|
ايمانا وزين الدين زيدان بنظرة اخونا عضو الشبكه عبدالمحسن التاسع عشر بسم الله الرحمن الرحيم مساكم الله بالخير جميعاً في موضوع لاخونا الهلالي عن لمسات إيمانا امام هجر ,, قرأت رد للعضو الاخ عبدالمحسن التاسع عشر وهو يشبه اداء إيمانا بأداء النجم العالمي زين الدين زيدان بالفعل يا اخوان أداءهم متشابه مع فارق الإمكانيات لزيدان احد الأصدقاء يقول بأنه يخشى على الهلال أن يركز طريقة لعبه على إيمانا وبالتالي عند مراقبته او إصابته ( الله يحميه ) قد يتشتت اداء الهلال تماماً كما يحدث للإتحاد مع محمد نور فهل تخشى عزيزي القارئ من هذا الشيء أم أن إيمانا يستحق بأن يبني عليه فريق الهلال خططه اخوكم ,, راعي كوره في امان الله |
لااتوقع الهلال لايلعب ع لاعب واحدالهلال يلعب بـ مجموعه مشكور وماقصررت |
تقصد وجود ايمانا يخلينا نرجع لمثل ايام طارق التايب اذا غاب ولا كان معزول الهلال يضيع الله يستر لا انشالله نقول الفريق تعود علا العب الجماعي واللمسه الوحده من فتره طويله لاتقلق مافي مسكل |
انا معك اخوي عقيد الهلاليين وحتى الاهداف ما كانت بتأثير مباشر من ايمانا لكن لو تلاحظ بان المباراة في مجملها كان فيها تركيز كبير على بناء الهجمه وتنويع اللعب من إيمانا بشكل كبير اكيد ايمانا لاعب كبير ولازم يكون له دور مؤثر لكن اعتقد ان التنويع في صنَاع اللعب أمر مهم خصوصاً في مرحلة بناء الفريق خططياً شكرا على تواجدك |
اول شي اشكرك وثاني شي اتوقع المدرب ماراح يعتمد على لاعب واحد وشكرا لك |
نسيانك صعب 9 اخوي انت حطيت مقارنه ثانيه وهي قريبه جدا من الواقع شكرا لك |
باتريوت هلالي 2 الله يسمع منك ياغالي |
ايمانا يبغاله لاعبين معه يكونوا متفاهمين مع بعض لو انسجم ايمانا مع العربي ويو بيونج والفريدي والشلهوب باللمسات والثلاثيات بينهم بيكون شكل الفريق مميز |
اخوي غريب جده اللاعبين اللي ذكرتهم كلهم مميزين وان شاء الله نشوف الفريق كتله وحده من الابداع |
من الخطأ ان تعتمد ع لاعب وااااحد وتبني عليه خططكـ..لانك بهالطريقه تسهل مهمه خصمك في قتل صنااعه اللعب والتقفيل ع هاللاعب..كل التوووووفيق للزعيمـ’’ |
لالا وووين يبقى زيدآآن لحآآله.. تحيآآتي.. |
ماتوقع الهلال بيعتمد على ايمانا امس صدق انه ابدع بس صناعه الاهداف ماجاات منه هاذا يعني اننا جبنا اهداف بدونه يعني حتى لو يتراقب بنجيب اهداف |
اختي بنت الزعيم يعني الهلال جايب ايمانا حتى يكون لاعب مثله مثل غيره انا اشوف لازم يكون له دور مؤثر بس بطريقه ما تخلي الفريق يركز لعبه عليه شكرا لك اختي |
زعيم 511 اخوي احنا ما قلنا مثل زيدان بالضبط الكلام كله عن طريقة واسلوب اللعب اخوي ملامح شمالي انا ذكرت نفس كلامك لكن ارجع للمباراة بمجملها وشوف مشكورين يا اخوان |
شكرا جزيلا على إبراز ملاحظتي و هذا محل تقدير. بالفعل لم أفكر بهذا من قبل. هل سيتم الاعتماد على إيمانا بشكل كبير؟. ماذا لو غاب مع المنتخب الكاميروني أو أصيب؟ جريتس لم يجعل التايب يكمل مع الهلال لأن الفريق صار يلعب من أجله .. مع الإقرار بموهبة التايب. إيمانا بالفعل يحاكي زيدان في أسلوبه ... أتوقع سوف يسأله العضيبي أو الدحيم في يوم من الأيام. فرنسا لها تأثير ثقافي و رياضي على الدول الإفريقية كثير. |
خلونا نكون واقعيين بعض الشيء ,, ونتذكر سوياً اللاعب السابق ليلو امبيلي لعب اول مبارات له امام الإتفاق وأبدع أيما ابداع صنع وسجل وراوغ بمهارات عاليه جداً ,, ( مرااوح ياا امبيلي ) . :: لذلك ما نحكم على اللاعب انه راح يكون هو أاساس االزعيم نشوف ونترقب ,, ونسأل الله عز وجل أن يكون أفضل مما هو عليه حالياً دمتم |
اخوي عبدالمحسن التاسع عشر اولاً اشكرك على تقديرك وهذا حق لك وواجب علينا بالنسبه لموضوع قيريتس والتايب اعتبرها نقطه اضافيه مهمه في الموضوع فهل يعي توماس دول هذه النقطه وهل سنشاهد صناعة لعب مذهله عن طريق أكثر من لاعب مع يقيني التام بأنه يجب ان يكون لإيمانا الدور الأبرز في هذا الجانب شكرا لك اخي الكريم وشرفتني مع بقية الاخوان والاخوات |
اختي ملكة القناص (( مراوح امبيلي )) :) الله يذكر ذيك الايام بالخير وان شاء الله الفرق كبير بين الاثنين ويارب يكون هلالنا ساطع دوماً مشكوره اختي |
ليلو امبيلي لاعب جيد جدا و هو قال بأنه ظلم في الهلال. لأن النادي جلبه على أساس انه مهاجم و رأس حربه و هو قال في حوار لاحق بعد انتهاء عقده ان الهلال ظلمه بوضعه في مركز ليس مركزه. هو يقول بأنه لاعب وسط .. الهلال يجب ألا يطير مع ايمانا و ليعطي الآخرين من غير السعوديين فرص متساويه من التشجيع و الاحتفاء. نجمي المفضل سيكون حمزة ادريس كوريا .. لاعبنا الهلال الكوري .. |
الهلال يركز علي اللعب الجماعي وايمانا ننتظر منة الكثير |
حمزة ادريس كوريا :) لقب جديد وحمزه لاعب كبير وعلى خلق بالنسبة لي انا مقتنع جدا باللاعب الكوري وارى فيه قتاليه وحركه مقلقه للخصوم العربي ايضا ظهرت بصماته مبكرا والجميع في انتظار هرماش ليسد الخانه التي اربكت المدرب |
اعتقد فيه نوع من التفاهم بينه وبين الشلهوب وان شاء الله مع الايام يكون انسجام اكثر مع المهاجمين واللي شفته عن ايمانا انه يمرر بسرعه ويبي لاعب رد فعله سريع والكوري اقرب |
لااتوقع الهلال لايلعب ع لاعب واحدالهلال يلعب بـ مجموعه مشكور وماقصررت |
قلم ينزف الم شكرا على تواجدك touoo ملاحظه في محلها والجميع شاهد اكثر من ثنائيه بين الشلهوب وايمانا مع العلم انهم في بداية لعبهم سوا وهذا يدل ان الهلال قادر بحول الله على التنويع في صنّاع اللعب كله منهم توقع قد يصيب وقد يخيب وان شاء الله نشاهد ما نتمنى شكرا لكم |
لا اعتقد ان الهلال سيعتمد على ايمانا كمركز لعب مهم للفريق لان هذه الطريقة ستصعب مهمة الفريق مع لاندية الكبيرة |
عاشق التسعاوي اخوي بداية الفريق تقول غير كذا ( من وجهة نظري ) نادي الاتحاد كلنا نقول انه فريق كبير ومع ذلك خلونا نرجع بالذاكره سوا في مباراة الخمسه الشهيره وان احد اهم الاسباب هو غياب نور وهذا ما يلغي تفوق الهلال المذهل في تلك المباراة |
الله ليقول يرجع الهلال لايام طارق التايب اذا غاب طارق يختفي الهلال واذا حظر يرجع الهلال الهلال الان يعتمد على الاعب الجماعي مو الفردي اعتقد الهلال لن يرجع لايان طارق |
ابو عزوز 20 20 امين الله يسمع منك لكن يبقى الواقع شي والمتوقع شي ثاني شرفتني يالغالي مع بقية الاخوان والاخوات |
عوده مره اخرى لموضوع قيريتس كلنا نتذكر ايام تياقو نيفيز مع انه مميز جدا في صناعة الهجمه إلا أننا لم نشعر بأن الفريق يضع كامل تركيزه عليه بدليل ان الشلهوب وهو لاعب وسط منافس لنيفيز إستطاع الحصول على لقب الهداف وهذا يدل على تأثير فكر المدرب وقيادته للفريق لا انتقد توماس دول فهو في بدايته ولكنها مجرد ملاحظه |
ايمانا ينقصه بعد الإنسجام وكذالك الثلاثي المرعب |
اخوي ثادقي هلالي ياراعي سدير ايمانا لاعب كبير واعتقد انه حاليا لا يبحث عن الانسجام وانما يفرضه بقدراته ماشاء الله عليه شكرا على تواجدك |
يعطيك العافيه اخوي علي الموضوع وبالفعل فيه بعض اللمسات والمراوغات وصدقوني بوجود الشلهوب والفريدي وهرماش بعد العوده والعربي ويو بيونج والدوسري صدقوني بيصير فريق رعب باإذن الله وبالتوفيق لزعيم يارب ..... |
لله درك يازعيم 999 من ضمن اللمسات المتشابهه بين ايمانا وزيدان هي طريقة تمرير الكره بظاهر القدم ( على قولة المصريين بـ وش رقلو الخارقي ) اخوي انت ذكرت لاعبين ومن ضمنهم الدوسري ,, اعتقد ان عبدالعزيز الدوسري بمشيئة الله سيضع بصمه كبيره بوجود ايمانا ولا أنسى ايضا نواف العابد |
نهائيا نهائيا لو تم مراقبة ايمانا او اصابة لاقدر الله عندك لاعبين وسط الهلال الي مايستسلمون ابدا الفريدي والعابد والدوسري والشلهوب |
اخوي نواف الهلالي كلامك محفز ومشجع لأبعد درجه ويحمل تفاؤل جميل جدا وهذا ما اتمناه لنا جميعاً ولفريق الهلال وان يسود هذا الفكر وهذا التفاؤل على جميع عناصر الفريق ما قصرت يالغالي |
في الوقت الحالي لا يمكن ان يحدث مثل ماحدث ايام طارق التايب مع ان طريقة التايب وايمانا تجبرك ان تبني الخطط عليهم وتعتمد عليهم مع الافضليه لايمانا بانه يبذل مجهود اكبر من التايب ومع افضلية التايب بالمهاراه ودقة التمرير ولكن على وقت التايب من كان وسط الهلال ؟؟؟ كان افضلهم الشلهوب لاكن حاليا لدينا لاعبيين فلللللته وهم العابد والدوسري والفريدي يحبون لعب اللمسه الوحده والون تو ويعاب عليهم بعض الاحيان كثرة الاتحفاظ بالكوره ولكن الي بوصله انه في حال غياب ايمانا لدنيا حلول كثيره بالوسط وليس كما السابق اذا غاب طارق كان من يقوم بدوره الشلهوب كم انا مشتاق لرؤية وسط الهلال بوجود هرماش والعابد و الفريدي وايمانا وامامهم العربي وبيونج |
ايمانا لاعب كويس بس مو لاعب بحجم زيدان ... الله يوفق الزعيم ان شاءالله |
اخوي عزوز طرحت نظره فنيه رائعه ,, بالفعل ايام التايب كان عطاء لاعبي خط الوسط اقل من الان ( ولو انهم كانوا ممتازين في كلا الوقتين ) ولكن مع زيادة التجربه اكيد الخبره تزيد ويظهر لها اثر اخر سطر من كلامك سيضع المدرب امام خيارات عديده من لاعبي الوسط من يشارك اساسي ومن يبقى على الدكه واعتقد بأنه سيكون حافز كبير للجميع وبإذن الله تكون نتائجه ايجابيه وليست سلبيه دكتور مدريد اكيد فيه فرق وزيدان اخذ افضل لاعب في العالم واخذ معه كاس العالم شكرا للجميع |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd