|
رئيس فياريال || برشلونة و ريال مدريد يدمران الكرة الأسبانية || . . http://www.mesibook.com/static/db/ph...0_q85_crop.jpg أبدى رئيس نادي فياريال الاسباني فرناندو رويغ مخاوفة بعد الجولة الافتتاحية من الدوري الاسباني . بعد 24 ساعة من فوز ريال مدريد على سرقسطة 6 - 0 وفوز برشلونة على فياريال 5 - 0 تحدث الرئيس قائلا : " هذا ليس الدوري الذي نبحث عنة , أبيع اللاعبين لكي أحقق التوازن في النادي من حيث القروض وغيرنا يتم منحهم القروض التي يحتاجونها " " أذا كانو يبحثون عن دوري لفريقين , فقد حصلو عليها فعلا , ولكن هذا ليس في صالح كرة القدم " " أنني أخشى على دورينا في الثلاث أو الاربع السنوات القادمة " وأختتم حديثة : " أذا لم تتغير الأمور , فأن ذلك يعني نهاية الدوري الأسباني " tribalfootball بصراحة كسر خاطري :cry: |
من ماسكك ياخوي ترا بنك البلاد موب مقصر معكم:s4s: وش نسوي لك ياريئس اشتر وفوز مثلهم شف الاتلتيك وش مسوي كل يوم صفقه وانتو نايمين بالعسل ولا تبون تبعيون روسي للبرشا :s3s: > بما ان اللي منزل الموضوع برشلوني هههه:wub: |
والله تبي تنافس جيب لاعبين مثل الناس جيب مدرب كبير ... ادارة فاهمه .... وتحققون النجاح .... وش مشكلتك مدريد وبرسا إذا هم آقوياء ومسيطرين على اسبانيا و انديتها الاخرى ... :) ، |
ياشين الطفره شينااااااه ..................... |
والله كلامه فيه من الصحه الشي الكثير :D |
انا اشوف ان برشلونه محد يوقفه في اوروبا فكيف اسبانيا طيب انجلترا اللي يقولون هي الدوري المثالي في التوزيع والاموال مانشستر انتصر 8 على الارسنال سلمات وش هالدوري اللي يقولون فيه منافسه؟ |
بُكل تآكيد صرآحه ! اذكر تصريح احد روؤساء الانديه فالنسيا الظاهر قآل نبآرك الحصول على الدوري علشان اخذنا المركز الثالث بـ حُكم ان الاول والثاني محجوز خخخخخخخخخخخخخخخخخخ |
كلامه منطقي و طبيعي جدا .. سيطرة ريال مدريد و برشلونة لا تقتصر على كونها كروية .. فيه ردود مادري كيف استوعبت الموضوع .. اللي يقولوا اتليتكو مدريد اشترى كيف اشترى اتليتكو لاعبين ؟؟ اتليتكو اضطر يبيع اهم نجوم الفريق اللي هم اقويرو و فورلان و يشتري و يرقع الفريق يعني كنك يابو زيد ما غزيت .. و البنوك الإسبانية ما تعطي قروض عالية لأندية متوسطة الدخل مثل اتليتكو او فالنسيا او فياريال و لكن تعطي قروض بدون حساب لبرشلونة و الريال و هو الشي اللي سبب فجوة كبيرة اقتصاديا بين الناديين و بقية الدوري ككل .. غير موضوع القروض الموضوع اللي دل نيدو رئيس اشبيلية ظل يحارب فيه سنين و هو حقوق البث التلفزيوني و الفرق الهائل بين مداخيل البرشا و الريال مقابل اندية اسبانيا كافة بجميع الدرجات .. كل هذه عوامل قد تقوي البرشا و الريال بشكل هااائل حتى اوروبيا لكن الدوري الإسباني يموت و اللاعبين بيبدأو يتجهوا لدواري اخرى مثيرة اكثر من دوري يتنافس عليه فريقين بس .. |
إقتباس:
مآفيه غير الكالشيو صحيح لعب شوي دفآعي لكن برضو المتعه والنديه تكون موجوده صرآحه ! |
كلام ديل نيدو سليم 100% الحين حقوق البث التلفزيوني والنقل 50% بين الريال والبرسا يتقاسمونها والباقي للأندية الأخرى وهذا من أسباب أنحصار المنافسة بين الريال والبرسا :smilie47: |
أكيد كلامه سليم .. وإذا مآ تم حل المشكله خلال ثلاث سنوآت رآح يصل الدوري الاسبآني لـ مرحله حرجه جداً يصعب حلّها !! الفارق كل موسم يزيد عن اللي قبل وصآر فيه تضخّم كبير في قوّة برشلونه والريال من جميع النوآحي لـ درجة إن هالنأديين لو حطينآهم في أي دوري رآح يفرقون ! المآده لهآ اليد الطولى في كل مجآلات الحياه فمآ بالك بالرياضه اللي قوآمهآ الاساسي على المآل !! ولنآ في الدوري الانجليزي مثآل .. أهم أسباب قوّته أو بمعنى أصح تقآرب مستويات الفرق فيه " المأل " والقدره على الدفع بمبآلغ كبيره حتى في أصغر الفرق ! غير كذا القدره الاستثمآريه عند الانجليز .. يعني تشوف أصغر فريق عنده إستآد رياضي متكآمل أفضل من الملك فهد :d عالعموم هي مشكله عويصه يبي لهآ درآسه سريعه وحل سريع على الاقل في حقوق النقل التلفزيوني وبالتوفيق لـ برشلونه :smilie47: |
بالعكس أشهر فريقين الحين برشلونة وريال مدريد العالم كلة ينتظر هالمباراة , |
إقتباس:
الريال والبرسا كل واحد ياخذ بحدود الـ 140 مليون واللي بعده على طول فالنسيا اظن ياخذ 20 مليون خخخ تناقض عجيب جدا .! الريال ميزانيته ضخمه حوالي 450 يورو بعكس البرسا اللي ميزانيته 280 وعليه ديون بعد ولو عدلو بالحقوق الريال ماراح يتضرر كثير فـ اتمنى يعطونهم حقهم علشان نشوف اخرتها معهم |
الليجا اذا لم يتغير الوضع سريعا فالمسابقة ستنهار أكثر . لا يوجد فرصة لأي نادي لكي يملك طموح المنافسة على اللقب بخلاف الريال و البارسا و هذا يعود لأمرين : 1 - طريقة توزيع المداخيل الخاصة بحقوق البث و عدم ربطها بنتائج الفريق . " مثلا لو فالنسيا صرف كل ما يملك و حقق الليجا .. لن يزيد نصيبه من حقوق البث عن ما قدر له سابقا " 2 - القروض و التسهيلات البنكية الممنوحة لمدريد و البارسا بخلاف باقي الأندية . بسبب وجود دخل عالي مضمون من حقوق الرعاية و البث تقوم البنوك بتمويل صفقات البارسا و الريال كقروض طويلة الأجل . و هذا أيضا يمنح الفريقين أفضلية كبيرة على البقية . حماية المسابقة مسؤلية الاتحاد الاسباني بمنح الجميع فرص متقاربة نحو المنافسة و هذا لن يكون سوى بتعديل اللوائح الخاضة بحقوق البث و وضع حد أعلى للقروض يقاس بنسبة مؤية من دخل النادي . أوربيا الإتحاد الأوربي سيبدأ العمل بما يسمى " قانون اللعب المالي العادل " أعتقد بعد موسم من الآن و هذا القانون سيمنع مخالفيه من المشاركة في أي من بطولات الويفا سواء دوري الأبطال او الدوري الأوربي . |
صراحه اتمنى لو فيه نادي زي المان ستي يعني يصير ينافس شوي ويجيب لاعبين كبار وثاني شي اصلن مافيه فريق بالعالم برايي يقدر يفوز على البرشا والريال برشلونه ما فيه فريق يقدر يفوز عليه الا الريال والريال ما يقدر يفوز عليه الا البرشا ومشكور على الخبر |
| الوقت المعتمد في المنتدى بتوقيت جرينتش +3.
الوقت الان » 07:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd