|
جمهور الهلال : عليكم بما يحصل في الملعب .. ولا تسمعوا للمعلق الحربي أو المقدم المساعد السلام عليكم ابها الرفاق .. اتمنى من الجمهور الهلالي يقيم الفريق في مباراته اليوم .. بناء ما حصل في المباراة .. ولا تصغوا لما يقال اثناء التعليق او هراء التحليل سر تميز الهلال .. هو ان إدارته تتخذ قراراتها دون اكتراث بما يقوله الجمهور او يطالب به .. فالجمهور في غالبة عاطفي وارائه وقتيه المعلق عبدالله الحربي الذي كان في القناة السعودية .. وتركها ثم عاد إليها كل ذلك بسبب المادة .. هذا المعلق .. شان حرب على العتيبي وع المرشدي .. يعني بتفهمني ان اعقل من رايكارد او دول ..؟ اتمنى منك ان كانك شفت هالموضوع .. تتكلم في المباراة كمعلق .. وليس كناقد .. فالنقد في استديوا التحليل تعال يافهد المساعد يامقدم يافاهم .. يوم انك تنتقد نامي ولعبه .. وانك تحمله مسؤولية الخسارة .. انت تفهم كوره ولا ما تفقهم .. الا تعلم ان نامي يواجه جبروف ويتيارا والاسطا .. مرة ثانية .. انت في النهاية مقدم استديو .. اتمنى ان تلتزم بهالحدود .. ولا تطير مع الخيل ياشقرا ياجمهور .. ترى هلالنا قدم مستوى .. شفتوا يوصل للمرمى اكثر من مرة وهذا يدل ان فيه شغل .. والحمد لله خسارة بداية الدوري افضل .. عشان ما نكون تحت ضغط ان ناخذ الدوري من دون هزيمة شي في الخاطر حبيت اقوله .. *عبدالعزيز |
اللهم ارزق نامي والزوري بعيدا عن الهلال اللهم ارزق نامي والزوري بعيدا عن الهلال قهررررررررررررررررررررر وبس |
بصراحة وضع الهلال لايطمن ابداً شكله مافيه دوري اما اسيا الله يخلف عليكم يجمهور الهلال نامي والزوري والله شوارع |
ليش تزعل من الحق ، كل كلاهم صحيح يعني نقول اللاعبين كويسين عشان ترضون بعدين بلاش التطبيل اي مستوى اللي تتكلم علية نص ميت و دفاع هش وجاي تطبل لهم |
اوافقك الرأي تماماً اخي الكريم الفريق كان أخطر من الناحية الهجومية مع العلم ان الشلهوب كان سلبي جداً اليوم ولم يقم ب أي دور لا دفاعاً و لا هجوماً و من اسباب الاهداف عدم وجود مسانده ل نامي و كلنا نعرف ان نامي ضعيف دفاعياً فما بالك إن لم يجد دعم و لكن هجمات الهلال و الانفرادات كانت اخطر بشكل عام الفريق كأفراد لم يكن بذلك السوء ماعدا الشلهوب و نامي و العتيبي و الزوري لكن السبب الرئيسي هو " دول " تخبط عجيب اشراك الفرج و الإبقاء على الشلهوب و الكوري تأخر ب إشراكه عدم مساندة نامي ب محور ثابت الزبده المدرب هو المسؤول الاكبر عن الهزيمه بصراحه مدرب أقل من الزعيم اتمنى ان يكون رأيي بالمدرب غير صحيح و متسرع و لكن " ليالي العيد تبان من عصاريها " |
يــابعد قـلبـي مـحمد نـامي(النخلي) مافي راســه ذره كــوره تجــي تقــولي لاتلــتفـتون لما يـقال يااخي طــير.... |
ياشباب الدووري باذن الله هلاااالي وتذكروا موسم السداسيه لبرشلونة كانت بداية الدوري لهم بخسارة واخذوا السداسية التاريخيه بعدها فعلينا ان نثق بادارة الفريق وماتعمله من جهوود الفريق يحتاج شوية انسجام وباذن الله تتعدل الاموورررر |
انا اشوف مافي فريق ما يهزم والنقص الي نعانيه والاصابات واللاعبين الشباب اثبتو انهم مكسب للهلال بغض النظر عن النتيجه الشوط الثاني كان الهلال مسيطر لكن الشباب عرف كيف يلعبها صح وبالنهاية هذي الكورة يوم لك ويوم عليك والي بيشجع الهلال يتحمل الخساره قبل الفرح بالفوز الفريق مغير كامل اجانبه وللاعبينه المحلين نسبة خمسين بالميه ماهم فيه عشان كذا ما نحكم الحين ونصبر بس صراحه لي عتب على ايمانا صدق الحكم كان مستفز وضربتين جزاء لو حسب وحده فيهم كان تغيرت المبارة بس مايضحي بالفريق عشان يثبت نفسه للجمهور ومشكور على موضوعك يابعدي |
التحليل انا ماسمعته بس الحربي ماحسيته غلط كل اللي قاله ان العتيبي غلط نفس الغلط اللي غلطه في المباراتين اللي فاتت مع المنتخب والهلال والمرشدي نفس الشي |
إقتباس:
وشفيك ع المعلق بصراحه كل الكلام الي قاله الحربي صح يعني معجبك مستوى المرشدي والزوري مره مستواه نزل و بصراحه العتيبي اخطائه قامت تكثر لازم يشفولها حل |
الله يعين ع نامي بس وي ليت حسن يتعدل لان يخطي كثير |
لدينا مواهب شابه في خانة الظهير ولكن متى سوف يعطون الفرصه فهد السبيعي وشافي الدوسري والبيشي لكن سننتظر ونشاهد ماسيحصل في القادم من الأيام |
كلامك انتقاص لفهم الاعضاء هداك الله ماريناه بغض النظر عما قال الحربي رغم ان الحربي كان متالم من مستوى الهلال ان الهلال كان سيء جملة وتفصيلا ولم نرى ما يدل على ان الهلال يملك مدرب بشكل جماعية هجوميا ودفاعيا |
الهلال ماكان بيومة .. ونامي والزوري مو قد المسؤولية ! والنادي اكبر منهم بكثير .. ولككن مازلنا بالبدآيةة |
الهلال رايح فيها اذا استمر الزوري ونامي اظهره انسوا البطولات الفرق قويه كلها |
| الوقت المعتمد في المنتدى بتوقيت جرينتش +3.
الوقت الان » 02:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd