لماذا ينحدر مستوى الهلال في اسيا ؟؟؟!!! - نادي الهلال السعودي - شبكة الزعيم

هـــلالي. · #1 14/09/2011, 12:13 PM

بسم الله الرحمن الرحيم

اول شيء انا ماأعرف بالمقدمات ابد

فـــــ ابي ادخل الموضوووع مباشرة

سؤال اتوقع الكثير يتفق معي من ناحية ان الاتحاد افضل منا فقط بآسيا.......

لاحد يجي ويقول لا كلامك غلط الهلال افضل ........... الواقع يقول كذا بالاعوام الاخيره.............

انا اعرف السبب....

السبب هو ان لعب الهلال بالدوري نفس لعبه بآسيا .......... لعب الهلال بالدوري نفس اللعب بدوري ابطال آسيا..

ولعب الاتحاد يختلف في الدوري تجده ضعيف لان لعبه تحس لعب آسيوي....

ولعبه بآسيا الاتحاد هجومي اما من ناحية الهلال فلعبه مع الفرق القويه شوي دفاعي ومع الفرق الضعيفه لعبه ليس هجومي بل لعبه عادي.......

فصراحه اتمنى ان الهلال يلعب لعب هجومي بآسيا نفس الاتحاد او افضل...

وسمعت ان توماس دول لعبه هجومي فاتمنى مايغير اسلوبه بآسيا خوفا من الانديه القويه ...........

وشوفوا اذا لعب الهلال السنه هذي لعب هجومي راح يوصل النهائي وياخذ الكاس بأذن الله بكل سهوله............

لان اغلب الفرق بآسيا ليست بمستوى مرعب.......

فلا يوجد فريق معين يهز آسيا....

والفرق الكوريه متقلبة المستوى........
والايرانيه ليست بالفرق التي لاتقهر..........

والانديه العربيه هيهات هيهات ........

مع كامل احترامي لها

اذا اين الزعيم من الانديه هذي الزعيم مستواه ثابت ما شاء الله بمستوى قوي .....

لكن نتفاجأ بمستواه بآسيا .... السبب اللعب نفسه ليس هجومي.....

________________________________________

فيه ناس تبي تجيني وتقول مادام لعبه مو هجومي ليه ياخذ الدوري والكؤوس المحليه؟؟؟؟!!!

اللعب السعودي مايصلح معه لعب هجومي بقوه . اللعب السعودي يحتاج الى حذر تام.. وهذا مالعب به الهلال في المواسم الاخيره......

والاتحاد لم ينجح بالدوري بسبب لعبه الهجومي البحت ...

لكن آسيا غير يبي هجوم وعدم خوف........

فاتمنى ان يلعب الهلال لعب هجومي بدوري ابطال آسيا..

اتمنى ان تتقبلوا موضووعي مع انه مو مرتب...

فسامحوني على الاخطاء....................

الرجاء الرفع من المشرفين.

هـــلالي. · #2 15/09/2011, 09:58 AM

اتمنى الرفع من المشرفين.....

فآإرس الحربي · #3 15/09/2011, 01:58 PM

من قال لك الاتحاد يلعب هجوم ؟

لا شفت تشكيله البارح الاتحاديين متحفظين جدا ويلعبون على الحظ ..

لكن لاتنسى ان السنه ذي الاتحاد اللي طلعنا من الاسيويه وبأرضه !

وانت تعرف الاتحاد بأرضه وش يسوي وصدقني لو كانت المباراه بالرياض لما استطاع الاتحاد هزيمتنا .

جمهور الاتحاد يملك 60% من تفوق الاتحاد في اسيا في الاونه الاخيره

Hamad.w · #4 15/09/2011, 02:53 PM

.

إقتباس

الرسالة الأصلية كتبت بواسطة فآإرس الحربي


	من قال لك الاتحاد يلعب هجوم ؟ لا شفت تشكيله البارح الاتحاديين متحفظين جدا ويلعبون على الحظ .. لكن لاتنسى ان السنه ذي الاتحاد اللي طلعنا من الاسيويه وبأرضه ! وانت تعرف الاتحاد بأرضه وش يسوي وصدقني لو كانت المباراه بالرياض لما استطاع الاتحاد هزيمتنا . جمهور الاتحاد يملك 60% من تفوق الاتحاد في اسيا في الاونه الاخيره

بالفعل

وازيد على ذلك عامل الروح القتالية !

.

14(البرنس اليمني)14 · #5 15/09/2011, 05:07 PM

إقتباس

الرسالة الأصلية كتبت بواسطة فآإرس الحربي


	من قال لك الاتحاد يلعب هجوم ؟ لا شفت تشكيله البارح الاتحاديين متحفظين جدا ويلعبون على الحظ .. لكن لاتنسى ان السنه ذي الاتحاد اللي طلعنا من الاسيويه وبأرضه ! وانت تعرف الاتحاد بأرضه وش يسوي وصدقني لو كانت المباراه بالرياض لما استطاع الاتحاد هزيمتنا . جمهور الاتحاد يملك 60% من تفوق الاتحاد في اسيا في الاونه الاخيره

.
.
بالضبط أنت قلتها ، جمهور الإتحاد هو الوحيد القادر على تغيير مجريات المباراة وتحويل التعادل أو الخساره إلى فوز

NaWaF_ALhILALI · #6 15/09/2011, 02:07 PM

والله يالغالي الهلال ماعنده كبتن فعلي للاسف
والاتحاد العكس نور يحس ان مساولية الفريق عليه يحمس ويشجع ويشيل الضغوط ويجتهد في الملعب الهلال مافيه كابتن

ثاني شي دفاع الاتحاد قوي الصراحة قلوب ممتازة والاظهره مو ذاك الزود بس تقوم بالواجب يعني مافيها تميز وقدامهم كان كريري وحديد والحين كريري وباولو او ابو سبعان
يعني الاتحاد مقفل الدفاع
وفيه صانع لعب مميز نور

ولا تنسى الاررررض اهم شي وما اتوقع الاتحاد يفوز في كوريا حتى لو تاهل بس ماتوقع يفوز

Larson bn cogar · #7 15/09/2011, 02:29 PM

أسأل خوياك اللاعبين عند الاسويه تجيهم ام الركب ولا ام صلال والاتحاد ابو خمسه يطلعنا

راشد الظهير · #8 15/09/2011, 02:33 PM

اول شي يعطيك الف عافيه بس عندي رد بسيط

لان لاعبين الاتحاد في اسيا يلعبون بروح بعكس الهلال

جراح شمر · #9 15/09/2011, 02:36 PM

!!!!!!!!!!!!!!!!!!!!!!!!!!!!!!!!!!!!!!!!!!!!! , ؟

مهاجر بأحساس · #10 15/09/2011, 02:44 PM

آول شئ ..

آلآتحآد لولآ آلله ثم تسليم كآلديرون آلخآئن لهم آلمبآرآة كآن مآ تشوفةة بدور آلثمآنيةة ..

ثآني شئ آلآتحآد كآن يلعب بمهآجمين آجنبيين .. طول مآ كآن يوصل للنهآئيآت .. وهذي آللي فقده آلهلآل من عآم 2002 ..!! يعتمد على مهآجم محلي ومهآجم أجنبي ..!!

ثآلث شئ لو تشوف آلآتحآد أمس بغىآ يحرجه آلفريق آلكوري بآلشوط آلثآني لولآ عآمل آلحظ آللي خدم آلبرآزيلي ويندل ..!!

قآل فآرس عوض عبآرة حلوه .. قال آلآندية آلسعودية لهآ 13 لقب آسيوي ..

آبغىـآ أسسألك من آكثرهم ..!!

نصهآ للهلآل وآلنص الثاني لبآقي آلآنديةة ..

شُكرآ

أميـــر الليل · #11 15/09/2011, 02:48 PM

-

كلمة وحدة تكفي عن سسؤآلك

الروح القتآلية

عيسى الرفاعي · #12 15/09/2011, 02:49 PM

ياليتنـــــــــــــــــي مـــــــــــدرب

Prince Hearts · #13 15/09/2011, 03:14 PM

مشكور على الموضوع .. الإتحاد أفضل بالأسيوية من أجل اللعب بروح فقط .

هلالي المزاح100 · #14 15/09/2011, 03:14 PM

الروح والقتاليه على الكوره تشوف لعيبه الاتحاد اذا جا يقطع الكوره

كنه بيتهاوش معك لين ياخذها او يعرقل مافيه حل وسط قتاليه روح 70% من الانتصار

الهلال كان يلعب بروح وقتاليه ايام سامي والثنيان والفرقه المرعبه لكن الجيل هذا بارد واخيرا لابد من قلب دفاع بجانب هوساوي المرشدي الى الان ماني متأكد هو لاعب كره ولا لا

ومازال للمجد بقية · #15 15/09/2011, 03:16 PM

الاتحاد يلعب بروح قتالية وهم بكل صراحه بعيدين عن الضغط الي حاصل للهلال ولاعبية وحتى جماهيرة

الاتحاد في ملعبه لا يتهاون اطلاقا ويترك الفريق الاخر يفرض طريقه واسلوبه

الاتحاد يملك قائد محنك في وسط الملعب

مشكور على الموضوع لاهنت