|
ساهر ! ساهر ! بداية هذي قصيدة او نثر سموها اللي تسموها كتبتها بالمدرسة والفكره كانت كالتالي استاذي الأستاذ نبيل المعمر في حصة الأدب شرح موضوع الأدب السعودي المعاصر وكان نقاش هل هناك قصيدة عربيه فصحى عن ساهر ثم اتت بعدها حصة فراغ فكنت اقول في نفسي لما لا أكتب كما كان في النقاش فكانت القصيدة الغير الموزونه كالتالي أيا ساهر في نهب حلال أموالنا وساهر لتخويف عباد الله القوي العاليا مخادع في مسعاك وكاذب بحجتك في تنظيم مشاة ومرور وساريا أهذا نظام يصلح السائقين في طريقهم أم هو مستهدف الجاري والراكض أو الماشيا وميض كالبرق لاصوت له لكنه يهز القلوب هزا عاتيا تتبعها رسالة لابشائر منها أتت لكي تبكي ابن آدم لين كان او قاسيا الآن أيقنت أن هنا متخلف يسعى وراء مال دنيا فانيه وأحلى تحية الى صالح كامل :) اراءكم |
يا جماعه لا تسرعوه خلاص بيشيلو ساهر وبس <------ لا كفو والله جبتها تصدق :d |
والله لو تكتب من هنا الى امس ماراح يشيلونه ولا يشيلون مخالفاته وخل الحونشية الل تسرع وتخرع خلق الله تتأدب |
، لـ الأسف مع كُل هذه الأموال ، إلّا أننّا لم نشاهد أحداً يتبرع للصومال بـ إسم ساهر ! فلو تبرعو بـ " 10% " من المكسب ، لخرجت المليارات عموماً ساهر له فوائد ولهُ أضرار ، وضرره أكثر من نفعه . بالتوفيق . |
#### ههههههههه شكله معقدك هع صرآحه نظآآآم رهيب خل الششعب سيدا ما فيه سرعه ولا ششئ >> :p |
صح لسانك ،، أخوي إذا ألتزمت بالسرعه القانونيه صدقني ما راح تجيك مخالفات ، وما وضع ساهر الا لسلامتنا .. |
لا ساهر ولا هو يحزنون اطمس رقم وحرف وخلها تفلش الى بكرا |
توني مسدد مخالفة 500 ريال ، حسبي الله على العدو : ( ،، الله يعيننا ويّاكم يارب ،، |
اخي الكريم طرحت لك وجهت نظري استقبلها / بصراحة شعب العرب يبون مسخره و استهبال على كيفهم ,, ساهر صحيح مسكني اكثر من 6 مرات ب 1800 ريال خلال شهرين فقط !! ولكن انا معهم ليه نسرع ياشباب ؟؟ كذا حوادث قوية ؟؟ ساهر من اجل السسسلامة ,, الحين يجي واحد مايفهم ومطفي الانوار يقولي اخوك يشتغل بساهر وانت تدافع عنه واذكركم بيجي عضو وبيقول كذا ,, الوليد العنزي |
ساهر نظام استثماري وليس نظام سلامه |
إقتباس:
ساهر صحيح نظام ممتاز وقلل من الحوادث لكن السؤال ليه المخالفات مدبولة ؟ |
إقتباس:
طيب الحين يعطونا مخالفة اوكي طيب ليش يدبلوووونها ؟؟؟؟؟؟؟؟؟!!!! برضو عشان سلامة المواطن ؟! |
ساهر الله يرحم الحال --بس --وين يشوفو حل --دور ويمكن تلاقي الحل يوم القيامه -- عوافي يالغلا -- |
إذا ألتزمت بالسرعه القانونيه ما راح تجيك مخالفات ، وما وضع ساهر الا لسلامتنا .. |
احلى حل عششان مايلقطك ساهر 1.عند نقطة التفتيش تلقى الدوائر اللي محطوط قريب عند النقطة التفتيش في هذي الدوائر في لازق ملزق عليه انت طبعا لبق السياره جمب الدائره وخذ واقشع الزق اللي عليها ورح وحط الزق على الوحه اللي قدام وجب كاميرا وصور الوحه وبتلقى الوحه ماطلعت في الصوره عششان الزق هذا يعكس الضوء>>بالعربي الفلاش وافتك من المخالفات وتعال من عند ساهر وتبسم له وانت طاير هوووووووع |
حنا مع ساهر ونظام رائع صراحة مشا الشعب صح بس المخالفات مدبولة وهذا الي كرهنا به |
الجمله الحلوه الي عجبتني الآن أيقنت أن هنا متخلف يسعى وراء مال دنيا فانيه امس اعطوني مخالفه 300 ريال حرام عليهم ماشي 110 زايد 10 بس |
التبديل لتسريع جلب الاموال يعني تخيل مافي تدبيل الواحد يقول ويش أبي أسدد مثلي أنا علي قسايم وتدبلت وساحب على أمهم الى ما الوالد عرف عنها وهو سددها :) ومن بعدها ملتزم بالانظمه والقوانين وربط الحزام << أفلقني |
سارق وليس ساهر , نهب الشعب , فوق ماهو منهوب , فوق مالشعب فقير ونسبة كبيرة من الشعب لا يملكون على الأقل مسكن وين نلاقيها من ساهر ولا الاتصالات السعودية ولا الخطوط السعودية والا الاسعار اللي كل مالها وترتفع فوق ماهي مرتفعه ! ولا هالاجانب اللي يعلبون بالبلد لعب بدون حسيب ولا رقيب حسبنا الله ونعم الوكيل, |
المشكلة حتى لو كانت السرعه 100 ومشيت 90 سكوك بـ 300 ريـال الله يعيننا بس |
فيه مميزات وسيئات مميزاته واضحه للعيان ( الحوادث قليله ولله الحمد , المراهقين اللي على 180 و200 انتهوا وماعاد فيه الا 100 :D ) سيئاته : انهم مبالغين في حدود السرعه ببعض الاماكن اجل امشي من اسفل الهدا لمكه 100 في خط يستآهل 200 :D !! |
تبون ساهر ولالا صوتوا يالله الله يوفقكم |
هههههههههههههههههه لن يلغوه الله يعين |
إقتباس:
لا هذي ماصارت وأتحداك لو تصير .. |
إيجابيات ساهر غطت على سلبياته هذا أن وجدت سلبيات .. وماوضع ساهر الا لسلامتنا .. |
صح لسانك ،، أخوي إذا ألتزمت بالسرعه القانونيه صدقني ما راح تجيك مخالفات ، وما وضع ساهر الا لسلامتنا |
إقتباس:
:d:d:d والله مادرو عنك الفلوسس ياحبيبي |
ياشيخ نظام زفت وصالح كامل ذا ودي اشوفه ابي احب على خشمه والله ما بقاء الا يحطون كاميرات في السوبر ماركت اذا دخلت وطلعت وما اخذت شي من السوبر ماركت صورك وربي انه فاقع كبدي ساهر ذا من اول ما جاء وهو يلسع في وصلت ذحين 17000 من وين اسددها لا وظيفه ولاهم يحزنون حتى السيارات الحكوميه تصورها طيب انا عندي بلاغ والا مصيبه كيف اسوي اتكلم عن العساكر ملزومين يسددون سيارات الحكومه |
ساهرر (فكرته ممتازه) لاكن المستفيد مين؟؟ ع حساب 30 مليون كان ودي قبل ما يطبق ساهر 1-توعيه... 2-اصلاح الطرق(حفريات/تحويلات/حفر الصرف الصحي <وانتو بكرامه وحده طالعه و وحده نازله) 3-وضع اشارات السرعه(باتجاه الشارع وليس المشاه) 4-ساهر الاشارات/مفروض يحطون عداد الثواني عشان نعرف يمدينا نمشي ولانوقف 5-زبنات ساهر(ورا سياره- فوق سطحه) 6-والادهى تجيك ثلاث سيارات ساهر ورا بعض..<مدري ليه 7-اموال المخالفات ودي انها تستخدم لتحسن الطرقات 8-مراجعة تدبيل المخالفات هذا الي ع بالي كذا ماننظلم من ساهر وما نظلمه الله يحفظ شبابنا و بناتنا من كل شر و انا مع ساهر لاكن بعد ^^^ |
يـا لـبـى سـااهـر :smilie47: أخـتـلـف مـع الـكـثـيـريـن حـول نـظـام سـااهـر، هـنـااك مـن قـاال بـأنـه نـظـاام جـبـايـة لا نـظـام حـمـايـة، وهـنـاك مـن طـاالـب بـالـتـوعيـة .. ولـكـن كـلـنـا عـيـاال قـريـه وكـلـنـا يـعـرف اخـيـه .. حـنـا شـعـب مـا تـنـفـع مـعـنـا الـتـوعيـة،، أنـوااع الارشـاداات،، تـوعـيـة بـكـل الـطـرق عـن أخـطاار الـسـرعـة، حـتـى الـحـوادث الـشـنـيـعـة كـانـوا يـخـلـون الـسـيـارة مـكـانـهـا فـتـرة عـشـان يـتـعـظـوون الـشـبـااب وبـلا فـاايـدة ،، الـمـداارس يـكـتـبـون عـلـى جـدراانـهـاا كـل الاحـاديـث والـقـصـائـد تـوعـيـة لـلـشـبـااب مـن الـتـهـور، وتـلـقـى مـشـخـبـطـيـن عـلـيـهـا وكـااتـب عـلـيـهـاا قـلـب وسـهـم وجـروح وعـذااب :s5s: نـشـرت جـريـدة الـريـااض قـبـل فـتـرة انـخـفـااض الـوفـيـاات الـنـاجمـة عـن الـحـواادث بـحـواالـي 40% بـعـد تـطـيـبـق سـااهـر لـبـى قـلـبـه مـرة ثـاانـيـة :smilie47: :d ، وهـي نـسـبـة هـائـلـة خـلااال فـتـرة وجـيـزة تـعـكـس الآثـاار الايـجـاابـيـة .. تـقـيـد بـالأنـظـمـة وصـدقـنـي رااح اشـوف لـك مـوضـووع فـي الـمـنـتـدى وانـت نـاشـر فـيـه قـصـيـدة مـدح لـسـااهـر :yes: بـالـمـنـااسـبـة صـح لـسـااانـك دمت بـود |
^ ^ ^ يا حبيبي مع نفسك ان شااء الله يصورك عشان تقول لبيه صدز هع |
انت وش عندك حل يردع العالم عن السرعه ؟؟ مافيه الا الفلوس بعدين اذا مشيت 110 بيصورك؟؟؟ ساهر وضع لحمايتنا وليس لنهب اموالنا ... |
رجال الدين حرموا التدبيل لأنه كذا سيكون ربا ما اختلفنا سجل مخالفة لكن تدبلها معصي هذا اسمه سرق ونهب لقوت الشعب كيف تاكلون الربا يالقائمين على نظام ساهر ؟ |
ساهر له ايجابيات مالها حد يكفي نسبة الحوادث قلة بشكل كبير ياشيخ ضياع الفلوس ولا ضياع الارواح تحية عطرة لـــك |
سترانا حرف وحدونا وش ينفع اجل |
بصراحة ساهر في اجابيات وسلبيات ، بس الايجابيات اكثر من السلبيات كل الشكر لك ابو ياسر |
الي فاقع مرارتي ياليت يسون بفلوسه شي يسثمرونها للبلد ولا يصلحون هالشوارع !! الا تلهف في مخابيهم ولا يسون كميرات جديده !! انا رأيي نظام حلو بس المفروض فلوسه تستثمر للبلاد |
| الوقت المعتمد في المنتدى بتوقيت جرينتش +3.
الوقت الان » 09:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd