موضوعك رائع ولكن فيه كم نقطه ابغى اضيف لك عليها ,
بالنسبه لموضوع عدد الكراسي ,
انا معاك 100% , ولكن ترا فيه خيار جديد في الملاعب الجديده ,
وهالشي مطبق في ملعب الارسنال , وقد يكون الملعب الوحيد بهالخاصيه ,
ألا وهي انك تبني الملعب بـ إمكانية توسعته ,
يعني زي ملعب الارسنال يتسع لـ 60 ألف ,
ولكن فيه اماكن فاضيه تكفي انه يسوون توسعه ويضيفون كراسي الى 100 ألف ,
هالشي بيخفف ميزانية البناء وقتها , ومع توفر السيوله في المستقبل ان شاء الله ,
ومع ارتفاع معدل الحضور الجماهيري , تستطيع توسعة الملعب بكل سهوله ,
نقطه ثانيه الا وهي الطوابق الثلاث ,
معليش حبيبي بس معلومتك غلطانه ,
الهدف من هالطريقه هي استيعاب اكبر عدد من المقاعد بـ أقل مساحه ,
يعني بدل ماترص الكراسي ورا بعض , حطهم فوق بعض ,
بتقل المساحه و بتزيد الكراسي , وهالشي مطبق في جميع الدوريات وليس الانجليزي بس ,
شوف ملعب الريال و البرشا و السان سيرو , كلها نفس الفكره وتقريباً 90% من كراسي الدوريات الاوروبيه بهالطريقه ,
أما مسألة التنظيم فـ معليش , هناك مش زي نظامنا ترا ,
يعني تشتري التذكره و تدخل بدون تنظيم كأنهم غنم , بالعكس ,
الكراسي مرقمه , وتشتري التذكره من قبل المباراه بجولتين أو 3 , أو حتى اكثر ,
وتدخل قبل المباراه بـ 5 دقايق على كرسيك وليس على مزاجك ,
فـ سالفة تقسيم الكراسي الى 3 ادوار مش الهدف منها تنظيمياً ,
بشكل عام موضوعك روعه ,
ولكن لو كملت هالنقاط بمعلومات كامله بيكون الموضوع 100% وخرافي ,
اذا فيه امكانية تعديل على الموضوع فـ ياليت تعدل النقاط الي قلتلك ,
ويعطيك الف عافيه على مجهودك حبيبي ,
![الصورة الرمزية الخاصة بـ ..[ Dany ]..](images2/images14/images/avatars/world/rm11.png)
الوضع العادي
