نادي الهلال السعودي - شبكة الزعيم - الموقع الرسمي

السلام عليكم

كلنا نتمنى نجاح الألتراس ولا يوجد بيننا من يتمنى فشله لكن يوجد من يتوقع فشله وأنا أولهم ولمتوني قبل هذه المرة بسبب هذا التوقع بحجة ( وش فيك متشاءم , لا احنا متفائلين ولنكون أحسن ألتراس في السعودية ) والله أضحك لما أسمع هالكلمة , يعني على أي أساس بنكون أحسن أولتراس في السعودية ؟ كيف حكمت أننا بنكون الأفضل وأحنا متأخرين في التشجيع والمؤازرة ؟ يقولك لا شوف الإقبال على الأولتراس وقد قاربنا من الوصول لرقم 200 عضو .
يا رباااااااااااااااااااااااااه والله رقم خورافي ,

يا أخوان 200 أو 300 عضو وش بيكون تأثيرهم في أستاد الملك فهد ؟
واحد من خوياني أهلاوي ومسجل في الأولتراس الاهلاوي وقالي أنه له شهر ما حظر أجتماعات بسبب سفره لظروف والده الصحية لكن قبل شهر كان عدد الاعضاء في الأولتراس وصل 1500 عضو تفاجأة وقلت له متى أجتماعكم القادم قالي أجتماعتنا أسبوعية ووفي اجتماع بعد يومين وحظرت وأتفاجأ بالأعداد الضخمة اللي حظرت وبعد أن استفسر خويي من سعود برقاوي رأيس رابطة الأهلي قال أن العدد واصل 5000 عضو ويخشون أن لا يكون العدد كافي :to:

تعرفون وين السر ؟؟؟
في الجمهور العاشق للفريق , لا أحد يطلع لي الحين ويقولي احنا نعشق الكيان ونحب الفريق وكلام فاضي أقد أحلف أن ثلاثة أرباع من يحضر للمدرح ليس أكثر من مشجع وليس عاشق وأكبر دليل

http://www.almlf.com/get-9-2011-almlf_com_ppovcmk7.jpg

يلا أقنعوني هذا جمهور عاشق ؟ هذي مباراة رسمية مو ودية وهي بعد الخسارة من الإتحاد في الأسيوية صحيح الفريق كان سئ المباراة اللي قبلها لكن نكون صريحين الجمهور العاشق لا يقاطع مهما كان واكبر دليل جمهور الاهلي ولا أحد يزعل لكثر ضربي الامثله بهم لكن هم المثال للجمهور الوفي المساند والمؤثر الاهلي يقدم أسوء مبارياته في الموسم الماضي ولكن مدرجهم هو مدرجهم لم يتغير حتى زف الأهلي بطلا للأبطال والله الجمهور له دور مهما كانت الأمور الفنية سيئه وهم أكبر دليل.
فلن يكون لجمهورنا دور لا تأثير على الفريق حتى نقتبس صفة مؤسسنا رحمه الله ( عبد الرحمن بن سعود ) وهو الذي كان يعد الهلال أحد أبناءه لكن ما ظنيت نشوفها في جمهورنا .

بيطلع مجموعه الحين بيقولي أرجع لمدرجك مدرج الطحالب والا دام عاجبينك رح شجعهم لكن لو كان هذا ما أريده ما كان كتبت هالموضوع راجيا أن يكون له تأثير لو واحد بالمية وجمهورنا قعدوا سنين يطالبونا بـالتشجيع الاوربي والتشجيع الجماعي وسوو زحمة يلا هذي أتت وين اللي كانوا يملأون الصفحة مواضيع وردود مطالبين بها ؟ أما أن الكيبورد حدودهم ؟

التصنيف وعدد الحظور يقيس الفريق الأكثر جماهيرية وليس الأكثر وفاء مقياس الوفاء والعشق هي النتائج السيئة , لما تكون عارف ان فريقك سي ومع ذلك تحظر فعلم أن ما دفعك للحضور هو عشقك للفريق وأنك لا تستطيع أن تترك ذلك المقعد فارغ وأنت تستطيع أن جلس فيه لكن حين تكون ذاهب لثقة بفوز الهلال ولو كان العكس ما حضرت مثل حالتك فأعلم أنك مشجع لا أكثر