27/08/2011, 10:45 PM
|
 | عضو إدارة الموقع الرسمي لنادي الهلال | | تاريخ التسجيل: 07/03/2001 المكان: الرياض
مشاركات: 5,453
| |
|
الشاعر وبران ال كليب : عسى الله يبدلك دار بعد دار الزوال .. ويسعدك في جنّة الفردوس يابن سعيد
السلام عليكم ،،
رحيل شيخ الرياضيين ومؤسس الكيان العظيم (نادي الهلال) كان له اثر كبير في جميع الرياضيين بمختلف اطيافهم فما قدمه الراحل من خدمات جليلة للرياضة في المملكة واضح للعيان لكل متتبع للرياضه في الوطن ،،
رحيل شيخ الرياضيين جعل الجميع يبكي على فقده .. حتى جنبات نادي الهلال تنتحب حزناً على هذا الرحيل ،،
الشاعر وبران ال كليب كان له كلمة في هذا الموقف ، وهي قصيدة رثى بها الراحل وخص شبكة الزعيم بطرحها ، فإليكم القصيدة :
الحمد للواحد المحمود في كل حال
ومهما الاوادم تريد الخير في ما يريد
نسجد لوجهه لاصك الهم من كل جال
ونقول يالله بعفوك قبل يوم الوعيد
واليوم نسألك يارحمن ياذو الجلال
تغفر لعبدٍ رحل مومن ورايه سديد
فقيد الامجاد واسمه صار مضرب مثال
واللي قرا في تواريخ النصر يستفيد
ابومساعد ومن غيره تحدى المحال
من قبل الاعلام والداعم وشيك الوليد
الله يحسن عزاء جمهور نادي الهلال
والله يعيض الرياضة فيك ياابن سعيد
غيرك الى مات تبكي العين عدة ليال
والا أنت يبكيك طول العمر دم الوريد
سموك شيخ الرياضه وانت شيخ الرجال
والشيخ من تشهد امجاده قديم وجديد
انت الزعامه بنيت امجادها من خلال
تأسيس صرحٍ تزعم كل مجدٍ تليد
ليت الحقيقه يابومساعد بموتك خيال
او ليت يهدى العمر واهديك عمر مديد
لكنها حكمة فيها الصبر راش مال
يحيا به اللي فقد غاليه ياغلى فقيد
عسى الله يبدلك دار بعد دار الزوال
ويسعدك في جنة الفردوس يابن سعيد
رحم الله شيخنا عبدالرحمن بن سعيد وجعل لقاءنا به في الفردوس الأعلى ،،
تحياتي
ليتنا مثلك يا (سامي) ما يغيّرنا الزمان  |
الوضع المتطور
