|
مايحتاج اكتب موضوع ماله دخل بالسالفه موضوعنا اكتشاف ( المواهب الهلاليـة ) المواهب الشابة ( حلم كل هلالي ) حلم الاستغناء عن مواهب الفرق الأخرى والتي تستنزف خزينة النادي وتؤثر بالسلب لا بالايجاب على المواهب الموجوده لدينا حلم أن يكونوا نجوم المملكة بالمقام الأول من مواهب النادي. تكلمت كما تكلم الكثير عن تشييد مدارس الهلال لكرة القدم عن تشييد أكاديميات رياضية هلالية في شتّى أرجاء الوطن حُلمٌ راودَ الكثير من عشاق النادي هذا الحلم أعتقد أنه بعيد المنال في ظِل تبعيّة الأندية للرعاية العامة لرعاية الشباب مما دفعني الى التفكير بحل بديل. الحل البديل وهو استثماري بحت ( بحيث أنه ليس له علاقة بإسم نادي الهلال ) لبساطة الفكرة والسلامة من النقد الغير هادف ولكنه في المقام الأول يخدم الكيان الهلالي كلنا نعلم أن غالبية الشعب مجانين كرة قدم الأطفال يفطمون على كرة القدم اللعبة الأولى على مستوى المملكة كرة القدم تدخل أي حاره تحصلهم يلعبون بالاسفلت تمر من عند مجمع ملاعب رمليه مالك مكان الشعب كلة عاشق كرة قدم بس وين الي يستغل هالشيء ويستثمر فيه. الفكرة:- تشييد ملاعب للتأجير اليومي بمختلف مناطق المملكة ويكفي لو بدأنا بملعب أو اثنين تكون الملاعب مزودة بكاميرات تسجيل لجميع المباريات التي تقام على هذا الملعب يعني مايحتاج لا اكاديمية ولا موظفين في الوقت الحالي مانبغى تكاليف زيادة اللهم استكشاف المواهب وجلبها للنادي. المتطلبات: أرض + تشييد ملعب ( عشب صناعي أو بودره ) عامل يهتم بـ الملعب ويحط عينه على تسجيل المباريات. التكاليف: تتراوح بين 300 و 350 ألف ريال. الأرباح: كبيرة مقارنةً بالتكلفه اولاً دخل يومي من التأجير ثانياً الأراضي بإزدياد يعني فلوسك ماراحت ثالثاً والأهم إكتشاف موهبة واحدة كفيل بتعويضك عن عِدة ملاعب شيدتها هذا غير الجماهير الي راح تتغنى فيك سواءً جماهير النادي أو جماهير الوطن عموماً. الشروط: من أهم الشروط التي ألتي أراها أن يكون تأجير الملعب لمن هم دون الـ 20 من العمر. هذه مجرد فكرة محب للكيان الهلالي تنتظر من يدرسها بشكل أوفى ويطبقها على أرض الواقع. |
الله يعطيك العاافيه الفكره حلووه بس صعبه اذا شفت لاعب وعجبني كيف اجيبه وين ادوور له وبعدين هاذي تبي نااس تتابعها |
يالغالي المواهب موجوده ولكن لاتجد مكان للعب فيه الابفلوس وخير شاهد استراحات الثمامه شف مواهب الهلال في المدرسه لم ينجح احد كموهبه مثل العابد بسبب من يختار الاعبين الصغار هو تنقصه الموهبه وعندما حضره الموهبه الحقيقيه سالم الدوسري تفوق علي لاعبين المدرسه الذين لهم 10سنوات تحت تدريب مستمر مع عده مدربين ولكن عندماحضره موهبه سالم الدوسري من شرق الرياض تفوق عليهم بكثير لذا هنا تعرف من الاعب العادي من الموهوب ساحات الامانه ستكون مكسب للصغار حيث تم اكتشاف موهبه سالم من ساحه حي الروابي واتمني المحافظه علي المواهب بساحه حي المنار 3 اخوان تبارك الله مواهب تستحق الاهتام بهم نريد ان نفوز ونتطور ونحن نبحث عن لاعبين من الفرق الصغيره لذا يفشل الجميع العنبر مر علي الهلال والمنتخب وكذلك الجيزاني وغيرهم لذا نتاخر ويتقدم الاخرون اين الملاعب البراعم مهم الاهتمام بهم من في 10 سنوات هم مستقبل الكوره في المدارس ويجب ان يكون هناك دوري لمن عمره بين 10 سنوات و12 سنه سنكشف منجم من المواهب في جميع المدارس عندما تتحق الفرصه لهم ووضع ساحات خاصه بهم تحياتي لك |
الله يعطيك العاافيه الفكره حلووه جدا |
شكرا لك فكره جيده ولكن اذا الفريق مايعطي الاعبين الشباب فرصة اللعب ويروح يدور في الفرق الاخرى عن لاعبين لايحتاجهم كيف تبينا نحط ملاعب وتنتج لاعبين يروحون لانديه اخرى الحين عندنا لاعب شاب في مركز شاغر سلطان البيشي وفهد السبيعي ويكون الاصرار على نامي والقضاء على موهبة البيشي بلعبه في الظهير الايسر؟ تخبيص المدربين وموافقة الاداره تنرفز احيانا |
فكرره حلوه لككن صعبه ان شالله يحطون اكادميه للهلال |
ياعيني ع الفكرة عواااااافي يابرنس عسى تعمل |
1-السلام عليكم ورحمة الله وبركاته 2-الفكره روووووووعه واكيد لو طبقناها راح تكون عاال العالل ان شاء الله بس هذي يحتاج لها ناس مختصين فيها<<<كشاف المواهب ولاهنت ياخوك مشكور اللهم اننا نستغفرك عدد مالهتنا الدنيا عن الرجوع اليك وعدد مانسانا الشيطان ذكركـ |
فكرة حلوة بس لو يتفقون مجموعة ويسوون نادي ويلعبون مناطق راح نشتري منهم لأنه هذا الي تعودنا عليه ! بس شغالين صرف راح يجي يوم ونفلس على هذي الحالة |
فكره مرره حلوه وانا مني مالك الا اجيب انواع اللعيبه ، وانواع الفرق القويه ، ويكون صغار بس ان شاء الله ، الفكره تطبق عوافي ،، |
إقتباس:
لكن اذا قلنا هالشيء صعب من وين نجيب نجوم واذا اعجبك لاعب مو صعبه انك تجيبه لأن اي شخص يستأجر تاخذ بياناته وتقدر توصل له بسهوله وتوصل للاعب الي وقع عليه الاختيار تبي تقول ناشئين النادي انا اشوف ان ناشئين النادي حتى لو هم جيدين مايوصلون لطموح الجماهير اولاً رعاية الشباب محدده عدد محدد من اللاعبين لكل نادي طيب معناها اننا حرمنا مواهب كثيره تنظم للنادي بسبب انظمة الاتحاد السعودي طيب ايش الحل؟ انا مابي لاعبين اجانب مميزين ومحترفين محليين رائعين لكن قاعدة نادي لاترتقي ابداً للطموح اللاعب الاجنبي يجيك موسم موسمين ويلهف دراهمك ويروح ويخليك حتى لو حقق لنا بطولة تبقى متخوف رغم التفائل لان ماعندك قاعدة سنية تبني عليها على اصول. المواهب الموجوده بالنادي اغلبهم مجتهدين مو موهوبين إذا من وجهة نظرك ان الفكره صعبه وتبي متابعه أجل فكرة الاكاديمية على هالحال مستحيله. عقد موبايلي + دعم اعضاء الشرف + المبالغ المستحقة من الاتحاد السعودي + مبالغ المشاركات في اي بطولة تخليك تبني فريق من الــ صفر الى متى ننتظر الخطط العلمية المدروسة من الاتحاد السعودي الى متى نقول اننا اقوى دوري الي يبي يبني ويشتغل ماعتقد انه يبي يحصل صعوبات في شغله ومثل نادي بحجم الهلال لازم يشوفون حل صحيح اني اشجع الهلال وأحب الهلال لكن قدامنا تحديات وقدامنا شغل جبار كل رئيس يمسك الهلال يعمل لأربعة مواسم ويروح يعني لو يبي يبني اكاديمية تبي تنتهي رئاسته ماخصلت يعني ماراح يتحمس للفكرة. فمن هنا أرى أن يكون المسؤول عن الفئات السنية مستقل عن رئاسة النادي يعني يمسكه شخص فيه الثقه وان شاء الله كلهم فيهم الثقه ويكون هذا دوره وهذا شغله وهذا اهتمامه ويبني ويشتغل على مستوى المملكة ويكون فيه بحث عن المواهب بشكل واضح عشان النادي مايحتاج لأحد بعد الله سبحانه الفكرة بسيطة لكن محتاجين شخص ثابت يستلم مسؤولية هالعمل همسة في اذن كل محب هلالي:- في رأيك لو تم بناء ملاعب للتأجير في مختلف مناطق المملكة وحملت هذه الملاعب شعار نادي الهلال وانتشر الخبر مالذي سيحصل. انا اقولك : الكل راح يجيك يدفع فلوس ويلعب عشان ممكن يتحقق حلمه ويلعب في الهلال. يعني صعوبه وين وخساير كيف. ياخي والله قهر شيبنا ماشفنا شغل على أرض الواقع يستحق أن يطلق عليه فعلاً عمل احترافي عشان ماحد يزعل انا ماتكلم عن الفريق الأول اتكلم عن القاعدة الي تدعم الفريق الأول واتكلم عن كرة القدم على مستوى المملكة. |
السلام عليكم ورحمة الله وبركاته يا جماعه والله نادي بحجم الهلال محتاج اكاديميه..ومو شرط في الرياض بس..الشرقيه..وجيزان واحد مدن شمال المملكه....وملينا من مواهب الحواري اللي يبرزون بعد سن 15 سنه الكره الان تبنى من سن ثمان سنوات لاسباب متعدده يطول شرحها اتمنى يكون الفكر هذا موجود من الان...والله عندي اهم من بناء استاد للنادي على سبيل المثال فقط |
كلنا نعلم أن غالبية الشعب مجانين كرة قدم الأطفال يفطمون على كرة القدم اللعبة الأولى على مستوى المملكة كرة القدم تدخل أي حاره تحصلهم يلعبون بالاسفلت تمر من عند مجمع ملاعب رمليه مالك مكان الشعب كلة عاشق كرة قدم بس وين الي يستغل هالشيء ويستثمر فيه. كلامك صراحه جميل ويتكلم عن المواهب والله لو نكلم سامي الجابر او اي مسؤول بنادي الهلال موضووعك والله مجنون صراحه في مواهب في الحواري او تلقي ناس مسوين لهم ملعب عادي والله العظيم فكره ممتازة والله وانت ياصاحب الموضوع تكلم عن العمر طبعن بالنسبة لي العمر يكون في 15 16 20 يكون كذاا افضل والله مشكوور ع الموضوع الجميل لاهنت |
فكره حلووووووووووة اتمنى تطبيقهاااااااا على ارض الوااااااقع ,,,,,,,,, |
كل صعب ممكن .. عندما تعبر أول خطوة كل سهل مستحيل.. عندما تظن أنه صعب في السنوات القادمة القليلة والعلم عند الله ستتم خصخصة الأندية بشكل كامل مما يعني أن الرياضة ستكون إستثمارية بنسبة 100% العمل سيصبح أحترافي بشكل كامل يعني بيكون الهلال سبق الكل وأصبح لدية قاعدة تدعم النادي بـ ( المواهب والمال ) محتاجين فقط : ان يتولى الفئات السنية شخص بكامل الصلاحية ::يعني مو بين كل وقت ووقت يتم تغيير المشرفين أو المدربين على الفئاة السنية:: مما يعني أنه لايوجد عمل منجز بشكل إحترافي محتاجين : رصد ميزانية بسيطة وبدأ العمل وانتظار النتائج أهم شي لازم يتحركون ويبدأون الشغل سيصبح لديك بإذن الله لاعبين موهوبين تستفيد منهم بالنادي ويوفرون عليك ميزانيات كبيرة ستدعم بقية الأندية ببقية اللاعبين إما بالإعارة أو ببيع عقودهم ياجماعة والله يالبرشا والريال ماياكل عيش قدام الهلال هذا متى : حينما يتم العمل على مختلف الفئات السنية بششكل إحترافي. |
| الوقت المعتمد في المنتدى بتوقيت جرينتش +3.
الوقت الان » 01:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd