نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته ...

أخواني .. أخواتي ..

أدري إن جوي خايس على هالموضوع واختياري للتوقيت غير دقيق ( دقيق وإلا بر ) ..

والا أحد يكتب موضوع بنهار رمضان .. ومسيّان بعد .. يعني مابقاش على الفطور ..

لكن قلة الخبرة هي السبب فيما يحدث .. وإحساسي الشنيع بأني شخص من الدقة الأديمة :wub:

ويمكن التطور التكنولوجي والتغير المزاجي المنتدائي خلاني أحس إني القروي الوحيد بالمنتدى ..

وكأني بنفسي لابس فروة بعز الصيف وداخل على مكدونالدز أطلب نص حبة شواية + براد شاهي

هذا هو احساسي عند أي محاولة إحتكاك بالعالم المنتدائي الشبكي الهلالي ( < - أهحم ) الحالي ..

بحكم الغياب عن المداخلات والالتحامات الجسدية منذ زمن .. أتمنى إن نتبادل الفنايل بعد الموضوع ونعبر عن روحنا الرياضية ..

بدايتن مادري شلون أصارحكم بحقيقة مشاعر الموضوع ..

وللمعلومية علشان أريحكم من التفكير بالموضوع أنا مانيب محتاج دراهم ..

لكن .. فيه أشياء شاطبتن مخي .. أسئلة تحتاج لأجوبة < ماتحتاج لسمبوسة مثلا دام الفطور قريب ؟

طبعا ادري مابروسكم أجوبة وكل واحد بيفتي من راسه .. بس ميخالف تمونون على رقبتي :s2:

أهم شي نفضفض لبعض .. وكم تمنيت كسر الحاجز الإنترنتي علشان نفضفض لبعض على شاطيء أحد البحار

1- في حالة فشل العربي وايمانا .. مهب فشل علشان مايزلق أحد ببطني .. أقصد ما تأقلموا مثلا ..

من بيعوض رحيل ويلهامسون ورادوي ؟ .. وهل مستوى ويلهامسون كصانع لعب وهداف بنفس الوقت غير مقنع ؟

وش الحاجة لمهاجمين اثنين من نفس المواصفات .. يعني لاعب صندوق فقط ..

ماكان أفضل ترك ويلي وجلب الكوري فقط .. مع إيمانا وهرماش ؟ ..

ماكان أفضل إننا نلعب على المضمون أحس من إننا نقامر بلاعبين لا أرى فيهم إلا الكوري وهرماش < من بقى ؟!:s2:

مادري ليش أحس إنه بالإمكان أفضل مما كان .. < لسان حالكم يقول لا عمرك تحس + اللهم إنكم صايمين :s2:

2- وش سبب زج ( ترا أعرف اتكلم عربي ) سامي الجابر بأمور ياسر ومستقبله مع الهلال ؟ ..

سامي وياسر سمن على عسل .. وشرف لياسر إنه لعب جنب سامي .. وسامي في أكثر من لقطة أشوفه مع ياسر

ولابينهم أي شي ..

وش مصلحة الجماهير الهلالية بشكل خاص من صنع جو دراماتيكي حول انتقال ياسر !!

لو كانوا جمهور غير هلالي كان أقبل بذلك ( لا .. أرجوك لازم تقبل ذلك ) ..

هل هو نقص حنان وعاطفة ؟ .. أو عدم عرض مسلسل رمضاني يجيب الهم هالسنة هو السبب ؟ .. أو الزمن غدار ؟

3- الظهير الأيمن الموسم الحالي من راح يمسكه ؟ .. نامي المهزوز دفاعيا ( مع انه جيد جدا كلاعب جناح ) ؟؟

ويعني لو فيه اقتراح صغير من شخص بالمنتدى يعني :wub:.. مثلا انهم يحولون شافي الدوسري لظهير يمين .. مثلا

زيه زي الكوري .. يمين يسار .. عاشو عاشو .. اقصد انه يلعب يمين ويلعب يسار .. عاشو عاشو < اطلع برا

لأن شافي والزوري كويسين .. وحرام نخسر واحد منهم ( نقلا عن كلام أحد الاعضاء بالمنتدى ) ..

بالأخير .. تراي عازمكم على الفطور اليوم .. ان كان أمداكم تجون قبل إذان المغرب حياكم الله :s2:

على فكرة ترا العزيمة يوم 13-9-2011 وقت كتابة الموضوع يعني مهب يجي لمي واحد قاري الموضوع من بكرا :s2:

وان كان ما امداكم .. عاد الجايات أكثر .. :s2:

يالله نستأذنكم .. لأني بديت أشوف الكيبورد تمر ..

ومباراة الباييرن مع فولسبرق الحمد لله جاء الهدف الأول ..