|
إقتباس:
وين مانت رائح وين مانت جاي في هاذا الموضوع |
اخوي صاحب الموضوع انا اوافقك بكل حرف قلته والله ياجماعه الي جالس يصير بالنايد يخوف صاحب الموضوع يقصد انه طبق عليهم عقوبات لكن ياخي ما توصل انك تعاملهم بهالطريقه والله العظيم اني اتكلم من حرتي على الفريق بالله عليكم لما يستبعد هاللاعبين من المتضرر الاول اكيد نادي الهلال لكن سامي والمدرب كل همهم انهم يفرضون شخصيتهم الصارمه على حساب مصلحة النادي وهذا الواضح من تعاملهم مع مجريات الامور الي جالسه تحصل بالنادي ماهكذا تورد الابل يا سامي قلتها قبل قليل برد لي وساقولها الان لست متقائل بهذا الموسم بسبب مايحدث من تخبطات من المدرب وسامي مع كامل الاحترام والتقدير لشخصهم الكريم |
ياخوان لاتركزون على عزيز انا اتكلم عن الالعبين االاخرين اكثر وعن طريقه العقوبه ركزو بالموضوع !!! |
إقتباس:
الله عليك ياسلام عليك هذا الكلام الجمممممممميل وفعلا النادي هو المتضرر اخصم عليه بالراتب كذا يكون هو المتضررر |
إقتباس:
|
صراحه اذا على عزيز معهم حق لانه امس اتصل عليهم وعذروه اما اليوم ما عطاهم خبر ( وماندري عن طروفه اذا صدق ابوه فيه القلب الله يفرج همنا وهمه ) اما من ناحية القرني والدعيع أحسهم يستاهلون يعني موب ضارك دقت تليفون تخبر الاداره عن ظرفك اما شافي والدوسري أنآ ضد قرار الاداره لانهم تأخروا شوي يعني وأول مره ولا تكرر منهم هالشئ يعني انت كذآ تنفر اللاعبين منك بدل ماتحببهم فيك وتتذكرون ويلي لما غاب عن التدريب وهو بالسويد وماكان عنده عذر مقنع بس خصمو منه , ولاعبينك نصفهم بالمنتخب يعني هذآ الشئ بيأثر عليك ويعطيك العافيه |
إقتباس:
لانه من الظلم اساوي اللي متاخر باللي حاضر واكافااهم بالسفر مع الفريق صحيح الفريق ممكن يتضرر لكن صدقوني الفائده اكبر لانه والله لو تمادو وتساهلو معهم لنشوف اكثر من عزيز بالعكس كذا احسه انذار لهم وبعدين اشوف ان الخصم ماصار يضرهم ماشاء الله لنضرف نصف الراتب مع انه مستحيل بعض الاعبين ماشاء الله ماتفرق معه |
سامي يا سامي يا سامي ... نسينا ولا ناسي .. أنا مانسيت ... بكل صراحة أكثر لاعب محترف في تاريخ الهلال غياب ... سامي الجابر وللاسف ...خالد عزيز يقول ابوي مريض وفي المشفى اجريت له عملية ... وانت لا تقدر .. الله ابوها كورهـ الله ابوها كوره الله ابوها كوره... القرني وسالم وشافي والدعيع ... غابوا بلا عذر ويستحقون العقاب ... بس شيء واحد لازم تفهمه لسنا انقليززز ولا اسبان او المان... أتمنى أتمنى ان لا تتشخصن الامور بينك وبين اللاعبين ... أتمنى اتمنى من ابو عبدالله امساك العصا من الوسط |
مصخرة الانضباطيه افضل من الاأنضباطيه وش نفع دلع عزيز لك. اول مره يغيب الموسم الي راح عطني فايده وحده له عجيب الامر صراحه يوم كانت الاداره تبحث عن مدرب كل الجماهير طالبت انه يكون منضبط وشخصيته قويه يوم صار يملك الصفات هذي قلت مصخره !! با النسبه للقرني وشافي وسالم هذي البدايه تأخير او غياب يوم بعدها يومين بعدها نعد الايام الي يتدربون فيها مثل الكنج عزيز !! الاداره لازم تحط حد وخط احمر محد يتعداه هذي وظيفتهم رزقهم يحافظون عليه ولا اعتقد راح يفرطون في نادي مثل الهلال !! والله مصخره الشهراني مسيكين متبهذل في الشرقيه يبي الهلال وهم قاعدين يتدلعون ..!!:( |
تمنيت لو كانت العقوبات مالية اولا يجب التدرج بالعقوبات فالعقوبة المالية معروفة انها احدى العقوبات الانظباطية في النادي يجب ان لايؤخذ بقية اللاعبين بجريرة خالد عزيز وغيابهم او تأخرهم لايعني انهم يسيرون على خطاه مبدأ الخير يخص والشر يعم مجحف ويجب أن لاتنساق إدارة الفريق في تطبيق هذا المبدأ دون أن تشعر ويليهامسون الموسم الماضي غاب يوم بسبب ولادة بنته وتم معاقبته إدارياً بالخصم من مرتبه هو لاعب محترف وأكيد مطلع على لائحة العقوبات بالنادي فلم يتم تغليظ العقوبة من أول خطأ بغرض قمع هذه الممارسات التي ابتدعها خالد عزيز ؟؟؟ والله اننا نحب ابوعبدالله ونعلم ان القرار هو قرار المدرب ولكن يجب ان يكون لإدارة الفريق رأي خصوصاً ان موضوع خالد عزيز ساخن وستكون هناك تأويلات وظنون بأن مايحدث لبقية اللاعبين من عقوبات مغلظة سببه تصرفات خالد عزيز لاتنسون انهم لاعبين صغار في السن ولاعبين مهرة يجب علينا عدم تنفيرهم بالشدة المطلقة من أول خطأ هذا من شأنه ان ينفرهم من الفريق ويكون التأثير على المدى القريب والبعيد سلبي بدلاً من الأثر الإيجابي المنشود لاتكن ليناً فتعصر .. ولاقاسياً فتكسر s13s مجرد رأي ولكم تحيتي |
يا أخي استغرب من بعض المشرفين وإلا موضوع زي ذا ينزل |
صراحه استغرب من ردة فعلك المجحفه بحق الاداره والمدرب أبى أسئلك سؤال وأبأك تجاوب عنه كم مره غاب خالد عزيز وكم مره غابوا شافي ومحمد وبدر عن التدريبات يأخئ قبل لا تنزل موضوع ادرسه من كل النواحي وافهموا ياجمهور اللاعبين انضباطية الهلا مافي زيهاااا |
إقتباس:
اولا الله يشفي ابو خالد لكن صدقني لو فعلا ابوه مريض وغاب بسببه كان جاب لهم ورقه من المستشفى وكانو اعطوه شهر ممكن مو بس يومين لاتظن الناس ماعندهم رحمه وبعدين مو اول مره يغيب عزيز وكان يغيب من قبل مرض والده ولم نسمع انه غاب بسبب مرض والده الا على نهايته السنه اللي راحت اتمنى اننا نضع مصلحت الهلال اهم من سامي وعزيز وحتى الرئيس |
احترامي لكم جميعا كنت اتفق مع مساله الخصم من مرتباتهم فقط ولكن اقنعني احد الأخوة االخصم من مرتباتهم قد لا ويحني ثماره لدى بعض اللاعبين نظير ارتفاع مرتباتهم الى جانب ان الاكتفاء بالخصم في حال أثمر سيكون اثره فقط على اللاعب المخالف ولكن الإقصاء والحرمان اثره اعم واشمل وهو درس يعيه جميع اللاعبين بلا استثناء بالنسبه لعزيز لا ضير في ان يبلغ الإداراة بوضعه ويطلب العذر في عدم الحضور لا ان يهمل اتصالات الادارة بالنسبه للبقيه انا اعتبر كونهم صغار ليس مسوغ لان نعذرهم بل على العكس اذا توهم صغار وبداو باللانضباط بكرة اذا كثرت فلوسهم وزادت شهرتهم وش بيسوون ان شالله العود على اول ركزة ان ما انضبطو الحين لاتنتظرون منهم انضباط بعدين وافضل نستبعدهم في مباراة وديه عشان ينضبطون في المباريات الرسمية |
شوفوا اندية اوربا كيف الانضباط وكيف لاعبينهم مميزين والاحتراف كيف وخالد عزيز زودها كثير |
| الوقت المعتمد في المنتدى بتوقيت جرينتش +3.
الوقت الان » 06:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd