صراااحه ارى ان المدرب مجرد طمووووح

وليه وانت كان عندك أمل اننا بناخذ الدوري بفرق 11 نقطة ؟؟

يا أخي ترانا سويناها الموسمين اللي فاتوا بسبب ظروف معينه
والظروف نفسها لا تتواجد هالموسم وفقا للإعداد الجيد من كل الفرق تقريبا

كلام عقلاني ,, صحيح كلامك اخي الكريم ,, بعض الجماهير ما احكامهم متسرعه .

إقتباس الرسالة الأصلية كتبت بواسطة teva4ever يااستاذي فيه نقص .. نعم فيه اصابات نعم فيه عدم انسجام نعم فيه مدرب .. لا ياخي الفريق مو عارف يمرر زي الناس قيريتس الله يذكره بالخير .. لعب قدام الاتحاد في كاس الملك وقدام ذوبهان في ايران وفي الرياض بدون محاور حقيقيه !! سلمان الفرج والفريدي .. وين المحاور ؟ وكنا نفوز ونسجل ونشوف فريق يلعب نجيبها بطريقه اسهل

الفريق مايعرف يمرر وش ذنب المدرب ؟؟؟؟؟؟؟؟؟؟؟؟؟؟؟؟؟
المدرب يضع الخطة والتكتيك وليس من واجباته تعليم التمرير ؟؟؟؟؟
اذا اللاعب دلخ وش ذنب المدرب ؟؟؟؟؟؟
تخيل لو الكورة اللي وهق فيها العتيبي المرشدي يوم مررها له بمكان حرج جت قول ؟؟
بتقول المدرب ليه مادرب الحارس على تمرير الكرة بالاماكن الخالية ؟؟!!!!

إقتباس المدرب ... لازم يتغير بسرعه .. نبي نظمن اسيا السنه الجايه .. انا مو من النوع اللي متسرع

أتفق معاك بهذي أخوي فأنت متسرع جدا جدا حتى ولو أصاب رأيك في النهاية وطلعت صح !!! لأن حكمت من ثاني مباراة اكتملت فيها الصفوف 75 % لأول مرة

إقتباس المدرب ... لازم يتغير بسرعه .. نبي نظمن اسيا السنه الجايه .. انا مو من النوع اللي متسرع لكن الحمدلله اعرف كره تمام واميز !!

أختلف معاك بهذي ولا تزعل مني لأنك بنيت رأيك على مقارنات سابقة
فمقارنتك لدول بقيرتس وكالدي قياس خاطئ لأنه قياس مع الفارق

إقتباس الفريق مايعرف يمرر وش ذنب المدرب ؟؟؟؟؟؟؟؟؟؟؟؟؟؟؟؟؟ المدرب يضع الخطة والتكتيك وليس من واجباته تعليم التمرير ؟؟؟؟؟ اذا اللاعب دلخ وش ذنب المدرب ؟؟؟؟؟؟ تخيل لو الكورة اللي وهق فيها العتيبي المرشدي يوم مررها له بمكان حرج جت قول ؟؟ بتقول المدرب ليه مادرب الحارس على تمرير الكرة بالاماكن الخالية ؟؟!!!!

ياحبيبي اذا الفريق مو عارف يمرر صح

معناته وقصدي فيه تمركز اللاعبين غلط

خطوط الفريق غلط

هوساوي اذا جته الكره ... اقرب واحد يمررها له نامي .. وبخطة المملوح دول اقرب واحد لنامي وفي نص ملعب الشباب ... نظطر نلعب كره طويله وتنقطع علطول

وتقول المدرب وش دخله ... اذا فيه فراغات بين الخطوط .. وتمركز اللاعبين غلط .. ذي غلطة اللاعبين ؟؟

إقتباس أتفق معاك بهذي أخوي فأنت متسرع جدا جدا حتى ولو أصاب رأيك في النهاية وطلعت صح !!! لأن حكمت من ثاني مباراة اكتملت فيها الصفوف 75 % لأول مرة

حبيبي

يالغالي

انا اتكلم بمنطق وبدون مثاليات وسرد حكي

المدرب لعب للحين 8 مباريات وديه

ولعب مباراتين في الدوري

وللحين الفريق سيء !! وش تبيه يلعب 90 مباراه علشان يبان تكتيكه ؟


والمدرب ماله تاريخ الا انه اُقيل من اخر فريقين دربهم .. وش تنتظر منه زود علشان تقول لنا .. اصبروا !! المدرب هذا حدود امكانياته واذا تقدر تثبت العكس عطني !!

انا اثباتي انه ماجاب ولابطوله مع اي فريق دربه الا هامبورغ وبطوله الغيت ابشرك

اثباتي انه اقيل من اخر فريق دربه واقيل من الفريق اللي قبله

انت وش اثباتك انه ممكن يجيب نتيجه لو صبرت عليه ؟

ياخي مدرب الشباب ميشيل برودوم .. مصخرة اوروبا والكل يعلق عليه انه نفسيه .. مسك الشباب بطريقه احسن من الهلال بكثير مع انه الشباب للحين سيء على فكره ... مهوب شباب عبده عطيف وباقي النجوم المرعب اللي جاب كاس الملك مرتين

الشباب لاعبينه في المنتخب مثل لاعبينا

الشباب عنده اصابات مثلنا عندنا اصابات

الشباب محترفينه جدد وحنا محترفينا جدد

الشباب مدربه جديد والهلال مدربه جديد

ليه الشباب بكل هالظروف طلع بشكل حلو وفريق كويس وحنا فريقنا سيء ؟ الا نه في شي غلط عندنا عكس اللي عند الشباب

....

مثال ثاني ع السريع

مدرب الاهلي ... تم التعاقد معه قبل الدوري بكم يوم ... شفت كيف لعب الاهلي ؟

يابوي المدرب اللي عنده فكر .. تبين ع الاقل ع الاقل لمسته ع الفريق .. انا مابي تكتيكه يبين ع الفريق كامل ابي بس لمسة مدرب ...

بالله عليك الهلال دفاعي والا هجومي ؟

الشلهوب وش مركزه ؟

الفريدي جناح والا لاعب وسط حر والا مهاجم ثاني والا والا

ابي ترتيب في الفريق بس ... مو صعب هالكلام علشان تقول اصبروا ويبي له وقت !!

وصلت الفكره يالغالي ؟

إقتباس أختلف معاك بهذي ولا تزعل مني لأنك بنيت رأيك على مقارنات سابقة فمقارنتك لدول بقيرتس وكالدي قياس خاطئ لأنه قياس مع الفارق

طيب انا غلطان

تذكر كلامي بعدين يالغالي .. ونشوف من اللي كلامه صح ومن اللي كلامه غلط

هلا بك حبايبي

كما قلت سابقاً ،الصبر الصبر

النفس الطويل هو من يكسب .

هذا الاتحاد انهزم .

والحظوظ متساوية بين الفرق .

ننتظر فقط ، والانتظار ربما يفتح آفاق المحتار .

مانقووووووووووووووووووول الا

اللهم وفق الهلال في كل ارض وسماااااااااء

سالم ، ألف شكر لك .

الحمدلله هذا الزعيم اليوم مستوى ونتيجة .

وليس هذا طموحنا ما زلنا نطمع بالمزيد .

نصبر ، ثم نصبر ثم نشاهد بعين ثاقبة ورؤية صحيحة سنعرف أن الزعيم يمشي بخطى واثقة

ومستوى تصاعدي .

الفريق ما زال يبحث عن التجانس أكثر وأكثر .

شكراً لكل زعيم يشجع بعقله . ويفكر قبل أن يكتب ، وشكراً من القلب لكل زعيم يساند اللاعبين دون تحيز ودون إقصاء آخرين ...

أنتم زعماء ، والزعماء لا ينظرون للخلف ، نظرهم للأمام دون الاكتراث ببعض العراقيل " الثرثارون من هنا وهناك " الذين يحاولون أن يوقفوا الزعيم بالمؤمرات ، لذلك يجب أن نقف مع فريقنا في كل وقت وكل حين .

الى كاتب الموضوع مع احترامي
~~~~~~~~~~~~~~~~~
ممكن تروح تنام وتتحلم اننا ناخذ الدوري
والله محنا مخذينه بهذا المستوووووى
اذا تغير المستوى ورجع الهلال هلال
يمكن بنسبة 70%

إن شاء الله الهلال قادر على العودة والهيمنة على الدوري

هلالي والعز مقامي ، مستر نايف

حياكم

إن شاء الله أخوي بروح أنام ، وسأحلم أحلام وردية ، بأن الزعيم فوق فوق دائماً كما هي الحقيقة .

يجب علينا أن نكون زعماء حقاً ، نقف ونساند في أحلك الظروف . الهلال تغير بشكل كبير وهؤلاء يريدونه أن يبدع من البداية ، قلت سابقاً نصبر قليلاً وسيكون الزعيم في القمة كعادته .

أرجو ثم أرجو أن نترك الحكم الآن ، بعد ست جولات تعالوا وحاسبوني على كلامي .

بإن الهلال سيكون الأفضل مستوى وأداء بإذن الله .

مرحبا بالجميع

كما قلت بعد ست جولات وأكثر سيظهر الزعيم والحمدلله ظهر بشكل جيد في الكثير من المباريات ، ما عدا مباراة الرائد المستوى لم يكن بالصورة المطلوبة والسبب يعود للاعبين انفسهم حيث غابت الروح

الفريق قاب قوسين أو أدنى من لمقدمة ولدينا مباراة مؤجلة لو لعبناها لكنا بإذن الله في الصدارة .

على العموم الفريق يحتاج إلى ظهير أيسر فاعل مثل شافي الدوسري لأن الزوري لم نستفد منه كثيراً وعكسياته خطأ .

اتمنى من المدرب وضع الشلهوب في الدكة ولا ينزل إلا منتصف الشوط الثاني وحسب مجريات المباراة لأنه لم يعد قادر على العطاء فالوسط يحتاج إلى لاعب يفتك الكورة ويمرر بسرعة ولاعب يلتحم وهذا غير موجود في الشلهوب .

،،،،،،،،،،،،

الأجانب نوعاً ما بحالة جيدة ولكن مع الوقت سيكون لهم شأن آخر وخاصة إيمانا والعربي .

والعربي يحتاج إلى مساند وإلى تفعيل الأطراف .