|
مسـخره الانضباطييه بمفهومها المضحــك السـلام عليـكم ورحمه الله وبركـاته اختصـار لـ بدايات الموضوع صـراحـه انا ضد وضد وضد وضد وضد وضد هذي الانضـباطيه المجــحفه الي قاعـده تصيرر في نادي الهلال مو معقـوله [ كذا تكون مفهوميه الانضباطيه انك اذا حضرت سوفا نصفق لك واذا غبت سوفا نعلقك في المشانق ] هذي بحد ذاته قمه المسخره الي صايره في ناديناا لنا وقفه مع هذا الخبر البسيط كما تقرر استبعاد الثنائي محمد القرني وبدر الدعيع عن المغادرة مع الفريق إلى دبي بعد غيابهما عن تدريب يوم الخميس الماضي وبقائهما في الرياض لتطبيق برنامج تدريبي خاص وكذلك تحويل كل من شافي الدوسري وسالم الدوسري إلى الفريق الأولمبي بعد تأخرهما عن الانضمام لأول تدريبات الفريق بعد الإجازة يوم الخميس الماضي. . تعليقي اولا/ يعني بصـراحـه خالد عزيز ابوه فيه مرض القلب ياسامي ويامدرب اذا مايقنعكم هالشىء وش يقنعكم ثانيا/مو معقوله شباب الهلال بدر الدعيع ومحمد القرني انهم غابو يوم واحد اقمتو عليهم المشانق وتوصل الامور لـ الاستبعااد عن المباراه الوديه !!! هذي الاسلوب خطاء وفاشل هذا الاسلوب اسلوب طاغي عن حده هذا الاسلوب يولد الكره للاعبين على الاداره مو معقول ولا يرضى الانسان بهذا العقاب المجحف الزايد بحق اللاعب انه غاب عن يوم تقومون باستبعاده عن مبارايات وديه ثالثا/وننرى للامر الثالث المضحك بـ ان شافي الدوسري وسالم الدوسري [ تاخرو عن التدريب ] والعقاب ماذا انضمامهم لـ الاولمبي يعني يسفرونهم للدمام اي انضباطييييييييييييييييييييييييييييييييييه هذي؟ مع احترامي لكم يازعماء هذي الامور لايجب ان تحل في نادي الهلال انضباطيه زايده عن حدهاا انضباطيه مفهومه بالعــكس يجب ان يكون هناك حسن تعامل ولين بالتعامل . هذا التعامل يامدرب وياسامي مايولد الا الخسائر والكره لكـم من اللاعبين تدرون وش مشكلتنا ؟ اننا فاهمين ان الانضباطيه انك تجي للنادي لو تزحف على بطـنك واذا ماجيت خلاص انت لاعب فاشل ولاعب فيك كل العيوب خطاااااااااااء والف خــطاءءءء في مثل يقول [ الشىء الزايد عن حــده ينقلب ضده ] واقسم لكم بالله ان هالشىء ذا ماهو الا مبالغه بالعقــوبه كم لاعب انضبط وماشــم ريحه الكوره الا دقايق محمد نامي فهد الشمري شافي الدوسري سلطان البرقاان الغنام كلهم كانو قمه الانضابطيه لكم ماشمو ريحه الكوره الا دقايق بس !!! يعني اسطـوانه الي تقول عنها الاداره وسامي / ان الهلال يمتلك صف ثاني متميز صراحه عار عن الصحــه واكبر دليل اللاعبين المنضبطين الي ذكرتهم مالعبو الا دقايق بس معدوده اي بمعنى ان الهلال يحتاج لـ الاساسين مهما كانت الامور فـ لماذا تبالغون في عقوبتهم عليهم ؟؟ انتظر تعليقاتكم يازعمــاء !! |
السلام عليكم خالد عزيز وش كان يمنعه انه يتصل على سامي او اي عضو في إدارة الكره ويبلغه ضروفه بدال مايقفل جواله زي العاده محمد القرني وبدر الدعيع وشافي وسالم لسه صغار في السن والعقوبات هاذي في صالحهم وراح تخليهم ينضبطون وما يغيبون ويتاخرون عن التمارين وعلى فكره الانضباطيه هي الي تميز الهلال وبفضلها الهلال جالس يحصد بطولة ورى بطولة واسطوانة ان سامي خلف كل شي في الفريق صارة ممله الي قرر يستبعدهم المدرب مو سامي |
إقتباس:
بالضبط هذآ الكلام و رآعي الموضوع يقووول بمفهومهآ المضحك أجل يآ عميي طير |
إقتباس:
مآآزيد على كلام المشرف :):rose: الله يكون في عونك يَ بوعبدالله ! |
إقتباس:
انت بعملك لو تغيب عشرين يوم يفصلونك واحيانا الشركات لو تغيب اكثر من مره يرفعون تقرير عنك ويفصلونك الهلال يدفع للاعب ملايين وتبغاه يجي على كيفه وش يمنع عزيز لو دقيقه واتصل على سامي الجابر إقتباس:
مهب معنى اي لاعب ينضبط انه اساسي خلاص فيه اموره فنيه كثيره تحكم عليه منها ياخي لاتتعدر لعزيز لانها مو اول مره تصير هالحركه وهو معروف بهالشي سنويا بفعلها بنا كجمهور لعب باعصابنا جاء عزيز غاب عزيز طيب ممكن ياخي يجي لاعب منضبط يقول كيف عزيز يلعب وهو مو منضبط ابد بالمختصر المفيد علشان ماتكثر مثل هالمواضيع الهلال لم ولن يقف على اي لاعب |
القمر : عربساااات التردد : 55555 معدل الترميز : الانظباط ثم الانظباط الاستقطاب : نجوم = بطولات 9/9 تردد باقه القنوات الناقله لدوري مشاهده ممتعه لعزيز ومن يمشي على طريقه |
إقتباس:
اولاَ يشرفني ردك يابو فهـد ثانيا انا والله من عشاق ابو عبدالله انا ماحطيت اللوم على سامي وبس لاحظ كلامي كله اتهام للمدرب وسامي ياعزيزي كيف انت تشد بعقوباتكم على لااعبين شباب عشان مستقبله ومادري شنو انت عارف ان الولد الشاب نفسيته غير عن الرجل الي يبلغ من العمر 26 او 27 يعني يمكن الولد الشاب مايكون عقله ناضج ومتفهم . وغير كذا الخبر الي مذكور ان عزيز ماقفل جواله وانا ماتطرقت لـ عزيز الا نقطه وحده بس وكان كل كلامي عن اللاعبين الشباب الي جتهم عقوبات يعني انا ماركزت على عزيز فقط على الكل وانا من عشاق ابو عبدالله لكن مو معقول كذا يكون التصرف الطائش بالحده هذي من التعامل انت الان لازم يكون عندك لين بالتعامل حنا تونا مابدينا الدوري تققوم وتطبق عقوبات صارمه طيب على الاقل طبق عليه عقوبه تكون على قده بمانه لاعب شباب مثل القرني وشافي مو ان المساله توصل انك تسفر شافي للدمام والقرني تمنعه من السفر قمه المسخره ! |
ياخوان انتم مافهمتو وش اقصد من كلامي انا اقصد ان الانضباط اكيد مهم لكن مو يكون مبالغ فيه . يعني ماتوصل السالفه انك تمنع القرني من انه يسافر وقبلها مانعه يدخل من التدريبات عشانه غاب يوم ؟ وانك ماتوصل تسفر الدوسري شافي للدمام عشانه تاخر عن التدريباات مو كذا الانضباط هذي مهزله بالعقوبااات |
شكراً لك :rose: خالد عزيز موب جديد عليه هالشي .. و نتذكر سالفة الراعي و الذيب و القريه :d الرجال المفترض يكون تعامله إحترافي لآنه محترف كرة قدم من 8 سنوات على الاقل .. يعني مافيه مشكلة لو بلّغ الناس بظرفه موب كل ما صار شي قفل الجوال و فتح الباب للتكهنات عن ظروف غيابه .. و غير كذا بـ تقفيله للجوال هو ما ساعد نفسه عشان الناس تدافع عنه ، اخطأ و يستاهل ماجاه و بالعكس الادارة تعاونت معه و راعت فزعت اللآعبين معه و قبلت عذره و بالآخير ما تمرين إلا يومين ثم تمتع بالإجازة و سحب ! تحويل شافي و سالم للآولمبي هذا الصح .. آجل اعاملهم بالمثل في اللي حضروا للتمارين في وقتها ؟ و كـ مثال بندر البيشي و خالد شراحيلي و كلهم نفس الفئة تقريباً ؟ كل اللآعبين عندهم أهاليهم و ودهم يتمتعون بإجازتهم لكن التمارين و الإحتراف يجبرهم على العودة و إلا كم لآعب اهله خارج الرياض و عيّد يومين و عاد للتمارين في وقتها بالعكس العمل هذا صحيح و المدرب واضح جداً انه " قوي " و ما يهمه إلا مصلحة الفريق فقط ، |
إقتباس:
لكن الين للي يكون معه عذر مو يغيب من كيفه غير كذا كان فيه تشديد على اللاعبين انهم يلتحقون بالتمارين بعد الاجازة الي كانت ممنوحه لهم |
ياخوان انتم مافهمتو وش اقصد من كلامي انا اقصد ان الانضباط اكيد مهم لكن مو يكون مبالغ فيه . يعني ماتوصل السالفه انك تمنع القرني من انه يسافر وقبلها مانعه يدخل من التدريبات عشانه غاب يوم ؟ وانك ماتوصل تسفر الدوسري شافي للدمام عشانه تاخر عن التدريباات مو كذا الانضباط هذي مهزله بالعقوبااات |
كلآم المشرفين عين العقلَ . بعدين هو وقفهم في فترة مباريات وديه . يعني لما يجي الدوري الناس متعلمه النظام صح .. |
إقتباس:
ابـو فهـد جاوبني طيب القرني منـعوه اول شىء عن التدريب صح هذا يوم غاب ؟ ثانيا منعـوه من السـفر عشانه ذاك اليوم غاب انت بنـظرك تشوف هالعقوبات كافيه ام مبالغ فيها جاوبني بمنطق عقلاني يابو فهد ثانيا شافي الدوسري وسالم [ تاخرو عن التدريب ] هل من المنطق انك تسفرهم للدمام عند الاولمبي ام انـك تخليهم يتدربوون بالنادي لين حين عوده الفريق ؟ جاوبني بنـطق يابو فهــد . وهل التاخير عن التدريب عقوباته مثل عقوبات الغائب عن التدريب انت الان لو تربط بين الحالتين لـ بين القرني وبين الددوسري لـ اكتشفت انهم مشتركين في العقوبه بانهم منعوهم من السفر اذن لو غايب الدوسري اصرف له من انه تاخر ولا !!؟ اذن وين العدل انتظر اجابتك |
بدر الدعيع ومحمد القرني يستاهلون العقوبه لانهم غايبين بدون عذر اما عزيز ابوه مريض يعني مالها داعي العقوبه لانه في عذر عووافي |
جاوبني طيب القرني منـعوه اول شىء عن التدريب صح هذا يوم غاب ؟ ثانيا منعـوه من السـفر عشانه ذاك اليوم غاب انت بنـظرك تشوف هالعقوبات كافيه ام مبالغ فيها جاوبني بمنطق عقلاني يابو فهد ثانيا شافي الدوسري وسالم [ تاخرو عن التدريب ] هل من المنطق انك تسفرهم للدمام عند الاولمبي ام انـك تخليهم يتدربوون بالنادي لين حين عوده الفريق ؟ جاوبني بنـطق يابو فهــد . وهل التاخير عن التدريب عقوباته مثل عقوبات الغائب عن التدريب انت الان لو تربط بين الحالتين لـ بين القرني وبين الددوسري لـ اكتشفت انهم مشتركين في العقوبه بانهم منعوهم من السفر اذن لو غايب الدوسري اصرف له من انه تاخر ولا !!؟ اذن وين العدل انتظر اجابتك[/COLOR][/SIZE][/CENTER] حبيبي شافي وسالم عمرهم يسمح لهم انهم يلعبون مع الفريق الاولمبي ولو كان عمر بدر ومحمد يسمح كان خلوهم يروحون للاولمبي ونا قلت لك من اول رد اني راضي عن العقوبه |
| الوقت المعتمد في المنتدى بتوقيت جرينتش +3.
الوقت الان » 05:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd