|
إقتباس:
انا ما اقصد لعب 4 محاور بنفس الوقت ... مشكله اذا الواحد حتى مايعرف يقرى الشوط الاول البيشي وين كان يلعب ؟ |
يقولك اسباب اختيار المدرب : طموح - يرد على اسئلتنا بأجوبه مقنعه !! طيب السؤال ماهو تاريخه وماهو طموحة في الانديه والتي دربها قبل الهلال !!! فريق فيه ايمانا والعربي والكوري والشلهوب والفريدي ماتعرف توظفهم صح معناته انت مدرب فاشل بصراحه !! سبق وقلت قبل بداية الدوري توماس دول لن يكمل الدوري ولازلت عند كلامي واذكرو كلامي .. لي 30 سنه اعرف الهلال وانحرق عشان الهلال واعرف المدرب الكويس من المدرب اللي اي كلام !! مهوب لازم اكون لاعب دولي عشان افهم كل شي ! كل شي واضح قدامنا العصبية احيان من قبل اللاعبين سببها المدرب لأنه ماعرف يوظفهم صح مهوب لازم من نتيجه او مستوى يعصب اللاعب والدليل ايمانا واضح انه لاعب كبير وفاهم بس اللي جالس على الدكه رفع ضغطه بتخبطاته !! |
كلامك سليمبس ياخوي النجم الاول الفريدي بلامنازع فهو مصدر الخطوره وقوة الدفاع بيض الله وجه هـ اللاعب |
إقتباس:
ياحبيبي روح ناااااااااااام انت وشلهوبك الحفله قسم بالله انه معاق ولعبه زي وجهه من سنين موب من الحين قال كان مستوه روعه |
هاذي ثاني مبارراة وطار فيها المدرب ثالث مبارة يبي يروح الكوري والرابعه ايمانا والخامسه الشهلوب والعربي ياناس بدري بدري والله بدري السباك كالديرون اللي تتكلمون عنه جاب لكم بطولتين وهو سباك الصبر ياناس الصبر |
هههههههههههههههه مايمدي المدرب فاشل الحمدلله على نعمة العقل من مباراتين والفريق ماكمل تقول مدري فاشل ولا عبين فاشلين بالله انت تشجع الزعيم ++ صدقني بعد 5جولات راح تقول هذا الزعيم |
هؤلاء اللاعبين(الشلهوب - الزوري - نامي - الحارثي ) شوفولهم حل نسقوهم اي شي بس فكونا الشلهوب عالة على الفريق والادارة واقفة معاه وماهو فالح الا يترزز عند كل فاول ومسوي اللاعب المثالي والزوري ماشاء الله عليه فراشه ولحافه جنب خط التماس راقد ونامي يجري قدام وورى بس مايدري وش يبي والحارثي صغير وحطوه بمكان صعب واصبع عاجز بس يسبب فاولات وبالنسبة للبدلاء موجودين مثل( العابد - الدوسري - شافي - القرني ) والله يستر من ذا المدرب شبيه كالديرون |
9- الفريدي كثير يذكرني بنور...وصدقوني الفريدي باذن واحد احد بيكون افضل لاعب سعودي في الوقت الحالي (كلام سلييييم) |
إقتباس:
|
معضلة الهلال الكبرى... الشلهوب لازم يريحونه شوي احتياط وبدون مجاملات لأن مستواه سيء بصراحة ولايفيد الفريق في الوقت الحاضر. العتيبي هذا مستواه .. جبان في الكرات العرضية لكن ماتلومه وعنده بيكنباور الغفلة " ماجد المرشدي" اللي نكب أبوكلبشة وكان سبب رئيسي في ولوج الهدفين وناسي أنه سنتر مساك مسؤول عن الشمراني أمس حسب تعليمات المدرب. النامي بحاجة إلى وسط أيمن مساند... الهلال يلعب أمس بدون محور؟؟ وينك يارادوي!! العربي وإيمانا والكوري من أفضل الللاعبين الأجانب ولمساتهم رائعة - خصوصاً- العربي العالمي اللي يساوي ياسر والمحياني وويلهامسون مجتمعين. ولكن جميع اللاعبين الأجانب بحاجة إلى وقت للانسجام .. مرة أخرى الشلهوب أمس كان بطيء جداً وعالة على المهاجمين ببطئه وقتله للهجمات.. الوعد قدام والهلال بطل الدوري وتذكروا كلامي!! |
تدرون وش هي امنيتي امنيتي ان هاللي ينتقدون المدرب اشوفهم بكرة يدربون الفريق ونشوف وش عندهم هالعمالقه يا مسلمين هل نسيتو بداية قريتس مع الفريق مع انه تم التعاقد معه قبل نهاية الدوري السابق وتم عمل معسكر لمدة شهر وبحظور جميع اللاعبين المدرب تم التعاقد معه في وقت متأخر ولم يكتمل الفريق معه ومعسكر خارجي عشرة ايام فقط منها اسبوع وافق شهر رمضان وبعد ان عاد الفريق من المعسكر الخارجي يومين او ثلاثة الا وسبعة لاعبين منضمين للمنتخب الالمبي وبعد ما رجعوا بفترة بسيطة تم استدعاء ثمانية لاعبين للمنتخب الاول والآن تم استدعاء ثمانية لاعبين للمنتخب الالمبي وكان من الممكن ان يرتفع العدد لعشرة لاعبين لولا انقطاع محمد القرني واصابة الفرج وغير هذا اربعة لاعبين اجانب جدد على الفريق واول مرة يلعبون مع بعض ولمن يقول ليه يلعب فلان وعلان محور السبب يالحبيب ان محاورك لاعبين قليلي الخبرة ولا بد من مساندتهم لان الطبيعي ان المحور الشاب لابد ان يلعب بجانبه محور صاحب خبره والملامة على الادارة التي فرطت بالغامدي ثم لحقه البرقان والمصيبة الاعظم انهم ذهبوا بالمجان قسم بالله اني كرهت المنتدى من كثر ما يكتب فيه صغار السن اللي ان مدحت معك وان ذميت ايضا معك خمسة ملايين عدد سكان الرياض وفي الاخير يحظر المباراة 13000 متفرج وليس مشجع |
افضل مدرب دول الخطه والتكتيك حلو انا احمل عليه نسبة الخساره 10% والعتيبي ونامي والمرشدي 70% والمحاوره10% والاعبين الباقين والأدرتين الفنيه والداريه 10% |
استغرب من يشن حرب على الشلهوب ياخي لعبه في مركزه واحكم عليه الشلهوب يلعب اجناح ايسر والسباك حاطه يمين كذلك الفريدي نفس الشي ليش الفلسفه الزايده اذا المدرب ما يعرف اللعيبه وين دورك ياسامي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
يــعـــطـــيـــكـــم الـــعــافــــيـــــة |
إقتباس:
يعني تبي تقول لي انه لعب بثلاث مراكز والله بخير.. اخبارك انت؟ إقتباس:
اسمع الله يحفظك ولن تكون أنت ولا أي واحد في هالمنتدى أعرف بالخطة الهلال من دول .. في بداية المباراة كان المحاور (الحارثي والبيشي) ##محورين## بين الشوطين استبدل المدرب الزوري بالفرج ولعبه محور مكان البيشي اللي راح يغطي مكان الزوري وهو تبديل خرافي اثنى عليه الكثير في مباراة هجر لأننا فزنا ولكن عندما كرره المدرب في هالمباراة مع ان الظروف نفسها صار المدرب سباك..##محورين## في اخر ربع ساعة طلع الحارثي ودخل الكوري ##1محور## يعني المدرب لعب بمحورين بالكثير واذا كنت تقصد إجمالي المحاور فهم ثلاثة (الحارثي والفرج والبيشي) والفريدي ما كان محور أبد إلا إذا كنت تظن أن رجوعه للدفاع خلاه محور فترى العربي رجع يغطي مع نامي فهل العربي صار ظهير ..والمرشدي وهوساوي راحوا قدام في الركنية فهل صاروا رؤوس حربة .. علشان كذا أتمنى ما تكتب وتثير الجماهير على المدرب إلا لما تكون عندك الخلفية الكروية الكافية .. وفي رأيي أن المستوى كان ممتاز وكنا سنفوز لعدد فرصنا ولكن نامي والحكم هم السبب.. |
| الوقت المعتمد في المنتدى بتوقيت جرينتش +3.
الوقت الان » 12:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd