اول موضوع لي ونصيحة لسمو الأمير عبدالرحمن بن مساعد
 

السلام عليكم ورحمة الله وبركاته
اول مشاركة وهي السبب الرئيسي في تسجيلي في المنتدى
رسالة موجهه لعبدالرحمن بن مساعد اللي قال في لقاء له مع خالد الغندور انه اذا صار لحاله يشوف مباراة يرتفع ضغطه من العصبية اللي فيه بسبب بعض اللاعبين وانا اقول له مادام فيه الزوري والمرشدي ونامي في الدفاع كل اللي صرفته في عقود اللاعبين المحترفين يبي يطلع حسرة وهم عليك وعلى الجمهور بسبب الدفاع

دفاع الهلال بطئ ويفتقد الحماس ويسبب فاولات مالها داعي

اظهرة الهلال مهاراتهم في الهجوم جيدة لكن في الدفاع وهو الاهم سيئة جدا اكبر مشاكلهم يتركون اللاعب اللي في خانتهم حتى يستلم الكورة وياخذ راحته ويفكر ويخطط وهم يتفرجون عليه

في امور مهم لازم تكون في الظهير اهمها السرعة اللياقه العاليه الضغط المستمر على اللاعب اللي معه الكورة و مساندة لاعب الوسط يعني ماله داعي تكون في فجوه كبيره بين الظهير والوسط

ابحث عن اللاعب اللي يعرف يطبق طريقة الضغط المستمر يعني لايخلي المهاجم ياخذ نفس وهذي من اهم صفات ياسر الشهراني اللي اتوقع له مستقبل جيد مع الهلال ومع المنتخب

ارى اعطاء شافي الدوسري فرصه بدلا للزوري ال البارد جدا اكثر من الفريدي

والجهه اليمنى ياسر الشهراني او نامي

وانا اقول له مادام فيه الزوري والمرشدي ونامي في الدفاع كل اللي صرفته في عقود اللاعبين المحترفين يبي يطلع حسرة وهم عليك وعلى الجمهور بسبب الدفاع

كلامك صح الصح ياكبير

مشكوووووووووووووووور ويعطيك العافيه

أعتقد أن ما في دفاع الهلال لاعب يعتمد عليه بعد الله غير هوساوي خصوصاً الحالة الدفاعية
فالزوري ونامي يجيدون الدور الهجومي أكثر من الدفاعي مع أن الزوري حرام تقارنه بنامي لاعب أمكانته أكبر مع أحترامي لنامي
أم المرشدي شكله يسرح في المباريات مرة مستواه فوق وأحيان أشوف أسمه في التشكيلة وأشك أنه على دكة الحتياط

الله يعطيك العافيه اخوي على حرصك واهتمامك وكلامك فعلا حقيقه

لأكن لو ترسل للأمير هالكلام على حسابه ف التويتر

مع أني اشوف الوقت ضيق وماراح يتغير شي

والله يوفق هلالنا

يعطيك العـآفيـه كلامك سليم
إن شـآء الله مـآيغفلون عن الدفـآع
لأن بجد اذا بقا دفـآعنـا كذا والله رآح نعـآني كثيــرر

يانااس وش بلااكم ع الزوووري

الزووري اوفرااات صح تغطيه ولا ارووع

انطلاقاات مكاانهااا لوونه سلحاافه ويسوووي كذاا ابيه اساااسي

اجل الامير يبني وانتم قاعدين تهدمون

عموما هؤلاء هم نجومنا وزعماء الكرة الى ان نراهم في قمصان اخرى

والحمدلله ان الامر اولا واخيرا للمدرب وهو الذي يضع التشكيلة

بلعكس الزوري لاعب خبره لكن شافي اصبروعليه شوي

مدري والله !!! الله يكتب الي فيه الخير