|
ضروري ابي رايكم السلام عليكم ورحمة الله وبركاته شباب انا اعمل في وظيفه حكوميه (عسكري) وجاني عرض من بنك اني اتوظف عندهم طبعا عن طريق احد اقرباي ونا والله محتار مررره مع العلم اني مو مرتااح في العسكريه بالمره وودي بالبنك لما فيها من رقي وامور اخرى مع العلم ان الراتب يفرق حوالي 2500 الى 3000 لصالح العسكريه فانتو وش رايكم اروح لراحتي مع قل الدخل المادي او اجلس في وظيفتي مع اني اعيش قهر شوي. |
نصيحة لوجه إقعد بوظيفتك ولا تخاطر وخلك بقردك لا يجيك أقرد أنا كنت موظف ببنك وقالوا لي إقضب الباب وبدون سابق إنذار http://www.aljaze.net/vb/images/smilies/ttt.gif |
الله يجزاك خير على النصيحه بس والله ان ودي اطلع بس مادري ليه متخوف |
هلا بك اخوي اهم شي استخير وشوف ايجابيات وسلبيات كل وظيفه وفكر بالمستقبل الي فهمته ان العسكري بعد التقاعد يكون راتبه التقاعدي بسيط فـ اكيد انت اخبر بهالشي لو انك ماكتبت انك مو مرتاح بوظيفتك كان قلت لك خلك بالعسكريه افضل بس الراحه النفسيه تعتبر شي مهم بالوظيفه وبرضو الامان الوظيفي يعتبر شي مهم الوظائف الحكوميه اكيد الواحد مايخاف انهم يجون بيوم وليله يقولون مانبيك وبرضو الوظائف بالقطاع الخاص فيها مميزات \http://vb.alhilal.com/images/smilies/smilie47.gif / الله يكتب لك الخير ويختار لك الي فيه خير لك واهم شي الجأ الى الدعاء الهنووف كانت هنا ورحلت |
اول شئ على حسب البنك ان كانه ربوي فانا ما انصحك بيصير مالك كله حرام ولا راح تتهنا فيه بس غريبه راتب البنك اقل من راتب وضيفتك العسكريه على ما اسمع ان البنوك رواتبهم عالية انت استخر والخيرة فيما اختاره الله |
ماخاب من استخار الله يكنبلك الخيره في امورك يارب ويفكك من العسكريه |
الله يجزاكم الف خير على مروركم وصلاة الاستخاره في الامور الاختياريه ممتازه بس ابي اعرف لو واحد مكاني وش راح يسوي. والله يوفقكم ويسعدكم والبنك طبعا البلاد وسالت عنه وقالو لي انه اسلامي ميه في الميه والله اعلم. |
هناكـ أمرين هامين لابد من الأخذ بهما ووضعهما موضع الاعتبار ألا وهما : ـ الأمان الوظيفي : بمعنى وأنت على رأس العمل وتمارس الوضيفة آمن ومؤمن على وضعكـ الحالي والمستقبلي , بعدم الفصل أو الإبعاد لأي سبب وتحت أي ظرف ,, وهذا ينطبق على الوظيفة الحكومية الآن أكثر . ـ الراحة النفسية : فلو لم تكن لديك الراحة الكافية لن يكون لديك الطموح في الرقي والارتقاء بنفسك والصعود إلى مراتب أعلى مما يجعلك تراوح مكانك وتعيش في روتين ممل ومحبط , أيضًا عدم الراحة في العمل سيجر عليك التعب النفسي والأرق في حياتك اليومية وتجر على منهم حواليكـ . ولذا لو كنت مكانك : مع عدم الراحة والتعب النفسي الذي أعانيه , سأعمل على توقيع عقد مع البنكـ يمنع من فصلي إلا بسبب وجيه كإخلالٍ مني أو خطأ لا يغتفر , وبعد هذا لن أقف أراوح مكاني بل سأطرق أبواب مجدٍ ورقي أكثر إما بإلإلتحاق بدورات من شأنها أن تطور من قدراتي وتزيدني حظوة وإرتقاء في مجال عملي . وفيما لم يتم التوقيع والإتفاقية سأستمر في مجال عملي وسألتحق بإحدى الجامعات انتسابًا في أحد الأقسام المطلوبة في مجال الوظائف والتي أجد فيها نفسي وراحتي , وهذا مهم لكي لا تقع بنفس الخطأ السابق , وبعدها أبحث عن وظيفة أجد ما أرغب وكفيلة بأن تكتشف لي ذاتي وتؤمن مستقبلي .. أسأل الله لكـ التوفيق والعون . |
نصيحــة لوجه الله لاتفرط بوظيفتك العسكرية افضل لك من البنك وبعدين ارتياحك من عدمــة هذا يرجع لك انت انت ابذل اسباب السعادة في الدنيا وبإذن الله بترتاح بوظيفتك وغيرها ولا تنســى الاستغفار والمداومــة عليه وانصحك بشراء كتاب سيد الاستغفار حتى تستفيد منه والله يكتب لك الخير |
اخوي zez15 .. نصيحه لوجه الله .. خلك على مجنونك ترى الي يفرق في الوظيفتين انه الوظيفه الحكوميه ماتقدر تعوضها .. لأنه في امتياز يختلف عن باقي الوظايف وانا اخوك كنت عسكري سابق والحين اراجع عشان اقدر ارجع لوظيفتي .. لاتفرط فيها .. وانت وبراحتك |
الإستخارة الإستخارة الإستخارة الإستخارة |
نصييييييييييييييييييييييييييييييييييييحة لك وحطها حلقة بإذك تعنقط وتشعمط بالوظيفة الحكومية البنك كذا سنه و يمسكك الباب بدون رحمة ولاضمير زوج عمتي فصلوه البنك بدون سبب والحين تطلق و انفصل عن زوجته و عياله عايشين على الصدقات وحالتهم تقطع القلب كأنهم ايتام وهذا صديقي ترك العسكرية والحين تحسف ويركض ركض و يطالب بكل المحاكم علشان يرجعونه للعسكرية بس رافضين يرجعونه والحين عايش هو وعياله عايشين على الديون و شهر يدخل الســــــــــــــجن وشهر عند عياله بسبب الديون وملاحق الديانه وهو مايقدر يسدد لهم الدين بعدين الوظيفة الحكومية تضمن لك الحياة وتقلباتها حتى لو تموت يبقى لعيالك أمل ومال يمشون حياتهم فيه مهما كانت صعوبة الوظيفة فيه ألفين واحد يتمناها وترى كلنا نشتغل شغل صــــــــــــــــــعب ماهو بس انت بس الحمد لله الحياة كلها جهاد . |
خلك على العسكرية أفضل لك راتب أعلى من البنك وتضمن إنك ما تفصل على عكس البنك ،، عليك بالاستخارة ،، |
| الوقت المعتمد في المنتدى بتوقيت جرينتش +3.
الوقت الان » 06:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd