رؤيتي للمنتخب في مباراته مع أستراليا ( شاركوا بآرآئكم ) - نادي الهلال السعودي - شبكة الزعيم

أزرق بن هلال الزعيمي · #1 06/09/2011, 10:19 PM

السلام عليكم ورحمة الله وبركاته

اقول هاردلك لكل سعودي على هالمباراة النايمه

مثل ماشفتوا المنتخب الاسترالي يسجل بأقل مجهـود

أنا شخصياً وقبل كل شيء ( أحمـل الهزيمه اللعيبه ) والمدرب برئ من هالمستوى !! لانه حقيقه لمساته واضحه وثاني شيء المدرب ما حضر الدوري السعودي عشان يختار اللعيبه الي يحتاجهم .. ولاتنسون أنه ماحضر الا قريب مره !!

أنا أحمـل الهزيمه اللعيبه لحالهم .. مثل ماشفتوا تحرك بطيء وفاشل .. يعني استراليا منتخب بطيء وعادي جداً مثل ماشفتوا !! لازم الفريق الي يلعب ضد استراليا يلعب بسرعه لكن السعوديين صاروا على ديزل .

ومن افشل اللعيبه في هالمباراة هم عبدالله الزوري واعتبره عوره مكشوفه في المنتخب .. واللاعب احمد عطيف كان مرتبك من بداية المباراة إلى أن خرج اخطاء في التمرير و لخبطه .

حقيقه مادري وش اقول يا أخـوان مقهور .. لكن تمنيت ان احمد الفريدي مكان احمد عطيف في الشوط الثاني مع مهاجم ثاني مع نايف هزازي .

ومن الاشياء السلبيه في الملعب .. هو الجمهـور المفهي .. يشابه في فهاوته عبدالله الزوري إلى حد كبير .

((((((((( لا تلومون المدرب ))))))))))
وفي النهايه اترك لكم التعليق وكل واحد يقول رأيه .

كليشن · #2 06/09/2011, 10:21 PM

والله انا احملها الجمهور وبس
جمهور ناااااااااااااااااااااااااايم او الحاله
لا بد من نقل المباريات للرياض
الجمهور اثرت عليهم الرطوبه

Madr!d · #3 06/09/2011, 10:21 PM

آلعآبد قدم مستوى رآئع وآفضل لآعب سعودي بآلمبآراة...~

عبدالله الغاامدي · #4 06/09/2011, 10:23 PM

من وجهه نظري الخاصة

المفروض ناصر الشمراني نزل من البداية

والفريدي بدال تيسير الجاسم

ولكن ما استغلينا الفرص

ما فيه انسجام بالفريق واضح مثل وضوح الشمس احس كل لاعب يبي يهدف

والجمهور ماله داعي يوم يطرقع بالشوط الثاني فشلونا بصراحه كانت المباره تبي تتوقف

غيرها بغيرها

الله يوفقنا في المباره الجاية معا تايلند

HiLaLy 4 EvA · #5 06/09/2011, 10:26 PM

انا ودي سامي يرجع يلعب اضمن لك تتاهل لكاس العالم

المباراه يتحملونها لاعبين

غيرنا مدربين غيرنا ادارين لازال للفشل بقيه

اتمنى يجبون لاعبين حواري بالمباريات الباقيه

((king.hz )) · #6 06/09/2011, 10:28 PM

أول شي اشكرك ع طرحك وموضوعك

لكن ابغى اطرح وجهة نظري اللي اشوف انها مخالفه لوجهة نظرك انا من ناااااحيتي احمل المدرب الجزء الاكبر من الهزيمه اللاعبين أدو لكن موووب ذاك المجهود لكن أدو وكان يحتاج لهم دعم من لاعبين خبرات يعني شوف المدرب وتغييراته بالله ذا مدرب ( يحيئ - وناااصر - السهلاوي ) يارجل انا لو مكان اللعيبة وشفت هذولا اللعيبة البدلاء والله لانهار نفسيا يعني شوف عندك الفريدي عندك ياسر عندك الشلهووووب اللي حراااام ما شفنااااه ونووور وينه يعني معليييش والله اللاعبين ماينلامون ياااخي في لعيبه دروج يلعبون معهم زي الشمراني والسهلاوي والزوري وحسن معاذ اللي ماااا أدري وش موقعه في الملعب جاااي تكملة عدد بس والا يخرب هجمااات وانا اتوقع اذا بيستمر بخطته المريضة والله سلملي ع منتخبنا ...

هذا رأيي وانا ادري انه رأي لطيف جداً^_^

ومشكور ع موضوعك

alfayhaa Sport · #7 06/09/2011, 10:47 PM

الحمد لله على كل حال ..

انصحكم بمتابعة برنامج المجلس ..

هلالي-7 · #8 06/09/2011, 10:56 PM

والله للاسف الجيل هذا مافي امل منه سيئ جدا انا مستغرب من تغير الشهري مفروض طلع كريري ماشفناه نهائيا بالمباراة وحتى مفروض انه طلع الرهيب ورجع حسن معاذ مكانه

أزرق بن هلال الزعيمي · #9 06/09/2011, 11:00 PM

انا اغرب تغيير شفته تغيير حق السهلاوي !! مادري وش يبي .. المفروض دخل بداله احمد الفريدي والتغيير ذا كان مبكر

لكن أتمنى تتصحح الاخطاء في المباريات القادمه واتمنى انها اخر مباراة في الشرقيه .. جمهور مفهي

S̷.мαzzσℓα · #10 06/09/2011, 11:01 PM

ما نسستعجل بالاحـكآم

؛ المنتخب كأن جيد لـ 5 دقايق بعد الهدف الاول للمنتخب ,

يعني لو فيـه معنويـآت جمهور كان المنـتـخب مستواهـ تغير < < لـيس عذر ولكن يمثل نسبة 10 %

بصراحة مدري وين لعب اليوم حسن معـآذ ؛ بالنسبة لي هو افضل لاعب سعودي يحرك المنتخب مع الشهري والدوسري .

الشهري

+ حسن معاذ

+ الدوسري

( حسافة ما لعب اليوم ) لازم يكونـون بـ التشكيلة الاساسيـة ؛ أو أحتيـآطي بنية الدخول في الشوط الثاني ؛

والمشكلة الكبرى ؛ أن مافيه مهاجم جناح سريع ؛ كيف نلعب بمهـأجمين صندوق

+ وندخل لاعب ثالث ما يتميز بأي ميزة هجومية الي هو السهلاوي

؛

+

الزووري

والله عيب يلعب مع المنتخـب

؛ أبغى ظهير أيسسر سريع يحرك اللعب ؛

حسن معاذ

أتوقع ممكن يلعب على الجـهة اليسسرى ,

والله كلام طويل ماراح أحد يتسفيد منه ؛ خلني ساكت أحسن لـي

.

هلالي والراس عالي 30 · #11 06/09/2011, 11:02 PM

بالتوفيق لمنتخبنا ،، مازال عندي بصيص أمل بالتأهل لكأس العالم 2014

سبب الخساره .. المنتشري . الزوري . العتيبي ، أحمد عطيف

s a b e r · #12 06/09/2011, 11:09 PM

المدرب لايتحمل مسؤليه الاخطاء والهزيمه

مدربنا لم يعطي تعليمات بسحب الفنايل ..و تمرير الكوره لفريق الخصم من الحارس

أبو العلالي · #13 06/09/2011, 11:32 PM

1- المدرب لا يتحمل الأخطاء المباشرة من عتيبي - منتشري ثم زوري وهوساوي
2- المدرب لايتحمل المستوى الهزييييل اللي من فترة طوييييلة ما تغير
3- لو جا مورينيو الوضع ما راح يتغير... الجوهر هو الحل.. أو هو الابرة المخدرة
4- سبق وكتبت توقعي بالهزيمة لأن هذا هو الواقع المرير.. المنتخب ضعيييييييف
5- البعض سخر من الخطة الدفاعية اللي اقترحتها قبل مباراة استراليا.. ويقولو تبغى تدافع على أرضك!!!

يا جماعة ماقدرنا على سوريا وعمان ونبغى نتأهل.. هذا غير الكويت والعراق والأردن.. بلاش نتكلم في استراليا واليابان وكورياج وأوزبكستان لأن فرق الامكانيات مخيف..

والله يستر من تايلاند.

¤¦¤ماآآقســ زماني ــ · #14 06/09/2011, 11:45 PM

إقتباس

الرسالة الأصلية كتبت بواسطة أزرق بن هلال الزعيمي


	السلام عليكم ورحمة الله وبركاته اقول هاردلك لكل سعودي على هالمباراة النايمه مثل ماشفتوا المنتخب الاسترالي يسجل بأقل مجهـود أنا شخصياً وقبل كل شيء ( أحمـل الهزيمه اللعيبه ) والمدرب برئ من هالمستوى !! لانه حقيقه لمساته واضحه وثاني شيء المدرب ما حضر الدوري السعودي عشان يختار اللعيبه الي يحتاجهم .. ولاتنسون أنه ماحضر الا قريب مره !! أنا أحمـل الهزيمه اللعيبه لحالهم .. مثل ماشفتوا تحرك بطيء وفاشل .. يعني استراليا منتخب بطيء وعادي جداً مثل ماشفتوا !! لازم الفريق الي يلعب ضد استراليا يلعب بسرعه لكن السعوديين صاروا على ديزل . ومن افشل اللعيبه في هالمباراة هم عبدالله الزوري واعتبره عوره مكشوفه في المنتخب .. واللاعب احمد عطيف كان مرتبك من بداية المباراة إلى أن خرج اخطاء في التمرير و لخبطه . حقيقه مادري وش اقول يا أخـوان مقهور .. لكن تمنيت ان احمد الفريدي مكان احمد عطيف في الشوط الثاني مع مهاجم ثاني مع نايف هزازي . ومن الاشياء السلبيه في الملعب .. هو الجمهـور المفهي .. يشابه في فهاوته عبدالله الزوري إلى حد كبير . ((((((((( لا تلومون المدرب )))))))))) وفي النهايه اترك لكم التعليق وكل واحد يقول رأيه .

بصراحه انته

الصح
بس اللي فاقع مرارتي هالزوري و الرهيب لاعبين ماشيه معاهم بالبركة والله حتى في الحواري انهم ينرزعووون في الدكة