|
أداء جميل جداً من المنتخب اليوم :) ! شكراً ريكآرد السلام عليكم و رحمة الله و بركاته .. هاردلك الخسسارة و شكراً بصراحة لجمهور الشرقيةة :smilie47::to: اليوم منتخبنا صحيح خسر , لكن ريكآرد كان مبدع تكتيكياً اليوم لكن لو يحسن إختيار بعض اللاعبين راح يكون المستوى أفضل , ريكآرد لا يستطع الدخول للملعب و تغطية أخطاء ( البارد ) الزوري أو استهتار ( الشاطر ) حسن , ولا يستطيع توقيف حمآقة المنتشري ! جميع الأهداف بأخطاء فردية لا يفعلها لاعبين ناشئين للأسف , وسط الميدان تألق خصوصاً بعد دخول يحيى الشهري , عمل كم كورة جميلة , العابد كان مميز اليوم بالإضافة الى كريري و تيسير الي كان يحآول يوزع مع اللاعبين , حتى نايف هزازي ماقصر صراحةً كورة بالقائم و تسبب بضربة جزاء و تمريرة خطيرة للعابد و رأسية خطيرة بداية الشوط الثاني و دفاع استراليا قوي فهو يملك أفضل لاعب بآسيا 2010 ( ساشا ) :s3s: ! المنتشري بصراحةً إرتكب حمآقة يجب ألا يتركها المسؤولين تمر بسهولة , فـ المنتخب كان قريباً من التعادل بعد الحمآس الكبير من الجمهور و ارتباك الاستراليين بعد الهدف الأول للمنتخب , لكن حمآقة ليس لها مبرر و برود ليس له مبرر و استهتار ليس له مبرر ! المنتخب ينقصه صانع لعب حقيقي , اليوم شفنا اجتهادات و ماقصروا فـ ليس اختصاصهم ( العابد - الشهري - الجاسم ) صناعة اللعب , جميعهم لاعبي أطراف و الجاسم يجيد أدوار المحور و توزيع اللعب فقط ! صنّاع اللعب الموجودين بالسعودية الذين يستطيعون تحقيق شيء نطمح إليه 3 لا رآبع لهم .. ( نور و الشلهوب و الفريدي ) و هذا الخطأ الوحيد من ريكآرد بصراحة , لكن لا نلومه فلم يتعرف على اللاعبين و لم يبدأ الدوري بعد :ba: ! أتمنى في لقآء تايلند يوم 11 أكتوبر :smilie47: , ضم ( مختار فلاتة , محمد نور , محمد الراشد و شافي الدوسري ) و إقصاء ( السهلاوي - معتز الموسى - يوسف السالم - عبدالله الزوري ) مع عودة شهيل بعد الإصابة بإذن الله و يكون أساسي .. و يكون المنتخب يلعب بتشكيلة 4-2-2 أو 4-2-2-1-1 العتيبي شهيل ( شافي ) - المولد - هوساوي - معاذ كريري ------- الجاسم الشلهوب -----------------------------نور مختار ---- --------هزازي أو الإعتماد على الشلهوب خلف المهاجمين كما كان في ( خليجي 20 ) .. العتيبي شهيل ( شافي ) - المولد - هوساوي - معاذ كريري ------- الجاسم ( عطيف ) العابد------------------نور ----الشلهوب-- -- هزازي أو دخول الدوسري أو الفريدي مكان العابد , و يكون بالإحتياط ( الراشد [ فلاتة ] - ياسر " هجوم " , الدوسري - الفريدي - عطيف " وسط " , المرشدي " دفاع " - حارس مرمى ) أفضل لاعبين اليوم صراحةً 1- العابد 2- هزازي 3- الشهري و بالتوفيق للأخضر بالقآدم :smilie47::rose: |
وياسر القحطاني فينه من تشكيلات يا ابو تشكيلات .. اجل نور هاا .. عزا الله تأهلنا |
موجود بدكة الإحتياط , لأن نايف هزازي مقدم مستوى أفضل منه و كان خطير اليوم مع إنه لا يملك صانع لعب :) ياسر اذا رجع لمستواه يلقى له مكان ان شاء الله :d و عندي عليك ملاحظة صراحةً أنت تعصبك قوي للهلال , و مواضيعك و شفت كم تشكيلة لك تلعب بـ 10 هلالين عدا أحمد عطيف :) !! |
كتبت فـ آبدعت :smilie47: , لكن اختلف معك بالتشكيله , لو يكون الراشد بدل مختار فلاته , لانه اكثر خبره ويَ ليت البارد الشمراني يتم اقصائه مع الباقي :d , الله يعطيك العااافيه :) |
إقتباس:
والارقاام تثبت ذلك |
إقتباس:
بصرآحه استغرب من الردود الي اقل ما يقآل عنها طفولية ! ايش دخل نور بياسر , هذا صانع لعب وهذا مهاجم , ياسر متى ما رجع لمستواه يحصل مكانه بالتشكيله الاساسيه يَ ليت نبعد عن العنصريه , وخصوصاً اذا كان الموضوع يتعلق بالأخضر :smilie47: |
الشق اكبر من الرقعة ....رئيس الاتحاد السعودي غيرناه.. مدربين عد واغلط ...لاعبين مابقى لاعب سعودي مالعب بالمنتخب....انا من وجهت نظري المتواضعة انه في سببين للانحدار الي حنا فيه 1-عقلية اللاعب السعودي وهمه الاكبر تجميع الملايين. 2-الاعلام المتعصب للانديه اثر على المنتخب وعلى لاعبينه وانا ملاحظ هالتعصب ماطلع الا بعد 2001 وبالاحرى بعد ظهور البلوي. |
T2F الشيء إذا زاد عن حده قلب ضده , الواحد يتمنى وجود إعلام قوي و فعّال عنده , لكن إحنا عندنا إعلام بقوة خآرقة أقل مآيقال عنها , أصبحت تنقل اللاعب من فريقه و تجعل لاعبين يعتزلون و مدربين يستقيلون و إداريين . الإعلام السعودي يجب عليه يهدئ الوضع ولا يشن هجوم على ريكآرد المبدع صرآحةً , مع بدآية دوري زين و إقترابه من اللاعبين أكثر كلنآ ثقة بإذن الله بالعودة بحلة أفضل .. :d |
إقتباس:
|
لغز محير هذا المنتخب من بعد وفاة فيصل ماخلينا احد الا غيرناه حتى الامير سلطان بكبره ولافاد لكني ارجع واقول الاعلام التعصبي هو السبب ياخي ماتشوف الانديه كيف بينهم عداوات وكانهم في حرب ولا احد يحب احد او يعترف له بانجاز اكيد هذا بياثر على الاعبين فهم بشر ولاتستبعد ان الحقد والكراهيه وصل بينهم وكل واحد وده هو اللي يبدع عشان اعلام ناديه يمدحه لذلك شفت عدم المبالاه من البعض والله حتى يوم سجل ناصر الهدف حسيت الاعبين يوم يهئنونه كانها ماهي من قلب وحتى بعض الجماهير الله يهديهم مايشوف انخفاض مستوى لاعب ناديه نسال الله ان يصلح الحال الله يستر اخاف يجي اليوم اللي نختفي فيه على المستوى الاسيوي اتمنى تبدا منكم كاجماهير ونقضي على التعصب ونرجع لايام يصفق الهلالي للاعب النصراوي والاتحادي للاهلاوي لانهم ابدعوا مع الاخضر يانس الكوره صنعت للمتعه والتنافس الشريف ومن يحصل شي يستاهله انت شباب وتعرفون بعض كثير وتسمعون بقصص تعصبيه غريبه بل ممكن تشاهدونها الواحد يتمنى هزيمه المنتخب عشان الاعب الفلاني من الفريق الفلاني بل البعض يكره اقاربه ممن لهم ميول تخالف ميوله شوفوا انجلتر وين وداهم التعصب وصل بها لحد الشغب والتخريب ومنتخبهم يمكن يكون من اسؤ منتخبات اوروبا اما انت اخي حبيبي الهلال الاحظ عليك التعصب الاعمي لياسر ثم للهلال كلنا نحب الهلال واي شخص من حقه يحب ناديه لكن مو لهذه الدرجه يالغلا |
اتمنا من الاعلام السعودي الوقوف في صف الاخضر معني اتوقع انا هذه من سابع المستحيلات |
التعصب مشكلة أزلية , ماتلقى لها حل إلا من بعض الجمهور الله يفكنا منهم بس . |
يا اخووي ياسر يبيله مهاااجم ثاني وصاانع لعب مثل الفريدي |
يا شيخ يحيى الشهري اليوم ما سوى شي تقول من نجوم المباراه انا اتمنى لو نزل بدال الشهري الشلهوب او الفريدي وانا اتمنى اقصاء منتشري وجلب عمر هوسااوي اجل يلعب الشهري ويترك الشلهوب والفريدي سعوديه وناديه الهلال اعجبتو باسلوبك وقلمك المتميز وكلامك عين الصواب |
آنآ مآ قآهرني آلآ آلي يقول نستدعي نور يآ عآلم جربنآ نوور سبعين آلف مره ولآ نفع وخير دليل تصفيآت كأس آلعآلم 2010 مآ سوآ شي...~ وجميع آللآعبين يلعبون لأجل آلملآيييييييييييين فقط فقط!!! |
عز الله ما قصرت وفعلا ريكارد وربي روووووووووووعه .. واهدافهم من لاعبينا هم اللي يعطونهم كور يقلون سجلو ولا هم وربي كمخ " |
كلام سليم والهدف الثاني يتحمل كريري جزء لأنه ينتظر الكورة تجيه ما يروح ياخذها على العموم قدر الله وماشاء فعل وانا معك في مختار فلاته واحمد الموسى وعيسى المحياني وعبدالرحمن القحطاني بيعززون وسط وهجوم المنتخب وشافي توه يحتاج يبرز اذا هو احتياطي الزوري كيف تبيه يكون بالمنتخب؟ اتمنى ادارة الهلال تعيد النظر بمشاركات شافي والله ماشاء الله عليه مبدع |
تقويم لإداء لاعبي المنتخب من وجهة نظري 1- العتيبي ما قصر وهو يتحمل الهدف الثاني بنسبة كاملة لكن لم يكن مستهتر بالشعار الذي يحمله... 2- المنتشري عمل خطاء ما فيه احد يفسر اش مقصوده؟؟؟؟؟؟؟؟؟؟؟؟؟؟؟؟؟؟؟؟ 3- هوساوي دائما حامل أخطاء الغير ولو تعلمون ان مصدر تألق قلبي الدفاع كثر هو بوجود أظهرة متألقة لكن وين ؟ 4- الزوري (أقسم بالله لو عندي دورة حواري ما العبه في الفريق) برود __انانية__عدم تغطية___كسل___ما ادري كيف فاهم الظهير والله انه على حاله يرثي عليها وفي وضع لا يحسد عليه ......... 5- الرهيب ما قصر كان متحرك شوي وصراحة تشوفه يبغى يلعب بجد... 6- عطيف ما فيه أحد ساعده على لعبه المعروف 7- كريري ما قصر 8- نواف العابد من رايي انه افضل لاعب لعب في المنتخب ولو كان التخوف من قصر قامته الا اني اتوقع انه كان يدخل من تحت اقدام الاستراليين ههههههه 9- حسن معاذ وقع ضحية الاختيار الخاطى لريكارد 10 الجاسم كذلك لا يجيد منطقة صناعة اللعب ضحية أخرى 11- هزازي ينطبق عليه الامثال من نوع (تريد أن تقطع لكن ليس معك سكين) (تريد أن تصفق لكن ليس معك يدين) لم يكن له دعم من صانع اللعب أو من الاطراف لم نشاهد هزازي الذي يرتقي سواء في كوورة و ارتقى فيها فوق العمالقة ولكن الحارس صدها وجهة نظررررررررررررررررررررررررررررررررررررررررررررررررررررر |
إقتباس:
ياخي من يفهمك ويقول هنا الخلل |
المشكله 1-التعصب الرياضي وسببه الاعلام اللي خلا الجمهور يصير متعصب 2- الروح الاعبين 3-مجاملات بعض الاعبين |
ان شاء الله يفوزون في مباراة تايلند ويكونو في عز الاستعداد لآستراليا على آرضهم |
ممنون لك كثير على هالموضوع. يا أخي الإخوان في الشبكة والإعلاميين ذبحونا بتقييمهم البسيط للأشياء (خسارة=مستوى سيء). بصراحة المنتخب قدّم مستوى ممتاز واللاعبين كانوا في منتهى الجرأة. أول مرة أشوف المنتخب يلعب بهالشخصية القوية قدام منتخب أوروبي الآداء. قدرنا نوصل لمرماهم ونهدده أكثر من مرة ونسجل هدف بعد. مسكنا كورة بالوسط وكنا ننجح ببساطة في نقل اللعب إلى الثلث الأخير بالملعب. ما عمرنا شفنا المنتخب يلعب بهالقوة أمام فريق من المحترفين الأوربيين. ما أقولكم إرجعوا لمباراة ألمانيا بس ،أقولكم إرجعوا حتى لمباراتنا مع أوكرانيا في كأس العالم (اللي أكلنا فيها أربعة صفر بدون ما نبني ولا هجمة). خطة ريكارد كانت مميزة وشجاعة بمحاولته للاستفادة من اختراقات حسن معاذ وتسديداته القوية. بل إنه لعب بمهاجمين اثنين في معظم أوقات المباراة. متى آخر مرة بالله شفتوا المنتخب يلعب باثنين مهاجمين قدام منتخب أوروبي؟ هدفين من الثلاثة ما كان المفروض أبداً إنهم يدخلون فينا. الأول هفوة دفاعية كان السبب فيها رغبة الفريق ببناء هجمة منظمة بدل نظام تشتييت الكور القديم والفاشل. البلنتي حرام يصير وهو من بقايا تأثير الحكام السعوديين على الدوري واللي عوّدوا اللاعبين على الخشونة. الموضوع هذا أنا استأذن في رفعه بعد مباراة تايلند. أنا متأكد بشكل تام من إننا بنخوزقهم بثلاثة أهداف مع الرأفة. مستوى تطور المنتخب حقق قفزة رهيبة من مباراة عمان إلى مباراة أستراليا. يعني بالمباراة الجاية بنكون نار مولعة.مدرب تايلند المغرور بيتأدب مضبوط ، وأبذكركم. |
إقتباس:
بعدين المباراه للمنتخب السعودي اهم شي مصلحه المنتخب مو العاطفه لو بالعطافه ماكان اعتزل الثنيان و ماجد عبدالله صاحب الموضوع صدقني ريحتني الله يريحك كلامك يبرد القلب |
| الوقت المعتمد في المنتدى بتوقيت جرينتش +3.
الوقت الان » 01:09 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd