السلام عليكمـ

بعيد عن زعل البارح, وبعيد عن الفلسفة البيزنطية ونقاش الطرشان بعد كل إخفاق هلالي

حبيت أكتب بعض الرسائل اللي حان الوقت لإرسالها بخصوص الظهير الأسطوري محمد نامي



(( مقدمة ))

أولا أنا لي 20 سنة وأنا أشجع الهلال, وعاصرت أجيال من اللاعبين في وقت بعض الأعضاء ما قد ولدوا أصلا, لذلك لا يجيني أحد مدرعم ويتهمني بالتسرع أو النقد القاسي, لأني لما أقول "الهلال" أعرف عمّا أتكلم


(( نامي vs الجمهور ))

أنا شخصيا واجهت مشكلة كبيرة مع الجمهور الهلالي -بالذات في المنتديات-, والحقيقة المرّة إن كثير من الجمهور تحكمه العاطفة أكثر من العقل, والأدلة على ذلك كثيرة, مثل قضية مستوى ياسر القحطاني على سبيل المثال لا الحصر
قبل موسمين -وتحديدا لما جاء جيريتس- كان الجمهور ناقم على محمد نامي, بسبب النكبات اللا محدودة في (كل) وليس فقط (أغلب) مباريات الهلال الكبيرة, وتحديدا أمام الشباب والإتحاد بالاضافة للبطولة الآسيوية

وكان هناك إجماع إن نامي لاعب لا يملك من الموهبة الدفاعية إلا ما يملكه (لحّاقي الكور) اللي على جنبات الملعب
لذلك يخطئ البعض لما يظن إن جيريتس هو من أبعد نامي, فالجمهور الهلال هو من أبعده لأنه يعلم إن هاللاعب مفلس فنيا بكل ما تعنيه الكلمة من معنى

لكن زي ما قلت, الجمهور عاطفي, فبمرور سنتين نسى الجمهور الهلال نكبات نامي, ونسى مبارياته الكارثية مع الهلال, من مباراة الاتحاد لما أخذوا منا الدوري في آخر مباراة في الرياض -لما نامي كان يتفرج على هزازي وهو يرتقي براسه أمام الدعيع, وكأنه واحد من الجمهور نازل في الملعب-, مرورا بمباراة الغرافة اللي كانت كارثة بكل المقاييس وكانت أطراف الغرافة تتمشى مع الرواق الأيمن-, وانتهاء بمباراة الشباب البارح لما نكبنا -سي نامي- بهدفين من جهته بنفس الطريقة

لذلك الجمهور يعطف على نامي ويتعاطف معه على حساب الفريق للأسف, بل والأردى من ذلك إنهم يظنون إنهم بتشجيع نامي يستطيعون الرفع من مستواه, لكن للأسف ينسون إن فاقد الشيء لا يعطيه, والسيد نامي لا يملك الموهبة أصلا حتى ينميها

(( الحل ))

هناك حل واحد -ومجرب- ولا بد منه, وهو الحل اللي استطاع به الإتحاديون أن يتخلصوا من نكبتهم (عبيد الشمراني) اللي بالمناسبة في نظري أفضل من نامي بمراحل

vs

جمهور الإتحاد كان صاحب المبادرة, وعرف إن عبيد كان ثغرة واضحة في التشكيلة الإتحادية, وحملوه سبب خسارة الإتحاد البطولة الآسيوية أمام بوهانق, فأصبح الجمهور هو صاحب المبادرة, وكان الجمهور يقوم بصيحات استهجانية كل ما يمسك عبيد الشمراني الكورة, فما كان أمام المدرب والإدارة من خيار إلا استبعاد اللاعب من الفريق نهائيا, وبالتالي ارتاح الجمهور الإتحادي من هم الظهير الأيمن حتى اضطرت الإدارة لجلب راشد الرهيب

هذا الحل هو الحل الوحيد أمام الجمهور الهلالي إذا كان يبي البطولة الآسيوية
لأن ثبت بما لا يدع مجالا للشك إن الإدارة ما تبي تدفع مبالغ كبيرة في الاعبين المحليين
ما عندهم مشكلة يعطون العربي أو إيمانا مية مليون, لكن عندهم مشكلة يعطون عشرة أو عشرين مليون للاعب محلي يسد لهم ثغرة طالما أرقتهم في الظهير الأيمن



أنا صراحة تعبت من الكلام عن نامي, وتذكروا كلامي جيدا
محمد نامي لاعب مفلس, وإذا كان تميز في مباراة أو اثنتين أمام الحزم أو التعاون, فدائما ما ينكشف في المباريات الكبيرة

يا جمهور الهلال, انسوا البطولات المحلية وبطولة آسيا دامي السيد نامي موجود

الحل الوحيد من وجهة نظري يستبدل نامي بالبيشي, ويصير الدفاع الهلال (على الأقل في الدور الأول) كالتالي:


حسن العتيبي

الزوري ***** المرشدي ***** هوساوي ***** البيشي


ويتم تقييم الزوري والمرشدي والبيشي في فترة الإنتقالات الشتوية, وإلا تم استبدالهم بغيرهم

عدا عن هالكلامـ إنسوا الدوري, وانسوا البطولة الآسيوية




ما أقول إلا عسى الله يستر من هالموسم الإستثنائي

وسلامتكم

والله تعبنا من نااامي بس ان شاء الله يلعب البيشى يمين الى فترة الانتقالات ويجي الشهراني وتنحل المشكله

انا بصراحه متفائل باهذا الموسم جدا جدا وكلنا ثقه في شبيه الريح والبقيه

مشكؤؤؤؤؤؤؤؤؤؤؤؤؤؤؤؤر والله يعطيك العافيه

ياجماعه مشكلة الهلال واضحه اما الهجوم ممتاز بوجود العربي ويو بيونغ والوسط ممتاز ايضا لكن ماينقص الهلال هو المحور وانا متأكد واجزم بذلك وحين تعافي هرماش من الاصابه سنرى تغير الاداء بشكل واضح

قبل لا تتفلسف علينا وتقول انا اعرف الهلال اكثر من 20 سنه

تدري نامي ايش مركزه الصحيح ؟

مركزه جناح ايمن يعني لاعب هجومي كل مدربين جو على الهلال لعبوه ظهير وظهير يحتاج لادوار دفاعيه اكثر من ادوار هجوميه

بعدين ظهير ايمن الي مباراه الاتحاد الي مباراه بوهانج كان راشد رهيب من وين جبت عبيد الشمراني والاهداف كلها دخلت من كرات ثابته ايش دخل الاظهره ؟
مع احترامي لك ماعندك سالفه اجل اطرت لجلب راشد الرهيب

طيب شوف هذا الهداف الي على ناقويا مين كان ظهير الشمراني ولا الرهيب؟

‫هدف صالح الصقري ضد ناغويا الياباني نصف نهائي اسياء 2009‬‎ - YouTube

اذا بتقول الشمراني يلعب بظهير ايسر ظهير ايسر للاتحاد بالبطوله اسيويه كان الصقري

إقتباس الرسالة الأصلية كتبت بواسطة HiLaLy 4 EvA قبل لا تتفلسف علينا وتقول انا اعرف الهلال اكثر من 20 سنه تدري نامي ايش مركزه الصحيح ؟ مركزه جناح ايمن يعني لاعب هجومي كل مدربين جو على الهلال لعبوه ظهير وظهير يحتاج لادوار دفاعيه اكثر من ادوار هجوميه بعدين ظهير ايمن الي مباراه الاتحاد الي مباراه بوهانج كان راشد رهيب من وين جبت عبيد الشمراني والاهداف كلها دخلت من كرات ثابته ايش دخل الاظهره ؟ مع احترامي لك ماعندك سالفه اجل اطرت لجلب راشد الرهيب طيب شوف هذا الهداف الي على ناقويا مين كان ظهير الشمراني ولا الرهيب؟ ‫هدف صالح الصقري ضد ناغويا الياباني نصف نهائي اسياء 2009‬‎ - YouTube اذا بتقول الشمراني يلعب بظهير ايسر ظهير ايسر للاتحاد بالبطوله اسيويه كان الصقري

داري إن مركزه جناح, اللي يشوفك يقول وش هالجناح, عبدالرحمن القحطاني على غفلة

نامي يدري إن المكان الوحيد اللي يقدر يلعب فيه في الهلال هو الظهير الأيمن

لأنه لاعب فاشل والفرق بين مستواه وبقية لاعبي الوسط في الهلال شاسع, فما فيه مدرب عنده عقل بيخلي العابد والدوسري والشلهوب والفريدي وإيمانا احتياط للسيد نامي

حتى رفعاته زي وجهه, وما يعرف يرفع زي الناس, هو من لاعبي طقها والحقها, وليته يلحقها بعد, دايم يطيح على وجهه من الدلاخة



وبالنسبة لعبيد الشمراني, أدري إن راشد الرهيب كان ظهير الإتحاد, لكن كان عبيد الشمراني احتياط الرهيب, وكانت اصابات الرهيب كثيرة, فدائما ما كان يدخل الشمراني ودائما ما كان ينكب الإتحاد لما يدخل, تماما زي السيد نامي

لذلك جمهور الإتحاد الفاهمين كورة (عكسك) كانوا هم خلف إبعاده

إقتباس الرسالة الأصلية كتبت بواسطة بَدْرْ داري إن مركزه جناح, اللي يشوفك يقول وش هالجناح, عبدالرحمن القحطاني على غفلة نامي يدري إن المكان الوحيد اللي يقدر يلعب فيه في الهلال هو الظهير الأيمن لأنه لاعب فاشل والفرق بين مستواه وبقية لاعبي الوسط في الهلال شاسع, فما فيه مدرب عنده عقل بيخلي العابد والدوسري والشلهوب والفريدي وإيمانا احتياط للسيد نامي حتى رفعاته زي وجهه, وما يعرف يرفع زي الناس, هو من لاعبي طقها والحقها, وليته يلحقها بعد, دايم يطيح على وجهه من الدلاخة وبالنسبة لعبيد الشمراني, أدري إن راشد الرهيب كان ظهير الإتحاد, لكن كان عبيد الشمراني احتياط الرهيب, وكانت اصابات الرهيب كثيرة, فدائما ما كان يدخل الشمراني ودائما ما كان ينكب الإتحاد لما يدخل, تماما زي السيد نامي لذلك جمهور الإتحاد الفاهمين كورة (عكسك) كانوا هم خلف إبعاده

ياخوي سؤال بس الشلهوب الموسم الماضي لعب محور صح ؟
اداء الشلهوب بالمحور نفس اداءه صانع لعب ؟

ياخي الاداره تتحمل مشكله الظهير الايمن تجبون لاعب اجنبي مده سنتين

بعدين لما راح لاعب اجنبي ترجع لاعب سابق الي مكانه طيب ليه من الاساس تجيب ظهير اجنبي ؟

ياعمي كلامك سليم اطردو نامي مانبيه
الخلل واضح معقوله فريق مثل الهلال مايقدر يجلب ظهير مثل الناس
والله حرام عليكم احنى نحترق تكفووووووووووووون شوفو حل للظهير

حرام نامي والزوري يضيعون تعب الاداره واموالها المشكله الجمهور يقول ادعمو نامي ومانبي الشهراني لكن هذي ضريبه عدم التضحيه بالمال من اعضاء الشرف

ياشيخ مالنا الا نامي
الاداره طفرانه
ونامي بدال ما نعطيه صافرات استهجان خلنا ندعمه
وشف وش ارح يكون مستواه

والله النكبه الزوري والمرشدي تركت العله الاصليه للاسف والضعف الواضح في الفريق وتطبل على ليلاك

اقول بلا فلسفه زايده
الفريق كله كان سيء جدا يعني وقفت على نامي
لو كان نامي لوحده سي والهلال كان في يومه كان اقل شي تعادلنا
لكن لامحور زي الناس ولاهجوم يقتنص الفرص ولا دفاع يتمركز صح
ولاحارس يطلع للكور الفريق كله كان سي باستثناء ايمانا والفريدي
والباقي كله صفر على الشمال