|
تنتقدون نامي وتنسون الزوري؟؟!!! السلام عليكم ورحمة الله مبروك لجمهور نادي الهلال الفوز بأول 3 نقاط في مشوار الدوري رغم ان النتيجة غير مبشرة ولكن هناك لاعبين سيكون لهم الكلمة هذا الموسم ولايحتاجون وقت كثير للتأقلم كما حدث مع بعض الاعبين في المواسم السابقة منهم من احتاج لموسم كامل لكي يتأقلم ومنهم نصف موسم لكن شاهدنا ايمانا كيف لعبهم وشاهدنا المهاجم العربي هدفين في اول مباراة رسمية رغم عدم التافهم بينها وبين الكوري وهذا يرجع لمدرب الفريق والدفاع هناك استمرار في الهفوات بين المرشدي وايضا العتيبي الشلهوب سيكون له كلمة كبيرة هذا الموسم الفريدي لاعب مؤثر في اي وقت اذا حضر بكامل جاهزيته وامكانياته الموضوع دائما جمهور الهلال يشن حملة كبيرة جدا على لاعب الهلال محمد نامي رغم انني لم اجد شي يعيب هذا اللاعب على اقل تقدير في السنتين الماضية قتالية على الكرة وسرعه خطورة كبيرة يشكلها من الجهة اليمنى نعم دفاعيا هناك اقل عطاء ولكن يقدم مالديه واعتقد انه في المكان المناسب ولا نحتاج ظهير ايمن الكارثة هي في الجهة المعاكسة تماما عبدالله الزوري برود في اللعب بطيء وثقيل الحركة لا خطورة يشكلها بتاتا الا فيما ندر من بعض المباريات كرات عرضية غريبة ودفاعيا اخطاء بالجملة لاعرف مالذي يميز اللاعب لكي يكون محافظا على مركزها اللاعب شافي الدوسري موهبة افضل بكثير واخطر من الزوري يفيد الهلال بشكل اكثر وفي عالم كرة القدم الظهير لابد ان يكون هجوميا ناجح لكي يستطيع ابعاد الخطر من خلال الضغط وتراجع اللاعبين المنافس ام لو كان دفاعيا فقط فسوف يكون للفريق المنافس الاريحية في التعامل والضغط على الاطراف |
عبدالله الزوري بالفترة الأخيرة وأتوقع من بعد رجوعة من الإصابة الموسم السابق تغير ويحتاج إلى وقت بإذن الله يعود وكذلك النامي لاعب مستواه متطور وإن كان عليه بعض الأخطاء علينا ان نصبر على الاعبين خاصة المحليين |
لاعب يعيبه الانانيه + يمسك الكوره وتنقطع منه .. الحمد لله انه طلع امس |
نامي مستواه لا بأس به.. ويجب علينا دعمه وتشجيعه لتقديم الافضل.. بالنسبه للزوري فأتمنى اعطاء الفرصه لشافي الدوسري.. الزوري خارج التغطيه..رفعات غلط وانطلاقات في وقت غير مناسب..مستواه يشهد انخفاض غير مبرر.. المرشدي ايضا ليس على ما يرام..أخطاء بدائيه !!! البيشي قدم أداء جيد في الشوط الثاني افضل مما قدمه الزوري. هناك شئ من عد التفاهم بين الكوري والعربي.. ايمانا قدم مستوى رائع جدا.. بالتوفيق للزعيم |
عوير أخو زوير كلهم في الهوا سوا |
آنآ مع ـك آخ ـوي ح ـنآ الح ـين في بدآية الدوري ويآليت مآ نشوف موآضيع مثل كذآ ولا تسوون مفاضلة بين اللاعبين .. |
والله حححرام عليهمممـ ششآفي المفروض يلعـب : ( والله راح يصصنع فآآآرق ككبير .. الله يعين .. شكراً لك .. |
ياخي نامي وربي مقدم مستوى لاباس به والهدف الاول اتى من عرضيته .. ولاعب مقاتل ويششترك في اي هجمممه للفريق .. مدري الجمممهور وش يشوفون عيبه ابي اعرف .. الزوري خارج الفورمه من كان مع المنتخب والمفروض المدرب مالعبه لانه تابعه بكذا مباراه ومستوى مثل ماهو ماتغير .. بس البلى والطامه المرششدي اللي نكبنا بكوره وبغى يكررها هو والعتيبي والثقه الزايده بتناقل الكوره بمنطقة الجزاء بكل برود .. اتمنى مانشووف هالاخطاء قدام الشباب لان الشباب مو مثل هجر الشباب ان سجل علينا صصعب نعدلها وخصوصا ان فريقنا توه مانسجمم مع بعضض .. الله يوفق الزعيم بالمباراه القادممه .. وان شاءالله نشوف المستوى احسسن يارب . |
فعلا ياخي عندك نامي والمرشدي من خطى واحد بعض الجمهور يطالب بتنسيقهم والزوري امس انبح حلقي ونا اصرخ لاكن نتمنى انه يشد حيله في المبارياة القادمه مشكور ع الموضوع الرائع |
نامي اذا تبي تلعبه خله في النص والجناح يبدع اما الزوري والمرشدي انا افضل اعطاء الفرصه لشافي والبيشي في الاظهره وجلب قلب دفاع بجانب هوساوي هذا اذا تبون العافيه قبل البطوله امس حسيت ان المدرب بيموت من القهر ولا يهون الجمهور |
الزوري لاعب انتهى في عز شبابه !!! ثقل + دلاخه او سموها بلاهه + برود + غير ناجح لا دفاعيا ًَ ولا هجوميا ًَ .. بتقولون الموسم توه بادي ومدري ايش !! شوفو لعبه في مباريات المنتخب وتعرفون انه داج هالموسم والموسم اللي قبله تحياتي |
أنآ من رأيي أنه نآمي متحسن وبقوه الصراحه .. صح عليه أخطاء مثل يروح ويركض ويرفع دون أنه يناظر إذآ فيه أحد بمنطقة السته ولآ لآ وهذي تصير كثيير له يرفع ومافيه أحد أمآ بالنسبه للزوري صح أنه صاير ثقيل بس مآأتوقع أنه أغلآطه تسبب أزمه بجهته |
والله انا مثلك ليه نامي والزووري كلهم في الهوا سوا اتمنى شافي والبيشي |
انا اشوف ان الزوري افضل ظهير ايسر بس المشكله تكتيك المدرب لم يساعد والمحاور حدث ولا حرج وعدم الانسجام صعب نقيمه من اول مباراه وان شاء الله يفهم المدرب ويفهم تكتيكه الحل الصبر مفتاح الفرج وانا مستعد للمراهنه |
نامي كان نجم المباراه بوجهه نظري والزوري لاعب يرفع الضغط |
| الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd