بسم الله الرحمن الرحيم

أيها الأحبه أعضاء شبكتنا الغالية

أولاً لا نحاول أن نكون عاطفيين أكثر من اللزوم

الأمر الذي يجب أن نعرفه هل اللاعب فعلاً غاب لظروف والده الصحية

فاأنا معه والله لو أنه له أسبوع مسوي العملية وماعليه بس الوالد مريض لن أترك والدي

ولا أظن الإدارة الهلالية ممثلة بصاحب السمو الملكي الأمير عبدالرحمن بن مساعد

يقبل عدم تعاون اللاعب وبره بوالديه .

وأما إن كان اللاعب متغيب كالعادة دون عذراً هاك الوقت نقول اللاعب أخلف في وعده

ولم يكن يستحق الثقه التي منحت له

لكن أنا نستعجل في الحكم ونشوت اللاعب نهائياً والله أظنها مو مجزيه

ونتمنى نشوف أيش راح يصير في العاجل القريب

لأنه حرام نخسر واحد مثل عزيز بسبب تصرفاته

جنت على نفسها براقش
وعلى قولتهم ( رفس نعمته برجله )
لاعب مستهتر .. ومتلاعب لأبعد درجة , حتى لو كان العذر وجود أبوه في المستشفى وإنه مسوي عمليه , اعتقد إن فيه اختراع اسمه (جوال) كلها دقيقتين واشرح ظروفك ما احد رادك ,, أما إنك تغيب وتقفل جوالك .. هنا نقول لا وألف لا .. بعدين وش الي يثبت إن أبوه بالمستشفى ؟؟؟ فيه أوراق ؟؟ فيه إثباتات ؟؟ لو كل هذا فيه ما اتوقع ان الادارة تبعده لأي سبب
يا أخي كل مدير إدارة يعرف هالنظام كل يوم يجيه موظف إما يموّت أمه والا أبوه عشان ياخذ إجازة ؟

ولكل الي يقول هذا أبوه لازم يقعد ومدري وشو .. أعتقد الكل يذكر نهائي الدوري عام 1418هـ الي مع الشباب والي فاز الهلال فيه 3-2 الي كانت مباراة سامي ,, وما اعتقد إن فيه هلالي ينساها
ترى وقتها سامي أبوه الله يرحمه كان في المستشفى وفي العناية المركزة لا وليلة المباراة بعد .. لكن سامي لعب هالنهائي وسجل هدفين وصنع الثالث للجمعان بعد ما كنا متأخرين بهدفين , حتى إن الكل سمى ذاك النهائي (نهائي سامي)

ختاما :
رحل خميس العويران .. فتأملنا خير في خالد عزيز
وخذلنا عزيز .. فكلنا أمل في محمد القرني ( تكفى يا محمد الانضباط الانضباط )