مساء الخير أحبتي ..

هارد لنا كلنا .. وان شاء الله الجاي احسن .. والله يعوض علينا ..

بهدوء وبدون عصبيه بوضح بعض الاسباب التي أدت للهزيمة .. وياليت كلامنا يوصل وينسمع ..

اول شيء يجب ان نؤمن بأن ذلك مكتوب ونرضى بذلك فالحمدلله على كل حال ..

ثانياً : المدرب يتحمل 40 % من الخسارة والسبب انه دخل المباراة خايف وبتشكيل خاطي .. كان من الواجب أن يلعب بمهاجمين ولا يخاف الشباب فخير وسيلة للدفاع هي الهجوم .. والله يسامحه ..

ثالثاً : فدفاعنا حقيقة مهلهل ولا يسر ولا يعتمد عليه .. فنامي نقطة ضعف واضحه ولا يجيد التغطية بشكل جيد وحتى العرضيات لا يجيدها وحقيقة ليس بمستوى الزعيم ..
والمرشدي واسامه كأنهم نايمين وكانهم أول مره يلعبوا مع بعض فشاهدوا الهدف الأول والثاني جميعهم تاركين المهاجم خلفهم ولم يستفيدوا من أخطاء المبارة السابقة ولا التي قبلها .. والزوري نائم بالعسل وليس هو الزوري اللي نعرفه .. والله المستعان ..
مانحتاجه الان فرض تدريبات إضافيه على المدافعين واتاحة الفرصة للمدافعين الشبان ويجب اللعب بالدوسري بجانب أسامه وإعطاء الكابتن ماجد راحة إجباريه وكذلك شافي مكان الزوري ونامي يشوف اي لاعب مكانه ويريحنا لإننا تعبنا وكافي ضغط نفسي ونشوف المباراة على اعصابنا وهم بالملعب خوفاً من الأخطاء فثلاثه في بداية الموسم كارثة وش بيسوون قدام الاتحاد والنصر والاهلي .. والله المستعان ..

رابعاً : ايمانا نجم بحجمه وروحه يرتكب حماقة وفي بداية الموسم كيف لو المباراة مصيريه .. حتى لو كان الحكم فاشل ومعروف بمواقفه ضد الهلال لكن يجب ان تهدأ وتوجه النجوم الشبان الذين بجوارك .. فيجب توجيه لفت نظر له فالهلال بحاجة جميع نجومه طوال المباراة .. والله المستعان ..

خامساً : يجب سرعة تجهيز العابد والدوسري وهرماش والقرني ومبارك البيشي والآخير راح يكون حديث الجمهور الهلالي لسنوات .. وتصليح الاوضاع فالوقت يمشيء والبطولة للفريق الذي يجمع أكثر عدد من النقاط فمن يفرط بالبداية فمن الصعوبه أن يعود بعد احتدام المنافسة ويجب تحقيق جميع النقاط أمام الفرق الصغيرة .. والفرق الكبيرة لو تحقق التعادل فهو مكسب .. مع الاصرار على تحقيق جميع النقاط فالدوري مهره النقاط وتحقيق الانتصار تلو الانتصار ..

سادساً : وسطنا يجب على الفريدي والشلهوب أن يعيدوا النظر في مايقدمون ويجب أن يعودا لمستوياتهم العام الماضي والذي قبله .. فالهلال في حاجة لهم أكثر من مامضى ..

فاصلة : يجب ان نشكر الكابتن يوسف العربي على الجهد المميز الذي بذله وكثر خيره وننتظر منه الافضل ..

: خليل جلال الله .. ماادري ماذا تريد وماذا تفعل بالهلال في كل مباراة تحكمها .. .. مباراة طردت عزوز .. ومباراة طردت الفريدي .. واليوم طردت إيمانا وقبله عمر الغامدي يسرح ويمرح حتى أصفر ماعطيته .. حسبي الله ونعم الوكيل فيك ..

شكرا أحبتي والله يوفق زعيمنا .. وسامحوني ..

الله يكتب الي فيه الخير
انا بنسبه لي يخسر الدوري ويكسب اسياء

الله يكتب الي فيه الخير
انا بنسبه لي يخسر الدوري ويكسب اسياء

إقتباس الرسالة الأصلية كتبت بواسطة mezo666 الله يكتب الي فيه الخير انا بنسبه لي يخسر الدوري ويكسب اسياء

هههههههه والله أرحمك من جد ؟؟!
كيف بتجيب آسيــا وأنت تخسر في الدوري؟؟؟!
لا وكمان ما عندك دفااع؟؟

إقتباس الرسالة الأصلية كتبت بواسطة mezo666 الله يكتب الي فيه الخير انا بنسبه لي يخسر الدوري ويكسب اسياء

انا بنسبه لي ماعندك لا دوري ولا اسيا بالستوى دا

وربك ما يسوون شي حتى في اسيا

بس انا متفائل ان شاء الله انهم ينسجمون ويبدعون

المشكله تكمن في عدم وجود روح

ياعالم مافي رووووووووح اللعيبه الي قاعد يتفرج والي واقف والي يجري مافي روح

ولسه مو فاهميييييييييين بعض

ومشكله المدرب الكشخه حقنا انه يخلي نامي والزوري والحارثي والبيشي

وبعدين ليه جايبيييين لنا اجانب منتهييييين

الي احول والي اعمى والي بالقوه قاعد يمشي والي اخلاقه تجاريه

الله يستر بس

نبي حل بالدفاع المحاور

نبي حل مع اللعيبه الي ينزلهم وهم مالهم مكان بالهلال

نبي حل بحول وعمى العربي

يوم نهزمنا قلتوا تونا في بداية الدوري طيب ولماذا نلعب وديات علشان نخسر في بداية الدوري والانكون جاهزين
لوفزنا سمعنا التصاريح الحمد لله فزنا وهذا الفوز مهم على فريق كبير كالشباب في بداية الدوري
على غيرنا .......موسم سئ اجل من يستغني عن الكاسر

إقتباس الرسالة الأصلية كتبت بواسطة 15 و 20 وبس يوم نهزمنا قلتوا تونا في بداية الدوري طيب ولماذا نلعب وديات علشان نخسر في بداية الدوري والانكون جاهزين لوفزنا سمعنا التصاريح الحمد لله فزنا وهذا الفوز مهم على فريق كبير كالشباب في بداية الدوري على غيرنا .......موسم سئ اجل من يستغني عن الكاسر

............... توقيع جميل .................

شكرآ من الاعمآق ي ـ العربي ، ولأننسىا أحمد الفريدي

الخساره كل اسبابها تتحملها الاداره الاستثماريه فريق يعتمد على الاجانب مافيه صفقات محليه تبيض الوجه
نسد خانه ونفتخ خانات.
على العموم انسو البطولات هذي السنه ومعوضين خير

المباره كانت اجتهاد من الاعبين والشلهوب لم يظهر بالمباره بالشوط الاول والاهداف كله من الاظهاره والزوري لم يكون موجود بالتغطيه بالهداف الاول ام الهداف الثاني المرشدي يتحمله لانه لم كان هناك بط بالتحرك
انشاءالله التعويظ بالمباره القادمه لكن هناك ملاحظه ع الالتراس من شروط الالتراس يقوم بالتشجيع بالمباره سوى كان الفريق فائز او خسار وهم بعد الاهداف استسلمو بالتوافيق للهلال المباره القادمه

تحليل في أغلبه نقاط منطقية جدا جدا وجهد تشكر عليه اخي الكريم.
برأيي:
الفريق 11 لاعب وليس 4 فقط ورئيس النادي يفكر بالاعبين الأجانب فقط, عندهم تتوفر المبالغ للتعاقد أما عند اللاعبين المحللين فنرى عبارتين :
لايوجد دعم وبمعنى آخر ننتظر دعم أعضاء الشرف
والأخرى وهي الطامة لايوجد لاعب محلي بمستوى لاعبي الهلال!!!
=======
أصبحنا نهتم بأننا جلبنا لاعبين اجانب متميزين ومن ثم بعنا عقودهم وحققنا عوائد كبيرة لنثبت بأننا الأفضل !!!
نعم انت الأفضل بــ4 لاعبين ولكن ماذا عن الــ 16 او17 لاعب الآخرين!!

لاتعليق أكثر مما ذكر.

استغفر الله ههههههه قلبتو ع الادداره الحين فاشله الاداره هههههههههه

ياخي ناس مادري وش تحس فيه !!

ياخي اعرفتو ب الاخطاء { محور / ظهير } فقط

والعربي + الفريدي = ابطآل

الشلهوب = انقتل ب المباراه لآنه يلعب قدام النآمي يغطي مرات عليه