|
ياهلآ وغلا بكل من رد وكل الزوآر واشكر كل من علّق على توقيعي :d اغلب ردودكم عاطفيه وضدهم لانكم ماتعرفون وش تفكيرهم وانا طرحت تساؤولات ولاحد رد عليه بالنص نلف وندور حول الموضوع ابضربلكم مثال في احد المفحطين دخل في قضية وسجلت عليه سآبقه منع من التوظيف والسفر مدة 4 سنوآت ومعه شهادة ثانويه ودبلوم حآسب !! وين تبونه يروح ؟ :yes: لحد ينبرش ترآ اتكلم عن الموضوع بشكل عام ( وانا ماني معهم ) انا احاول القى حلول انهي فيها الموضوع علشآن اقدر اتكلم بصفة أني اعرف رجال كثير من جمآعتنا بالمرور ياليت افكار ارقى من ( قطع رقآب وحريقه ومدري ايش ) ماهي لعبه هي :yes: |
الصالح صالح والطالح طالح ... أحد معارفي في القطاع العسكري يقول عندهم واحد ملازم أول ومع ذلك يفحط ورآعي سهر وخراب ! يعني توظف ووش تغير فيه ! أنا مع اللي الرد الأول إن تجمعهم وتحرقهم ولا تخلي منهم احد ! أزعجوا خلق الله يتموا بزران وذبحوا شيبان ! وغير الترويج والشذوذ اللي منتشر بينهم لا مواهب بلا واقعيه مزيفه ! لو قلبه حي ما جا لهامجال اللي آخرته يا سجن يا موت |
اسمحلي ذي لاهي هوايه ولا شي هذا جنون والله مو كل واحد مالقى له وظيفه راح ورمى نفسه بالتهلكه !! هذا انتحار تعرف وش يعني انتحار ؟! اي واحد بالدنيا يقدر انه يكون نفسه بنفسه شوي شوي ويخطط لحياله شدعوة الحين كل اللي متوظفين متوظفين بوظايف حكوميه !! ليش مافي قطاع خاص هو بنفسه اذا كان عنده سياره ويخربها كذا ليش مايبيعها اصرف له ويفتح له مشروع على قده لما هالمشروع يكبر ويكون عنده مصدر دخل ومنها قضى وقته بشي ينفعه طيب يعني الا هذي الهوايه مالقى غيرها !! يعني خلصت الهوايات مثلا ! مشكلة الشباب اللي كذا تلقاهم شباب مستهترين داجين قلوبهم ميته ماهمهم لا وظايف ولا غيرها حتى يمكن لو تجيب له وظيفه براتب يقول لك مابيها عقله تبرمج على الدجه بس الله يعافيهم ولا يبلانا .. شكراً :rose::ba1: |
إقتباس:
ولا شخص ليته بايع عمره بس الا بايع كل اللي حوله وش اللي يخليني اتعاطف معه ؟! خلك واقعي يعني .. محد بيوظف واحد راعي بلاوي وتفحيط .. لا مسؤوليه ولا احساس ولا حتى يفكر بسلامة اللي حوله ! الحل يجي من الشخص نفسه .. لا وظيفه ولا راتب ولا منصب بيغيّر شيء فيه .. أما الرقي مابعد شكرك للمفحط على تمزيع شوارع الرياض رقي .. كفيت ووفيت :D .. وش المشكله خله يفحط .. وش بيصير يعني ؟! بيتبلى سيارة سيارتين مالهم دخل .. عادي أهم شيء المسيكين يوسع صدره ويطوّر مواهبه المدفونه اللي مالقت احد يتبناها .. اهم شيء لايكبت نفسه :D .. |
إعادة تأهيل لكل مفحط هو الحل الأمثل والمناسب وأنا متأكد إنهم بحاجة ماسه للعلاج طبعاً هم مرضى وماراح تقدر تتعامل معاهم إلا لما يتعالجون من أفكارهم الخاطئة مركز تأهيل لعلاج المفحطين لتثقيفهم وفهم عقليتهم وإبعادهم عن مسببات التفحيط من أصدقاء وغيره وإعادة توجيههم إلى الطريق الصحيح شكرا لك أتمنى لك التوفيق تحيتي قبل مودتي |
إقتباس:
هذ احد غرائب الدنيا :s2: عموما الحين لاتخاف بنجران بقضية ثانية :d --- اخ بيرة كيف حالك عساك بخير :d اول شي مطالباتنا ببلوك كامل بأحد المخططات شمال ولا شرق ولاغرب المهم بالرياض :s2: شوارع وسيعه للهجولة + شوارع درفت + شوارع تفجير :s2: وبالنص يحطون لنا ثيل ويخلون الشعب يجلس بكيفه لايجيني لادوريه ولاهيئة ولامصطفى ولا عبسي :d بعد كذا اللي بيطلع من هالمكان وكع فرامل يلعنون ششكله :d وبكذا تحفظ ارواح الابرياء وتحفظ ممتلكاتهم وتريح راسك من البلاغات والانتقاد لعملك >للمرور والاشياء ذولي :d وبعدين لسى الشعب يحسب ان كل من راح لازم مخدرات وآآآه عطوني الجرعة ويروح يشتري من البياع اللي ساكن ببيت شعبي وثوب المتعاطي بني فاتح ومشقوق :s2: خلوا عنكم حملة مكافحة المخدرات اللي تجي على القناة الاولى :s2: السكارى والمحششين دايم نلاقيهم بالتحلية والعليا يعني نقول لااحد يروح العليا هذا مججتمع فقد ؟؟:s2: في نسبة من حقين التفحيط متعاطين اي نعم فيه مثل مافيه نسبة بالمجتمع وسلامتكم :yes: |
إقتباس:
طيب ماجاوبت للحين بالـ 4 سنوآت وش يسوي ؟ ليدر كيف حالك ؟ عسآك بخير ؟:s2: ماصرت اشوفك بذاك المكآن :d:smilie47: |
إقتباس:
من يموت له أخو بسبب التفحيط يحس بكلام أخوي هاللي فوق .. اخوي مات والسبب واحد متهور جاهل مامعه الا ثالث ابتدائي وكل حياته حبوب وحشيش وسرقات وتقول مو بيئة وسخه الا بيئة نتنه وحرام فيهم السجن قال مواهب قال ... ياعمي طيير انت وماهبك ... طلع أخوك اللي عمره 15 سنه وقله رح البقاله وجب لي هذا الغرض وتتفاجأ ان أخوك يعطيك عمره والسبب واحد متهور عديم تربية أخوي هذا كان من المحافضين على الصلاة ومن طلاب الحلقات ..ولله الحمد .. يعني لا يجي أحد منبرش ومطفي النور ويقول محد قاله يتفرج .. كلا وحاشا ان أخوي ينآظر مثل هالمهابيل اللي يقودون بدون عقولهم .. ولكنه يومه الموعود .. (لااعترض على قدر الله) ولكن (أمتعض على بهم خلق الله ) ةنجي انت وترد هالرد ..يقالك ابو العريف ومنقذ هالجهله من الهاويه .. الله يهيديهم وان لم يرد لهم هدايه أسسأله ان يقتلهم ويفك المسلمون شرورهم ..!! بعدين صاحب الموضوع اذا في فمك ما انا في فمي بحآآر العالم أعذرو لغتي .. واسف أن أخطأت ولكن مشاعري وما حصل لأخي هو مادعاني إقتباس:
|
والله انا ماني من هواة اتفحيط لكن سبحان الله تجيني حاله وانا على السيارة تمسك اني اخذ لي جلنط ع الطاير :d بس مو درفت و حركات هذي :d و اذا كنت فاضي اروح اتفرج مع الشباب لأن المفحط خلوه على جنب الجمهور ليش يجون لهالاشياء ؟؟ لأن مافيه اماكن ترفيه لهم !! كل شيء عوايل مافيه الا وزارة الصحه هي اللي معطيتنا وجه :d انت اذا حطيت اماكن تضم الشباب و وسائل ترفيه راح تسحبهم من شوارع التفحيط و من المفحطين و الاشياء هذي و كذا المفحط ما راح يلقى جمهور يفحط له !!! |
والله ي ّ عليكم شوارع يا الرياض تهيييض الواحد :d:smilie47: |
^^ تشوف انت :d طيب خلوا خلق الله تستانس و على فكره ما يجيب روس الابرياء الا هالمطافيق اللي يخش في عين الواحد :d و بعدي ترا المفحط يضم عيال الناس من الشوارع يعني الواحد اذا جاء يدور ولده ,, ما يقعد يفر الحي كله ,, يلقى مع الجمهور :d و انت يا ابراهيم :d مو شرط زفلت ما ينقلب عليه الواحد :d انت عليك تحط و اللي بيجي يجي ,, تفك العالم من القلق ولو اني اشك انهم بيتركون الشوارع و يروحون لساحات الحكومه :d لان مخالفة النظام و و و فيها متعه :d والا وش الفايده تفحط و انت تدري انك بتطلع سالم مافيك شي :d ^^ ما كتب اعلاه لا يمثل وجهة نظري << اجل من :d |
والله قعدت اتابع المقطع مره ومرتين وربي حرام هالاشكاال هنا موجوده ..!! سبحان الله يعني واذا مافي وضايف هل هو هذا الحل يابوالعريف ؟؟ طيب مافيه وضيفه تفحط ليش مع ول نطله بتستلم راتب مثلا ... عقول دمرها الحشيش وقلوب موتها الذنب بلا مشاعر ولا احاسيس يالله طهر الارض منهم .. والله أفترحعلى وزآرة الداخليه التعامل مع هالاشكال بالقتل لانهم يعيثون في الارض فساد .. وهذا جزائهم وأقل من جزآئهم ... يالي تقول في فمي مآ وش الما الي فمك ... تعال طلعه خلنا نسمعه ... لاتقولي وضايف وماوضايف يآخي هذي اغبى شماعه سمعتها ... اعرف شخص وربي يشهد على مآ أقول ولا ازود في كلمة وحده .. ابوه عقيد في الأمن العام وهو من اكبر سرابيت الحي يعني تعتقد ان ابوه مايقدر يوضفه جاوب وربي يقدر يوضفه بأحسن وضيفه بس هو تبن وجاهل عقل مافيه .. يبغى الخراب ... المهم صار من هواة التفحيط ومافيه الا قوة سرق وتفحيط وهذآ حاله .. ركب معه صديقه وكانكم تعرفون شارع اسمه على مااعتقد هشبل او زي كذآ هو في الروضه المهم فحط قبع توفى صديقه .. خمس أيآم ويطلع هالمفحط من السجن .. هههه اقسم بالله هذا اللي حصل طلع وكأنه قاتل حشره عصفور قطو في الشارع رجع لنفس المهنه .. بتطبيل من الوآلد .. ويَ الله ننتظر من هو الضحيه الثانيه اللي بيفقدونه أهله بسبب هذا الجاهل هذا المنحط .. والي مو متربي .. من لهؤلاء ؟ من يوقفهم عند حدهم ؟ ليش نشوف ناس تشجعهم ؟ يعني لازم يموت واحد من اهل هاللي يشجعهم عشان يقر ويقتنع بان هالامر خطأ .. قاتل الله الجهل اتمنى من حكومتنا تضرب بيد من حديد وتشيل هالسفله من جذورهم تقلعهم قلع .. وتفك المسلمين من شرورهم |
ياخي يوم قريت موضوعك مدري ليه طرى على بالي مسرحية طارق العلي بخيت وبخيته اظن .. طيب تعرف عايض :s2:s121s هههههههههههههههههههههههه ؟ من جدك يبو حميد تبرر لهم ؟! .. ياخي اي موهبة تخليك تذبح العالم .. هذي اسمها موهبة سلبية .. الشي الثاني يوم تدافع معهم تبي تقنعني ان المفحط انسان سوي ؟! .. عنده موهبة ياخي يشد حيله ويشارك بسباقات الفورمولا واللذي منه .. اما تفحيط وهجولة وترويع الناس بالطرقات هذا اسمه سربته معليش . الشي المهم بالموضوع السيارات اللي يفحطون فيها كلها مسروقة .. يعني فوق على الترويع سرقة .. هذولا يحتاجون تقويم اولاً وعلاج نفسي قبل توظفهم .. لانك لو وظفته وهو مدمن هالاشياء راح يطيّر فلوسه على الزبرقة والاشياء اللي تعينه على التفحيط خخخخ .. والشي الاهم اغلب المفحطين ما معهم شهادات ثانوي وتقولي وظفوهم :D لا تدافع 99% من هالمفحطين راعين حبوب وشراب وحبتين عقدة لعيون خلي والحب عذاب واخرتها خاقن له مع ورع ... بلاش نكذب على بعض ونخليهم ملائكة :s2: الله يهديهم ويفكنا من شرهم .. قال موهبة قال s121s |
الله لايوفقهم دنيا واخره ! وش ذنب هالمساكين اللي يروعونهم ويشطفونهم بشكل يخووف !! زودوها مره هالقذرين ولازم يتوقفون عند حدهم ! |
مع اني اكره التفحيط والمفحطين بس ماني مع الردود المتخلفه والمتشائمه اللي يقولون احرقهم ومدري كيف كل شي بالدنيا له علاج تراها مرحله بحياته وتعدي وهو ما فحط وسوا زي كذا الا من الفراغ اللي لاقيه لو عنده وظيفه مالقيته يفحط وللمتشائمين نسيتوا ابو زقم وبدر عايض الحمدالله ان التواب هو الله ولاهنت خيو والله يهدي ضال المسلمين |
| الوقت المعتمد في المنتدى بتوقيت جرينتش +3.
الوقت الان » 11:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd