عوووووووودنا مع مشاركة الهلاليه وللابد

السلام عليكم ورحمة الله وبركاته
وعليكم السلام والرحمة

هلا والله غلااااااااااااااااا
هلا فيتس وغلاااااااااااااااا اختي هلالية

كل عام وأنت بألف خير وعافيه وجعلها سنة السعد لك ........
وانتي بخير يالغالية .. وجعلها سنة سعد علينا وعليتس ;)
لكن وش المناسبة

كيفك ياااااااارب بألف خير وعافيه ............
الحمدلله تمام .. انتي وشلونتس

يالغالى عند كم سؤال لك .......
خوذي راحتس عنوني

السؤال الأول .........
لو قالوا لك الهلاليه وللأبـــد وش يجي على بالك بسرعه؟؟؟؟؟؟
يجي على بالي القصيم بسرعة
وبعده يجي توقيعك المشهور القصيم اسياد الكون وبناتهم درر مكنون ;)
ويجي بعد مسابقة رمضان العام الماضي وهي اول مرة نعمل بلجنة وحدة سوى


السؤال الثانى .......
أخبارك مع التعبير تمام......
((القصيم ___بريدة ))...............
أمسك القلم وعبر عن مابداخل القوس بما لايقل عن خمس سطور .....
ياحبي للقصيم وبس ..
لعل اكثر الاعضاء مايدرون اني اصلاً من القصيم وأن الاهل لازالوا هناك وتوزعوا تالي مابين القصيم والرياض وطبعا بالرياض للعمل <<== والا مو من زين الرياض .. لكني ولدت وتربيت بالجوف .. ودرست وتوظفت وتزوجت بالجوف .. وصرت جوفي غصبن عني
وهالحين الجوف والقصيم بالنسبة لي عينان في رأس
زياراتي للقصيم للأسف قليلة وعلى حسب المناسبات .. يعني مناسبة خطوبة او زواج بكون متواجد بالطبع لرؤية الاهل جميعاً ولصلة الرحم .. وأخر زيارة لي للقصيم كانت بعيد رمضان الماضي والسبب خطوبة ولد عمي على وحدة من بنات عمامي .. والزواج طبعاً راح يكون بالقصيم بعد الاختبارات مباشرة .. وراح اكون هناك <<== وتراك معزومه انتي وكل قصمان المنتدى
بريده للأسف ماجيتها كثير ولا اقدر اقول عنها شي

هذا الى براسي الحين ومتى ماطن براسي شي راح أسألك .....
حياك الله بكل وقت اختي هلالية انتي وطناتس

ولك أغلى وأرق تحية من أحلى هلاليـــــــــــه
مشكورة على التحية .. يا احلى هلالية

عوووووووودنا مع مشاركة الموهوب

السلام عليكم ..
عليكم السلام والرحمة

الحقيقة انا جدا اسف للتاخر في الحضور هنا .. بس وش اسوي .. مشغول لين اذني ..
معذووووووووور يالغالي ..
ولو ماجيت كان احسن انت وهالأسئلة اللي تذكرني بمدرس الجغرافيا بصف خامس متوسط جيم

حتى توني جاي انا وعمرو موسى من عند كوفي عنان عشان نحدد موعد لصدام وبوش من اجل تقريب وجهات النظر بينهم .. ونخليهم يحولون وجهة الحرب على اسرائيل ..
تكفى لا تكثر من هالواسطات ..
شكل العراق طاحت بسبتك انت ووجاهتك هاللي انت ماخذن معك ;)
ومابقى يحولون وجهة الحرب الا علشانك انت وعمرو موسى
الا منهو عمرو موسى هذا .. اسمه وكأنه مدرس رياضيات ;)

<--- مشغول اقول لك
كل هالأسئلة وتقول مشغول
وشلون لو حطيتها وانت فاضي

عندي كم من سؤال بس اقل من القلب الازرق بشوي
انت كريم وانا أستاهل
ومن ناحية اقل من القلب الازرق فهي اقل .. لكن العبرة بالكيف مو بالكم ;)

اقرا الاسئلة التالية بهدووووووء وابدا بالاجابة على السؤال الاسهل
ماقلتلي اجاوب بالرصاص والا الجاف

اجب على الاسئلة التالية :
- ماذا ستفعل اذا قامت الحرب ؟ وين بتروح انت وعيالك الله يخليهم ؟ ترى الجوف وانا اخوك تخوف
وين بروح يعني !! ابي انثبر بديرتي أكيد ..
لأن اذا الحرب قامت بالجوف تبي تشب بالشرقية والرياض وبكل مكان .. الله لايقوله .
وترى الجوف أمن من غيره .. على الاقل مافيه بترول ولا شي .. مافيه الا مزارع وبراري

- لو قررت انك تقعد بالجوف .. وش بتسوي لو سمعت صفارات الانذار .. هل بتطلع للسطح كالعادة عشان تشوف الصاروخ ؟ والا بتتوزا في القبو ( ان كان عندك قبو ) والا بتكبر الوسادة وتطنش ؟
تبي الصراحة ..
انا طبعي ملقوف
يعني راح تلقاني فوق السطح اتفرج على الصواريخ .. يما يجيني صاروخ وينسفني انا وسطحي
والا قاعد افر بهالشوارع اتفرج على الطاخ والطيخ تقول صحفي انتحاري
تصدق انك ذكرتني بحرب الخليج الثانية ( ايام حرب الكويت ) الناس لابدة ببيوتها من الخوف وانا وشلتي قاعدين ندوج بهالشوارع ونضحك على خلق الله

- هل تحب تلعب كورة قدم ووين تحب تلعب في اي مركز ؟ وما اسم الشخص اللي دخل فيك كوبري يوم من الايام ولين الحين تذكره ؟
احب الكورة جداً واحب العبها .. لكن وللأسف احس اني مابردت تسبدي بالكورة .. لأن ايام الشباب والدجة احرمتني من التسجيل بأحد النوادي او فرق الحواري .. وهالحين شيبنا وفات الفوت ;)
هالحين صرت العب كورة مع طلابي بالمدرسة وبس .
ومركزي المفضل الوسط الايسر .. بس ماحب التقيد وما اثبت بمكان <<== يعني لو كنت لاعب بنادي غير تلقاني من اول مباراة القط اوراق ملفي من الشارع
ماعرف العب الا باليسار .. ولو اشوت كورة باليمين كان تكرفست على خشتي
واللي ادخل فيني كوبري ما انساه طالب كان بثالث متوسط اسمه مازن .. بأول سنة تعينت فيها بمدرستي الحالية .. يعني قبل حوالي ثمان سنوات <<== يبغى يعشش بمدرسته
بصراحة كوبري مرتب من اللي يحبه قلبك وماقدر اشرح كيف جا ..
لأن مايسويه الا لاعب عالمي بلاعب عالمي زيه ;)

- ما الذي تعتقد انه ينقص شبكة الزعيم وتحديدا اللجنة الاخبارية ؟
الشبكة ولله الحمد كاملة والكامل وجه الله .. والسبب وجود سمو الأمير بندر بن ثامر الدايم معنا ودعمه المادي والمعنوي وتوجيهاته المستمرة .. ووجود ادارة متفهمة وقريبة مننا بالحيل
اما اللجنة الاخبارية سابقاً والاعلامية حاليا ينقصها التغطية الحية داخل النادي .. ولو ان منادي والنمر المقنع ومحمد ابولما قايمين بشغل يشكرون عليه .
كذلك ينقصنا النقل المباشر للمباريات العالمية ;)

- كم مبلغ اعلى فاتورة جوال جتك ؟ وما موقف زوجتك منها ؟ وهل تعتقد ان لو تشتري لدحموني لعبة بقيمة هالفاتورة اصرف ؟
خلها مستورة

اجب عن الاتي بنعم او لا ( لا تتفلسف واجد وتقول ما ادري ) :
حاظرين

(أ) هل عمرك اكثر من 30 ؟
نعم .

(ب) في محفظتك الحين اكثر من 200 ريال ؟
نعم .

(جـ) وزنك اكثر من 80؟
لا .

(د)هل قد طقيت عبدالرحمن مرة وصاح ؟
لا .

(هـ) هل تفكر تتزوج الثانية ؟
لا .

(و) لو نويت اتزوج انا .. تزوجني ؟
لا

(ز) هل عندك مشاريع تجارية الان ؟
لا .

صل الكلمات من العمود الاول بما يناسبها من العمود الثاني ( يمنع استخدام الكلمة مرتين )
(ا)------------------------------------------------(ب)
بندر بن ثامر ------------------------------------ رجل والرجال قليل
شبكة الزعيم ------------------------------------ شيء مهم جدا
اللجنة الاخبارية -------------------------------- تعب
الموهوب -------------------------------------- هم وغم
الهلال ----------------------------------------- تاج الراس
دحموني --------------------------------------- عمري كله
الفلوس --------------------------------------- قلق
الدخان ---------------------------------------- يعععععع
كنتاكي ---------------------------------------- عسل
الماسينجر ------------------------------------- قاهرني

ياشينك انت وهالتوهيقة .. وربي جلست اكثر من ساعة وانا اشيل واحط يما طلعت هيك
بندر بن ثامر ودحموني والهلال مافيهم كلام .. اما الباقي مالقيت لهم وصف مناسب من حقاتك يالشين
احلف اذا منت متعمد تحطني بهالموقف ;)

اكمل الفراغات التالية بالعبارات المناسبة :
ا) سوف اتخلي عن شبكة الزعيم اذا وافاني الأجل المحتوم .
(ب) ممكن ان يتاهل الهلال في تصفيات العين اذا انسحبت الثلاث فرق الأخرى
(جـ) الشخص الذي تبوح له بكل شيء هو نفسي
(د) العضو اللي ممكن انك تعتمد عليه وتتطمن اذا وصيته بشيء في الشبكة هو الصوت الهلالي
(هـ) اقوى موضوعين تحس انه هز شبكة الزعيم في نفسك هما مواضيع كثيرة والله .. وماعلى بالي شي هالحين .
(و) لو لم اكن هلالي الجوف اتمنى ان اكون ياقاهرهم ياسامي

علل لما يأتي :
(أ) تدهور الهلال هذا الموسم.
لتغير التشكيلة بين كل مباراة وأخرى وعدم الاستقرار الفني .

(ب) حبك لشبكة الزعيم
اتى من حبي للهلال .. ومن ثم لإعضاء وإدارة الشبكة

(ج) حبك لي انا ( واثق مرة )
ومن قال اني احبك

ماذا ينقص مسابقة من سيربح المليون في شبكة الزعيم وماذا تقترح لتطوريها اكثروهل تؤيد استمرارها ؟
ماينقصها الا الاستمرار لو مرة بالشهر

اتمنى لك التوفيق في حل الاسئلة
وانا اتمنى لك التوفيق في منصبك الجديد

عوووووووودنا مع مشاركة صدى الامس

يا هلا والله بهلالي الجوف القلب النابض لهذه الشبكة ..
ياهلا والله فيك اخوي صدى
حيالله اللي يغيب ويسرع الردة .. اللي اذا انه تباطأ جيتي جاني ;)

عندي كم سؤالي وودي الله لا يهينك تجاوب عليهم <--- بالله أجل ليش فاتحين هالموضوع ؟؟
يمكن فاتحينه نبيع سمبوسه وسبانخ

# اللجنة الإخبارية رأينا عملها الجبار والكبير في بطولة كأس العالم ورأينا التقارير والأخبار أولاً بأول وجعلت الكل يفخر بإنضامه لهذه الشبكة .. لكن بعد تلك البطولة لم نعد نشاهدها كما كانت !! فما الأسباب ؟؟ وشاهدنا بصراحه تقصير (( رأي شخصي )) في تغطيتها للجمهور الهلالي وإعتمادها الكلي للكرة العالمية ؟؟ ما الأسباب ؟؟
يمكن لأني كنت مشرف الاخبارية والعالمية
مافي سبب معين يالغالي .. لكن زي ماتعرف ان بطولة العالم يتابعها الجميع بمختلف الاعمار والجنسيات ..وتجي كل أربع سنوات مرة وبفترة معلومة ومحددة ومنتهية .. وهذا اللي خلانا نهتم بزيادة بهالحدث ونعطيه حقه .. وكان استعدادنا للبطولة مبكر حتى نبيض وجه الشبكة .. وكان النجاح ولله الحمد حليفنا
والتقصير الحاصل بمنتدى الجمهور اكيد تقصد فيه التغطية الميدانية .. والا شغل ادارة الاخبار واعضاء اللجنة فيه مستمر بمواضيع التحليل والتقديم واستعراض البطولات واللقاءات وبمواضيع تغطية مباريات الهلال وعرض الاهداف باستمرار .
اما منتدى العالمية فتغذيته تأتي من الأنترنت ومن المواقع الاخبارية وهذي امرها هين .. عكس منتدى الجمهور اللي يبغاله تغذية ميدانية وضرب مشوار للنادي .
وفي سبب أخير وهو الملل اللي يصيب اعضاء اللجنة كما يصيب اعضاء المنتدى العاديين ;)
ولاتنسى بعد الظروف الدراسية والمادية وغيرها .

# ظاهرة مزعجة من وجهة نظرك تود إزالتها من هذه الشبكة ؟؟؟
في اكثر من ظاهرة سبق وذكرتها بإجاباتي السابقة .. وهي التعصب بوجهات النظر لحد الزعل .. وتسجيل الشباب بيوزرات نسائية والنقل والتكرار والاندساس .

# هلالي الجوف كان في وقت ما مشرف على المجلس العام وكان يتواجد بكثرة لغياب المشرفين .. هل سنرى هلالي الجوف كما كان أم لابد من غياب المشرفين لنراه ؟؟؟
ستراه ان شاءالله كما كان

# ظاهره في المجلس العام تزعجك .. ماهي ؟؟
التكرار .. وغياب بعض الاعضاء المميزين .

# لو قلعوا البارق (( اليوم قبل بكره )) وحطوك بداله وش أول قرار تبي تاخذه ؟؟؟
هالحتسي منول ..
هالحين خف على البارق لا اقشعه انا <<== يبي يجرب المنصب الجديد على البارق
وبعدين من زينه والا من زين مطبخه هاللي كله ريحة كراث وكشنة
لكن لو وحصلت وهذا بحكم المستحيل طبعاً اني اصير مكانه ;) فراح اقلع طقم المطبخ كل ابوه ورى مشرفه ;) واحطه بداله مطعم وجبات سريعة من اللي يحبه قلبك

تقبل خالص تحياتي ,.,
تحياتي لك عزيزي

عووووووووودنا مع مشاركة الغانم

هلالي الجوف
ياهلا والله بالغانم .. راعي العلم الغانم <<== العلم يعني الخبر .. ماهو هذاك الرقعة اللي يغزونها بخشبة

الله يعينك على الاسئله
وهالحين قل الله يعيننا يما نشوف الاجابات .. لأن شكل الاسئلة انتهت وصرت اتدلع

انا من شفت اسئلة الموهوب وانا غاسل يديني
وين العزيمة علشان تغسل ايدينك
تراهم ماعزموني

ذكرتني بدجة قد مضت
ما ناقص الا يكتب: حسن الخط والنظام درجتين!!!!!!!
ماعليك منه .. هذا يحتك بالمدرسين

عندي سؤال سغنطوط
من احسن واحد عندك من اصدقائك خصوصا اذا كان من الشرقيه وشفته اول واحد باجازة العيد الماضي وقابلت في مقهى انت!!!!
احسن واحد من اصدقائي هو من الشرقية .. وبالأمارة شفته اول واحد باجازة العيد الماضي .. وقابلته في مقهى ;)
والله يالغالي اللي شفتهم بالعيد الماضي كثارين <<== يعني كثيرون
وكلهم فرحت بشوفتهم واعتز جداً بصداقتهم

سؤال صعب صح
تبي الصراحة ..
اصعب من اسئلة الموهوب

عوووووووودنا مع مشاركة Muhannad

هلا والله ابوعبدالرحمن ..
هلا فيك وغلا ابوعبدالله

هذي اول مره اشارك في المنتدى العام ويسعدني انها تكون في هذا الموضوع ..
اشكرك عزيزي ..
وانا يسعدني وجداً انها تكون اول مشاركة لك وعلشاني ..
واتمنى منك المواصلة يالغالي بهالمنتدى الغالي

الصراحة عندي كم سؤال واتمنى اني ما اثقل عليك .
انت تثقل علي .. ياحيفك ..
عزيز وغالي يالعالمي ;)

## كم ساعة تدخل فيها النت ؟
بصراحة ماعمري حسبت
لكن ادخل الصبح مابين ساعتين الى ثلاث .. والعصر مثلهن ..
وبالليل حوالي الثلاث ساعات .
يعني المعدل مابين الخمس والعشر ساعات يومياً .. وتختلف حسب الشغل والظروف ..
وتجي ايام ما ادخل نهائياً .. وتجي ايام ادخل بأكثر من العشر ساعات بواجد

## هل تجيد اي برنامج في الكمبيوتر (الفوتوشوب ، الفلاش ....... الخ) ؟
لاوالله يالغالي ما اجيد
واحسن شي اجيده هو التصفح
بصراحة ماعمري حاولت .. ويمكن لو حاولت راح اجيد .
لكن حلوة هل تجيد وانا ارد عليك واقول لا اجيد وراح اجيد .. حسيت اني جيد

## ما رأيك بخدمة الانترنت في المملكة ؟ وهل هناك اقتراحات لتطويرها ؟
الخدمة للأسف سيئة جداً جداً جداً ..
وبصراحة انا غير ملم بالتقنية الاتصالاتية علشان اعطيك افكار تطويرية ;)

## ما رأيك بشركة الاتصالات السعودية ؟ وهل تؤيد السماح بانشاء شركات اتصالات اخرى غيرها ؟
رأيي انها شركة نصب واحتيال .. وبصراحة صارت لي سوالف مختلفة مع هالشركة بالشهر الماضي .. المجال مايتسع لذكرها .. لكن من جد شركة نكبات وانفصالات .
وبالطبع اؤيد انشاء شركات اتصالات اخرى حتى تزيد المنافسة والخدمة بين الشركات ..
وهذا يرجع بالطبع لصالح المواطن او المستهلك

## ماذا تفعل لوكنت بغرفة فيها بن لادن و جورج بوش ؟
راح ابحث عن واحد رابع علشان نطقها اربعة بلوت

وشكرا
وعفووووون عفووون

عوووووووودنا مع مشاركة الكنز نواف

والله الشباب ما قصروا ماخلوا شي
أنواع الاسئلة والشرشحة
انا اشهد

بس حبيت اسلم عليك
الله يسلمك يالغالي

وسؤالي ..
لو لقيت البارق وابو الذهب يغرقون ؟؟
من اللي تنقذه منهم
سؤال محرج بصراحة .. كلهم يازين تغريقتهم
لكن وشلون تسأل واحد يتمنى بس يلقاهم بالبحر والا حتى ببركة بيت علشان يسمع بربرتهم باذنه

أخوي ترى انا مثلك ما اقتنعت بهالبيكهام اللي رجونا فيه داخل الملعب
أما خارجه .. انا مادانيه مرررررررررررررررررررررررررة
ابشرك اني ما اقتعت فيه لاداخل ولاخارج .. ولاحتى بالنص ;)

حبيت ابدي اعجابي بموقفك منه
اشكرك عزيزي .. وموقفي ثابت لا ولن يتغير ;)
ولو تبغى نسوي حزب للوقوف بوجه البيكهاميين ترى ماعندي مانع

عوووووووودنا مع مشاركة أنشودة الحب

مساء الورد والسعادة
مساء النور والسرور

فرصة انتضرها من زمان والله حققها لي
وانا هالحين انتظر فرصة انك تقرأ اجاباتي ..
وعسى الله يحققها لي .

لن اقول اي شي في شخصك الكريم فمن سبقني قال ووفى
واي كلام لن يوفي مقدارك وقدرك
لاتعليق .. ورحم الله امرء عرف قدر نفسه .

جميع الاسئلة رياضية وبعضها شخصية وانا اسئلتي ستكون اقرب للذاتية وتقليدية,,
يشرفني تواجدك .. ويشرفني اجاوب على اسئلتك مهما كان نوعها .

س1) لو أتا يوم وخيرت بين قلبك وعقلك فمن تختار؟
لكل مقام مقال .
لكن راح اختار مايمليه علي عقلي بالامور الدينية والعملية .. وراح اختار مايمليه علي قلبي بالامور العاطفية .

س2)قيل لك ان شخص عزيز جدا على قلبك يمر بازمة صحية شديدة ماهي مساعداتك له؟
اساعده باللي اقدر عليه ..
وما أعتقد ان في شي اكثر تأثير من الدعاء له بالشفاء .. والمواساة اليومية .

س3)اغنية تهز مشاعرك؟
احبك والقمر يشهد .. ونجم الليل ياروحي .
ومنهو انت لنبيل شعيل .
ومهما يكون عندي شعور بنلتقي لعلي عبدالكريم .
وهالبطاقة لأن لها ذكرى غالية جداً :
[WEB]http://www.r3odi.com/cards/create.php?card_id=27[/WEB]

س3)أجمل عبارة قيلت لك؟
احبك .

س4)أجمل ايام عمرك؟
انت ادرى فيها .

س5)صفة تفتخر بوجودها فيك؟
الوفاء .

تحياتي لك ابو عبد الرحمن
تحياتي لك ..
وعلى الله بس تقرأ اجاباتي .

عوووووووودنا مع مشاركة nawwaf2200

الله يسعدك يارمز الجوف في منتديات الزعيم ياغالي يبعد قلبي وربي يسلمك على مجهودك
اشكرك عزيزي على هالكلمات وعلى هالشعور الطيب منك ياطيب

لكن سؤال وش رايك بالاحداث الي تصير في جوفنا العزيز
احداث مؤسفة .. احداث غريبة علينا وعلى مجتمعنا وعلى اهل الجوف بالذات .
واطلب ربي انها تنتهي .. وتنتهي معها كل الاحداث المأساوية واللي نسمع عنها بمملكتنا الحبيبة باسرع وقت .

وش رايك في بعض سكان اهل الجوف
سكان الجوف مثلهم مثل كل سكان المملكة .. اخوان واحباب
وشهادتي فيهم مجروحة بحكم اني صرت منهم وفيهم
اما واذا قصدك المتسببين بالاحداث .. فهم والله مايشرفون الجوف ولا يشرفون الوطن باي حال من الاحوال

وبعض شباب الجوف
نفس الكلام السابق

ومره ثانية هدية من قلبي لقلبك يابعد قلبي ياغالي يابو عبد الرحمن
تسلم يالغالي ..
والف شكر لك يابومحمد

والحب والتقدير لك ياغالي يارمز الجوف في منتديات الزعيم
وش دعوه خليتني رمز
ترى مايشرفني اصير رمز بسبة هالرمز النصراوي المزعوم
خل الرمزية له واشكاله
والشكر والتقدير لك عزيزي .. وعلى تواجدك الرائع بالمنتديات

عوووووووودنا مع مشاركة الـــــعــنود

ياهلا بالاخ هلالي الجوف..
ياهلا فيك اختي العنوووود

حبيت اسلم ..
الله يسلمك ويسمنك

بس الله يعينك على هالاسئله..
وبعدين كل الاسئله اللي ابي اسالها اسبقوني عليها الاعضاء..
هانت الله يسلمك .. راح الكثير ومابقى الا القليل ..
ولو ان الواحد داخل جو وهو يجاوبكم
وبعدين هذا جزا اللي يبي يسأل ويجي متأخر .. يسبقونه الأعضاء ;)

بس سؤالي..؟؟
هاتيه بساع احس ان اللياقة فل

شنو احلى توقيع شفته بهالمنتدى..؟؟(طبعا غير توقيعي..))
طبعاً غير توقيعي

ولك تحياتي...
وتحياتي لك .. ولأهل الكويت كل ابوهم

عوووووووودنا مع مشاركة الفيروسه الزرقاء

مابقى الا الفرفورة ..
وعاد هذي يبغالها قعدة هي واسئلتها

يوم يومين .. شهر شهرين .. سنة سنتين الله اعلم
لكن ماجاوبها مجاوبها باذن الله <<== مانقوى على زعل هالدبة