|
الاتراس من قلب الحدث السلام عليكم ورحمه الله وبركاته ابي ادخل بالموضوع على طول 1- وصلت الملعب الساعه 5 ونص سجلت بالاتراس واعطوني تيشرت وتذكره وماقصرو اخلاق عاليه 2- تجمع اعضاء الاتراس عند البوابه رقم 5 ودخلنا على المدرج الساعه 6 ونص 3- جلسنا على مدرج واحد وعملنا بروفات لـ الاهازيج وطلع الصوت والشكل روعه 4- كان ورانا مجموعه من الحنسات مخربين الواحد في قميص نوم وصلعه وصياح وتخريب مع اهازيج الاتراس واحد منهم يغني مشتاق مشتاق يانصرنا مشتاق تمنيت الارض تخفس فيهم والبقيه قالبينها قناة الساحه شعر والدحه 4- غيرنا مكانا في الشوط الثاني الى خلف المرمى وكان التشجيع حماس ومنظم بدون تخريب من العينات الي ذكرت فوق 5- ماقصرو الاخوان في الاتراس عطونا ماء تقريبا في الدقيقه 70 بس كان كرتون واحد مايكفي 6- عجبني في الاتراس بعد هدف الشباب الثاني مافقدو الامل وواصلو ب التشجيع حتى الدقيقه 85 تقريبآ 7- بعد المبارات اجتمع اعضاء الاتراس برا الملعب في مواقف السيارات وماقصر اخونا الغالي قدم لنا تحفيز ( ماعرف اسمه ) ابطال ماقصرتو اول مبارات والجاي احسن الخ .. |
كلام مطمن والعينات الي حضرت خله يشتاق بعيد وش جابهم لمدرجنا يتلصقون فينا باي طريقه |
موفقين وماقصرتو والجاي احسن وماعليكم من العينات هذي ههههههاااي وياجبل مايهزك ريح استمروا |
إقتباس:
تقدروون بكل مباراة تسوون اشياء مميزه او افكآر جديده نبي اشياء مميزه كلامي هذا بدري خخخ لأننا في مرحلة التأسيس و الله يوفقكم ع الجهوود :) |
وـآصلوا يـ ابطال وحنى معكم في المدرج اان شالله بالتوفيق لكم |
مجهود جبّار تشكرون عليه من كل هلالي,,,:wub: نطمح في الأيام القادمه أن يزيد العدد لأعضاء الألتراس أكثر فأكثر وهذا ما سيعطي المدرج هيبه كبيره وتنظيما منقطع النظير ينعكس إيجابا على آداء لاعبينا في الملعب بمشيئة الله سبحانه,فأستمروا يا أبطال الألتراس الهلالي والله يعطيكم ألف عافيه على جهودكم الكبيره وغير المستغربه من جمهور الزعيم ونادي القرن العظيم :yes: ملاحظه:: الشخص اللذي أثنى عليكم بعد المباراه هو على ما أعتقد الأخ الكريم: (تركي الهديب) رئيس مجلس الجمهور الهلالي وصاحب المجهودات الكبيره في الإرتقاء بأداء المدرج الهلالي وإظهاره بأبهى حلّه,,وقد إستنتجت هذا الأمر من خلال مداخله ألقاها الأستاذ تركي البارحه في روم الزعيم في البالتوك ذكر خلالها أنه أثنى عليكم وعلى آدائكم بعد المباراه خصوصاً أنها أول مره ينعقد فيها الألتراس الهلالي بشكل رسمي وقد وعد الأخ تركي بتقديم آداء أكثر جمالا وإبداعاً في مباراة الأهلي القادمه في الرياض. يارب ياكريم وفق الزعيم :ba::ba::ba: |
الله يوفقهم يآرب وان ششآء الله الجمهور يظهر لنآآ بصورة آفضل ، ! |
والله الالتراس هذا مافهمتوه الى الحين اسمع صجة التراس التراس ولا ادري وش هو المهم الله يكتب اللي فيه خير للهلال |
الشبآب مآقصروا بس بصرآحهـ مآكآن بالشكل المأمول لكن طبعآ المنظمين مآينلآموا لأنه مآفي عدد يسآعدهم هذآ اولآ ثآنيآ مآفي طبول ومكرفونآت ولآ الأورآق الطويلة البيضآ يعني كبدآية الحمدللهـ لكن مآنبي نوقف للدرجة هذهـ إلى الأمآآآم دآئمآ يآليت |
ياجماهير الهلال وياكتاب الشبكه المبدعين من هذه اللحظه خلونا نتهم بدورنا كاجماهير ونوحد كتابتنا عن كيف نقف مع الفريق ونشجعه ونثقف الجمهور فهذا دورنا مو التحليل والانتقاد لان هذه من اختصاص الاداره دورنا هو التشجيع ومسانده الفريق والدفاع عنه من خلال المدرجات باللفات ومن خلال الوسائل الاخرى كفتم كيف جماهير حديث الاعلام وهم لايقارنون بالهلال من حيث العدد لكن مع الاسف هم يد واحده وعارفين دورهم انه التشجيع والحضور هو التحليل والانتقاد بكذا صدقوني نفتك من امثال العينات التى ذكرت |
ماشاء الله جهد رائع من الالتراس باذن الله الايام القادمه الف عضو في الالتراس |
الله يعطيكم العافيه والعينات هذه لا تعطونها وجه والى الامام |
هداااااا عشمنا فيكم ياابطال والله اني تمنيت اكون فالرياض واشاركم ابي تشجيع غير منقطع النظير وحماس واهم نقطه ماركزتو عليها هي صافرات الاستهجان والله ياشباب انا مجربها تخلي الي معه الكوره يفقد التركيز والجاي قادم واحلا |
| الوقت المعتمد في المنتدى بتوقيت جرينتش +3.
الوقت الان » 12:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd