المدن في العالم شاليهات ومسابح تفتح النفس ووو الخ من الامور الترفيهيه , فلذلك لاحد يجي ويطالب بالسياحه الداخليه دامهم ياكلون فلوسنا على قل سنع :cry: |
عفوا انا كتبت بالعنوان مادفعناه بالطايف ( كنت اقصد ابها ) لكن عدلت |
وعليكم السلام اتفق معك انو ابها والمدن اللي ذكرتيها غاليه بشكل مو طبيعي يعني اسبوعين بمبلغ 9800 بتركيا مبسسسوط بالمبلغ ذا بجد والله حرام وين دور مراقبة الاسعار والسياحه وينها بس كالعاده مسمى فقط وزارات انا عن نفسي سياحه داخليه ارفضها |
عاد ماليزيا ما يحتاج بالعطلة الصيفيه ، تطلع السعودية الفرع 2 أشك والله أعلم إن الي يبيعون هناك والفنادق خذوا لهجتنا مو بس لغتنا :d المهم . أتفق معك صراحة في كلامك ، ولعل الفرق الوحيد هو التذاكر فقط وليت أبها وقفت عالغلاء وبس ، قمة التخلف والهمجيه في الشوارع وتسكير شوارع ورقص وإزعاج. وأيضاً سعر الشقق والفنادق بأبها يتخطى الـ 700 ريال ، والخدمات نت بطئ ما يشتغل إلا خمس دقايق باليوم! وبـ أمريكا فندق الدايز إن بـ 80 دولار لليوم الواحد، ومع وجبة فطور كل يوم:smilie47:< ممكن فيه وجبات ثانيه ، بس ما جربتها! وبـ تركيا دور كامل بـ أطراف إسطنبول يطل على بحيرة من جهه وغابة جميله جداً من جهه أخرى وبلكونتين وحده بـ جهة البحيرة وال×رى بـ جهة الأشجار والطبيعة ، وثلاث غرف نوم وصالتين، يعني دور متكامل وكبير ورائع ، وكل هذا بـ نفس سعر شقة غرفتين وصاله بـ أبها وتطل على حصى، يعني قمة الغبنه قسم بالله وما أتوقع فيه داعي أتكلم عن الفروق في المنتهزهات والحدائق :d وإلي يقهرك إنك تدخل منتزه بـ 100 وفوق في النهايه الحديقة العامه إلي جنبه أنظف منه وأجمل وأحلى. وأبها صراحة كويسه كـ جو وطبيعه وكذا ولكن يبي لها رقابة أقوى من ناحية الأمن وأيضاً من ناحية الأسعار ، مو معقول سعر الشقه في أبها = سعر دور كامل في دولة أجمل بـ ملايين المرات! عالعموم نقول إن شاء الله إن السياحه راح تتطور وأبها لو أُستغلت صح راح تكون قمة والله. :ax: |
سبحانك يارب المواضيع لا تخرج الا بعد ما يطوف وقتها (يعنى مغبرة) يعنى مثل الموضوع هذه وش الفايدة منه حاليا؟؟؟؟؟؟؟؟؟؟:to: |
بالضبط أنا قبل رمضان دفعت 3000 قيمة شقتين لثلاثة ايام فقط .. شيء يقهر مرررة |
انا عاايشة في ابهاا انا ماادري ايش اللي عااجبكم فيهااا ضيق وكتمة ماايعلم فيها الا الله اقوول خليكم على ماليزيا وصلالة أفضل |
أبها على الرغم مما يقال عنها بأنها مدينة سياحية فهي تفتقر لأدنى المواصفات السياحية.. تخيلوا إيجار شقة مكونة من غرفة نوم وصالة ودورة مياه ومطبخ وغرفة صغيرة جداً يقال أنها مجلس لاستقبال الضيوف بـ21000 ريال شهرياً (بعد التخفيض!) .. ناهيك عن سوء الأثاث الذي سبق وأن استخدمه أجيال وأجيال, وسوء التكييف, وسوء الخدمات داخل المبنى ...إلخ. أما إن خرجت من الشقة لغرض مايسمى (الترويح عن النفس) فتلك رواية أخرى!! فهناك الشوارع المزدحمة بالسيارات, حيث أن الذهاب من المدينة نفسها إلى السودة التي تبعد عنها 20 كيلو تقريباً يأخذ من السائق قرابة 3 ساعات. يازين ماليزيا, وتركيا, وسنغافورة, وحتى بنغلاديش, مقارنة بأبها و "السياحة الداخلية" بشكل عام .. |
يعطيك العافيه اختي تقبلي مروري |
- اييييييه و انا خيتس لآ تفتحين جروح :d:cry: ليت البلآ من كم ألف تندفع :d مير البلآ لآ صآروآ اللي عندس ضد فكرة إنّ حنّآ نسآفر برى السعوديه :no::d لنآ الله بس :d:smilie47: |
- السعر دبل وعلى حآجة ماتستآهل بس :s3s: آنآ ضد السياحة الداخلية , من سنيتن كلهآ خارج المملكة :wub::smilie47::smilie47: تحيآتي وتقديري :smilie47: |
اقول يازين اندونيسيا كل ماتلفت يمين ويسار ماتشوف الا اللون الاخضر مب تلتفت وتشوف حصى وقرود |
إقتباس:
إشوف لو رايحين دبي ابرك بمليون مره :d إفضل مدينة عربية متطورة , بلا ابها بلا طايف ازعجونا عندهم كأنهم يتكلمون عن روما و جزر المالديف :d ’ |
سبحانك يارب المواضيع لا تخرج الا بعد ما يطوف وقتها (يعنى مغبرة) يعنى مثل الموضوع هذه وش الفايدة منه حاليا؟؟؟؟؟؟؟؟؟؟:ranting: |
شين وقوي عين ! هالغلا لو تحطونه في دبي أبرك ! |
| الوقت المعتمد في المنتدى بتوقيت جرينتش +3.
الوقت الان » 02:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd