فك طلاسم تشكيلة المنتخب بالصور .. ويالله التوفيق السلام عليكم ( اعتقد ماجد عبدالله والدعيع احتاروا بـ طريقة توظيف اللاعبين وكيفية تحركاتهم .. وأنا اتفق معهم لأن التحركات والتوظيف لكذا لاعب كانت جديده ولأول مره يلعب فيها .. وغموضها لانها اول مباراه للمنتخب .. انا حاولت افكفك التشكيلة حبه حبه ونشوف كيف ريكارد موظفهم ) 1- التشكيلة الاساسية : [IMG]http://www.footballuser.com/Formatio..._Air_India.jpg[/IMG] 2- أثناء الهجوم : [IMG]http://www.footballuser.com/Formatio...tball_Club.jpg[/IMG] 3- أثناء الدفاع : [IMG]http://www.footballuser.com/Formatio...ports_Club.jpg[/IMG] أعلم ان فيها غرابة وفيها امور لم نعتد عليها ولكن هذا هو تكتيك مدربنا ريكارد اثناء الهجوم بنسبة 70% مركز ع حسن معاذ والجهه اليمنى .. واثناء الدفاع كان يضغط على الاظهره العمانية بواسطة رأسي الحربه القحطاني والشمراني وترك ثلاث لاعبين ( الجاسم ومعتز والدوسري ) للضغط ع مفاتيح بناء الهجمه للمنتخب العماني اللي هم محاور المنتخب العماني ( حديد وكانو ) .. هذا تحول في الفكر التدريبي للمنتخب وينم عن شخصية تدريبيه محترفه كبيره ممثلة في ريكارد .. أفضل اللاعبين في المباراه : 1- عبدالعزيز الدوسري 2- حسن معاذ 3- حسن العتيبي أسوأ اللاعبين في المباراة : 1- ياسر القحطاني 2- ناصر الشمراني 3- عبدالله الزوري ملاحظه ( يجب على ريكارد تدارك الامر فـ محمد نور هو افضل من يجيد اللعب في مركز ناصر الشمراني سواء هجوميا او دفاعيا بل ويحب هذا المركز .. اتمنى نراه مستقبلا في هالمركز وسيختلف اداء المنتخب كليا وسنجد نجاعه هجوميه من نور وحسن معاذ ع اليمين ومن عزيز الدوسري والزوري ع اليسار .. سنرى قادم الايام هل سيتدارك هذا الامر والخطأ الفني البحت لان ناصر كان لاعب طرف يمين والان اصبح لايطيق هذا المركز واثبت ذلك بانه راس حربه صريح يؤدي ويهدف اكثر ورأينا عدم رضا الشمراني نفسيا عن توظيفه في مباراتنا مع عمان ) ان اصبت فمن الله وان اخطأت فمن نفسي والشيطان .. تحيتي وتقديري |
إقتباس:
مهما كان مستواهم |
يعطيكـ العافيه على التوضح الجميل |
ياسر له تمريرات من الوسط وكورته اللي بيد مدافع عمان ناصر ماشفته وتيسير ماشفته وبصراحه الاسوء الزوري ومعتز شفت بعد مادخل عطيف كيف تنشط اللعب شوي بعد ماكان رتمه بطئ انا لو المدرب اول لاعب اضعه بالتشكيله احمد عطيف . على العموم الامور لاتبشر بالخير من ناحية صناع اللعب والهجوم وايضا اللعب البطئ اللي اصبح سمة بالمنتخب السعودي منذ كأس آسيا الاخيره . |
إقتباس:
عزيزي حنا نتكلم عن ادائهم في المباراه وليس عن تاريخهم .. اتمنى فهمت قصدي .. |
إقتباس:
وبعدين ياسر يكفيه انه افضل لاعب اسيوي 2007 .. وحتى لو يلعب بعكااز فهو مرعب لدفاع الخصم |
إقتباس:
تيسير ماشفته لانه يؤدي ادوار تكتيكية مو لازم يكون ابرز لاعب مثلا ( شفت تيسير لما يضغط ع مدافعي ومحاور المنتخب العماني اثناء الهجمه ماتكون لهم؟ اكيد لا .. ويجي مثلك اخ محترم يقول تيسير اسوأ لاعب وهو مايعرف كيف يقيم وع اي اساس.. ) افضل لاعب تكتيكي بالمباراه هم معتز الموسى وسعود كريري وتيسير الجاسم .. لكن ابرزهم الدوسري ومعاذ والعتيبي .. :s2: عطيف ابدا ماينفع مع تشكيلة وطريقة لعب ريكارد .. ريكارد يبي لاعب محور ثاني وميال للجهه اليمنى وافضل لاعب يؤدي هالشي هو معتز الموسى وياليت تلاحظ مكانه بالتشكيله المصوره فوق اثناء الهجوم .. وشف هل ينفع عطيف بمكانه؟.يتحرك لللظهير الايمن ويغطي مكان حسن معاذ ؟. فهمت عشان كذا ريكارد يبي لاعب دفاعي يغطي حسن معاذ وليس هجومي وصاحب لمسات .. لان فيه عزيز وتيسير وحسن وياسروناصر < كلهم ادوارهم هجوميه بحته ..:s2: ناصر الشمراني ماله نفس يلعب هذا هو الشي الاساسي اللي جعله يظهر بهالمظهر .. ليس فقر امكانيات ولكن والله اعلم ان فيه شي بينه وبين ياسر او مايطيقون بعض المهم شغله نفسيه بحته ..:s2: ياسر القحطااني فقد مرونته ع الكرة تحسه ثقيل وشايل نفسه بالغصب .. ما اعتقد عنده مشكله بامكانياته فهو لاعب كبير وموهوب لكن اعتقد المشكله انه يا كبر بالسن مثل يونس محمود الان صار ماينفع ثقيل ويالله يتحرك .. او ان فيه مشكله لانعلمها والله اعلم .. افضل ان لايلعب الا نايف هزازي مهاجم صريح |
يعطيك العافية . . . |
إقتباس:
صاحب الموضوع : كلامك جميل واقرب تفسير للواقع افضل شي اعجبني في موضوعك انه مافيه نقد جارح للمدرب s13s |
المنتخب يفقتد لصانع لعب يملك الخبرة , نور مايقدر يستعديه لأستراليا , الحل إشرآك الشلهوب و الفريدي .. نتمنى نشوفهم في المباراة القآدمةة .. :) |
إقتباس:
اعتقد ان الموضوع كله تمت كتابته علشان هالجزئية :yes: محمد نور اثبت اكثر من مرة ان مكانه خارج تشكيلة المنتخب وماهو كفو يلبس القميص الاخضر وياسر امس ماكان بذاك السوء اللي يخليك تحط اسمه كأول السيّئين.. تحرك وقدم بعض اللمسات عكس الشمراني المختفي تماماً ايضاً الزوري استغرب وصفك له بالسيّء وتجاهلك لمعتز الموسى ضيف الشرف في المباراة عالعموم يعطيك العافية.. متابع ردودك كلها والله يكتب اللي فيه الخير :yes: |
إقتباس:
اتفق معك 100 % يجب ان يلعب الشلهوب بمكان تيسير الجاسم .. center advidiges |
مشكلتنا ان عندنا 20 مليون مدرب بالسعوديه اعتقد مباراه امس كانت تكتيكيه بالدرجه الاولى من ريكارد كاول مباراه تكون تحت اشرافه ريكارد امس بتكتيكه الجديد عجبني مو لشي كثر مااعجبت بانظباط اللاعبين لو نلاحظ كل لاعب عارف وين يكون ووين يطلع مثلا تيسير يضغط على كانو مايخليه يستلم كوره لان المنتخب العماني معروف هجماته تكون من كانو وحديد يبدا هجمته من هالاثنين وهذا الشي اللي عطله ريكارد امس وضع تيسير ناصر امس كان اسو لاعب ممكن لانه وضع في مكان مو متعود عليه نجم المباراه امس هو عزوز لاعب ماشاء الله عليه موهبه قادمه وبقوه واخذ فرصته واثبت نفسه وهذا الشي لان العابد موقف ارشح انا نفس هالتشكيله لمباراه استراليا مع وضع عطيف مكان معتز ودخول العابد مكان الشمراني وراح تشوفو كيف راح يتغير اداء المنتخب حسن العتيبي عبدالله الزوري المنتشري اسامه معاذ كريري تيسير عطيف ع الدوسري العابد ياسر |
إقتباس:
لو منت مشرف كان حولتك ع العياده وفيه خصم خاص للمشرفين 80% ههههههههههههههههه امزح ياغلاتي وسع صدرك :s2: اسمعني ياغالي والله وبالله وتالله < ثلاث مرات انني لم اكتب حرفا واحد في الموضوع او الردود لـسبب غير المنطق والعقلانيه ووجهة نظري الفنيه :d( بما اني كابتن و مدرب فريقنا بالحاره " برشا القصيم " ولاعب بـ أحد اندية الدرجات ):d .. اما معتز ياخي اكثر لاعب معطي اريحية لحسن معاذ هو معتز ماتشوف معاذ يهاجم بحرية؟ ( عشان كذا انت تشوفه ضيف شرف لانه يقوم بدور خفي مايلاحظه الجمهور لكن يلاحظه المدرب واللاعبين اللي معاه بالملعب اولهم معاذ تحصله يقول وينك يامعتز من زمان تريحني من الدفاع :) ) ولم اكتب اي حرف لـ غرض الميول او الاستفزاز او اي شي مما يتوقعه مخك الباطني .. صح بعض احيانا اشتهي استفز لكن بطريقه حضاريه ومؤدبه .. مثل اول سطر بردي هذا :d بس اسالك بالله هل كتبت ردك بناءا ع وجهة نظرك والمنطق السليم؟ ام لـ الميول دخل سهوا في قلبك واملى عليك بعض الشئ؟ .. |
إقتباس:
صح لسان القرني حقكم يوم يغني : اتحادي يابو دم خفيف :d كل عام وانت الحب عزيزي.. خلك على المود :smilie47: |
الوقت المعتمد في المنتدى بتوقيت جرينتش +3.
الوقت الان » 08:41 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd