|
للاسف جمهــور الهلال لما اشوف رده فعلهم اتمنى اني مو هلالي اتمنى من المشرفين اعطاء الموضوع حيز والسماح له لانه بالاخير موضوع واقعي وزبده كلامي دخلت الموقع الان بين الشوطين جماهيرنا تحس وانت تقرى ردها فعلها انها (( ماعندك احد بقوووه )) وين الوعي وين المنطقيه ؟؟ سجل الشباب قول الشوط الاول والشباب فريق جدا ممتاز ومرتب لقيت بالمنتدى سب مايعلمه الا الله فيهم من وصف نامي بالدلخ وفيه من انكب على البيشي والزوري والحارثي استهزاء وفيه من حط اللوم على لاعبين ليس لهم ذنب مثل اللي وصف الهدف الشباب خطا يتحمله حسن ميه بالميه ياناس تكفون اللي ماهو قادر يحكم عقله ويصير شوي رزين في رده في رده فعله لا يكتب بالمنتدى ولا يرد والواجب بعد من المشرفين عدم اعطاء الجماهير غير الواعيه مجال للكتابه وانزال المواضيع واحد امس كاتب موضوع ايمانا فاشل ورجعوا ياسر بالله كيف يسمح المشرف لشخص بالتهجم على ايمانا رغم انه افضل لاعب مباراه هجر ومن اللاعبين اللي قاتلوا وتحمس كثير في مباراه الشباب صراحه والله اني احس ان كثير من جماهيرنا غير واعيين لما اشوف ردات الفعل وسبهم لاي لاعب سواء اخطاء اللاعب او لم يخطي يعني مثلا امس كان فيه اكثر من سبب فني واضح جمهور الهلال الغير واعي ماذكره ابد بس طايحين سب في نامي والزوري والبيشي والحارثي من شاف هجوم الهلال امس نلعب بمهاجم واحد اقسم بالله نص المباراه ينزل طرف كانه لاعب جناح طيب خلك لاعب جناح وينزل الكوري من بدري المدرب امس لم يقرى المباراه ( لكن لعله ينتبه لهذه النقطه ويكون التشكيل افضل من هذا التشكيل في المباريات القادمه ) |
الان انتهت المباراه انا اوافقكم ان نامي كان ثغره والعربي راس حربي صريح مايصلح .. لان ينزل لوسط الملعب كثير ويستلم كوره رغم انه المهاجم الوحيد والمفروض الكوري اساسي لانه مواصفات هداف وضارب راس واذا بتلعب بمهاجم واحد لازم يكون هوووو لكن وش نسوي قدر الله وماشاء فعل ويمكن البدايات المتعثره تكون افضل السنه الماضيه بدايه قويه ونهايه تعيسه راحت ضحيتها الاسيويه اللهم اني اسالك ان تكون هذه الخساره ( ماكرهناه وهو خير لنا ) |
.............................................. |
معك ي اخي في كل كلمه قلتها ان لم نكن خلف الزعيم اثناء خسارته وتعثره لانستحق ان نكوون خلفه اثناء انتصاره كلي ثقه بنجووم الزعيم واحساسي من هالنقطه سوف يصحح اللاعبين والمدرب اخطائهم بالنسبه لأيمانا لاعب ممتاز ومن طراز عالي لايمككنا ان نحكم عليه بمجرد مباراتين لعب فيها فقط وانا استنقد تماما اولئك اصحاب السب والشتم للاعب اللاعب بشر والبشر مخطئ لكن من العيب ان نستمر بالخطأ وبأنتظار هرماش وعودته للزعيم سوف تعيد الهيبه للهلال والفريق الى الان لم يتأقلم والحمدلله المباراه القادمه مع التعاون سوف تكون سهله ليس المقصود من كلامي الاستهزاء او التهاون لكنه ثقه بالكيان كما اعتدنا وابو فيصل لم يجلب هالاسماء الا انه واثق فيهم ونحن تماما مثلك واثقين بهم تمام الثقه لله درك ي زعيم تحياتي اخي اتمنى اني اصبت بالانتقاد يعطيك العافيه |
في الحقيقة ماتابعت المباره بس .... بس اقدر اقولك الجمهور مايدري وين الخلل وأي واحد يخطي راح يكون هو السبب...؟؟؟ يااا ناااااس المشكلة في تهيئة الأجواء الهلال يعيش في أجواء صناعية يعني مدبر مو روح الفريق اللي تصنع الاجواء إذا كان عندك لاعبين يفهون وش تعني كورة ذيك الساعة تعال كلمني ...."""ملاحظة"" في عمري كلة ماشفت لاعبين يحبون يفرعون مثل لاعبين الهلال اتحداك ماتمرمبارة مافية لاعب مسوي يهدي لاعب يأاااااخي شف الفرق الثانية مافي تفريع زي في الهلال مادري هي وراثة ولا (شغل متوسطة) ..؟؟؟؟ هوساوي شغل التهدية عشان تصيركبتن ماينفع الكبتن نبية وحش بالعربي زي نور ... اللي يبي يتكلم مع الحكم محد يهدية خلوة يتوقف اللي هو بس سمعة الهلال ماتروح.... تخيل واحد يسحبك في الملعب كنك خرووووف؟؟؟؟؟ ياخي حراااام كفااااية إلى هنااا بتلعبون كورة زي الناس ولا لاتحرقون دمنا إذا غلط الحكم كلوووووووو خشو في عينة مرة ومرتين وثلاثة ولو زودها خلوة يندبج لجل بيتأدب شف الحكم السعودي قدام الاتحاد والنصر كنة فار بلاة يسمع كلام يسم البدن!!! انا اقول لاتغلط بس لاتخلي الحكم يأكل حقك ويسرقة منك عيني عينك ........في المبارة انت لاعب, مطلوب منك تجيب الفوز مالنى شغل وش تسوي مع الحكم او الخصم نبي نشوف قتااال خل الفرق تخااااف إذا أسم الهلال........بعدين طول الأعبين في الهلال بادي يتحسن وهاذي نقطة حلووة بس باقي أجساااااام نبي اجسام ...الشلهوب حبيب الرئيس ماقدر أقول شي لكن من وجهت نظري الشلهوب خلاااص معاد يعطي..ياناس الطق في الميت حررام ................. عبد العزيز الدوسري...يقولو ميسي شف جسم ميسي وتعال قارن (ميسي معظل)وخوينا فقر دم؟؟؟؟ العابد قصير بس جسم ولا أروع ماشالله يعني يعوظ الطول نمونة العنقري إذا تذكرونة وعبد العزيز الدوسري والشلهوب ماتخدم الفريق لو سجلت مليووون هدف (إذا مسلسل اللعب التكتيكي مستمر لن اشاهد مبارة للهلال رفعة ظغط وبصدق لم أعد اجد حافز لمشاهدة مباريات الهلال من العام )بكل صراحة بدون ذكر اسماء بعظ الفرق احس بونس ونا اتابع مباراتهم ياخي لعب كوووووووورة حقيقي |
كلام سليم ومشكور على الموضوع |
مب اي شي تقراه تحسب انه الي راد هلالي ترى اغلبهم مندسين |
والله انا مثلك .. قبل كنت انتظر تتفعل العضويه اللحين تمنيت ان اللعضويه ما تفعلت و يليتي ما شفت اللي شفته ناس تدعي ع نااس بالشلل و ان الله يرد كيده ف نحره اللي ينوي بالهلال شر وصدق او لا تصدق ينتقدون ايمانا انتقاادات غبيه ؟!!! معقوله فيه بالهلال الكثييييييير من جماهير الفوز اللي بالفوزز يطيرون اللاعبين بالسماء واذا خسرنا نزلوهم للأرض + و الان اي اختلاف يقوول لك يا مندس صراحه لو يتم حظري عن المنتدى ما يهمني .. واتمنى المشرفين ما يزعلون من ردي |
لاتلومهم الهلال يملك نجوم تقدر تخلص المبارة بربع ساعه ويملك في المقابل لاعبين اقل من اني اضعهم صف ثالث !! مدرب متخبط وسامي صاير اردى منه يدافع وبس وياليت يصحح الخطاء اعضاء الشرف لاحس ولا خبر لكن املنا الوحيد بعودة هرماش + الدوسري |
كلام مبه مبه بالصميم وبالتوفيق للهلال .. |
ابن مساعد بيقول كلمتين وهالكلمتين بتجيب لك أقل شيء بطولتين ..إبن مساعد أمس جاء من خارج المملكة ..يعني استقبلوه بهزيمة ...والله ماراح يسكت على الحال المزري مافيه إلا إيمانا لحاله شغال بالوسط ..والعربي لحاله شغال هجوم ووسط ...وهوساوي يغطي أخطاء أخونا بالله اللي من الاحتياجات الخاصة ... بالنسبة لحسن العتيبي : بالله عليك تحسب الكابتنية انك تكلم اللعيبة قبل كل شوط وتقول لهم توكلوا على الله ؟؟؟ ....أتمنى تعطى الكابتنية لإيمانا أو الشلهوب أو على الأقل الفريدي بالنسبة للمدرب توماس دول : راح احكم عليه بعد نهاية الموسم أو ب عد الدور الاول ...لأن من الجهل والغباء اني احكم على مدرب من ثاني مباراة رسمية له <<<الله يسترنا من الجمهور العاطفي عموما تعليقي هو إني يوم شفت مواضيع امس قلت ليتني ماعرفت ان فيه منتدى للهلال وشجعت الهلال من قلبي فقط ....بعض الجمهور يجبرك تترك الكورة بشكل عام |
| الوقت المعتمد في المنتدى بتوقيت جرينتش +3.
الوقت الان » 10:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd