عاجل:انتقال مقر النادي من الرياض الى مدينه............
 

بسم الله الرحمن الرحيم
السلام عليكم ورحمه الله وبركاته وبعد
انا لااجيد الدخول بالمقدمات والموضوع واضح من عنوانه وهوا خاص لجمهور الزعيم بمنطقه الرياض وليس الكل وانما لأشخاص كثر ومحددين وهم عارفين نفوسهم علشان لحد يجي وينتقد بعد قرأته للموضوع
تخيلوا انتقال مقر نادي الهلال من منطقه الرياض لأي منطقه اخرى ماذا ستفعلون والله العظيم راح تتمنون انه يكون النادي قريب منكم لتحضروا مباريات الزعيم وتستمتعون وانتم تشاهدون الكتيبه الزرقاء امام عيونكم وتتغنوا مع الجماهير المحبه التي تؤازر الفريق في كل مبارياته واكاد اجزم انه لو انتقل مقر النادي لأي مدينه او منطقه اخرى غير الرياض راح تشوفون جمهور يهز اركان الملعب وجمهور يقف خارج اسوار الملعب من شده حبهم للزعيم فكل مباريات الزعيم خارج مدينه الرياض نرى الملعب ممتليء من اوله لأخره الا في منطقه الرياض فأنتم في نعمه كبيره لم تهتموا بها واللي يحز في خاطري انه الزعيم يفرحكم كل سنه ببطوله ع الأقل وانتم لاحياه لمن تنادي ماذا تريدون الجلوس في المقاهي والمنازل وتريدون الزعيم يفرحكم فلاوالله انا عن ذات نفسي ماابغى الهلال يفوز بدون جمهور شوفوا جمهور الأهلي وين ووين ياخذ بطوله ويحضرون ويملؤن الملعب ويؤازرون وشوفوا جمهور النصر اللي من عشر سنوات مااخذ ولابطوله الا بطوله سنيه شوفوا حضورهم في المباريات وحبهم لفريقهم والآن ماذا تنتظرون من زعيم اسيا بدون جمهور وكل اللي طالبه من الجمهور اللي متواجد بمدينه الرياض الحضور في جميع مباريات الزعيم في مدينه الرياض وترك المقاهي والأستراحات والمنازل والوقوف مع كتيبه الأعدام الزرقاء
ع الحلوه والمره حتى وان خسر الزعيم لاسمح الله وهذا اختبار للجميع وراح نشوف من منكم محب ومخلص ومن منكم لايعرف العشق والأنتماء
ودمتم في حفظ الرحمن
ملاحظه:كلامي هذا موجه للجماهير اللي مايحضرون مباريات الزعيم ويكتفون بالمشاهده خلف الشاشات

اتمنى الرفع من المشرفين ولكم ودي واحترامي ودمتم في حفظ الرحمن

والله انهم مو بيندمون الا بيجنون لانهم مو بحاسين با النعمه الي هم فيها
والله انا يوم جيت الرياض تمنيت امر من النادي واشوفه عن قرب بس ان شاء الله المره الجايه
مشكور اخوي ع الموضوع الرائع

الى الااماام تقدمو للزحف لمباراة التعاون

تقدر تقول ان اهل الرياض تشبعوا وملوا من الحضور بوجود النقل المباشر والتحليل
وكذلك من يبعد عن الرياض أيضا اغلبهم يتكاسل ويقول الرياض بعيد
لكن لما يطلع الفريق برا الرياض مثل القصيم والا المجمعة وحتى الشرقية والجنوب
يأتي جماهير كثيرة لمشاهدة اللاعبين على الطبيعة وثلاثة ارباعهم هلاليين وربعهم ليسوا هلاليين
انما جاءوا لمشاهدة الهلال وهو يلعب عندهم .

صحيح كلامك اخوي راكان

الملعب عندنا والحضور ضعيف جدا

واذا خسر الهلال زعل الجمهور وما يحضر للمباره اللي بعدها ؟

المفروض نساند اللاعبيين ونحضر من اجلهم لكي يحققون بطولات معا الزعيم

بالتوفيق للهلال المباره القادمه معا التعاون بالقصيم

ماشاءالله راكان
بدأت تشق النجوميه في هذا الموقع
استمر وفقك الله

اتمنى ان تمتلئ المدرجااااااااات عن بكرة ابيهاااااا يووووومـ الجمعهـ

الف شكرررررر راكااااااااان ,,

موضوعك رائع ياركان

اتمنى ان يكون مقر النادي بالشرقيه او القصيم الجمهور ماراح يقصرون

انا اتمنى انه ينقلوا الهلال إلى الشرقيه كان كل مبارة احضرها .

لو انك ساكن في الرياض وشفت الزحمات والقلق وانعدام الامن كان غيرت كلامك

وبعدين يا حبيبي اهل المناطق الثانية ملاعبهم صغيرة والهلال ما يجيهم الا

في السنة مرة !! فرجاء لا تقعدون تعيدون نفس الموضوع كل مرة !!

مع العلم اني مو ساكن في الرياض .. لكن شفت معاناتهم والله يكون في عونهم

خلهم ينقلونه للمجمعه صدقني المدرجات بتشتكي اااه بس

ياخي لو ينقلون مقر النادي الى القصيم افضل

انا ماقول كذا عشاني من القصيم لاوالله

لكن اول شي القصيم بوسط المملكه تقريبا

ويحدها حايل والحفر والمجمعه وهذي اكثر المناطق من مشجعي الهلال بالاضافه الى الرياض

بعدين القصيم لازحمه لاقلق مثل الرياض

يبيلك ساعه او ساعتين عشان توصل الملعب عكس القصيم

وووالووعد الجمعه شف يف راح يكون الحضور وراح تعرفون معنى كلامي

أنا من ساكنى مدينة الخفجى , لى من الأبناء ثلاثة وهم يشجعون الهلال بفضل من الله وبحمده , وتمت إحباط محاولة التغرير بإبنى الأصغر الذى يبلغ من العمر 8 سنوات بتحويله لتشجيع نادى منافس من قبل أحد مدرسيه , فأتمنى له الثبات لما أراه له من راحة نفسية مستقبلاً :s2:

والله إنها أمنيه أن تكون مباراة الهلال فى نفس المدينة التى أسكن فيها ودائما ما يطلب منى أبنائى حضور المباريات وقد و عدهم بحضور المباريات الكبيرة للفريق مستقبلاً .

كلامك صحيح عن الزحام بس حط الهلال من اولوياتك لو انت عندك مشوار مهم بتروحله ولالا اقسم بالله لو اني ساكن بالرياض ماافوت ولامباراه والله العظيم اني اتمنى انتقل لمدينه الرياض ليس حبا فيها وانما حب للهلال وبعدين اذا بتقلي الملعب صغير ياخي شوف برشلونه وش كبر الملاعب اللي يلعبون فيها وتحصل الملعب مليان ولاتقول فيه فرق بين الفريقين لأنه عندي الهلال افضل من برشلونه