السـلام عليكم ورحمه الله وبركــاته

مسـائكم & صباحكم / زعامه



[ بدء تشييد ملعب الهلال - ملعب المؤسس ] عبـاره أصبحت حلم الجميع ..

كل هلالي يريد ان يكون هناك نادي خاص لزعيم أسيا كغيره من الأنديه [ القطريه والأماراتيه والأوربيه ]



خطتي هي تحويل [ حلم بناء ملعب خاص بالهلال ] الى حقيقه ..



قبل أبداء .. سمعت ان موبايلي راح تتكفل بالمصاريف ولكن ليس هناك عمل جاد ، ولو كان هناك عمل جاد انا واثق تمام الثقه لن يكون في عهد شبيه الريح ، لنفترض ان الملعب 3 سنوات وينتهي تشييده اذا بداء العمل في هذا اليوم


بيني وبينكم ( الملعب راح ياخذ اكثر من 5 الى 7 سنوات وربما اكثر اذا كان في عهدة موبايلي )


لاننسى يازعماء ان الملعب راح يدُر الملايين على شركة موبايلي ، مقابل التكفل بالجزء الأكبر للملعب ببناءه




لو حدث هذا الأمر راح يكون طامه ..صراحه ،



المُهم ،


خطتي هي ...


تكاتف جميع من له شأن بالنادي من اعضاء شرف وداعمين وأعضاء مجلس أداره

مع العلم ان الهلال ولله الحمد يملك اعضاء شرف بيدهم الدعم ولكن قلة من يدعم ، ربما لقناعتهم بأن النادي متكفيء ولا يحتاج الى زيادة رصيد [ التجوري ]



لو نفترض ان شخص واحد من الأعضاء المهمين او الأداريين ( يعقد اجتماع مع جميع اعضاء الشرف & الداعمين ، ومن لم يحضر لضروف وانا واثق ان فيه اكثر من 50 عضو شرف لا يعلم عن النادي شيء ، وهو مجرد عضو رمزي او فخري )

لازم يستفيد النادي منهم - والدخل راح يعود للنادي - ولو تكاتف جميع الاعضاء وانا واثق ان عددهم يقارب الميـه واغلبهم تجار وبناء النادي مشروع تجاري اكيد




نجي الحين لـ لغة الأرقام :


لو قلنا فيه 100 عضو شرف هلالي ..


وكل عضو يدفع 7 مليون ..


الحصيله 700 مليون ..

لو قلنا بخزينه النادي 50 مليون

الحصيله 750 مليون


طيب لو قلنا ان 750ماتكفي تبني ملعب !!


باللحظه هذي راح الجماهير تساعد لان الجزء الأكبر للملعب اكيد بيكون مكان الجماهير الهلاليه


اقترح بهذي اللحظه فتح حساب خاص وراح نجمع بقية مبلغ التشييد ،



وبعدها مباريات الهلال للموسم الواحد .. لو قلنا فيه 60 مباراه للهلال

ولو قلنا 30 منها بتكون بملعب الهلال

ولكل وحده مثلا 40 الف من الجمهور ( طبعا هالرقم قليل تدرون ليه ؟ لان جماهير الهلال اكثر ولا يغّركم رقم الجماهير بأستاد الملك فهد لان اكثر من النص ينط من فوق السور لعدم توفر تذاكر ، وراح يكون بوابة الكترونيه يعني الجمهور اقل شيء 40 الف بإذن الله )


40000 × 20 = 800000 ألف في المباراة الواحده ( من غير الأكل والمحلات اللي داخل والاعلانات والرعاة )



800000 × 30 مباراة = 24000000 ( أربعه وعشرين مليون )




ولاتنسون من غير الخدمات & الرعاة & الاعلانات & جمهور الفرق المنافسه & المحلات والمطاعم الداخليه والبيوفيهات المتنقله & القنوات




يعني 24 مليون لكل مبـاراة علىى أقل تقدير ( طبعا الحسابات بأقل تقدير ) وهذا اقل شيء ممكن نحصله وهو 24 مليون



ياســـــــــــــلاام صدقوني هذي المبالغ راح تعود لخزينة النادي ونجيب لاعبين اقوى واقوى .. وصدقوني الهلال راح ينافس الفرق بالقارات الأوربيه " باذن الله "









بالنهايه هذا رآيي قد يحتمل الخطا وايضا قد يحتمل الصواب

واذا ابدعت فهو من الله ومني ..

واذا اخطات فهو من الشيطان ..


العذر على الأطاله


للذكرى :

تركي البذالي

الاحد 11 سبتمبر 2011

سكن طلاب أرامكو - راس تنوره

بداية كتابة الموضوع 5:24 عصرًا

اشكرك على مجهودك وحرصك
والله يكتب الي فيه الخير

لو قلنا ان العنوان مخالف للموضوع هذي 7 مليون

إقتباس الرسالة الأصلية كتبت بواسطة هـلال الثنيان لو قلنا ان العنوان مخالف للموضوع هذي 7 مليون

+1
ههههههههههههههههههههه

اكره مالي اذا لعب احد علي وحط عنوان غير الموضوع على العموم الف شكر لك اخوي ويارب يتحقق هذا الحلم لان فيه فائد للهلال كبيره ولكنا ثقه بعيال مساعد

إقتباس الرسالة الأصلية كتبت بواسطة هلالية العشق اكره مالي اذا لعب احد علي وحط عنوان غير الموضوع

هههههههههههههههههههههههههههههههههه

طالعه من قلب هالكلمات

وانا معها ومعك

يعني كلامها صحيح ليش تحط العنوان عكس موضوعك تماماً

وبالنسبه لموضوعك اعضاء شرفنا ماعندهم الا الترزز واسم انه عضو شرف

الا من رحم ربي

ولا عاد تعيدها الله يصلحك

احلم .........................................................................

يعجبني طموحك الحقيقه

وأنا كنت أتمنى ذلك

لكن للأسف الأمير عبدالرحمن قال قبل شهرين في التويتر بأننا سوف نقسم الملعب إلى 3 ملاعب بالعرض , بحيث يكون ملعب لشباب الهلال , ولأولمبي الهلال , وللفريق الأول .

اتوقع المشكله مو في الدفع المشكله ان الانديه مو متخصصه تابعين للاتحاد السعودي

.
.
يحترم فيك حماسك
والموضوع عند الأمير عبدالله بن مساعد
وان شاء الله ينقل لنا أخر المستجدات في تشييد ملعب للنادي
ودي
.
.

سبحان الله كيف أطش 7 مليون في حاجه مالي فيها لزوم !!
صعبه حتى لو تاجر .. وأنا معهم حلالهم عرق جبينهم يحطه في كوره !
لو تجيني 7 مليون نسيت طاري الهلال براسه ..

إقتباس الرسالة الأصلية كتبت بواسطة حوار عقلاني سبحان الله كيف أطش 7 مليون في حاجه مالي فيها لزوم !! صعبه حتى لو تاجر .. وأنا معهم حلالهم عرق جبينهم يحطه في كوره ! لو تجيني 7 مليون نسيت طاري الهلال براسه ..

+1

هههههههههههههههههههههههههههه لايك

أتفق معك بكل كلمة كتبتها
بس أزيد ع كلامك يعني كل عضو شرف يدفع سبع مليون
أدارة الهلال ترجع المبلغ لعضو الشرف + مبلغ مليونين
من خزينة النادي مستقبلا

يعطيك العافيه يالغالي
بس أتمنى يكون العنوان فكرة عن مابداخل الموضوع