|
لجمهور الهلال ... أقصد جمهور ياسر -- عفواً -- لجمهور ياسر أقصد لجمهور الهلال بسم الله الرحمن الرحيم أسعد الله أوقاتكم في كل خير ( جمهور ياسر ) أثناء تصفحي لمنتديات الكيان الهلالي الأزرق وجدت هذه العبارة تتكرر فيها جميعها و كأن الفريق الهلالي ينقسم لعدة أندية : منها نادي ياسر و نادي رادوي و نادي ويلي و نادي محمد و نادي فلان و نادي علان. أخواني الأكارم كأننا هنا في هذا المنتدى نحارب بعضنا البعض و إنقلبنا إلى عنصرية و كل منا يهتف و يكتب عبارات رد لا تليق ببعضنا على البعض. إن ما يحزنني عندما يكتب مشجع يعشق مهارات ياسر ( بالطبع هو مشجع هلالي ) عن هذا اللاعب الذي لا يختلف عليه إثنان و يأتي الرد من صاحبه المشجع الهلالي الآخر ( ما ذبحنا إلا ياسر المدللللل ) أي تدليل يا معشر الزعماء ( و يقولون ليه ياسر ما يبدع ) لأن ما حطمه إلا أمثالكم أنتم . أنا من أشد المعجبين بياسر ( ألحين بيقولون جمهور ياسر ) و من أشد المعارضين في إنتقاله , و لكن لعلها خيرة للاعب و أهله الذين يسمعون أعراض ولدهم تُهتك في الشاشات و المنتديات المحاربة لهذا اللاعب الذي عانا الكثير ... و تقولون مستواه نزل ... يحق لمستواه ينزل من اللي يسمعه. النادي لا يقف على أي لاعب و ياسر سيعود بإذن الله أفضل من ياسر 2007 و لكن كونوا بجانبه و آزروهـ . نقاط .... * لكل من إنتقد عبدالرحمن بن مساعد في إنتقال الكاسر ... الأمير أدرى باللي يسويه . * لكل من يقول أن سبب إنتقال ياسر هو سامي ... و الحلف اللي إحلفه شبيه الريح و إلا طويل العمر ذمته وسيعه. * لكل من يكتب في المنتديات ... راقب ربك و إعلم أنك ستكون مسؤول عن كل كلمة و لا تشكك في النوايا و تدخل في الذمم. و في الختام .... ترا ياسر يقرأ كل اللي تكتبونه . مودتي لكم |
أتمنى الرفع يا حبايبي لكم ودي و إحترامي |
الله يعطيك العافيه لافي والله حرام كل ذا الكلام عن شبيه الريح بسبب ياسر ياسر انتقل وبأذن الله بيرجع افضل من اووول |
تدري وانـآ أستغرب كمـآن اذا أحد جـآء وتكلم قالوآ ايه انتم جمهور يـآسر واذا جو الهلاليين يبينون ليش انتقل يــآسر يردون ويقولون انتم ماهمكم يـآسر صرآحه حسيت اننـآ فريقين نتنـآفس ع بطوله المهم مـآأطول انتم جمهور وآحد يربطكم نـآدي وآحد ماله دآعي هـ الحركـآت أبـدآ عوآفي |
السلام عليكم عزيزي صاحب الموضوع لن اطيل بالحديث لكن استوقفني (((ما ذبحنا إلا ياسر المدللللل))) انا من اشد المعجبين بياسر لما كان يراوغ ويبحث جاهدا عن الكره مثل ياسر وقت انتقاله ولا ننسى هدفه امام الشباب الخرافي نعم هذا اللاعب اللي عشقته ومن ناحية هبوط المستوى من الطبيعي ان لكل لاعب في العالم انخفاض بالمستوى لكن لم أرى مثل هبوط ياسر المخيف لقد وقفنا ووقفنا ووقفنا معاه نقول انشاء الله ازمه وتعدي لكن المصيبه أن الأمر من سيئ لأسوء هل تتوقع منا أن نصفق ونضحك لياسر نتكلم بالعقل وليس بالعااااطفه بينما أشاهد زميله عيسى يكافح ويجاهد كل ما لعب وهي مباريات معدود إما يسجل وإيما يصنع هل تتوقع مني في هذه الحاله أن اتمنى وجود ياسر اساسيا لا وألف لا انتقال ياسر ناجح لثلاث اطراف وماأقول غير ان الادراه أخذت الموضوع ( ضربه معلم ) تحياتي لك |
شف يااللي من جمهور ياسر<<<من اولها الموضوع ياحبيبي ماهو كذا...انت تتكلم بمنطقية ترى غيرك المنطق يمين وهو يسار خلني اقول لك شئ ياسر القحطاني حاليا لاعب يختلف عليه الكثير لان مستواه وانت قلتها متدهور علشان كذا فيه نوعين من (البشر)في طريقة تشجيع الانديه بشر يهمه اللاعبين والنادي وبشر مايهمه الا النادي جمهور الهلال الان عبارة عن قسمين بالضبط مافيه اكثريه على بعض تقريبا نصهم مع خروج ياسر ونصهم مع بقاء ياسر فاللي يطالبون بخروج ياسر ماتقدر ترد عليهم لانه لاعب هم يرون انه اتيحت له الفرصه لمدة سنتين وماقدر يسوي شئ طبعا ماهم مقتنعين بالارقام ابد بحجة ان المفروض تكون الارقام افضل من كذا واللي يبون ياسر يجلس يقولون ان هذا ضحا علشان الهلال وكان وفي وهو كابتن الفريق وزي كذا ولاننسى اللي قدمه ومدري ايش والمفروض يعطونه فرصة ومن هذا الكلام فكل له وجهت نظره محد له حق انه يقلل من وجهت نظر الثاني لكن المشكلة وين ياحبيبي المشكلة ان فيه شباب انا اعرفهم وهم كثير اللي هم على هذي الشاكله انهم يتمنون الهلال يتدهور الموسم الجاي ... علشان ياسر طلع لاتكذب على نفسك وتقول هذولاء مب هلاليين ومايمثلون ومدري ايش هذولاء هلالين غصبن علينا للاسف صاروا يتمنون تدهور الهلال بسبب خروج ياسر وبنفس الوقت يقولون مستحيل الهلال يجيب بطولة بدون ياسر...! علشان كذا تشوف هذي المسميات(جمهور ياسر)وهذا هو الواقع ولانكذب على بعض فعلا فيه جمهور ياسر...جمهور يشجع نادي الهلال ولكنه يشجع ياسر اكثر من النادي ................ أنا طبعا ماراح اكون افهم اكثر من الادارة باي قرار تتخذه ولكن انا بالاساس معها بالقرار خروج ياسر مفيد للطرفين ومع نهاية الموسم بتعرفون هذا الشئ وكلمة للي يتهمون سامي...ياناس هذا الرجل اختير لادارة ملف قطر لكأس العالم والكل يعرف انهم ماختاروه لانه لاعب مميز...هم أختاروه لان( فكره مميز) أتمنى اشوف الجمهور كله جمهور واحد يشجع الهلال حتى لو كانوا اللاعبين هنود ويعطيك العافية على الطرح |
الله يصبرنا عليهم بس شكرا ع كتابتك للموضوع الرائع |
مشكووووووووووووور خيوووو ع الطرح وان شاء الله يرجع للكيان الازرق افضل مما كان عليه الله يوفقه في تجربته وان شاء الله يحقق نتائج مميزه مع فريقه تحيـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـ’‘ـأإآإأآأإآإأآتي’’’’ http://vb.alhilal.com/images/coc/images/fasel.jpg ..... ••|يَاهـلآل ♥ ۉ آللِھ لَو نِستگ آلجْمآهّير لَبْقِـىّآ معگ ۉحدِيّ ♥ ۉ آشجع:o لَحآلَيّ :wub:BB::..23b04b08:wub: :ba1::ba: :smilie47: هلالي....... عيناوي سبحان الله وبحمدهـ سبحان الله استغفر الله العظيم وأتوب إليـ هـ |
القاعده تقول الهلال ثابت وجميع الاعبين متغيرات يتحكم بها الزمن |
| الوقت المعتمد في المنتدى بتوقيت جرينتش +3.
الوقت الان » 06:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd