عــاجل : إنشاء استاد للهلال ... ((مجهود شخصي))
 

بسم الله الرحمن الرحيم..


ما أعرف للمقدمات .. يعني بطب سباحي بالموضوع s121s

تكلمت جماهير الهلال كثيرا عن ملعب الهلال ..

بل وأصبح هاجس لكثير من الجماهير انشاء استاد خاص بنادي الهلال على طراز عالمي..

وسمعنا كثير أخبار واشاعات عن اتفاقيات على بناء الملعب .. بس راح وقتها المحدد ولا شفنا شي..

انا حبيت أقول بما أن تكلفة بناء ملعب كبيرة جدا .. وبحاجة الى شركة عالمية لبنائه وانتظار ما لا يقل عن سنتين..

نقدر نبي ملعب الهلال بأبسط الطرق..

بتقولون وشلون؟؟

أنا اقول لكم الحين..

بما أن ملعب الهلال ازالوا المضمار راح يكون تصميم الملعب على الملاعب الإنجليزية..

#

1- بناء مدرج دور ثاني في الواجهتين الرئيسية..

2- بناء مدرج كامل دور أول ودور ثاني في الجهتين الفاضية ..<لا تدققون ما اعرف الاتجاهات :d

والتوضيح بالصور.. :

http://www.neilshare.com/2011-09/atm91341.gif

.
وبعد كذا توضع الكراسي..

#تكلفة كراسي ملعب الملز حول مليونين ريال وهو يتسع لـ 28 ألف متفرج ..

وتقريبا اذا وضعت هذي المرجات بتطلع سعة الملعب من 25 ألف - 30 ألف ..يعني نفس المبلغ تقريبا ...

وتقريبا بيكون كذا شكل المدرج بعد تركيب الكراسي..


http://www.neilshare.com/2011-09/pgq91384.gif

.

~~~~~~~~~~~~~~~~~~~~
لو بنحسب التكلفة الأجمالية..

صراحة ما ادري كم يكلف بناء مدرج ..بس خل نفرض تقريبا كحد أقصى 20 مليون

مع تركيب الكراسي 2 مليون..

التكلفة الإجمالية 22 مليون ..

يعني بـ 22 مليون بيطلع استاد للهلال.. وتكون كل مداخيل الجماهير للنادي ..

وبدل ما ندفع 15 مليون في لاعب شاب .. ندفعها في ملعب للنادي..

واتوقع اذا بدوا بالبناء ما يجي نص الموسم أو نهايته ألا وكل شي جاهز..

وفوق كذا موقع الملعب حلو ما يكون مثل الملز ولا الأستاد زحمة وغثاء.. بالعريجا موقع حلو ..

يعني اضمن ثلاث ارباع المدرج ممتلي طول الموسم نسبيا ..

شطحة< ريال مدريد يعلن أن 25% من ميزانية النادي من دخل الجماهير في الحضور للملعب :s5s:..

يعني على كذا بندعم النادي دعم موب صاحي ...:s5s:

............

وأتمنى الفكرة توصل للأمير عبدالله بن مساعد أو عبدالرحمن بن مساعد أو حسن الناقور ..

>مب شرط تتخيل المدرج بيطلع نفس الصور ..
مجرد تقريب الصورة لكم ..وبأمكان الادارة اضافة لمسات فنية عالمية على الملعب بعد الإنتهاء من بنائه..
لقطة ختام..

http://www.neilshare.com/2011-09/ewq91471.jpg



>>>>>>>>>>>

منورين كلكم لبى قلوبكم..
:wub:
> بالنسبة للي يقول القياس.. انا اتوقع القياس راح يكون ممتاز ..

لأن قبل كان فيه مضمار وكانت تلعب فيه مباريات رسمية...

والحين بعد ازالة المضمار اكيد راح يكون وسيع وبتكون القياسات المناسبة للأستاد..

فكره حلوووه
والله راح يكون استاذ خيالي
لكن العيب الوحيد الموقع
:rose:

بالصميم الملعب روعة


يتسع الى من 25 الى 30 الف مشجع مثل ملعب مكه اذا ما خاب طني من ناحية المساحة


بالتوفيق للزعيم

الفكره مرررره حلوووه ياليت نسويها مو مكلفه شي

فكره طيبه لاكن نسيت امر المواقف وغيرها ... ولا تنسي ان الانديه بتصميمها الحالي والقديم
غير قابله للاتساع .. اذا ملاعب تدريب عجزو يوفرون .. وبالحالتين لابد من شراء مزيد من
الاراضي ..

مع ان امنيتي في حال اقامة ملعب للنادي انه ما يكون بعيد عن المقر الرئيسي للنادي ..

سلام ..

يعطيك العافيه لبى قلبك في الصميم ....

السلام عليكم ورحمة الله وبركاته
مشكور اخوي على اقتراحك لكنك نسيت ان الملعب ملك لرعاية الشباب وليس الهلال وليس من حق الهلال التصرف فيه الا بموافقة وهذا لن يتم ابدا
اذا الهلال يريد ملعب اكبر وافضل عليه ان يشتري ارض كبيرة في شمال الرياض ولو كان خارجها افضل وافضل ويقوم ببنائها .....

الملعب ذا صغير مره

نبغا ملعب يتسع لـ 75,000 مشجع على الاقل

عندنا اعضاء شرف كبار مثل عبدالمحسن الحكير وحسن الناقور واصحاب السمو الملكي الامراء/ متعب بن عبدالله والوليد بن طلال وعبدالله بن مساعد وطلال بن عبدالعزيز الله يحفظهم جميعا



ما شاء الله عليهم لو اجتمعوا يقدرون يسوون ملعب اكبر من استاد الملك فهد

كلام سلللللللللللليم ومنطقي

تبي الجد شيلوا عن بالكم استاد الهلال ..
الملعب الحالي ويخب ... إذا سووه الأندية الثانيه ذاك الوقت نسوي

مستحيل رئيس نادي بيتحمل تكاليف انشاء استاد رياضي
لأن أي إنشاءات راح تتم ستتبع لرعاية الشباب .. يعني ماتقدر تتصرف بأي شي
داخل الاستاد..


تحياتي

مشكووور اخوي الموضوع متعوب عليه وما قصرت..
والفكره رووعة صراحة لكن العيب واحد بس..
والي هو المساحه...