انا اقولك بصراحه ماخاف عادي عندي اقول بسم الله واقرا المعوذات واية الكرسي وخلاص
بس مرره اصابني شيئا من الخوف

اياام الجامعه كان عندي اختبار واهلي ماعندهم شي طقت في راسهم يروحون البحر انا ماقدرت وجلست بس انا بالبيت وابوي كان عند رجاله في مجلس بيت جدي

كنت فوق في غرفتي وجعت قلت ابنزل للمطبخ وانا نازله اسمع صوت بالكراج وكان وقتها مطر ورياح عاتيه المهم قلت يابنت وش ذا الصوت واني افتح الباب واطل بالكراج والساحه الحوش التهويه المسمى اللي يعجبك واني اناظر واشوف ضلال بالجدار مثل الحرمه اللي جالسه على كرسي هزاز وماسكه طفل انا وقفت اناظر اناظر ادور شي اقول يمكن يكون ظلال شي موجود والا اسمع صوت واقول بسم الله واحط رجلي للمطبخ سريع سريع اخذ التوست والجبن ومعلقه وركض واشغل اللمبات اللي في طريقي وادخل غرفتي واقفل وادق على اهلي اعلمهم بالسالفه

لانه ولا مره في بيتنا صار لنا شي الحمدلله فقلت لزوم اعلمهم بالسالفه
هاه ياسوير وشرايك باللي صار لي ؟؟؟؟؟؟