|
يسسلمموو آلله يعيطك آلف عآفيه يآرب |
إقتباس:
اللي تقول عنه بدر عوض مسجون في جيزان بس بقضة مالها علاقة بالتفحيط سنه و نص و يحولونه للرياض اللي بالفيديو هذا ما كمل سنه طالع من السجن بعد ما قعد بالسجن 3 سنوات و انا اتابع تفحيط و مستمتع بحكم اني عاطل و لا عندي وظيفة بسبب فلسطيني يفضلونه علي ..!! كنق النظيم تسلم يمينك |
فيه كلمتين في المجتمع السعودي مااشوف لها اي فايده غير انها انتشرت وبس واللي يبي يتفلسف يقولها الاولى العطاله والثانيه حنا مجتمع له خصوصيه اما سالفة العطاله اللي ذكرها صاحب الموضوع هذي قصتها قصه وهي سبب واهي للعاجز يارجل بلدان العالم كلها فيها عطاله ليش انت بالذات اللي عندك تفحيط ومجتمع قذر ووسط منحط من المفحطين وبعدين انا اقسم بالله ان المفحطين لو تنظم لهم الدوله ميدان للتفحيط وفيه مراقبه واسعاف ووسائل سلامه مالقيت احد منهم جاي ليش ؟؟؟؟؟؟ لان التفحيط قائم على حبوب وحشيش وورعان يعني لازم يركب جنبه واحد حلو خلونا واقعيين يااخوان هذا مجتمعهم مجتمع بياعين كلهم وماازكي احد منهم ناس راحت عوائل اصبحت بدون عائل ارواح ازهقت من بزر طايش واخر شي تقولي عطاله دام انها عطاله ورى مايشتغل كداد بسيارته اللي يفحط فيها ويكد على نفسه مجتمع قذر واللي بيزعل انه مجتمع قذر اذا هو قذر ومنحط مثله مثلهم وترى صفات الانحطاط سهله طول شعرك ولاتتروش والبس ثوب اسود مقصوصه اكمامه وشماغ فلسطين الاسود وحط لقبك لقب قذر وشغل اغاني مسرعه واهم شي تكون دبكه وكل حبوب لين تمسك على تفحيط وركب جنيك ورع وتصير ملك السهره ياشنب واذا مسكوه الدوريات بيشوف اثبات وان صرت من نفس القبيله صكك العسكري حبة خشم وقال لاتتعودها ياولد عمي والله انك تديرها ياشنب وعطاك الضحكه ذيك هعهعهعهعهعهاا |
إقتباس:
ههههههههههههههههههههه حسستني انك معهم دبكة وحبوب وثوب نوم مقصوص الكم وشعور واهم شي لا ترووش :s2::s2:<< ما تحس انها قوية |
ههههههههههههههههههههههههههههههه والله انكم مساكين !! اي والله مساكين , شعب ملعوب عليه والله , ولا تتوقع ه الجحلط اللي يفحطون م يقدرون يسيطرون عليهم الحكومه ؟! اللا يقدرون ونص , بس مخلينهم , مخلينهم يموتون , لانهم متى قد اهتمو بشعبهم ! هي راس مالها دورية ب راس كل شارع معروف , وتبوني اعدها لكم عديتها مع اني مالي بالتفحيط , بس عشان تعرفون ان كل العالم يدرون وين التفحيط يصير اللا المرور ! م يجي اللا قبل المغرب بربع ساعه , إذا خلصو طبو يفرقونهم ! اي والله شعب ملعوب عليه ! |
زي ماقالوا الاخوان هذولي ماينفع معهم الا حفرة وتشب فيهم بقاز خايس أو تصدر لهم عقوبات رادعه لأنهم صاروا في سكة الارهاب بس على غباء شوية ورعنة على ناس معفنة ماضيهم محسسهم بنقص في حياتهم ولقوا ضالتهم بالمجال الوسخ عشان يثبتوا نفسهم وأسسوا (ثقافة ياسنايدي) أغبى ثقافة عرفتها جزيرة العرب وحضرتك ماأدري على أي أساس تدافع عنهم وعن هوايتهم المتخلفة يعني لاهي احترافية ولا هي عقلانية ولا هي انسانية (الله يرحم أيام جمع الطوابع والعملات) وهالأشكال حرام تعطيها ريال واحد وانت تبي الحكومة تصرف لهم رواتب 6 آلاف ريال بعذرهم بطالة الى الأبد ياخي البلد فيها ناس عاطلة بس يازينهم ويازين أخلاقهم ناس كافية خيرها وشرها ومحترمة نفسها أما البقر ذولي هياط وحبوب وشذوذ وشي يخجل الواحد يذكرة وللمعلومية التفحيط من قبل عام 90م بس زمان كان المفحط يخجل ويستحي من نفسة اما اللحين تنصدم من بجاحة البعض من شلة (ياسنايدي) والمفروض الحكومة تلقى حــل لهذه الظاهرة لأنها بدأت تتطور ودخلت فيها أسلحة والله يستر من القادم |
# لحظه ياشباب ش هالردود السلبيه واللي يقول مايستاهلون ويتحكمن بالسياره واهم مو في وعيهم انا اعرف كذا واحد ويفحط واهو اصحي مني ومنك لاتحكم على الناس بمجرد كلام شف الامارات اكبر مثال حلبات ومجهزه ويسون بطولات اما هنا مثل ماقال كاتب الموضوع حلبت الريم لعيال النعمه اما هذولي كلها اجارات في اجارات # واللي يقول مايستاهلون يتوظفون ياخي اذا كنت متوظف ليه ماتتمنى الخير لغيرك الرسول صلي الله عليهم وسلم يقول ( حب لاخيك ماتحب لنفسك ) توقعت ردود اجابيه بس انصدمت بردودكم # يعني تبون تقنعووني انكم مافحطت بسياره ولا طهبلت بس انت توظفت بواسطه او بمجهودك وهذا شهادته مانفعته لاسباب كثير من العنف الاسري وانت طالع وبالاخير مالنا الا الدعاء لهم مو الدعاء عليهم واشكر صاحب الموضوع +1 |
^^^^^^^^^^^^^^^^^^^^^^^^^ . .Bla Bla Bla |
طيب ويش المشكلة الرجال عنده فشق زايد ويبي يستخدمه قبل لا يفسد البارود بعدين واحد متخرج له 6 سنين ابوه يكد عليه وين يودي وجهه من الناس وش يسوي بالبيت قفلت معه مالقى الا انه يفحط وش تبونه يسوي يقشر بصل تعال هنا>>>: يازين الاستعراض عندنا بالشرقية لا بدل برابع وقال التاير "بووووووووووم":naughty::smilie47: |
كل دوله في هـ العالم فيها بطاله ليه نشوف هـ العينات عندنا بس ! اجل وظفوهم هههههههههههههههههههههههههههههههه ! اقسم بـ الله حرام يشتغل زباله لأن الزباله اكرم منه ! جعل كل مفحط بـ عمود وشلل رباعي ويشوف العالم وهو قاعد مكانه بسبة شغل المبزره ! حسبي الله عليهم ! |
كفووووووووووووو عداك العيب ياشنب |
الله يسستر عليه لككن فينا طاآقه ماندري وين نوديها هم يفحطون وانا ادرفت ! والله يعين |
الله يهديهم ‘ ناس ماهي عارفه وش سبب وجودها على هالدنيا ولا هي فاهمة الله اعطاك نعمة الحياة الا تبي تهلك نفسك ؟ احمد ربك غيرك تحت القبر يبكي دم ندم على مافرّط وغيرك مشلول مايقدر يتحرك وانت حيّ حرّ معافى اقضي حياتك باللي يرضاه منك ربك واتسلى باللي يعجبك لكن مافيه مهلكه لك وهذا من نعم الله عليك . احباب ماتوا لنا اما بسبب تفحيط او من المتجهرين وش نفعهم وش نفعنا ؟! اي موهبة لازم يكون فيها فائده ولو بشيء بسيط الا التفحيط مامنه اي نفع .. اسباب هالظاهرة الفراغ الروحي لشباب اسأل اي شاب من هذولي عن مستقبلة عن حياته بتلقاه مايحمل اي هدف داخله مجرد عايش حياته مثل البهيمة ويكرم القارئ لا احد يقولي بطالة انا اعرف شباب اقارب لي مفحطين توهم صغار في السن ثانوي ، متوسط وبعضهم جامعي .. واللي يقول لاتعممون على المفحطين انهم مدمنين مخدارت احنا مانعمم لكن الأكثرية منهم والمشهورين منهم مدمنين وبعضهم تجار مخدرات وبالنسبة لهم هالشباب الجاهل مستهلك !! الموضوع يحتاج دارسة واهتمام اكبر ولله لو كانوا مطلوبين من امريكا او مثل الأرهابيين كان يمديهم خلّصوا عليهم ولقوا مليون حل لكن ما اقول غير حسبي الله ونعم الوكيل ليه مايلتفتون لشباب ومشاكلهم وين وزراة الداخلية عنهم .؟ ليه مايعملون دورات اعادة تأهيل لكل مفحط مثل مايعلمونها للأرهابيين ؟! هذولي خطرهم اشد علينا وعلى اهلهم وعلى انفسهم قبل اي احد .. شباب بعمر الورد صغار بالسن المفروض يكونون قادة للأمة اهتمامتهم تكون بهالشكل؟ حرام ولله حـــــرام .. يـارب انك تصلحهم وتهديهم وتجعلهم أئمة وهداة مهتدين . اعتذر عن الأطالة لكن هالموضوع يقلقني كثير :cry: |
إقتباس:
الحين بتفهمونا انكم مساكين وغلابا وعشان كذا بنأيدكم ؟ زيادة الفشل فشل ابوك يكد عليك وتزيد الطين بلّه ؟ لو فيك خير رحت اشتغلت اي شغلة تكرم نفسك وتبرّ ابوك . الله يهديـكم ويصلحكم ويوظفكم ويرفع من قدركم في البلد :smilie47: |
اول ما ادخل المجلس احصل الموضوع ومع الردود :to: اولا / المقطع الا يفحط بالكورد وربي انه يدرس ثالث ثانوي << اي وظفية تتكلمون عنها ثانيا / السيارات الا يفحط عليها 90% ايجار والمشكلة السيارات تجى عنده للباب البيت ثالثا / صاحب الكورد لاحبوب او حشيش او السوالف السابقة الا تكلمتم عنها ويبعد كل البعد عنها ولـكـن السبب الرئيسي والأهم هو 1/عدم وجود وسيلة الترفية المناسبة للشباب << ثمامة ومشينها لكم بالشتاء اما حاليا والله لو اننا ضبان 2/ عدم وجود الرادع الحقيقي ـ مـن أمن العقوبة أساء الأدب . 3/ التجمهر والجمهور السبب الرئيسي والأول للمفحطين وبالأخير كم مات لهم من صديق وامام اعينهم ثم اشهر ويعودون للتفحيط او التجمهر لماذا ....؟ < يجب نطرح هذه السوال وبالأخير اشكر المشرفين على سعـة صدرهم والى هذه الحزة الموضوع ما تقفل :d |
| الوقت المعتمد في المنتدى بتوقيت جرينتش +3.
الوقت الان » 08:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd