|
شبان بالرياض يتجاوزون مرحلة "التفحيط" إلى الاستعراض بإطلاق النار شبان بالرياض يتجاوزون مرحلة "التفحيط" إلى الاستعراض بإطلاق النار http://sabq.org/sabq/misc/get?op=GET...256&height=176 عبدالله البرقاوي- سبق- الرياض: تجاوز عدد من مفحطي الرياض مرحلة التفحيط الاستعراضي إلى الاستعراض بإطلاق النار باستخدام الأسلحة الرشاشة خلال ممارسة التفحيط في شوارع العاصمة في استهتار واضح بالأرواح ، ضاربين بالأنظمة عرض الحائط وسط تجمهر العشرات للفرجة. ويظهر مقطع فيديو جديد نُشر قبل يومين على موقع اليوتيوب أحد المشهورين بالتفحيط في العاصمة ، يمارس التفحيط بتهور كبير على أحد الطرقات السريعة وطريق فرعي داخل أحد المخططات، يقوم خلال ذلك مرافقوه بإطلاق النار في الهواء من أسلحة رشاشة في وضح النهار وعلى مرأى من عابري الطرقات والمتجمهرين في استهتار كبير بأرواح المواطنين والمقيمين وتجاوز للأنظمة. المفحّط الذي كان يستقل سيارة من طراز هوندا، كان ورفاقه يرتدون الأقنعة، فيما اتجه المفحط إلى طمس لوحات السيارة بتدوين لقبه الذي يرمز لحي النظيم، وشارك المفحط الشهير عمليات التفحيط في أجزاء من مشاهد مقطع الفيديو قائد سيارة أخرى من طراز كامري. وكشف المقطع مضايقة المفحط لقائدي السيارات وتعريضهم للخطر من خلال قطع الطريق أمامهم في عدد من المشاهد. ولم يتضح توقيت عمليات التفحيط التي يرجح بأنها حدثت خلال الأسابيع القليلة الماضية، حيث تظهر على اليوتيوب عدة مقاطع أخرى للمفحط جرى تصويرها في نفس الشوارع خلال شهر رمضان المبارك ، مما يتطلب الوقوف بحزم في وجه ظاهرة التفحيط وإيقاع أشد العقوبات بمن يستهتر بأرواح الناس ويتجاوز الأنظمة والقوانين. للمشاهده الممتعه اضغط هنا تعليقي , اول شي اشكر الحكومه على توظيف 70 الف أجنبي في الوظائف الحكوميه وترك شبآبنا بالعطاله والهيآته وتربية الشوآرع بوجهة النظري ان الدوريآت عاجبهم الموضوع , لان لو مافي تفحيط ماعندهم شغله ثانيه يسوونها فوجود التفحيط شي كويس انهم يصفون طابور كل يوم ويطلعون يطردون وراهم شارع ورا شارع في دول الخليج المجاوره توجد ساحات كبيره ومنظمه من المرور , طيب ليش ماعندنا هنا وحنآ اغنى بلد في العالم ؟! وايضا اشكر المفحط ( كنق النظيم ) لبى والله قلبه :smilie47: على تمزيع شوارع الرياض وافراغ الشحنآت اللي فيه واشكر ايضآ المصور ( N E X T ) على دقة التصوير والاحترآف عندنآ مواهب في هالمجآل حلوه لازم تستثمر , ملينا من الكلام فيهم والسب ليش مانشوف الموضوع في نظرتهم ؟ يمكن الموضوع يوصل اكبر من كذا وتصير جوائز عالميه ومنظمه وتصير السعوديه الاولى على العالم في هالمجال ترا اللي يسوونه المفحطين مآهو بسهل انك تتحكم في السياره على 220 , انا ماروجلهم لكن اشوف الموضوع بنظره اكبر صحيح هي مخآطر ومجتمع فاسد وفي نآس ماتوا , لكن السؤال ليش ماوقفوا طيب هم واتعضوا ؟ معقوله كلهم مايحسون او مالهم قلوب ؟ المشكله في وجهة نظري لها حلين الأول : توظيف جميع العاطلين بمرتب لايقل عن 6 الالاف ريال الثاني : وجود ساحات مخصصه للتفحيط لافراغ الطاقات ( لحد يشطح ويقوله حلبة الريم , حلبة الريم لعيال النعمه راعين البورشات وطقتهآ يدخل ياخذ لفتين ويطلع ) اتمنى وصلت الفكره :d توقعون صعبه على الحكومه هالحلين ؟ بصفة اننا اغنى دوله في العالم دخل واستخراج للبترول والنفط ؟ أو تتوقعون ان الجهات المختصه بتغيب شمس الطاره والموضوع يختفي ويلفقون عليه 50 الف تهمه وهو مرآهق ماتعدا الـ 20 التفحيط موجود عندنا من عام 1990 تتوقعون يستمر أو يتوقف ؟ وليش ؟ ووين الحلول ؟ ووين البدائل للشباب اذا منع التفحيط مآزال في فمي مآء بانتظآآآآر تعليقآتكم :rose: |
إقتباس:
تبي نتكلم بواقعيه ؟! هالأشكال يبيلها من يجمعها بحفره ويحرقها بقاز وصخ .. وانت تبي توظفهم ! مجتمع وصخ .. حبوب حشيش وكل انواع البلاوي بتلقاه فيه .. مسألة ان الواحد مايقدر يتحكم بالسيارة ع ال220 هذا شيء طبيعي ولا تتوقع ان فيه مفحط بيسويها وهو صاحي .. يفحط بشارع عام ويعيق السير ويعرض ارواح اللي ماشين بحالهم للخطر وانت تشكره .. شوية عقلانية يعني .. اللي يسوونه أبعد ماله عن الموهبة .. مافيه موهبة أساسها ادمان وانحراف وضياع .. واذا وجود الاجانب بيساعد على انهم يبعدون عن الوظايف ما اقول الا الله يكثر هالاجانب ولا يستلم واحد من هالسلاتيح وظيفه .. |
إقتباس:
السلاتيح هذه لو حصلت وظفية براتب مقتدر ما حصلتها سهر وإدمان وتفحيط أصلا الحكومة راضيه عن هذه كله ولو ما هي راضية ما كان حصلنا الأشخاص هولاء مسببين خطر على الرياح والجاي والرصاص ييتطاير يمينك ويسارك والحبوب متناثرة بينهم مجتمع وصخ انت واحد من هذه المجتمع والخير يخص والشر يعم لماذا لم تقل هولاء يبى لهم دار رعاية يتم تثقيفهم و تعلميهم احدى المهن الشريفة وبالأخير أنت تتمنى ان الأجانب يكثرون وهذه اهم سبب آنحراف الشباب بس اذا كان العاقل هذه تفكيره فاذا عرف السبب بطل العجب ...... يا عاقل يا فاهم |
- في البدآيه صرآحه مآ قدرت أكمّل المقطع 5 دقايق و يمكن أقل و طفيته ! قلبه ميت ذآ ! والله مآ خبرت الرجووله إنّك تستعرض عند شاحنه :( قسم بالله خنقتني العبرهـ :( ألحين لو لآ سمح الله و صآر له شيء ! وشّ ردت فعل اللي شجعوهـ وشّ ردت فعلك أنت اللي قاعد تحييّه ! أخبّر الشخص بسيارته يخآف من الشآحنه لكن أتوقع هنآ العكس اللي بالشاحنه خآيف :s5s: أنآ مآ توظفت أنآ عآطل بآطل الحكومه مآ قدرتني بس والله مآ أرخص نفسي لأشيآء لآ يرضآهآ لآ عقل و لآ دين كذآ أحسّ إنّي فجأهـ بأقلب عليك مطوعه :s5s: بس ترى كويس إنّ الوآحد يحستب الأجر بآلصبر لآ تخربون أجر الصبر بالسخط ذآ اللي انتم قاعدين تسوونه :( لآ أحد يجي و ينبرش عليّ و يقول ذي هوآيه :/ ذي طآقه مآ يدري وين يوديهآ طيب اقترآح فحطوآ قدآم وزآرة العمل :d على الأقل تطلعون حرّتكم شوي :d اقترآح ثاني :d استعراض طلق ناري تحيّه لوزآرة العمل :d قدآم الوزآرهـ :d يَ خي مهمآ كآنت المتعه اللي يحصّلها بس مو كذآ يرحم أم أمممممه :( الله يهدييكم و يصلحكم :no: مآ هكذآ وشسمآ بآلأمور :( أذكر مرهـ كآن متأخر بالليل وآقفين عند الاشارهـ فجأهـ تجييك سيآرهـ تقحط بالمربع هذآ اللي بين الاربع اشارات :s5s: و المششكله يقرّب من عند الاشارهـ و السيارات الوآقفه و إذآ جآء بيووصلها يلّف :( يعنني أنآ الدقيق :( احمد ربي إنّ الاشارهـ اللي كانت خضراء مآ كآن فيها احد :( يَ الله يَ مثبّت العقوول ، وش ذآ ! أتذّكرهم أول وش زينهم يفحطون بآخر الدنيا لحالهم ، لكن الحيين معلييييييييييش مصخووهآ بقووهـ لو مآت أحد من اللي مآلهم ذنب وش بيستفييييد ! بيلقى حلبه تضفّه مثلاً ! بيحصل وظيفه مثلاً ! و ألحين حركة طلق النآر :no: فرضاً من الحمآس طلق بخويّه :( بآريو لو تقلّب أبو الموضوع مستحيل تحصّل شيء ايجابي يوم تقول خلينا نآخذهـ من الجآنب الايجابي ! و إذآ على تصوير نكست يقدر يروح لأي منشد و يصور معه فيديو كليب :razz: بس مآ أدري و أنآ أقرأ عنوآنك أحسّ التفحيط شيء قديييييييم شيء لمآ كنت بزر بمتوسط مع عيال عمي و أخوآني و مقآطع الفيديو بالبلوتوث :razz: لكن الحين الحمدلله ربي هدآهم :smilie47: عقبآل البقيييييه يَ رب :smilie47: البدآئل إنّكم تجتمعون بـ الحلقآت و تتعرفون على مشآيخ :d:smilie47: أهم شيء المشآيخ الدببّه سعة الصدر فيهم أكثر بـ 50% من النحآف :s2::smilie47: والله اّنّ الحيآة كويسه بس فآهمين الفلّه غلط الله يهديكم :( بآريو اطلّع انت و توقيعك و لآ ترجع إلآ ب شهادتك عشان نوظفّك :no: |
إقتباس:
وياما شفنا عطّاليه في بيوتهم كافين شرهم .. فـ مهوب عذر لانه عاطل انه يطيح ببلاوي وتفحيط وسرقة سيارات .. اللي يمارس هالشي نمط حياته كذا .. ولا تتوقيع ان الوظيفه بتغيّر شي غير انه مهوب كفو أساساً .. التربيه تفرق .. البطاله شماعه لا أكثر ولا أقل .. من ناحية مجتمعهم أرجع أقول وصخ وستين وصخ .. ولا هالأشكال من وين بتطلع .. |
إقتباس:
لا أستطيع مناقشتك بفكرك العقيم حكمت على المجتمع انه وسخ وأنت لم تعش فيه |
عندهم حلبه الريم مثلا يدرفتون فيها الييييييين يطيح اللي براسهم لكن الاحتفالات الوطنيه لاااازم يخصصون لها مكان وسط كل مدينه عشان تصير قريبه من الكل مثل فوز المنتخب واليوم الوطني وغيرها من المناسبات ومثل ما قلت نتمنى توظييييييييف العاطلين |
أي عآطل وأي خرآبيط شف سيآرته أكورد 2010 , زي مآقآل آلعضو لآزم نحرقهم بغآز معفن , وترآ خلص محد بقى مع آلقذآفي غيرك مىودك تتركه , |
|
يا عزيزي هذولا سو لهم كمين و أجدعهم بحفرة و أحرقهم لعنة تلعنهم كم واحد مات هو و عياله و السبه ذولا تقولي نوظفهم يا عزيزي و الله لو لي من الأمر شيء كان أدفع ملاين و أمسكهم و ما فيه إلا تطيير روس خل العالم تعتبر حياة الناس ماهي لعبة ! و لكن الحكومة مب مسوية أي شيء لو كل يوم تموت مية عائلة ما فرقت معهم .. أهم شيء يشيكون على ساهر الناس دفعوا المخالفات و الفلوس وصلت مخابيهم و لا لا .. الظاهر المسلمين هنا بيدخلون الجنة بالصبر على هالمصايب ! إقتباس:
عايدي يا شنب ! هلالي 2008 ، صح لسانك ياخي |
إقتباس:
1000000000 صح لسآآنكك مَ أدري وش أقول بعد هذا الككلام |
ههههههههه أسخف سبب سمعته العطالة نصف مليون سعودي عاطل ليش مايفحطون كلهم ؟؟ هذولا مرضى ومجانين ومستهترين ولو يعلقون من رجليهم على عواميد الكهرب على الدايري شوية عليهم لكن مانقول إلا حسبنا الله ونعم الوكيل كم من شخص روعوه هو لحاله أو مع عايلته أنا من النوع اللي يقشعر جسمي إذا سمعت صريخ الكفرات من سحبة الفرامل أجل كيف إذا تفحيط وقدامي أو في نفس الطريق اللي أمشي عليه :s5s: ---------- قدمت بلاغ مع رابط الخبر من صحيفة سبق للجهات المختصة |
قال أيش قال ساحات و مواهب !! من جد شرّ البلية ما يضحك :s2: لو يجيني كاتب قاعد يكتب المقال من بيروت و يقول هالكلام ممكن أعذره لكن يا محمد أنت عارف البير و غطاها :s3s: شل عن هالمفحطين الورعان و شل عنهم المخدرات وشف يجي واحد منهم يفحط أو حتى يجي جمهور يتجمهر ولا لأ !! المفحط قبل ما يدخل الساحة لازم يجرع له كم حبة هروين طيب بالساحات المنظمة حقت المرور بـ يسمحون له يدمن عشان يتمكّن من ممارسة هذي الهواية العظيمة :s5s: بعدين كثير من حوادث التفحيط المميتة تكون عبارة عن إنقلاب !! وشلون بتمنع الإنقلاب بالساحات هذي ؟ ولا تبي يخترعون لعيونهم إزفلت ضد الإنقلاب :s2: |
مـهـوب عـذر انـك عـااطـل تـطـيـح فـي الـبـلااوي والـتـفـحـيـط .. رااس مـالـهـم وراعـيـن حـلالاااه مـن شـاالـهـم بـبـاص ووداهـم خـرخـيـر وفـصـل لـهـم سـجـن مـن طـقـة ابـوشـوكـة عـشـريـن كـيـلـو فـي عـشـريـن كـيـلـو بـدون سـقـف ولا لـه طـريـق الا بـطـيـارة .. ويـقـطـون لـهـم كـل اسـبـوع قـواطـي تـونـه وبـبـسـي حـاار :naughty: قـيـمـة سـيـاارتـه يـقـدر يـشـتـغـل فـيـهـا يـطـقـطـق عـلـيـهـاا .. ومـاا فـيـه مـاانـع يـبـيـع ويـشـتـري بـالـغـنـم داامـه خـرووف .. او يـشـتـغـل كـداد يـمـتـر هـالـخـطـوط ويـتـرزق الـلـه احـسـن مـن أمـا يـعـرض أرواح الآخـريـن لـلـخـطـر بـهـيـااط مـاالـه سـنـع ؟؟ :s5s: عـشـاان خـااطـر ابـوطـااقـيـة الـلـي جـنـبـه :d الـلـه لااا يـبـلااانـاا .. وبـعـديـن مـن يـوم شـفـت تـوقـيـعـك غـسـلـت يـدي .. وعـرفـت انـك مـن الـنـوع الـلـي يـتـعـااطـف مـع الـمـجـاانـيـن :s2: |
فيه واحد من عتاولة التفحيط وزعانف الهجولة يسمونه كنق القَبعات :d اظن اسمه بدر عوض مدري بدر عايض هذا الله يسلمكم قبع تقريباً ست مرات وفي كل مرة يموت اللي معه في السيارة وهو يطلع منها سليم مثل القطو بسبع ارواح :s5s: ولا يفحط الا بكابرس وآخر قبعة له في الخرج قشع له نخله في مشهد مضحك ومبكي في نفس الوقت وله حادث قديم شوي مروع واعتقد الكل شافه يوم يخم الماصورة بالليل :s5s: المهم بلادي العزيزة وحكومتنا الرشيدة عاجزة عن القبض عليه وتنفيذ حكم الشرع فيه ؟؟ جهاز الامن اللي قام بملاحقة المطلوبين الارهابيين واستطاع ان يقتلعهم من جذورهم وجابهم حتى من اليمن وافغانستان عاجز عن اللحاق بالكنق بدر عوض اللي مات بسببه اكثر من شاب سعودي :ah: |
| الوقت المعتمد في المنتدى بتوقيت جرينتش +3.
الوقت الان » 12:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd