|
يآشبآب صحيح بيئتهم بيئة وصخة للغآية .. لكن في كلمة لآزم نضع تحتهآ مليون خط آشتركوآ فيهآ كل المفحطين وهي ( وين اروح ) ؟ هذه الكلمة آشتركوآ فيهآ آغلب المنحرفين والعاطلين وكل آجنآس البشر هنآ في السعودية !! :d ‫وفاة مفحط بعد أسبوعان من ظهوره ببرنامج 99 متنكراً‬‎ - YouTube ‫مقابلة الطاره [ تيتشر ] مع قناة روتانا [ حصريا ]‬‎ - YouTube ‫برنامج 99 - خفايا الاختبارات - (3-8)‬‎ - YouTube والكثير من المقاطع .. الي ابي اوصله آنآ ضد التفحيط مية بالمية ولكن إذا كآن الشآب في مراهقته كآن بآطل آو اذا رآح لمكآن قآلوآ له عوآيل ومالقى شيء يسليه هي أحد من الأمرين إمآ الإنحراف واما الصبر واحتساب الأجر عند الله .. مقآهي الشيشة شبآب , والتفحيـط للشبآب ؟؟ إلى أيين بعد ذلك ؟ الله يهدي شبآب المسلمين إلى مآفيه كل خير :smilie47: |
النوعية هذي من الشباب لازم الدولة تتعامل معهم بحزم وتكون فترة السجن طويلة حتى تردع غيرة من المفحطين والشرطة لازم تعطى لهم صلاحية اطلاق النار على المفحطين ممكن بالبداية تقتل واحد أو أثنين ويمكن أكثر لكن بالنهاية راح تنقذ الابرياء وأي متهور راح يفكر مليون مرة قبل لا يفكر بالتفحيط . والدولة احملها المسئولية لأنها ماهتمت بالشباب لأنه من غير المعقول أنا كشاب مافيه اي مكان مناسب اروح له مافيه غير المقاهي او الاستراحات حتى الملاعب الترابية بدأت البلدية بهدمها ولك ان تتخيل العدد الكبير من لاعبي الكرة اللي تهدمت ملاعبهم وين يروحون . |
عداهم العييب العيال هههههههههه مع اني ماشوف ان ماله داعي طلق النار يا فلان :d وياليتـ الواحد لايطلق الاحكام كذا يجيني واحد ويقول راعي خراب والثاني يقول المفحط لازم ياخذله كم حبة هروين ولاتحط شي بذمتك :yes: والي يقول بزرنجيه انا معك تبي تلقا لكن ماتقدر تعمم لانك ماتعرف الشخص بعينه مثلا يجي واحد سعودي ومايصلي تقدر تقول كل الي بالسعوديه مايصلوون طريقة التعميم الغبيه ياليتـ نتركها والشي الثاني يجيني واحد ويقول المفحطين فيهم وفيهم واذا قلتله وش عرفك يبي يقولك بكل غباء (يقولون) العطاله سبب انا معك هو من اهم الاسباب لكن اعرف ناس متزوجين ومفحطين وفيه كم مدرس وضباط وعساكر الى الليل وموظفين :s5s: لكن هذي هوايته من يوم هو صغير وهو يطرد تلقا فيه ناس تطرد هجوله من ايام الصغر عام 1992 والى الحين هي هوايه واقرب مالها ادمان بالنسبه لبدر عوض :s2: تراه متحول للرياض وابد بالكثير شهر وطالع بعد عفو ابو متعب الله يطول بعمره على العموم ماعلينا مجتمع التفحيط فيه الصالح وفيه الطالح مثله مثل اي مجتمع ثاني واتمنى عدم التعمق فيه لما يحمله من مخاطر تسوي حادث وغيره ومشاكل ووجع راس من سجن وحجز السياره ومن الخرابيط ذي اماا راعي الكامري قالبها مختبر :d والله يهديهم ويهدي شباب المسلمين |
تفحيط بالرشاش "مقطع فيديو" يكشف التهور في شارع رئيسي والعشرات يتجمهرون للفرجة شبان بالرياض يتجاوزون مرحلة "التفحيط" إلى الاستعراض بإطلاق النار http://sabq.org/sabq/misc/get?op=GET...256&height=176 تجاوز عدد من مفحطي الرياض مرحلة التفحيط الاستعراضي إلى الاستعراض بإطلاق النار باستخدام الأسلحة الرشاشة خلال ممارسة التفحيط في شوارع العاصمة في استهتار واضح بالأرواح ، ضاربين بالأنظمة عرض الحائط وسط تجمهر العشرات للفرجة. ويظهر مقطع فيديو جديد نُشر قبل يومين على موقع اليوتيوب أحد المشهورين بالتفحيط في العاصمة ، يمارس التفحيط بتهور كبير على أحد الطرقات السريعة وطريق فرعي داخل أحد المخططات، يقوم خلال ذلك مرافقوه بإطلاق النار في الهواء من أسلحة رشاشة في وضح النهار وعلى مرأى من عابري الطرقات والمتجمهرين في استهتار كبير بأرواح المواطنين والمقيمين وتجاوز للأنظمة. المفحّط الذي كان يستقل سيارة من طراز هوندا، كان ورفاقه يرتدون الأقنعة، فيما اتجه المفحط إلى طمس لوحات السيارة بتدوين لقبه الذي يرمز لحي النظيم، وشارك المفحط الشهير عمليات التفحيط في أجزاء من مشاهد مقطع الفيديو قائد سيارة أخرى من طراز كامري. وكشف المقطع مضايقة المفحط لقائدي السيارات وتعريضهم للخطر من خلال قطع الطريق أمامهم في عدد من المشاهد. ولم يتضح توقيت عمليات التفحيط التي يرجح بأنها حدثت خلال الأسابيع القليلة الماضية، حيث تظهر على اليوتيوب عدة مقاطع أخرى للمفحط جرى تصويرها في نفس الشوارع خلال شهر رمضان المبارك ، مما يتطلب الوقوف بحزم في وجه ظاهرة التفحيط وإيقاع أشد العقوبات بمن يستهتر بأرواح الناس ويتجاوز الأنظمة والقوانين. ربط الموضوع مع القطع شبان بالرياض يتجاوزون مرحلة "التفحيط" إلى الاستعراض بإطلاق النار - صحيفة سبق الإلكترونية |
مكرر ................................... |
السلام عليكم ورحمة الله وبركاته :s5s::s5s::s5s::s5s: وقسم بالله شي يقطع القلب بالله عاقل اللي يسوي كذا ..؟؟؟ ولا وش .؟؟ اذايبي يموت يموت بكيفه مويموت خلق الله معه ذكرني هالمقطع بواحد كان ينطل بهايلوكس وانا كنت واقفه بالشارع صوت السيارة كان يدق بقلبي من الخوف حرام عليهم والله نسوا ان عندهم اهل اخوان ام اب يخافون عليهم من نسمة الهواء لاحول ولاقوة إلابالله دواهم عشر سنين سجن ووعساها تعقلهم خفاف العقول |
والله اسف !!!!!!!!!!!!!! |
مكرر .......................... |
الله يهديهم والا ياخذهم ويفكنا من شرهم وهياطهم :D اللي يقولون عطاله ، مااعتقد ان اي واحد عاطل المفروض يتوجه لشي مثل هذا او ينحرف ، يعني مهما كان الواحد يكون عنده عقل عموما هالظاهره منتشره بالرياض واهم سبب لها هو عدم وجود ااكن مخصصه للشباب تمشي مع جو الشباب يعني يايروح العليا يمتر الشارع او يروح الثمامه يتغبر ، مع ان الغبار ماشاءالله توصيل مجاني في الرياض :D او استراحه مع اخوياه ويتهاوشون على الهلال والنصر.. يارجل اذا اضطريت اروح الرياض اقعد احسب الثواني متى اطلع منها =\ بعدين ياجماعة الخير اللهم لا حسد ، شوارع الرياض يمديك تضبط غترتك وانت تطالع بالارض من قوة ماهي تلمع ومافيها حفر ومطبات مثل الشرقيه والغربيه ، وهذا عامل مساعد للتفحيط :D ويقولك العاصمه وأمن وأمان ،، امحق |
الله يهديهم والله المفحطين انتشرو بشكل كبير بالرياض وصارو بكل مكان موجودين الله يعين بس |
من ناحيتي العطالة مالها شغل شوفوا وش يفحط فيه وبعدين تكلموا المشكلة موب باللي يفحط المشكلة باللي قاعدين يشجعون والمساكين اللي حوله من سيارات وتريلات لو الرجال انقلب فهذه موب غلطتنا غلطته هو لانه مستهتر ويفحط بالطريقة هذه والله ما ذبحنا الا الاستهتار اسال مجرب انا صار لي حادث والسبب واحد من الشباب قاطع الاشارة والحمد لله على السلامة تبي والله تطلع طاقتك طلعها بعيد عن خلق الله ولو الحكومة تشدد على عقوبات شديدة كسجن ومدة طويلة كان ماشفنا مثل الاشكال هذه |
. حسبي الله ونعم الوكيل .. الى متى هالمهزله .. يبلون الناس بشرررهم . يعني مو معقوله الامن مو قادرين عليهم .!! حسبي الله ونعم الوكيل ,حسبي الله ونعم الوكيل ..!! |
إقتباس:
والله انك صاادق هههههههههههه وش هالموهبه بتنفعهم فيه ؟ يهايطون قدامه خوياهم بالتفحييط شبابنا فااسد ما يعرفوون الا السهر والهياط والشذوذ ..لا نضحك على نفسنا ونظل ع هالحال السبب : وصول فيتامين واو الى المرور ! والترااخي في العقوبه .. الحين اللي ياكل مخدرات ينسجن مده طوويله .. وااللي يعرض المواطنين لللموت يسجن اسبوع ؟ |
,,, همج ومهايطيه .. علاجهم لا وظايف ولا شي يا ان يخش بعمود وينشل والا يموت أو يصدم له واحد وينحكم قصاص ,,, |
سلاتيح التفحيط ومشجعينهم ،،، ماينفع معهم الا التجنيد الاجباري عندهم طاقه زآئده عن اللزوووووم |
| الوقت المعتمد في المنتدى بتوقيت جرينتش +3.
الوقت الان » 04:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd