|
هذا مانريده يامجلس الجمهور نرجوا تلبية اوامرنا حالاً بسم الله الرحمن الرحيم السلام عليكم ورحمة الله وبركاته صباح/مساء الخير للجميع الزعماء نعم يامجلس الجمهور نريد منكم هذا وهذا وهذا وكل شي يطري على البال نريده ونحن يالجماهير ماراح نتفاعل ولانتحرك ولانشجع ونقف مع نادينا الزعيم هذه بعض الجماهير اللي تطلب وتامر وهذي لاتنفذ ماتطلب تريد تشجيع وحركات واهازيج جديده والخ... وانتم ماتحمسونا اننا نسوي كل جديد بالمدرج الازرق نشوف من يستحي ان يشجع !! او يتفاعل مع الرابطه او يشجع الجماهير اللي حوليه ليه طيب تطلب من المجلس اني يطور ويفعل ويحط وانت ماتتحرك ولاتتفاعل البعض ماشاء الله عليه توه محلق ومنعم ومرسم بثوب وشماغ وانواع العطور ويالله يتحرك ويجلس ويسكت الى نهاية المباراة شي فعلا غريب !! معلب وجماهير وتشجيع ليه الترسيم بالملعب مانقول لك لاترسم لاكن كل مناسبه ولها لبسها وطبعها الخاص المشجع المفروض يلبس زي النادي الرسمي ويتفاعل مع الرابطه ويحمس اللاعبين الكل يذكر مباراة الهلال مع بونيودكور بالاستاد وكيف صار الملعب بعد تفاعل الجماهير مع الرابطه وكيف حماس اللاعبين وهذا مقطع للاصوات تفاعل الجماهير مع الرابطه ‫جمهور الهلال + عامر عبدالله جلسة طرب رياضية على الهواء منتديات الشاعر تركي الميزاني‬‎ - YouTube ياشباب هي (ثقافه مشجع) يجب على المشجع يتثقف بالتشجيع التشجيع الجماعي والله له دوور بالمستطيل الاخضر بحماس اللاعبين وارباك الخصم كل اللي نبيه بس اشياء بسيطه ولاهي صعبه على الجماهير الهلاليه والله بسيطه بس اللي يصعبها بتعصب واللي يستحي ويخجل من اللي حوله مانبي منه انتقاد لا على اللاعبين ولاالرابطه ولاالجماهير نبي من كل مشجع من الموسم القادم يحظر بالزي الرسمي للنادي الهلال ويتفاعل مع الرابطه والتشجيع الجماعي والله لوفيه تشجيع جماعي ماراح تشوف اي نادي يضطر يجيب رابطه للنادي نبي تفاعل وصوت واحد وحماس وتشجيع جماعي واللاعبين ماراح يقصرون راح يقدمون اللي عليهم واكثر لان بصراحه كثير اسمع النقد للمجلس الجمهور وهم والله مايقصرون وانهم يتعبون ليل نهار علشانكم يالزعماء والواحد ماهو بحاس وجالس وينتقد ويجرح بالمجلس بالعكس تعاونو مع المجلس الهلالي وهم ماراح يقصرون والله يعطيهم الف عافيه يارب اتمنى ماطولت عليكم ووصل كلامي بالشكل المطلوب لكم وهذا اختصار الكلام بنقاط 1- الحضوربالزي الرسمي لنادي الهلال 2- التفاعل بالمدرج والتشجيع الجماعي 3- تعاونوا مع المجلس الهلالي وابتعدو عن النقد الجارح اخوكم/ عبدالله |
الله يعطيك العافيه افق معك في كل ماذكرت نبي اشياء جديده وانبي احد يستحي مافيه شي التشجيع |
الموووج الازرق ماله حل باذن الله الجمهور الهلالي قدها وقدووووود |
يعطيك الف عافيه على التواجد بالموضوع لاخلا ولاعدم |
اخوي عبدالله كلامك من القلب وقلت اللي كثير يبون يقولونه ان شاء الله يسمعون كلامك |
وعليكم السلام:smilie47::rose: كلامك طالع من قلبك وكل كلامك صحيح بس وين الي يطبق :s2: مشكور اخوي ماقصرت :smilie47: |
شوف للاسف احنا كثار بس بدون فائده هي تعتبر ثقافه منطقه يعني اهل الرياض مره مسوين نفسهم كشخه وثقل كانهم بزواج لكن شوف اذا رحنا جده او الشرقيه او القصيم صح الرابطه فيها عيوب بس مو معناته ان الجمهور بعد مافيه عيوب كلنا في الغلط مشتركين |
كلااااام سلييم جدا الله يعطيك العافيه اخوي وباذن الله كلامك ياثر في الجماهير اللي جايه وماتتحرك في الملعب وبالتوفيق للهلال وجماهيره تحياتي |
عندما نرى النقد لمجلس الجمهور يعطينا عزم اكبر على تقديم المزيد والمميز ونفتخر بوجود تنوع في جماهير الهلال الكبيرة من ناحية الثقافات والمطالبات ولكن البعض يجهل أن بالامكان تقديم الافضل ولكن انظمة الاتحاد السعودي تقف صامته أمام تطوير المدرجات السعودية فمازلنا بنظام الممنوع ولاندري ما الاسباب فالى الان الاتحاد السعودي لم يبرر اي مواقف عن اسباب المنع ونصدم بقرارات من امن الملاعب بالرفض ونتمنى أن يكون هناك تدخلات من الاندية في حل تلك الامور وخصوصا ان النية الى تطوير الرياضة السعودية ومن ضمن الرياضة السعودية الجماهير التي تحضر وتساند ومازلنا بانتظار فتح المجال للابداع وليكون هناك تنافس شريف بين الاندية في المدرجات كما في الملاعب فائق احترامي |
وأنا أخوك أهم شي الحضور .. ومجلس الجمهور ماقصر في الموايم السابقه وإن شاء الله مهب مقصر في هالموســم ، وإن شاء الله تنجح فكره الأتراس الي رآح تدشن بعد العيـــد إن شاء الله .. وللإنضمام للأتراس الهلاليه عليه مراسلتهم : هنـــــآ |
وعليكم السلام كلامك طالع من قلبك وكل كلامك صحيح بس وين الي يطبق مشكور اخوي ماقصرت |
يعطيك الف عافيه يارب ~ ومنوورين الموضوع ~ وباذن الله بوقفة الرجال راح ينجح الالتراس ~ |
,والله انك حمستني وان بالمجلس اف لو انا بالرياض كان حركت المدرج كله يعني انا بشجع مع الالتراس والي بجنبي اخليهم يتحركون وغصباً عليهم هم يبون احد يحركهم ويقومون |
يعطيكم الف عافيه يارب ~ ومنوورين الموضوع ~ وباذن الله بوقفة الرجال راح ينجح الالتراس |
الله يعطيك العافيه ع الموضوع بس انت لازم تحط ببالك انه مايجئ للملعب بس شباب فيه شياب واطفال بعد يعني انا من رائيي انه اللي ماعنده استعداد يجشع مايجلس عند الرابطه يعني يكون فيه منطقه مخصص لهم |
| الوقت المعتمد في المنتدى بتوقيت جرينتش +3.
الوقت الان » 09:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd