الرسالة الأصلية كتبت بواسطة abodi al hilaly
(مشاركة 18710296)
يا اخوان ياليت نبعد عن التقييم والحكم المبكر على الفريق من الحين ,,
ننتظر ونشوف ,
اممم فيه موضوع ببالي والكل غافل عنه الا وهو الألتراس ,, انا نزلت موضوع اليوم من الساعه 7 المغرب
الى الحين مانزلوه قهروني 15 مره دخلوا المشرفين عليه ولا رفعوه
المهم انا كاتب فيه 6 اقتراحات عشان العدد يزيد فانا بنزلها هنا وياليت الكل يشاركني برايه وكيف نساهم بزيادة عدد الاعضاء ,,
والاقتراحات كالتالي ,,
اولا / ليش مايكون هناك مكافأة ثابته لعضو الالتراس وقدرها 100 ريال للمباراة الواحده ,
ممكن البعض يقول قليل لكن انا اقول مايستلمها بكل مباراة تكون تراكميه لاخر الموسم .
والبعض ممكن يقول فيه ناس تسجل ولا تحضر بغرض الاستفادة من الـ 100
انا اقول يكون فيه اجتماع بمكان مخصص قبل كل مباراة من العصر او المغرب ويكون فيه تحضير بالاسم طول الموسم
منها نستفيد بكثرة الاعضاء للألتراس والفعاليه بالحضور .
ثانيا / تخصيص باصات لنقل اعضاء الألتراس وكلنا نعرف فيه ناس تعاني من التنقل ,
وعشان نضمن الحظور بشكل اكبر وجميع اعضاء الالتراس .
ثالثا / توفير وجبات عشاء لهم وتحفيز على تعبهم لانهم راح يرتبطون من العصر الى اخر الليل مع الألتراس .
رابعا وهو الاهم / توفير مكان مخصص لهم بجميع الملاعب ويكون حضورهم بعد صلاة العشاء ,,
عشان يكونون بقمة نشاطهم وحيويتهم للتفاعل والتشجيع .
خامسا / اتمنى ان يكون مقر الألتراس الهلالي بالرياض ويتنقل مع الفريق بكل مدينة يلعب فيها الفريق ,,
وايضا يكون بكل مدينه تقريبا او البعض مثلا ( القصيم , الشرقيه , جده ) اعضاء التراس زي مجالس الجمهور بالمناطق
الفائدة من هالشيء
لما يتنقل الألتراس الاساسي لباقي المناطق يكون فيه اعضاء اخرين مساندين له ,,
ايضا في بطولة اسيا ينقل جميع اعضاء الألتراس بكل المناطق ( للدرة ) راح يكون العدد اكبر واكثر فائدة ,
لما يكون فيه تحفيز للجماهير الحاضره للالتراس مثل ( فلوس - وجبات - رحلات - هدايا عينيه ) أي حافز
وشكر لهم لبذل المجهود راح يزيد الاعضاء
وهالتحفيز يكون وقتي لما يكبر عدد الاعضاء ويتخطى الألآف خاصه بالرياض
وقتها يتفعل بإدارة الهلال قسم خاص للألتراس ويكون بشكل رسمي وله ادواره الرسميه ,
واعتقد اعضاءه جاهزين ومنهم الاخوان بمجلس الجمهور الهلالي .
سادسا / انا سمعت ان فيه مشروع للجمهور الموسم القادم ,, ليه مايتم النظر لاعضاء الألتراس في أي مشروع هلالي وتحفيزهم به
كمثلا الدخول الى النادي والتصوير مع الاعبين والكؤوس ,, والاستفادة من منشآت النادي ,,
ايضا لا انسى اعطائهم خصومات من متجر الهلال وتحفيزهم ,,
أمور كثيرة مميزه نستطيع من خلالها تحفيز الجماهير للدخول للألتراس ,,
بإنتظار اقتراحاتكم وتعليقكم ,,
|
