والله والله والله انه فريق ما ينزعل عليه ... والتخبط واضح
 

ما راح ابدا بمقدمات و لا شئ وانا اكتب بعد المباراه مباشره



يوم عن يوم يثبت لي الرئيس مع احترامي الشديد له كشخص وشاعر فقط الا انة اخطاء فادحة

نعم يدفع في الاجانب وتارك القاعده و تارك الصفقات المحليه اللي هي اساس الفريق واللي تبنيه للمستقبل


وصدقوني ان الهلال اذا لم يتعدل وضعه ما راح يتاهل لها في 2013





يعني تدفع فلوس في مهاجمين وصانع لعب وترجع خطوات للوراء وترجع لنا نامي ؟؟؟؟

هدفين اليوم كله من نامي , والان جاك الزوري اللي صار العن منه



وخربتها وطيرت علينا محاور بالهبل في كم سنه


الغامدي للشباب
البرقان يروح للاتفاق مجانا بعد ما مسحوا في كرامتنا البلاط وهم يوزعون لعيبتهم يمين ويسار على الفرق الثانيه
الغنام متكي في العياده ولا يدري عن الدنيا
عزيز لعب فيكم لين ما قال بس وكافاتوه بالانتقال
رادوي خليتوه تحت الاضواء والضغوطات لين ما انفجر وطلب الرحيل



واضحه التدابير والكل يخطط علينا و البلطان واضح انه جالس يخرب لاعبينا عشان يسحبهم ويقول لاعبين ممنوع لمسهم...
تتلصق بالهلاليين واخرتها جالس تسحب في اللاعبين والسبب كله مننا



ويقولون شديدين وشديدين والشده تطلع على القرني و الدوسري والدليل ايمانا اليوم مستهتر ويكسر على كيفه لين ما انطرد


يعني واضح ضعف الاداره أمام اللاعبين + عدم وجود التهيئه النفسيه للاعبين



أدلة قصر تفكير الاداره وضعفها :


-تغيير جلد الفريق تماما من اجانب ومدرب في موسم واحد وهو يعتبر اسوء المواسم للتغيير نظرا لمشاركات المنتخب و انعدام فائده المعسكر بسبب رمضان

-التعاقد مع لاعبين افارقه وهم يعرفون ان (السنتين الجايه بتنلعب فيها امم افريقيا 2012 و 2013 ورا بعض)

-عدم التعاقد مع لاعبين محليين و الاكتفاء بالالومبيين وهالموسم الكل يعرف ان المنتخب الاولمبي عنده تصفيات

-نرفزة اللاعبين الواضحه و المتكرره

-الابقاء على لاعبين حرام عليهم فنيلة الهلال





بالله عليكم وش بنسوي قدام التعاون في بريده ؟ والله مب قادر اجمع 18 لاعب هلالي للمباراه الجايه


الاولمبيين مع المنتخب

اصابة العابد و الدوسري

طرد ايمانا


من بقى ؟ بنرجع على الزوري و نامي وبندور بديل لايمانا وكله بدون البيشي والفرج والدوسري وووووو في الاولمبي




وبعدها مع الاهلي


يعني ما نستبعد الهلال يدخل الجوله الخامسه ب 3 نقاط جابها من فريق توه صاعد للممتاز



مدرب جديد ويحتاج وقت + اجانب جدد وغير منسجمين + عدم التعاقد مع لاعبين محليين + الاعتماد على لاعبين عديمين الخبره في موسم المنتخب الاولمبي + ضعف في الناحيه النفسيه + كثرة كلام و تويتر ووعود زائفه اهمها التعاقد مع 3 لاعبين محليين


والادهي و الامر يقول لاعب محلي مميز بيجي في يناير


بالله عليك من يترك لاعب مميز في يناير ؟؟؟؟؟؟؟؟؟؟؟






الله يكون في العون و ان شاء الله نقدر نحقق مركز حليو ياهلنا لاسيا بوجود الاتحاد اللي ماكل اسيا اكال و الشباب التكتيكي المنضبط اللي بهدلنا اليوم ومعاهم الاتفاق و الاهلي وما تدري عن النصر الله يعينا (والا اقول لسه نتاهل لاسيا ؟؟ اخرتها بنطلع و بننقهر كالعاده)




سامحوني على هالاسلوب لاني اول مره اكتب بهالطريقه و اكون مستعجل

لكن من حر ما في قلبي,



امنيتي الاخيره : نتعاقد مع افضل اللاعبين السعوديين من افضل الانديه السعوديه والا اذا على الاجانب فترى البرازيليين اللي كنا نجيبهم ب 500 الف دولار مشطوا اسيا فوق تحت و جابوها مع الهلال و لا يهونون الخليجيين الهويدي و بشار


لكن الاهم اللاعبين المحليين اللي يبنون الفريق و يلعبون له لسنوات قدام

بدون ما اقرأ الموضوع

ترى ما فيها شيء ننهزم من الشباب

انت شفت لاعبين الشباب ؟؟؟؟ هذول تغيروا 180 درجة

لاتسيء للشخص هذا
على الاقل اسلوبه اكرم من اسلوبك !

الشباب كان اقوى منا ويستاهل

ياناس المدرب المدرب المدرب ليس بمستوووى الهلال

ارتفع ضغطي اليووم عشان تغيراته

الله يهديك على هالكلام !!!
لاتكوون من جمهور الفوز والخسارره ؟!
وبعدين تذكر موسم ٢٠٠٨ وكيف كان الفريق وبدا في تصااعد وتمييز
ماننسى انه اجانب جدد
وجهاز فني جديد
وتصعيد من الاولمبي
وبعدين ابو فيصل ماقصر والا بعد تبيه يجي مكان العتيبي
والا يلعب هجووم ويسجل عشان يرضيكم !!!!!!


اتمنى تتركون كتابة الموواضيع لين تهدا اعصابكم

اللحين كلهم بيردون عليك مندس..

لكن اللي يطبل للاداره حاليا هو المندس للامانه...

اقسم ب الله مادري وش اقول لكن من عقب مباراة الاتحاد هذيك والاداره تتخبط

وكل همها المثاليه ( حتى اللاعبين الاجانب طالبو الانقتال) من مثالية ادارتنـا

الله يعينك ياعبدالرحمن بن مساعد على هالجماهير الي تفكيرها محدود

يعطيك العافيه اخوي

قسم بالله شي يقهر .. نامي ذا شوفوله حل هالاعب ذبحنا نكبنا رفع ضغطنا نكبه بكل معنى الكلمه

بالتوفيق للزعيم

اقوووووووووووول لا تغلط على الامير عبدالرحمن بن مسااعد ..

سووووووووووى كل شي علشااااااااااان يرضيك ....

المدرب الغفلة شكله بيمشي بدري هالسنة .. لانه مقلب واااااااااااااااااااضح ... وياليت ياخذ نامي معاه

هدي شوي مو بهذا الشكل تؤخذ الامور

نعم اخطاء واضحه لكن سوف تتعالج

والله لو كتبت هالموضوع مارح يسمحون فيه المشرفين

الهلال بلا هويه
المدرب ليس طموح الهلال
حرام لاعبين بملايين الدولارات بدون مدرب يفهمهم
لاحد يجي ويقول جديد
مدرب الشباب جديد وثلاث لاعبين اجانب جدد مثل الهلال
الى متى والزوري والنامي في الهلال
يلعب بمحورين ويغير مثل مباراة هجر
وما كل مره تسلم الجره ( هجر فريق صاعد )
قلناها لكم خصمنا الاتحاد ثم الشباب وليس هجر

الفريق تايه في الملعب
يلعب بجهود لاعبيه

ياخوفي ان سامي عرف ان المدرب مع نفسه
ففكر في الهروب مسبقا

لجماهير الهلال
شدو الاربطه لجملة من الهزائم هذا العام
والله يستر من الخمسات


سؤال
رئيس النادي لازال خارج المملكه صحيح ..

ووبس كلام قوي

لكن العيب مو بس على الاداره

العيب بالمدرب واللاعبين

الشلهوب خارج التغطيه اليوم

واتحدى اذا تجاوزت عدد مرور الكوره من الشلهوب يتجاوز 20 في 90 دقيقه

بخلاف محمد نامي وهوساوي والمرشدي
دفاع ضعيف
وومحاور معدومه
بس هذا مايعني انك تكتب هالكلام بصراحه

ارجو ان تحترم ألفاظك لست وحدك المقهور والمغبون من نامي ومن على شاكلته.

صحيح مستوانا سيء بس والله مب حنا جماهير الظعيم اللي تنكر الجميل

ولله لو يخسر الهلال كل مباريات الدوري ما ياثر بحبنا لابو فيصل