سلام عليكم ورحمة الله وبركاته


يا اخوان انا قدر الله علي وشريت تلفزيون ال سي دي من سوني بقيمة 2600 ورسيفر هيوماكس بقيمة 700 ورأسين واحد عرب سات والثاني نايل سات واغراض ومدري ايش ووصلات اتش دي ولكن للأسف التلفزيون طلع موب صافي وفاشل وانصح اي واحد يبي يشتري تلفزيون يترك سوني على جنب ويشوف غيرها ، ياناس انا تورطت الحين مصاريفي على هالاجهزه التعبانه وصل 4 الاف ولا حصلت نتيجه التلفزيون فاشل ووالدش فاشل الصحن طلع فيه مشكله مع اني استفسرت هنا لكن سحبتوا علي الا كم شخص وما عطوني افاده شامله ، وش اسوي الحين قولو لي انا ابي صحن ممتاز وين احصله لو غالي بس وينه اهم شيء الدراهم الي صرفتها ذي ماتروح كذا بس كلها عشان الدوري الفاشل ذا لكن توبه ماتعودها والله .
بعدين فيه اشياء تخلي الاتش دي اصفى من كذا ولالا بس وصلة اتش دي والالوان الثلاثه ذي .

لاتنسون نصيحتي ( لحد يشتري من سوني شيء ) ترى خايسه

لأتستعجل وأنأ أخوك ،
سؤال : صحـن الدش الي ركبــت عليه الراسيــن كبير ولأ صغير

اخوي انا اخالفك الرأي بالنسبه لشاشت سوني سوني من أفضل الشاشات والكلام هذا عن تجربه
مشكلتك أخوي صعب حلها بهالطريقه احنا ما نعرف أصلا وين المشكله فيه ممكن تكون في الصحن أو ممكن في إعدادات الريسيفر والشاشه أو في سلك الإتش دي
عموما اخوي تأكد من ضبط الريسيفر على 720p
أتمنا اكون أفدتك وتأكد انك أحسنت في إختيارك لسوني

أخوي شاشة سوني الي شريتها من افضل الشاشات ، ورسيفر هيوماكس الي شريته من افضل الرسيفرات
لأكن المشكله الي صارت معك صارت معي وحليتهـآإ والحين عندي كل شي تمآإم

التشويش الي عندك ممكن بسبب صغر الصحن الي ركبت عليه الراسيــن ،
أفضل طريقه لتركيب الراسيـن ، تشتري صحنين صغيرات (سعره 40 ريال شامل التركيب وكل شي)
عندك صحن بس اشتر صحن ثآني صغير ،،
ويركبهن جنب بعض / وثم يحط راس على كل صحـن والفني يدمجهن بقسام ووصلات ألخ ،
وتشوف قوة اشاره بجميع القنوآت ممتــازه جـداً ، وانسى التشويش والتقطيع وغيره ،

كلامي هذا اذا كــان صحـن الدش الي عندك صغير ،
اما اذا ماهو صغير ، لأزم ترجع الفني الي ركب لك الراس يشوف المشكله
واعتقد ان مشكلتك سهله جداً ،،

إقتباس بعدين فيه اشياء تخلي الاتش دي اصفى من كذا ولالا بس وصلة اتش دي والالوان الثلاثه ذي .

سلك الألوآن الثلاثه ماله إي قيمه ، يكفيك وصلـة الـ HD
انا رسيفري الحين شغال على وصلـة الـ HD ، فقـط ،،

مـوفـق ،،

الله يجزاكم خير .. بس كيف طريقة وضع صورة الرسيفر على 720p ماعرف صراحه اسويها

وثاني شيء الطبق الي عندي كبير عشان احط راسين وثاني شيء اختياري له عشان الكبير ارساله اقوى من الصغير لكن هذا يعتمد على الفني الي يصلحه هو ممتاز في شغله لكن الطبق عندي طلع فيه مشكله لازم اغيره .. لكن مادري هل فيه اطباق ممتازه وتفرق عن العاديه الي تباع عند البنقاليه ذولي ولالا . أسمع بفالكون لكن وين احصله !!

أخوي انا عندي ريسيفر أبو ظبي عشان تغير الصورة ل720p فيه زر في الريموت مكتوب عليه على ما اعتقد v format اضغط عليه وغيرها.
تحياتي.

سامسنج الشاشة الاولى وبس وبس