[ يوميات العيد "1" ] مشرف الجمهور الهلالي المتميز الصخرة : الله على عيد زمان اول .. وذكريات مراكض الماء والبيبسي دكان صخصخ لتغليف القرقيعان - صفحة رقم 2 - نادي الهلال السعودي - شبكة الزعيم

حروف الغلا · #16 31/08/2011, 10:13 AM

مشرفنا عيدك مباااك

طاقم العمل مشكورين على حسن الاختيار و الاستضافة

الهلالي دائماً · #17 31/08/2011, 11:44 AM

السلام عليكم ورحمة الله وبركاته

هلا وغلا ابو صالح

وكل عام وانت بخير وعافية .. وعيدكم مبارك

والله يحفظ لك الشباب الابطال ويخليك لهم ..

بالنسبة لي كان اليم الاول احلى نوووم

من بعد صلاة العيد الى المغرب

طبعا قمت لقيت امة محمد عندنا في البيت والبزارين يبون عيديه

وارسل اخوي يصرف لي خمسين ريالات>> اوم القعاطه

وخذ توزيع ولا الوليد بن طلال

وما جات الساعه 1 الا وانا طافي وارجع انام مرتن ثانيه

عاد اليوم الله يستر عندنا ثاني يوم اشد قروشه من الاول

واذا احد يقدر يصرف لي 100 ريال انصاص >> يعني نص نص

اكون له من الشاكرين

شكرا فيلسوف

ومع فوفو غير الابداع ما تشوفو

وشكرا لصاحبة الفكرة ..

دمتم بخير دائماََََََََََ

Fahad Al Sudais · #18 31/08/2011, 04:20 PM

كل الشكر والتقدير لكل الغالين اللي تفاعلوا مع الموضوع

وكل رد من الردود يسوى في عيني ألف رد

الحقيقة فكرة الموضوع جميلة والمقصد منها استمرار التواصل الفكري والنفسي بين الاعضاء.. يوميات رمضان ثم العيد السعيد

ما قصر اخوي فيلسوف ورغم انه راسلني متأخر لكن الحمدلله قدرت اشارك وصعب ارفض له طلب

كل عام وانت بخير يامجلسنا واعضائك بالف خير

marsal · #19 31/08/2011, 07:35 PM

هلا وغلا ...
و كل عام وأنت بخير ..

سؤال للشياب أمثالك صراحة وبدون زعل ما تلحظون أنكم أشغالتونا بعيد زماااااان و رمضاااااااان زمان و سنين زمااااااااااااااان ..!!!!

يعني ما في شي حلو الا زمااااااااان..!!!!

يعني كيف نبطل نعيد لان عينا مو كشخه مثل عيد زمااااااااااااان :..!!!

الجد :أن العيد و فرحة العيد يصنعها الشخص نفسه :..!!

و فرحة العيد لا تاتي الا لمن حس بتعب رمضان وقيام رمضان لهذا هو يفرح أنه قضاء رمضان بطاعة الله و أنه أداء الواجب :...

و هذا مأفعله شياب زمان صنعوا الفرحة ولم يستسلموا و يبررون الموضع ان عيد زمان كان أفضل ..!!

ترى حتى زمااااااااااااان كااااااان قبله زمااااااااااااااااان ولو تعذر كل زماااااان بالزمن الذي قبله لفسدت الارض بمن فيها :...

Fahad Al Sudais · #20 31/08/2011, 07:54 PM

جزاك الله خير ياشيخ مرسال

صح يالتزبييييييييييييد

إقتباس

الرسالة الأصلية كتبت بواسطة marsal


	و هذا مأفعله شياب زمان صنعوا الفرحة ولم يستسلموا و يبررون الموضع ان عيد زمان كان أفضل ..!!

اقول جعل عيونك للملح والفلفل

انت ماتشوف

حتى انا صنعت الفرحة ومن صباح الله وانا اضبط القرقعانيات واحشيها تقل احشي سمبوسة

ثلاثين قرقوع وكل قرقوع غير الكت كات والحركات فيه ريـال

يعني ثلاثين ريـال .. ريـال ينطح ريـال

عقبال ماينطحك واحد في بالي

عيدك مبارك

marsal · #21 31/08/2011, 08:03 PM

إقتباس


	حتى انا صنعت الفرحة ومن صباح الله وانا اضبط القرقعانيات واحشيها تقل احشي سمبوسة

و ليه تغثنا و تبث الهموم يوم فرحة عيدنااااااااا :!!!!!
مثل صاحبنا صااااااااحب *أحقا سترحل يا رمضان *

رمضااااان عنده ثلاثين يوم وما تذكره الا يوم فرحة العيد !!!

بلو كادي · #22 31/08/2011, 08:32 PM

وعليكم السلآم ورحمة الله وبركاته

الله مااجمل صباح العيد

الله يعيده علينا بالخير واليمن والبركات
فكرة جميله وضيف اجمل
شكراً لك يابو صالح
والشكر واصل لفيلسوف وخجيل

قرقاص · #23 31/08/2011, 11:29 PM

هلا وغلا ابو صالح وكل عام وانت بخير

الله على ايام زمان وأعياد زمان >>>> ماأقصد احد ابد

ابوصالح الأعياد تغيرت ولم يعد لها طعم تدري ليش ؟ لأن النفوس تغيرت !! في السابق كان الواحد يتعيد مع اهل حارته وبعدها ياخذ عياله ويلف على الكبار من اقاربه بيت بيت عمه عمه خاله خاله ولا يرجع الا العصر بعد مايخلص من زيارة كل من له حق ورحم !! أما الحين اول مايعلن العيد يفتح الجوال ويروح لقائمة الأسماء ويحدد الجميع ويرسل لهم عبارة كل عام وانتم بخير

ولو ماكان في عيد زمان غير هالميزة لكفته

فَيْلَـسُــ زَمَانَهُ ـــوفْ · #24 01/09/2011, 12:03 AM

يآحي الله ابو صآلح

والله والنعم مع إنه كان الأعداد مفاجئ ومارتبت زين ..

فأول ماكلمته الرجال تزهل بها والله وكفو

لك علي رقصة ليلة عرس واحد من عيآلك الله يخليهم لك

عيدكم جميل صرآحة

وفيه اجواء عآئلية مميزة

خصوصا النايم على دركسون اللعبة

والي واصلة معه عشان عقآل

والله يحفظهم لك .. والقهوة حاقة تانية

الله يغنيك ويعز مقدارك ابو صالح

وانا مالي قرقعان بس ترآي مآ أقبل إلا الي عليها صورة الملك عبدالعزيز الله يرحمه

الهنوووف · #25 01/09/2011, 03:45 AM

كل عام وانت بخير اخوي الصخره

والله يخلي لك هالمماليح وعساكم لقيتوا العقال

وين عيديتي

الاغلبيه وانا منهم نقول عيد زمان احلى
ولكن مثل ماقال واحد عن رمضان ان مو رمضان ولا العيد تغير
بس حنا تغيرنا والنفوس تغيرت والبساطه انقلبت تكلفه

\

/
يعطيك العافيه ع هاليوميات

وماقصرت يارجل المهمات

والله يعيده علينا وعليكم
والشكر لمبدعنا فيلسوف

الهنووف
كانت
هنا
ورحلت

5jel · #26 01/09/2011, 10:45 AM

آهلآ الصخرة

كل عآم وآنت بخير

وآلله يوميآتك جميله ومنوعه

صح عيد طفولتنآ آحلآ لكن هذآ حلو

وآكثر شيء الفرحه بعيون الاطفآل

آعجبني الولد النآيم وآضح جآد حيله ب الشغل

شكرآ لك ولـ فيلسوف

™MŘ.βάđя · #27 01/09/2011, 11:49 AM

الله يحفظ لك هالثلاثي المرح

سبحان الله يذكروني بعيال ولد عمي يشبهون لهم كثير ونفس الأحجام

إذا جتنا عزيمة ودرينا إنهم بيجون نرفع أغراضنا الثمينة <<<

ويشتغل نظام الخشخشة والدسدسة هُم لحالهم هَم الله يصلحهم

Fahad Al Sudais · #28 01/09/2011, 02:37 PM

إقتباس

الرسالة الأصلية كتبت بواسطة ™MŘ.βάđя


	إذا جتنا عزيمة ودرينا إنهم بيجون نرفع أغراضنا الثمينة <<<

حدد بس وش اغراضكم الثمينة .. ساندوتشات مثلاً

بلو كادي وقرقاص وفيلسوف والهنوف و خمسةجل

وبدر.. عيدكم مبارك والف شكر

فيه رسالة مرحة جتني عالخاص ضحكتني ودي اعلق عليها

إقتباس


	السلام عليكم ورحمة الله وبركاته هلا اخوووي وعيدك مبارك حبيت اسألك بخصوص الصغار اللي فموضوع العيد حقك،،،، فيهم عرق شامي اذا ودك تجاوب واذا ماودك سو نفسك مادريت

ههههههههههههههههههههه

لا والله سعوديين اباً عن جد

ابوهم من البدايع وخوالهم من بريده

الله يصلحهم وينبتهم نبات حسن

المحبره · #29 01/09/2011, 04:05 PM

أهلاً الصخرة .. و كل عام و أنت بخير ,,
أعاده الله علينا و عليكم بكل خير ..

صحيح إن العيد مالغ .. ماعرف عيد أول بس أكيد إنه أحسن من عيد اللحين ,,
يمكن لأنهم كانوا ,, أقل استعراض و أكثر صدق !

يومك جميل .. و نشيط و أحسن شي فيه القهوة و الخلاص

و مسجدكم تسني عرفته

بس ترى قرقيعانكم حلو .. وراك ماوزعت علينا هنا

الله يخلي لك الشباب و يبلغك فيهم ماتحب .. و يخليك لهم ..

إقتباس

الرسالة الأصلية كتبت بواسطة الـصـخـرة


	جزاك الله خير ياشيخ مرسال صح يالتزبييييييييييييد اقول جعل عيونك للملح والفلفل انت ماتشوف حتى انا صنعت الفرحة ومن صباح الله وانا اضبط القرقعانيات واحشيها تقل احشي سمبوسة ثلاثين قرقوع وكل قرقوع غير الكت كات والحركات فيه ريـال يعني ثلاثين ريـال .. ريـال ينطح ريـال عقبال ماينطحك واحد في بالي عيدك مبارك [/CENTER]

الزعيمه منو · #30 01/09/2011, 04:56 PM

هلا اخــــــــوي عيـــــــــــدكم حلو خصوصــــــــا ايام زمــــــــــان

من اليوم ةانا اقراء عيد ايام زمان عيد ايام زمان حاولت اتذكر عيدي زمان ايام الطفوله خصوصا في 1997و1998

ماذكر اختلف ع الشي الكثير بس فقدت فرفرتي في الحاره والقرنين اللي كونت احطها فوق راسي والالعاب الناريه في صباح العيد

الله يــــــــــحفظلك اولادك ويصلحــــــهم <<هذولا فرحت العيد اكيد